Thursday, November 16, 2006

brain storm







العلاقات الإنسانيه من أصعب التعاملات فيها بالدنيا ، وايد يحرني لما أشوف عيال ديرتي مو مستانسين ، أو مفرغين طاقاتهم في المكان غير الصحيح. والله إن يحز بالنفس .

أتوقع راح يكون كلامي على أجزاء مطوله عشان أعطي كل موضوع حقه.

ليش الرجل يطالب بالرومانسيه و أهوا كل البعد عنها بسبب مشاغل الحياة اليوميه، و بعدين إييي تالي اليل و يقول و الله إنتي مو رومانسيه و إلا إنتي باردة.

"طبخن طبختيه يا الرفله إكليه"

الحوار مهم بهالأمور، صاروا الحريم ماديين بسبب أن مو لاقين من يحتويهم، فتفريغ الطاقات تكون بعدة جوانب، الدوام، البيت ، و بعد ما ينامون اليهال طلعة عشا أو قهوة لتجديد النشاط ، و إللي عنده أكثر من ياهل و تدريس يخليها ويك إند.

أعترف إن الماديات لها دور أساسي لإستقرار الحياة و البال .

المال سند و أمان للمستقبل بإذن الله طبعا ، بس الشعور إن ماراح أحتاج أحد فهذا نص الهم راح ، أو إن إذا يالي ولدي و عيونه إللي تزرزر و يبي شي و ما أقدر أعطيه إياه لأني أنا أبوه و مسؤول عنه فهذا بروحه هم.

كل إللي بقوله إهي مقدمه للمواضيع إللي فعلا ودي أتكلم عنها و إللي أحس إنها راح تساعد وايد ناس في التعامل بالمستقبل ويا الناس إللي نحبهم .

كلنا عيزنا من حياتها و نحتاج التغيير للأحسن.

الحمدالله بعد مرور 10 سنين زواج ، أتوقع إني وصلت لمرحلة النضج في التعامل مع زوجي، أهل زوجي و عيالي .

شللي خلاني أبي أكتب في هالمواضيع ؟

كنا قاعدين أنا و زوجي نحلل الناس إللي حوالينا و إشلون إنا لعقول صارت صغيرة و الخلق ضيج و الكل يبي يهج من بيته ، سواء مرا و إلا ريال بعد ما صارت الأجواء باردة و حلوة .

قعدت أقوله عن القصص إللي مريت أنا فيها أو ربعي مرو فيها ، و كذلك حدث هالشي بالنسبه عن قصص ربعه و الجيل إشلون إن صار ما يتحمل المسؤليه و يبي كل شي إييله بارده مبردة.

ضحكتني سالفه قالها واحد عندهم بالمزرعه و الناس مستانسه بره و يا دله القهوة إللي على الفحم.

يا فلان ! هاااا إشرايج بالجو الحين مو مال بر؟

والله يا بو فلان الجو مال معصيه

هههههههههههههه

لا حول ولا قوة إلا بالله

ضحكت الصراحه ، بس سبحان الله طبيعة الريال غير

لو قايلينها حق بنت جان قالت مال قعدة عشا علي لشموع

فراح أكتب لكم مواقف في البوستات اليايه إنشاء الله نحاول إن نساعد نفسنا إنا نعيش بهدوء و إستقرار نفسي .

و بالنهايه أعترف ، إن كل أثنين لهم ظروفهم و بيأتهم و عقلهم للتعامل مع الموقف، بس الواحد بالنهايه يكبر عقله و يواجه و يتحمل مسؤليه قراره.

و دمتم بحب جميعا

9 comments:

Anonymous said...

alla ya36ech el3afya rema 3ala hal post el7lo...shay wayed raqe o 7athare ele sawaiteh entay o zojech(elneqash)...elwa7ed yegra 3shan yet3alam o enshalla kl wa7ed o wa7da ygron hal post y3arfon ena ga3dat elmo9ara7a bain el2azwaj waaaaaaaaaaaayed tharoreya...elmathal wayed romancy :P...

cozy said...

Hi reema Welcome back If you know what i mean :) ...el ma3seya LOL i think ma ghala6 fa bel nehaya ehya ma3seeya bs galha eb shakel mobasher If its a girl yeah as you said sham3 o aghanee 7ob o she3er o kel hal sewalef elee ma a3terf feha sara7a ya3nee el bent betsawee ma3seeya bs eb 6areega mo7tarama hahha ...mawthoo3ech wayed ghreeb men my coming post ..3an el wath3 el madee o 3ala goolat madam kitty el hawas el madeee

الحجيه said...

السلام عليكم جميعا

الريم صح كلامج أرضاء الناس غاية لا تدرك كل واحد بينظر لكلامنا بحسب نيته ويحلله على كيفه

الريال سهل يلومون بس الوحده الشطاره تقدرأن تمتص اللوم وتحول اللوم الى حوار ودي

يالريم شقول المثل خذ المدلله ولا تأخذ المعلل البنت الي تكون مدلله شبعانه وشايفه خير عكس الي موشايفه خير كل شيء تبيه .

صح ريم المادة أساس بس الأهم من المال التدبير وحسن التصرف شقول المثل من دبر ماجاع ومن رقع ما عرى ؛ تدرين ليش لو كان في مال كثر الدنية و ما في حسن تدبر بطير المال والعكس صحيح

بالنسبة للعيار عندي قناعه تامة أن لازم يعرف إمكانياتي حتى يكونون بالصورة ويتعايشون مع الوضع القائم

ريم كل واحد منا بيتصرف حسب بيئته ألي عاش فيها بس في ملاحظه مهمة الرجل له تأثير كبير على زوجة والزوجة كذلك لها تأثير أن كان الاثنين طيبين كانت الحياة طيبه والعكس صحيح وان كان واحد طيب والأخر خبيث الله يكون بالعون

ما في أجمل من التسامح والطيب والحنان بين افرد الأسرة

7osen said...

ودي اعلق على سالفة الريال اللى قال الجو مال معصيه

تصدقين هذا يبيله تحليل نفسي
من مختصين علشان يعرفون ليش قال جذي

في ريايل وااايد يلقى قمه متعته في المعصيه

والعلاقات غير الشرعيه ،، هالنوعيه هذي حياتهم مافيها حدود

العلاقات الانسانيه تحدد طبيعتها البيئه المحيطه في كل شخص
ومثل ما قلتي القدره الماديه تعطي للانسان اللى يتمتع فيها فرصه اكبر انه يستمتع بحياته

لكنها تضل متعه ماديه0

برأيي ان متعه العقل والمعاشره
الفكريه والروحيه بين الانسان وشريكه
اهي اللى تخلي الحياه سعيده بالفعل 0

شكرا لج على هالموضوع المتميز كالعاده

Яeema said...

warrior
thank you 7ayaty ;)

it's true , we need to talk

ساعات الأشياء الصغيرة تكبر و الإنفجار ما يخليخ لا تفكر صح
أو يكون قرارك صحيح

علي المثل!!!؛

إتهقي رومانسي؟
هههههههههه



kitty

كلامج عدل و أنا قلت إن إللي بكتب عنهم أمثال موجودة

و إلا لو بعمم فهذي مشكله


هالأرقيله شريجتج
ههههههههه

Яeema said...

cozy

3ala welcome back ( back to writing )
;)


فهمتني غلط و خلطت

ما يبت طاري بنات الهوا أنا
هههههههه

أقصد الزوجه

و إلا البنات الباجي يبون لفلوس
و هذا موضوع ثاني



الحجيه

تدرين إن الناس كل مالها ثقافتها تقل بالنسبه لهالمواضيع

و على العموم ننطر و إنشوف آراء الناس



7osen

لا أعتقد إن ينكت مو صج يعني
إللي بيسوي مو ناطر يقول حق الناس بسوي


و المادر تكون ضمان
يعني
بدال لا أشتغل صبح و عصر
أشتغل الصبح و أروح النادي العصر

الحياة تكون أجمل

الكلام إللي قلته أتفق وياك
علي العقل و المتعه الفكريه

و بإعتقادر القناعة هي أساس السعادة

cozy said...

LOL me too i didn't mean banat el hawa i ment fekrat el ma3seya bs 3omooman o as always mowathe3ech 7elwa o 7asasa fe nafs el wagt keep it up :)

esTeKaNa said...

أنا ما اقول الا عسى الله يتمم عليج انتي وابو سويف وتزيدون من هالقعدات الحلوة اللي تسولفون فيها وتتناقشون
واحنا منكم نستفيد
:)

nachla said...

العزيزة ريما
ترى الريال يتعب في شغلة وتلاقينة متحمل مدير بايخ وشغل مزعج باغلب الاحيان ما يحبه
ويتحمل الجو التعيس فس الديرة
يتحمل حنت امه او اهله
يدخل البيت حق اليهال ومشاكل
والمرة وللاسف بعض الحريم ما يقدرون
فتلاقينه يبي اي شي يفرغ همه في حتى لو كان علاقة من برة
ومثل ما تعرفين موضة هالايام ابوق لي متزوج احسن والسالفة ترى منتشره بين بنات وايد
فانا اقول للمتزوجات جابلو رياييلكم ولا تنسونهم بزحمة الكويت يمكن يظيعون منكم