Thursday, August 21, 2008

spanair

طرنا هالسنة على طيران يديد حق برشلونة

ووااايد ارتحت عليه

الخدمة إكسبرس

و مكاين البوردنق مطشرنه بكل مكان بالمطار

مالك إلا تدخل قبل موعدك ب 20 دقيقة

من زود السنه بعد يوزعون عليك حلاو حار

و بقلبة الحلاو فيه العنوان و رقم التليفون حق الطيران و السايت مالهم

قمت و خشيته حق السنة اليايه انشاء الله

عشان نروح عليه حق حدى هالجزر

لأن هلشركة أحسن طيران داخلي تروح عليه

الصدمة الحين

هاهاهاهاهاهاهاهاها

هالخبر بكل التلفزيونات

Spanair Jet Crashes in Madrid, Killing More Than 140

ما أقول إلا الحمدالله يوم الله سلمنا من هالطيران



Friday, August 15, 2008

مصر أم الدنيا


أنا اللي مصورة الصورة دي في خان الخليلي
فبراير 2008




علامات الكبر بشخصيتي بدت تبين

عانه علي مصر

من أشوف واحد مصري بياع و إلا جرسون قمت أتبوسم ، أتذكر لما آخر مرة رحت هناك والأفلام اللي صارتلي

هاهاهاها

صج أكلهم وسخ و مالكم إلا الفور سيزون تاكلون فيه

بس والله خف طينه الديرة

فيها جو غير

شاللي طرا عليه؟

و أنا هناك بالسفر

و على قولتهم في بلد الرومانسيه المحره باريس

ما تمتعت فيها وايد

ما تونس ما أدري دمها ثقيل

تقعد بقهوة الصراحه هدوء مو لويه

الخليجيين الله لا يوريكم ظييييم

يكون موديه هدوم عشان أكشخ

وحياتكم غير ترينق سووت ما شافوا

حتي لما الوليد بن طلال مر علينا ويا مرته الزوووووووووووغه ما همني حاله حال أي واحد مر

ماربيا

الصراحه ، مالت استقرار و يهال 100000%

المشكله الأشياء اللي كانت تونسني قبل ما عادت تونسي الحين

و إلا إني عيبت و إبتلش على اللي يحبون مصر؟ هاهاهاهاها

الموقف اللي خلاني أفكر

اقعدوا يمنا بالمطعم بنتين خليجيات

أول مرة يطبون ماربيا

فقعدت اسولف وياهم و يسإلوني

شنو في و شنو مافي

فطلعت القلم وورقه وكتبت المطاعم و الأماكن اللي فيها لويه البيتشاات اللي وين يأجرون سكي وهالسوالف

قعدت أطالع الورقه و أقول

بس ما ولبنا إلا مطعم و قهوة؟ شنو هادة القهاوي والمطاعم بالكويت عشان أجابلهم برة بعد؟؟

وين الوناسه؟

وين الكشتات

وين النكت

وين الحفلات الحلوة

المسرحيات

وين إذا قعدتوا في قهوة يصيرلك ألف موقف

خلاص صار مقرر علينا نيي كل سنه و نسوي نفس الجدول؟

السؤال و إذا ما يينا هني وين نروح

مصر حارة بالصيف

لبنان حارة ، إلا بالجبل مالكم أمل أتقوى فوق

والصراحه دمهم ثقيل بس أكلهم حلو

ومصر الصراحه ما حلاتها ويا رياييل

متى أقدر أصير مثل هذيل الحريم اللي يروحون مصر

و نقعد بشقتنا

و تجابلنا أم مصطفي و تسويلنا هذيك لمشيخيله ويا مرقة العدس و يمها المحشي والحمام بالفريك

و إييلك عم أحمد داخل عليك بهالميوه

هاهاهاهاها

أنا موجذي

و لا أقدر أصير جذي

بس ودي بالبساطه و ناس تخدمني

مليت أفكر شنو أسوي و شنو البرامج حق اليهال

والزعلان أكثر من الراضي

ودي أكون توني راجعه من مكتبة مدبولي و يمي كومة كتب ويا قهوة تركيه تعدل الراس و اتمخخ بالقرايه بالبلكونة

ما أدري ليش عان علي زمن البشوات والقصور

ووحده تقوللي أيوه يا هانم

هاهاهاها ينيت سوووري بس مو مني والله من الحر اللي بالكويت و ماكو شي نسويه


Monday, August 11, 2008

جبران خليل جبران







و نحن على مائدة الطعام اللبناني في برشلونة وكانت دعوة للغداء من صديقنا اللبناني هناك

كنت أنظر للوحه مكتوب عليها بعض الكلمات التي استوقفتني جدا ، فأخرجت القلم والورقة و بدأت أدون الكلمات : و هي

إن عقولكم ونهاكم هي الدفة والشراع لأرواحكم السارحة فى البحار ، فإذا تحطمت الدفة أو تمزق الشراع ،تقاذفتها الأمواج فضلت ، أو توقفت بلا حراك في وسط البحر.

فالعقل إذا سيطر وحده باتت قوة تقيدكم

والعاطفة إذا تركت وشأنها غدت لهيبا يتلظى حتى يبيد

فدع روحك تحلق بعقلك الى أسمى العواطف ، حتى تصدع بالنغم.

ودعها تهدى عاطفتك بالحجا ( العقل) ، فالعاطفة يهذبها كل يوم بعث، فتكون كالعنقاء تحرق نفسها ثم تنهض من بين الرماد.

عند إنتهائي من كتابة هذه السطور و كانت بدون توقيع أو إشارة لمن كتبها.

استدار صديقنا و قرأ الكلمات و سألني :

هل تعرفين من كتب هذه الكلمات؟

الإجابه طبعا ب : لا أعلم و لكن أنتظر اللحظة التي أرجع بها للفندق لأبحث عن صاحبها

و تأتيني الإجابه منه :

هي لجبران خليل جبران من كتاب النبي

تحبين قرآءة مثل هذه الكتابات؟

ريما : نعم جدا و ليتني أمسك بهذا الكتاب الآن ، و لكننا في برشلونه و نادر جدا أن أجد كتبه هنا .

صديقنا : لكي ما تمنيتي ، حين عودتنا لماربيا ستجدين الكتاب بين يديكي و تمتعي بقراءته

و فعلا أخذت الكتاب أتمنى أن تشاركوني قراءته

الكتاب: صفوة المؤلفات الكاملة

النبي – رمل وزبد – الأرواح المتمردة – الأجنحة المتكسرة

جبران خليل جبران

قرأت كتاب النبي ، و هو عبارة عن كلمات فلسفيه تصف كلماته بعذ المواضيع على سبيل المثال :

قوانينا :

فقال المصطفى

إنكم لتبتهجون حين تسنون القوانين ، ولكن يزيد ابتهاجكم حين تخرجون عليها .

معرفة النفس:

إن قلوبكم فى صمت تدرك أسرار الأيام والليالي، ولكن آذانكم تتعطش الى صوت المعرفة ينبعث من قلوبكم....

الكلام :

إنكم تتكلمون حين يدب الخصام بينكم وبين أفكاركم ، فإذا عجزتم عن أن تخلدوا ألي قلوبكم تعلقت حياتكم بشفاهكم ، و أنطلقت أصواتكم تسلية و إزجاء للفراغ.

و منكم من يسعى إلى أن يثرثروا ، خشية الخلو الى نفسه ، لأن سكوت الوحدة يكشف لأعينهم خفايا أنفسهم فيفرون.

ومنكم من يتحدثون فيكشفون بلا علم أو رؤية عن حقيقة تفوتهم.

ومنكم من لقنوا الحقيقة فى أعماقهم، ولكنهم يأبون أن يفصحوا عنها بالكلام ،وفي صدر هؤلاء تقيم الروح في سكون تآلفت نواحيه.

Saturday, August 09, 2008

kuwait welcoming me with a viruses !


taken by Reema






الإجازة طارت بسرعه

وصلنا الكويت الساعة 4 الفجر

مافيني إلا العافيه بالمطار

طلعت برة و إلا درجة الحرارة 32

إيييي أشونه الفير الرده

نمت و صحيت و إلا حرارتي 38

أقول حق روحي يعني حرارة قاعدة تمشين روحج ويا الجو مثلا والا شالقصه؟؟؟؟

شكيت إللي بالطيارة

سلمت على أحد؟

حبيت أحد

لأ

كل ربعنا مو وياي بالطيارة

لا حول الله

سييييييييييييدة عالهادي

أبرتين محترمتين و مضاد ما ينبلع من كبره تقص فيه

رديت الساعه سبع

و توني مصحصحه من الحرارة

و إلا أبو لعيال أشيله إيد و ريل للمستشفى

لا بدعت الحرارة فيه

39 بالتمام والكمال

شكل الأدويه على الكوميدينه تضحك

4 أيام حبيسين الفراش

والله جونا في شي

الفيروسات بإستقبالنا من المطار ماشاء الله تبارك الرحمن

الحين بيصير مشواري مطار مستشفى بيت دوام !

وإنتهت الإجازة على خير


Friday, August 08, 2008

GAUDI The Crazy architectur !

برشلونة

أول زيارة و كانت قمة بالروعه حبيت هالبلد وايد فوق ما تتخيلون

من أغرب ما شاهدت بس ما أقنعت من الي شفته لحين كتابه هالبوست هو قصه المصمم المعماري ( قاودي GAUDI (

شلون اكتشفته؟

برشلونه تتميز بمبانيها الأوربيه المتعارف عليها الحلوة ، مثل لندن و باريس بالضبط

و من بين هالمباني شكل مبني بشع تلاقونه بالغلط مصفوف بينهم؟؟

و تتساءل؟ ويييع شنو هذا؟؟

اييي لي هالدرجه

طبعا طوابير على المبني ، فسألت عنه طلع إن هالشخص مشهور بطريقة بنيانه الغريبه

حلو؟

شريت الكتاب عنه و حاولت اعرف ليش؟ مو معقوله كل هالناس فاهمين و أطلع أنا مو فاهمة؟

بالليل قعدت أتقرى عنه و تعبت الصراحه أ[ي أقنع نفسي إن فنان؟؟؟ ما قدرت

اللهم إن حظ 100%

اليوم الأخير ببرشلونه أصريت إني أروح حديقته ( حااااااااارة مووووووووووت مالت عليه)

و بيته هناك و في نبذه عنه

المهم الزبده :

هو من أبتكر الفن المعماري العصري ( ما نطلق عليه المودرن الحين )

اشونه مو على عصر تأثيث بيتي جان لاعت جبدي

الشي الثاني : أبتكر طريقة أثاث ألوع ما ينقعد عليهم عشان تتماشى ويا أسلوبه بالبناء

الشي الثالث : فكرة تصاميمه مأخوذه من الطبيعه ( شلون )

عامود بيت على مشرومه

بيت كأنه كهف و البلكونات كأنهم مغارات مفتوحه

الشي الرابع : إكتشف فكرة تكسير السيراميك و صفهم بطريقه مو حلوة و عشوائية عشان يزين فيها الأسقف

أخيرا و ليش آخرا الفنان المهندس مات مفلس لأن مشروعه فشل فشل ذريع و ما قدر إن يكمل الكنيسه اللي بناها بطريقته و المفروض انها تتكون من 12 برج ما إنبنا منها إلا 8 و لي الحين قاعدين يبنون فيها عشان يكملون مشروعه.

الحين مبانيه ببرشلونه من أشهر المباني و طوابير و قاموا يدرسون بالجامعات منهجه بالعمارة

بذمتكم من جنون هذا؟؟

ما أستغرب الحين وايد لأن أسبانيا وبالذات برشلونه هي مسقط رأس

- 1904-1989 Salvador Dali

Pablo Picasso

الفنانين المشهورين بالرسم السيريالي

دالي انشهر بعد ما مات سنه 1989

بس ما مداني أقرا عنه لما تكون المعلومة عندي أقولكم إنشاء الله





his Real bed





his Real chairs




his Real house





Casa batllo Gaudi




outside window





Casa Museu Gadui





the park of GAUDI




the Park




La PEDRERA ( CASA Mila )