Sunday, April 22, 2007

i need to be with my self




Some said:

I have been changed with my posts (boring)

Some said:

I am not funny like b4 (lost my sense of hummer)

Some:

Want anything to talk about me (don’t judge me if you don’t know me)

Some said:

May be she is sick so let me check on her and send an e-mail (THANK YOU)

Some:

Just didn’t do anything and keep on checking on my posts (THANK YOU)

But only my real friend knows what is going on with me lately with this lovely weather.

I simply don’t have anything to say here, I have a lot to say outside the blog world .

Have a lovely last days in this lovely weather

قليل هم من يشاركني أشيائي

قصصي ورواياتي

حقيقة كانت أم من نسج خيالي

إلي أن أجد نفسي من جديد

ريــما


Monday, April 16, 2007

دوام

دوامنا الحمد الله كلهم ناس سنعين و من عمر الدنيا كانوا وياي بالجامعه قبل لا أتعرف عليهم بالدوام .

المشكله الحين إن الموظفين زادوا و كل يوم يايت لنا نماين ما أدري من وين يايبنهم !

بعرفكم علي طريقتي لما أقابل إنسانه لأول مرة ، بالدوام أتحاشى إني أحتك مع أي أحد ، لأن نوعي إلساني فالت و إللي بقلبي علي إلساني ، فالإنطباع الأول عني إني شايفه حالي ، و هذا الكلام أسمعه لما تبدى الميانه إتطيح و يعرفوني عدل و نفس البنت إتقوللي كنا إنقول عنج كيييت و كيييت ، فأنا آخذ الموضوع إن إللي ما يعرفك ما يثمنك.

القصه الحين

ما أبي أوسع دائرة المجاملات بالدوام ، توظفت وحدة يديه عندنا و يكون علاقتي وياها تكاد تكون مستحيله ، فمافي مجال للإحتكاك و الكلام .

أنا قاعدة علي مكتبي لا لي و لا علي و حاطة السماعات و قاعدة أسمع أغنيه يبان الشوق حق عبادي.

تدخل المكتب سلام سلام

إنتي شسمج؟

بهالأسلوب

( طبعا أنا ما أواطن إللي يدخلون علي على غفله و إنتي شسمج ! شاكو! )

معاج فلانه لفلانيه ، نعم؟

البنت : لا مابي شي بس ما أعرف أكلم أحد و ما أعرف إسمه

( في داخل قلبي ، و إللي يبي يتعرف علي الناس لازم علي الأقل يبدي بنفسه ! معاج فلانه ، من حضرتج ، مو إتيييلي إدفووووش شسمج ! جني واحد من عيالها.

المهم ما سألتها من معاي لأني أتحاشي هالنوعيات ، ما أعرف أتتعامل ، أحس النتيجه بتكون وحدة من الثنتين ، يا أخمرو أسكت يا إطقني البوهه !!

قعدت بالكتب و خليتها إتسولف مع الباجي بدون تدخل مني و أتسمع علي أسلوب و مواضيعها ، شنو إكتشفت؟

يوم اليمعه لحد يكلمها لأنها إتسوي خلطات بالبيت حق الشعر و في الخلطة إتحط حلبه و قاز مع الدهن .

( ببجيييييييييييييييييييييييييييييييييييييي )

سالفه ثانيه

بتروح شرم الشيخ و لازم إتسوي شعرها يوغا !!!

طبعا إللي قاعدة وياهم هم معلوماتهم متواضعه ، فقاعدة تشرح شنو اليوغا إللي يسوونه حق الشعر .

ما قدرت ما أقل الأذون ؟؟؟؟ بعد الشرح سمعت إبشي إسمه ماي الذهب

عرفت بعدين إنها إتكلم عن اليوكو الياباني

هم إحتفظت بالمعلومه لنفسي عشان ما أفتح علي نفسي بيبان مصككه !!!!

مع جلسه مع الخلطات إللي ما يبقي صفار بيض و يا زبده و ميونيز و سدر ، إطلعوا بمشروع

إن ليييش ما تفتح صالون حق هالشغلات

أثار الأخت ما إتروح الصالون ، حتي الحف له طريقه ؟؟؟؟ إشلووون؟ تربط الخيط بطرف التسريحه و تشتغل

هههههههههههههههههههههههههههه

ههههههههههههههههههههههههههههههه

أووووووف ما بقيت أحش ، بس مشكله إذا واحد بيسوي روحه فاهم و يودر إللي يسمعله

يعني لوريال و ويللا و الشركات لكبيرة ما يفهمون

راح تكون لها قعدة ثانيه وياهم و راح إتعلق بالجمال حق البشرة

Wednesday, April 11, 2007

in love






يتراقص قلمي علي ألحان حبك

تتعانق الكلمات بالمشاعر

تتلون لوحة يتمتع بها جميع الناظرين

عندما أرى أحرفي

أجد الذكريات بها

أسمع صوتك معها يناديني

أحبك

تقولها بصدق

أحسستها بقلبي

كأني لم أحب من قبل

كأنك حبي الأول والأخير

عندما أري أحرفي

أحس بعبقك معها

أغمض عيني

أراك بين جفني

بداخلي تداعب خيالي

عندما أرى أحرفي

ينتابني خوف من مستقبل

هل سنظل معا إلي الأبد؟

هل ستحبني عند ظهور علامات الزمن بوجهي؟

أعترف لك الآن

أنني لم أعرف الحب إلا معك

و أرفض أن أحسه مع أحد إلا معك

by Reema

11-4-2007


Tuesday, April 10, 2007

وقت الفراغ





إستغلال وقت الفراغ

وحدة نفسي موديه حدها

أمل بسرعه من كل شي أسويه

يعني أم هبَه

ما أواطن الروتين

و كل يوم أسوي نفس الشي أو إني أجابل نفس الأشخاص و بنفس الساعه ( أتكلم عن شغلي إهني ) أخاف ربعي و حبايبي يفهموني غلط مو وقته هههههههه .

بالكويت شنو نقدر إنسوي؟

دوام :

من 7 ليه 3 جنا إب ماراثون !

7 ليش؟ لأنا نحتاج 45 دقيقه درب من الزحمة بمشوار ما ياخذ 9 دقايق

بتكلم عن نفسي كمثال وليس قاعدة ( ما أدري بيوت الناس شصاير فيها )

غدا :

خلصنا بالأربع تقريبا

نومة الظهر : ساعه

قهوة العصر: مع مراجعه الواجبات المدرسيه و اللبحه

يوم و ترك الدرس الأسباني

( فترة مؤقته ما أدري شبسوي لي خلصت )

لو مافي شي ؟

جمعيه ، أغراض اليهال ، قهوة ، مطعم ،سوق

بالنهايه كل هذا ما يصير كل يوم

يضل في وقت فراغ إشكبرة

لو إني بالبيت؟

تلفزيون ما شوف

نيت ملليت منه

ما أقدر أقرا شي اليهال طقني و أطقك

9

الكل نايم

أحلا وقت عندي ، بس للأسف ما أقدر أطلع هالحزة وين أروح؟

لا زوارة تنفع فشله الوقت متأخر

الزوج ياي تعبان ماله خلق كل مرة طلعه

لا مطعم ينفع

أروح 9 أرجع 11 مثلا؟

كتاب؟

مو كل مرة أييلك المود للكتاب و خصوصا بعد عناء يوم كامل لبحه ويا الكتب .

نادي؟

نوادي الحريم إتسكر بسرعه

و مو حلوة شكلي شايله الجنطه و رايحه النادي الساعة تسع

ليه جابلنا النت قالوا كبرتوا! لما الحين نت؟

ويييييه ، يا أوجب يا أنا مو زينه؟

ممكن سؤال؟

شتسوون بوقت فراغكم

أقصد وقت لنفسكم تستانسون

لا مواجيب ولا دواوين

وصج الطلعه حق البنت في هالوقت أقصد بالتسع فيها شي بنظر الريال؟

Wednesday, April 04, 2007

life





أخاطبها

لماذا تستخسرين بي ضحكي

يسعدك دوما رؤية دموعي

شاردة هي أفكاري

ومحروق هو قلبي

بصمت تسمعني

تلك أنا

أراكي بجميع أحوالك

سعيدة

حزينة

متفائلة

محبطة

أتيتي و أنت تبكين

لم يهون علي صراخك

آلمني كما أسعدني وجودك

رأيت نظرات فرحك للقاء أمك

رأيت كيف سكنتي بأحضان والدك

جميلة أنا

بكل صعابي

و لكنني لغز

صعب عليك حله

فهذه أنا

الدنيا

أتلون بجميع ألوانك

معك

و أيضا ضدك

By Reema

3-4-2007


Sunday, April 01, 2007

تذكر وقتن







تذكر وقتن دارت عليه أعوام وسنين

يازينه من زمن كانوا أهلي ذاكرينه

كانوا شيوخن ساكنين بيوت من طين

أمراء علي الغوص تتبعهم كل سفينه

شورهم على بن صباح رأي ن رزين

ما ينافقونه ولا يعرفون الضغينه

تعالو شوفوا وقتن احنا عايشينه الحين

الرؤس فيه إنداست والعصاعص به لعينه

يا زمن ما ألومك هذا اللي ذكره خاتم النبين

تحروا الساعه لا تطاول البنيان في المدينه

إهداء من بنت عمي

علي الحاله إللي وصلنالها