Sunday, July 27, 2008

dont listen to GARMIN every time !

Garmin

صديقي الصدوق بالسفرة هالمرة

من كثر ما أنا حبيت هالجهاز شريت أثنين

واحد متخصص بأسبانيا

وواحد بتاع كله

تدرون لا سمح الله طفا ، صار في شي إلا عندي واحد ثاني

ما قعدت هالمرة بماربيا

من ديرة لي ديرة

غرناطه شفت قصر الحمرا

قرطبه و الآثار

روندا بلد عجيب و حق التصوير شي خذيت هالرحلة ويا صديقتي وياي بماربيا و صورنا لما قلنا بس

اليوم صار شي حدا يضحك

بالجهاز يصير تكشفون الأرض و البحر و إتأشرون tuch screen

ويالله للأمام سر

هاهاهاهاهاها

شاقتني بحيرة

وزوجي يقول ماكو بحيرة بماربيا إنسي والله جان طاحوا عليها الكويتيين

و أنا إلا بروح كاااهي بالغارمن مبينه و قريبه!!!

والله ما حب يعاسرني

و رحنا

الله وكيلكم الطريج ساعتين و ربع و إحنا ما ندري

المناظر حلوة صج

بس مو مال اللويه

لما وصلنا حق البحيرة و إلا نصها ناشفه

و درجه الحرارة 37 لأن المنطقه منخفضه

الله لا يوريكم ويهي يوم وصلت

حده مكتوب عليه

1:0

هاهاهاهاهاهاها

بس والله تسوا بالشتا مو هالحزة

أخليكم مع الصورة

قولي ما تسوا العنوة؟؟؟

هاهاهاهاهاها





Tuesday, July 22, 2008

home sweet home



after a busy 5 days in Paris , walking about 5 to 6 hours a day ! coz i don’t know how to drive their
i reach my lovely home ..... Marbella.... home sweet home .

the problem now is ,,,,, it's tooooooooo relaxing comparing to Paris .....


i will tell you what is new or what recommended ,,,,



time to go now ,,,
thanks all my friends for keeping visiting me :)

Monday, July 21, 2008

sex and the city LE Film :p



Sex and the city

عمل ضجه كبيرة بكل مكان

آخر يوم بباريس قلنا خل ندخل السينما

ما أضاف الفلم أي شي

لا قصه ولا شي

غير اللهم اللبس عوار قلب

قصه سخيفه جدا جدا

الحوارات هابطه بالفلم

كأن ماكو شي بالدنيا إلا الرياييل

وطبعا هذا أساس المسلسل من قبل

اللي ما قدرت أشوف منه إلا 5 حلقات يمكن

نيي حق الشي اللي عور قلبي كل ما طلع مقطع مو مقطوع

شوفوا الفرق بين الأجانب و العرب

الأطفال الوحيدين الموجودين بالفلم هو للأسف سعوديين

شلون عرفت

من لهجتهم طبعا

السينما صغيرة كانت

ف أي صوت يبين واضح

فى فرنسا دريت إن ما يكتبون أي شي على الفلم

فوق 16 لو أبي أصنفه

بس 16 عندنا يختلف عن 16 فى الدول العربيه و يهال

واللي فاعدة تشوف الفلم بنت و كانت قاعدة يمي

ما تخيلون لما أمبيييييييييييييه

أمبيييييييييييييييييييييييه

ما أقدر أقول والأخت و أبوها قاعدة تطالع!

و بدون شعور و بنص اللقطه و اللأصوات العاليه بالفلم طالعت الأبو بنظرة!!!

من صج حقيرة!

تهقون شنو ردت فعله؟؟؟

عبالكم استحي؟؟

جان يقول حق البنت

غمظتي عينك؟؟

تراه الفلم ماراح تشوفينه بالسعوديه

عماااااااااااااااا بعينك شتبييييييييييييييي

في أحد يتفيخر بقتل براءة بنت أم 12 سنه!!!!

والله إن حتي صدر ما عندها!!!

أهم شي بعد الفلم يدق على زوجته يقولها

يا حبيبتي الفلم مرة حلو كأن إنتي لما تتسوقين اللي بالشارع اللي ورا بيتنا

شارع الماركات بباريس

والله يا جماعه استحقرته زيادة

اللهم ما تبلينا بهالعقليه المريضه

قصه

فوق البيعه

مرت الوليد بن طلال مرة حلوووووووووووووووووة موووووت موووووت

شفتهم يتمشون و أثنينهم لابسين مثل بعض بني

ويتروالي جني شفت بدلتها ديور ما أدري تدودهت من الماركات

هاهاهاهاها

عايش بربيع اسم الله عليه

عليه بالعافيه




Saturday, July 19, 2008

a Dream Come True !


no more no less
i saw her !


كنت ميته أبي أشوفها شنو السر اللي فيها
ابتسامتها؟
وجه الرسام المختفي بالصورة؟
سر عيونها اللي وين ما تنروح تحس انها تشوفك؟؟

هل هي كذبه؟
ليش ما حسيت بكل هذا؟

هل أحتاج مزيد من المعرفه عنها؟؟
يمكن إي
ويمكن لأ

أهم شي إني شفتها بيوم عيد ميلادي مثل ما تمنيت
أشوفكم على خير الحين

Monday, July 14, 2008

a Dream will come true



picture by : Ana ;)
I don’t know why this time I need to write this in English
May be coz I need to feel the romantic way of seeing this country again
It was my dream to celebrate my birthday in a romantic place like France , Paris
Paris , here I am, hug me with your arms !

It was 1999 when I was there and see all the millennium preparation in this lovely romantic place.
How they decorate the streets ready for the year 2000 !
I miss it , and this year I want to be there , I don’t know why, may be coz of a close friend of mine always talking with me in French?
Reema vous êtes si joli.
Or becoz he always telling me a story how this country meant to be for me, the way I dress , the way I love to be in style , my romantic mood with the lovely weather. How I am a dreamer and seeking for love in everything I see or touch.
Lately
How it is a lovely place to take pictures for my next (exhibition On December )

He let me live the dream , and I always want my dreams come true in the right time.
Paris, let me love you, let me live the dream with you.

And please! Don’t rain!
I don’t like rain , neither do my camera!
I wish to see the clouds , blue sky and a lovely smiling faces
I want to see it in a different way , enjoying the cappuccino in an old café ( coffee addict)

And !!!!!!!!!!!!!!!!!






Visiting the :
Portrait of Mona Lisa (1479-1528), also known as La Gioconda, the wife of Francesco del Giocondo; 1503-06 (150 Kb); Oil on wood, 77 x 53 cm (30 x 20 7/8 in); Musee du Louvre, Paris
This figure of a woman, dressed in the Florentine fashion of her day and seated in a visionary, mountainous landscape, is a remarkable instance of Leonardo's sfumato technique of soft, heavily shaded modeling. The Mona Lisa's enigmatic expression, which seems both alluring and aloof, has given the portrait universal fame.

I cant wait to see the picture

And I will do it on my birthday
18/7/2008

, so I will never forget this date!
( enshallah )
Wish me luck !
After seeing this site , I don’t know if I can make it !

http://www.panoramas.dk/da-vinci-code/louvre-mona-lisa.html





p.s ( new restaurant or café and places to visit is highly recommended in the comment )

bye
bye
my friends

Friday, July 11, 2008

it's Not my Day !




ما كنت أصدق بشي إسمه يوم النحس العالمي ( bad day luck

أمس الله وراني إياه بعيني

موقف ورا موقف يصيرلي اللي خلاني بس لازم الحين أحط راسي و أنام عشان يخلص اليوم

هاهاهاها

من الصبح مافيني إلا العافيه

بس مشتهيه منقوشه زعتر

أول صدمة و أنا إذا بقيت شي لازم الحين

الظروف ما تسمح

و صديقتي بتطلع الحين

ما يوصلون الفطيرة حقي بس و الكل تريق .

جم إتصال عكنن اليوم و كملها و رحت البيت

نمت و قعدت

زهبت لستة مشتريات شيء لزوم الشيء

أوتي بخار صغير

تليفونين صغار نوكيا

تليفون بو خطين

جهاز فحص السكر ولازم في ميموري حق الأرقام

شامبو من بوتس

رحت المشاوير هذي و بردتي طرشت السايق أييبلي منقوشة الزعتر اللي بخاطري فيها من الصبح

دخلت البيت

أول موقف :

التلفونات

ولا واحد يتبطل الكوفر ماله و راح أضطر إني أرجعهم اليوم واليوم راح يصادف الجمعه و الجمعه مسكرين فراح يتأجل المشوار لي السبت

ثاني موقف :

جهاز البخاري الصغير

بطلته و طلع أوتي عادي صغير و عشان يصير بخار بس 3 فتحات يتفل منه البخار

مو بخار!!!

طشاشيييير ماي

إذا البدله حرير راحت عليك القطعه

ثالث موقف:هالجهاز حق زوجي

جهاز فحص السكر

Samsung

يعني المفروض شغل عدل؟؟

قعدت و ضبطت كل شي

ماكو فايده

من كثر ماهو دقيق خوارة

قزيت نفسب 5 أبر فحص و بالنهايه سكري 174

قسمتها على 18

طلع إني فيني سكر و سكري 10

حلو و جميل

مو منك من يومي اللي مو راضي يخلص

توني ماكله زعتر و ما صارلي ساعتين فعادي

الموقف الرابع:

شريت من بوتس بخاخ حق تساقط الشعر

قالت فيه قهوة و عشبه هنديه زين يعني و المنتج بس حق بوتس

( داشه أشتري شامبو و طلعت بهذا)

قالت 7 بخات بالليل و 7 بخات الصبح

اشحلوة و مايدهن الشهر و جنه سبراي شعر عادي

أنا بطلت العلبه و بخيت أول بخه

أمبيييييييييييييييييييييييييييييييييييييييييييييييييييييييييييه

أمبييييييييييييييييييييييييييييييييييييييييييييييييييييييييه

الشعور بالضبط تدرون شنو!!!!

كاسرة بستوق أجار طمام صارله 20 سنه معتق!!!!!

لأ لأ لأ لأ لأ لأأأأأأأأأأأأأأأأأأأأأأأأأأأأأأأأأأأأأأأأأأأأأأأأ

مو صج مو صج!!!

و أطييييييييييييير على الشور و آخر الشامبو اليديد !!!!

أحطه على شعري و إلا شنوووووووووووووو!!!!!!

يطلع كونديشنر مو شامبو !!!!

فى هاللحظه

تمالكت أعصابي جدا جدا

سحبت شامبو زوجي

و غسلت بستوق الأجار و تعوذت من ابليس

بدلت و نمتن

الساعه 12 نايمه

الساعه 2 بالليل و إلا ولدي

نافورة من حلجه

إللي خلاني أنا وياه ناخذ شور

و طارت النومه الله وكيلكم

و باااااااااااااااااس عدى هاليوم علي خير

Wednesday, July 09, 2008

كملوا والكامل الله


من قبل أسبوع جمعية خيريه اسلامية رايحه رحلة حق اسطبل خيل و غرق الولد و مات بالحمام السباحه
ما سمعنا شي ولا شنو صار

و الحين صعقني هالخبر في جريدة الراي عدد اليوم 7 يوليو
شكو بو 19 سنه يبدل ويا ال 12 سنه !؛

لا حول ولا قوة الا بالله






Sunday, July 06, 2008

غير صلاتك


إعلان بجريده استوقفتني مفرداته التي تدغدغ المشاعر

" كيف تتلذذ بالصلاة؟ "

أوكي؟؟

صفنت شوي و بديت أقرا شنو اللي مكتوب فى الإعلان بعد:

جمل تحاكي عقول على قدر قليل من الثقافة .

العصر دقيت على الوالدة واللا بتروح المحاضرة

والوالدة اسم الله عليها على علم وافر بأمور الدين

يما ليش بتروحين؟؟

والله مو أحسن من قعدتي بالبيت و تفرفر هالتلفزيون؟؟

صاااجه يما ، و قوليلي بعدين شنو صار.

اليوم الصبح أول ما أصبحت بصوتها

ها يما شصار؟

صج تلذذتي ، حسيتي صلاتج غير؟

أمي: أول شي أنا ماني جاهله و لا وحدة ما أعرف أصلي

ما أضاف شي يديد ، أغلب كلامه تنبيه و تذكير

النقاط الأساسيه : استحضار الروح للصلاة

استشعار الكلام بالآيات

تكلم عن السجود و أثره و أن سر الصلاة تكون بالسجود.

و أن الإذلال هو أعز شي للبني آدم إن يقدمة لرب العالمين

و حذر من الغرور والكبر فى أن نقول أننا خاشعين فى الصلاة

و آخر نقطه تكلم عنها حسن الوقوف بين يدي الله.

الوالدة :

ورانا بعد الصور من الإنترنت

الريال شكله بنغالي ميت بالمسيد و أهوا راكع يا بخت عينه .

ورانا عن النمر رحمته

شلو الله وزع رحمته حتي على الحيوانات

أسلوبه يركز على الجانب الروحي أكثر من االجانب التعبدي بالصلاة

ريما: انزين يما ، وين التلذذ؟؟ ما ياب طاري؟

والدتي: أصلا العنوام غير و اللي قاعد يقوله غير

و بعدين انتي ليش تسإليني مو عادتج يعني؟؟

الريال زين منه مسوي هالمحاظرة مو أحسن من التفرفر ؟؟

ريما: ما قلت شي ، بس بقيت أعرف ، الفضول قاتلني ، العنوان كبير و غريب ، النسب اللي حاطينها 94% تغيرت صلاتهم بعد المحاضرة الأولي، هقيت بقول شي يديد و غير ما هقيت كلها معلومات من النت و أي قارئ بسيط يعرفها، توقعت الحضور من الشباب لصغار

مو ملتحين !

بهالنسبه 94 % شنو الفئات العمريه؟؟

وزع استبيان على 20 ألف مصلي ؟

معقوله كبار وواصلين لسن معين بعدهم ما يعرفون يصلون ويخشعون؟؟

محيرني الموضوع!

بيني و بينكم الوالده آخر شي تقوللي : المحاضرة مو واااااو ، بس هذا الإتجاه الحالي بالدعوة

الوالده طبعا ما تدري اني بكتب بوست في جميع استفساراتي

انتوا شرايكم لما يكون المبالغه الإعلامية بسبب منشتات بالجرايد؟؟

إنشاء الله الله يقدرني و أقدر أحضر المحاضرة اليايه ودي أشوفه بالطبيعه

بالنهايه أنا أقول أهوا ماله ذنب جزاه الله الف خير

اعتراضي على الطريقه التسويقيه المتبعينها وياه

تذكرون لعفاسي شلون بدا و ما بقى قهوة ما قعد فيها و لا شركه اتصالات ما سوقت ؟؟

ما يخليكم تفكرون ليش؟ و اشحقه؟؟

والناس بس كل ما ييه أحد يديد هبوا فييه و صعدوه قبل لا يشوفون شقول؟

Saturday, July 05, 2008

عاهات

موقف 1:

المكياج

عااااد السنه بالذات الموده ماكو مكياج

Naked mak-up

المهم ندخل بالموضوع

يايتلي وحده تسألني شنو نوع حمرتج؟

والويه متروس مكياج يقطر يقطر

اتحس لي تكلمت بتطشر عليك حمرة

هاهاهاهاها

قلت لها الرقم و راحت شرتها

بارت 2 اليوم الثاني :

ريما الحمرة عليج غير

ريما: إييي لأني أحط تحديد

البنت: شنو التحديد؟؟

ريما: No7 – nude

أو

colorstay Revlon nude

والله ما أذكر

البنت: لا لا مو من صجج تتقشمرين معاي

ريما: ليش أتقشمر؟ منتي مصدقه كاهو و طلعت لها التحديد من الجنطه

البنت: الله يهديج بس أحد يشتري تحديد إسمه نوود؟؟ عيب أصلا أطلبه

ريما: خلاص لا تطلبينه حطي الحمرة بدون تحديد إنتي إللي تبين حمرتج تصير نفسي

و أنا قاعدة أتكلم جد ها ماخذتها على قد عقلها بدون أي ابتسامه

البنت: لا شنو يعني أبيها نفسج

ريما: خلاص قعدي بينج و بين نفسج قولي نود مو عيب نود مو عيب لما تشترين التحديد

عشان تصير حمرتج نفس حمرتي.

البنت : لا عاد مو لي الدرجه أقدر أشتريها تقولها و حاسه قاعدة أتطنز على المبدأ مالها،

يالله مشكورة

ريما ( تعلمت درس من هالموقف ، إني أقول حق أمهات مخوخ مسكرة شاريته من برة و أفتك! )

موقف 2 بنفس اليوم :

بنت : لو سمحتي أختي؟ وين فلانه لفلانيه؟

ريما: روحي سيدا لفي يسار أول مكتب تلاقينها و سألي عنها

البنت: وااااي تعبت وأنا أروح و أيي ( على مياعه و دلع )

ريما: خلاص عيل لا تروحين قعدي بمكتبي و أطلبلج قهوة و ماي أو عصير و إذا ارتحتي روحي حق اللي تبينا ووياج شغل وياها ، بس أنا ما أقدر أسولف وياج لأن عندي شغل.

البنت: لا اشدعوة عااد مو لي هالدرجه ، يالله مشكورة

والله يا جماعه ودي آخذ أكبر ما عندي و أصنها على راسها أم أمطه ورود نافرة!!!

واااااااااااااااااي بس بس وايد قعدت بالصيف يا جماعه لازم تعرفون إن بالصيف أيولنا أمها ت الميداني

و هذييييييييييييييييييل مال طق طق طق لما تتعدل و تعرف شلون الواحد ماله خلق يسمع سخافاتهم طول اليوم!!!

شكو فيج تعبانه من المشي

لابستلي عمارة بريلج و تتمشين فيه حق الدوام!

اللهم صبرج يا روح هانت هانت و أتسمح و أفتك من هالأشكال اللي تحذف علينا استغفر الله

Thursday, July 03, 2008

bad memories


baby me
hehehehehehhe

ya 7elwy
golaw mashallaaaaaaaaaaaah
pleas!





موقف محرج جدا بهالعمر

كنت حاضرة حفل توزيع جوائز مسابقه للتصوير الفوتوغرافي كنت مشاركه فيها لأول مرة

طبعا ما فزت

هاهاهاها

بس مو هذا المهم

أهم شي إنهم داقين عليه تعالي و مصرين إني أيي

أنا قلت لا خلاص الجائزة الأولي حقي

طلع بس جذي و عازميني لأن صوري بالمعرض عارضينها

المهم

الموقف المحرج

أبوي داق عليه

هااا شصار بشرينا

جان أقوله يوبا

ماكو شي

بس أهم شي شفت ولد عمك والله يبا كبر خبري فيه من زمان

جان يقوللي منو؟؟

قلت الأسم

الوالد: روحي سلمي عليه قوليله إنتي منو

ريما: يبا أستحي كل رياييل حوالينه وين أروح

الوالد الله يحفظه: لما يروحون الرياييل سلمي هذا ولد عمج قوليله إنتي من بنته

ريما: إنشاء الله بروح

ريما: السلام عليكم دكتور

الدكتور: هلا يبا من معاي؟

ريما : فلانه لفلانيه بنت فلان

الدكتور: صج والله !والله والنعم و ثلاثة أنعام فيج و في أبوج

ماشاء الله والله كبرتي و صرتي شحلوج

و كااا شعرج اشحلوة طويل

ريما:( طقتني البوهه – ألف شي براسي )

الدكتور: تدرين متي خبري فيج؟؟

يوم كانوا يسمونج كوجاك ، لأن أبوج أييبج الدوانيه مستانس عليج بس ما عندج شعر جان يقوم و يحلقلج عالصفر عشان يطلع شعرج حلو

ريما: ودي أمووووووووووت من الضحك بس مفتشله حده

وودي الأرض تنشق و تبلعني

ههههههههههههههههههههههو

هههههههههههههههههههه

ما أوايه أمبيه شنوه هالذكريات

الدكتور: لا بس ألحين بروح أقول حق مرتي إن طلعلج شعر و شحلاته بعد

ريما: ولييييييييييين الله يهديه أبوي جان لبسني كبوس مثل عيال الأجانب يغطي صلعتي

هاهاهاهاهاهاهاها

الدكتور استوعب إني إنحرجت و قام ويهي يعطي ألوان

الدكتور/ سلمي على أبوج وااايد وااايد

و كل سنه شاركي خلينا نشوف اسمج

ريما : إنشاء الله دكتور

ترررن ترررررن

ألووووووووووو

يباااااااااااااا

كل منك

هاهاهاهاهاه

رايحه

دل دل

يكون بسلم

تدري شنو ذاكر من ملامحي؟؟؟

صلعتي

الله يهديك يبا ليش موديني الدوانيه و أنا ماكو شعر

بريستيجي بريستسجي

الوالد: كنت أتحلا عليج شحلوج أصلا

ما عليج منه

هاهاهاها يقولها و أهوا قشيان من الضحك

ريما : ضحكت العافيه إنشالله

يتحلا يتحلا شبيدي أسوي

هاهاهاها