Thursday, February 22, 2007

summer collection









يا بنات و يا حريم الكويت لزقرت و إللي يحبون اللبس و التكشخ إللي علي سنع.

أحب إني أوعيكم علي شغله

ترا هالأيام قاعد ينزل الصيفي و التفتيحات ، فهالله الله برياييلكم ، مو إتقولون إن هالجنطه إب 500! و إلا هالبلوزه إبـ 150 !

كل قسموا المبلغ علي 3 و عطوه الثلث إللي إب 200 قولوا 50

والليبيلات و التاق مجعوهم بالمحل .

ترا تفتحون عليكم بيبان مصككه

مهما وصلنا لمرحله من الثقافة و التعليم و الخبرة و المادري شني

كل هالشي يوقف و إنغيب عقلنا ليه سمعنا بتفتيحه

فيا رياييل الكويت

هالجم يوم تعيموا و تغاظوا عن هالموضوع إشوي عشان الحياة تمشي

و يا نساء الكويت

لو سمحتوا خفوا بالأكل شوي لأن الصيفي فضيحه مو نفس الشتوي بوالطوا !

الموده هالسنه :

الألوان

أبيض

أسود

وردي - فوشيا

رمادي فاتح

أصفر

ميتالك – فضي و مزج بين الفضي و الذهبي ( حق لجناط)

الشعر :

صبغه وحده بني و درجات البني

أو لو لايت

الموديلات:

نفانيف وسيعه زمن ال50 و 60 ( يبيلها ليققن لأنها بتكون قصيرة )

البلوزات الطويله واللاف علي الخصر ( لازم رجيم قاسي )

موديلات رجاليه إشوي – بالطو ، بنطلونات وسيعه ، قمصات

بلوزات فيها حياكة سواء ورود و إلا فراشات

الحبل هالسنه داخل بالبلوزات و الجناط والأحذيه

المخابي بالنفانيف

السحاب بدال الأزرة

المنفووووووووووش و ما أدراك ما المنفوش

منفوش بالأكمام أو نهايه البلوزة

يعني كل شي وسيع هالسنه و براد ونااااااااسه

وكل عام و إنتوا بألف خير

و معوضين إنشاء الله عقب الخساير



راح يضل هالبوست لمدة أسبوع و إحتمال ما أقدر أرد عليكم

لأني مسافرة و إللي يحب يوصيني علي شي حاضر بس يحول فلوسه باليورو أول و بعدين إنتفاهم




مصادر هالبوست : للأمانه العلميه

Instyle magazine

Marie Claire

Elle.com

www.net-a-porter.com


knock knock Reema !




من طق الباب سمع الجواب

للمستقبل هالكلام

ترا أنا وحدة ما أثق بسرعه

وحدة ما أصدق و ينكسر خاطري من إيميل

وحدة أحب الظغاط والدقات

ما أحب أحد يتحرش فيني

ما أحب أحد يحسسني إني عشان عندي بلوق يعني خلاص ماكو تخصصات بالدنيا؟

عارفه عقليتي

عارفه شنو حدودي

عارفه إمكانياتي

عارفه إن كل شي و له شيه بهالدنيا

عاينه النت وخابزته من 13 سنه

و إللي مو عارف الله يخليكم عرفوا

لا تثقون في أي واحد بالنت

أنا طيبه إييي

بس بين ربعي الصجيين

مو نت!

بالنت و خصوصا بالكويت

لا تثق بأحد

لأنك لو وثقت فإن الثاني ما يثق فيك لأنك ما إتمثله شيء

دايما سيء الظن عشان تسلم

يقال :

إن بعض الظن إثم

و إن بعضه الآخر من حسن الفطن

هذى رساله حق إللي بعد بخاطره يتحرش فيني بالمستقبل

Sunday, February 18, 2007

a lovely surprise




THANK YOU!

from my soul to my soul


أقلب طرفي في السماء عله

يوافق طرفي طرفها حين تنظر

Friday, February 16, 2007

من قراءاتي





فلتعلم أيها الرجل أن من الجيد لنرجسيه المرأة أن تكون برفقه رجل إختارها هي، مع أنه كان يستطيع اصطفاء العديدات غيرها .

باولو كويليو

Thursday, February 15, 2007

مناسبات غير سعيدة








فالنتين و طلابة الفالنتين

هالكلام حق الرياييل

ما تبون تحتفلون بشي

لا عيد ميلاد

و لا تذكرون عيد زواج

و لا حتي عيد الأم بعد ما إنعيل

ولا بعد عيد إسرة

و عيد الفطر لاهين إنوجب من بيت حموله ليه بيت أهل خال عماتك !

و بالليل تحلطم زحمة و شودينه!

عيد الأضحي تقولون ، هذا عيد الحجاج ، و إنشيل شلايلنا يا شاليه يا سفرة !

و لو علي تكلاكم ما شفنا لا هديه و لا مجامله أو كلمة حلوة

كل عيب كبرتي

و المجامله و الطلعات في حاله وحدة

إذا يبي من مرته شي باليل !

عرفنا القصه يعني بس إنتغيبه و إنقول ميخالف يالله ، ماكو شي ببلاش

و درينه إن لازم إنحمد ربنا إلا لما ألحين الرياييل يبونا حتي بعد مدة من العشر

و درينه بعد إن هذا التعبير الوحيد للحب .

ممكن أعرف شغله؟؟؟

ليش إذا بدينا إنونس عمرنا مع ربعنا قمتوا إتحلطمون؟

ليش إذا طلعنا و سوينا يمعات إنشوف البوز 3 أمتار جدام ؟

ليش إذا صارت لنا حياة ثانيه قمتوا إتعاندون زيارة بالدواوين بدال لا إتعالجون المشكله؟

ترا الزمن تغير

و الحريم تغيرت

والمغريات زادت

و الطلاق صار عادي و مقبول بينا مو نفس قبل؟

فنصيحه

ديروا بالكم علي حريمكم

لو كل ريال فكر إن مرته بتسوي نفس إللي أهوا مفكر يسويه فيها جان عرف إشلون يعاملها .

ترا صايرة موده بالديرة الطلاق

صار بيت الأهل وايد أرحم من إن نسمع كلمتين دلع و تفلسف ماله داعي

الحريم ماعاد فيها صبر نفس أول

و الرياييل قلوا بالديرة ، صاروا يهال أكثر من رياييل

هذا البوست إهداء حق كل بنت صابرة علي قثاها بس الريل مو عاجبه !

محترة من سوالف يمعتنا أمس !


Wednesday, February 14, 2007

i miss you






يا ماخذ مني الروح وسافرت

نزعت مني الروح و خليت الجسد








by Reema
14-2-2007

Sunday, February 11, 2007

عندما تعشق الروح






عندما تتلاقي روحين

عندما يكون الحب نهايته مجهوله من الطرفين

لا يستطيع هو أن يغير الظروف

ولا تستطيع هي مقاومة الواقع

الخوف من التغيير

من مواجهة مستقبل مجهول

جبانه هي

و يبقي الحال كما هو عليه

يعشقها

تعشقه

ولكنهم بلا نهايه




يقول لها :

اعلمي يا حبيبتي اني لك طول العمر

اعشقك كما لم اعشق من قبل

اصونك

احفظك

واحبك

لا يخف وجعي الا بسماع صوتك

وعند إختفائه

يعود وجعي من جديد

احبك






تقولها بحب:

لك مني روحي

تصونها

تحفظها

تحبها كيفما شئت

تقلبها على هواك

علاقه غريبه

أرواح تلاقت

عشق جمعهما

ولكنها

بلا هدف

Writing by Reema

2007


Saturday, February 10, 2007

my spanish exam





أقووووووووووووووووووووووووووووووووول

ذكروا ربكم بلييييييز

أخاف من العين

ترا خذيت علامة كامله

هييييييييييييييييياااااااااااااااااااااااااااااااااااااااااااا

وناسه وناسه !!!!

بالأسباني مكتوب فوق

Excelente


Monday, February 05, 2007

الكبر شين





الإعتراف بالحق فضيله

بعد 11 سنه ركود و تجميد للمخ من الدراسه ، عادت الأخت ريما و بقوة للدراسه
لغه أسبانيه
هقيت إنها سهله
أول درس ( الأخت متنحه )
ليش؟
ممنوع المدرسه تتكلم إنجليزي
ممنوع الأخت تتكلم عربي
أسباني !
نعم؟ خير إنشاء الله؟

لو سمحتي ( بالإنجليزي ) ترا أنا ما أتكلم أسباني
حدي صباح الخير و مساء الخير و جم كلمة ما أدري من وين متعلمتهم ، و لما أسافر كله بلغه الإشارة!
إترد علي المدرسه : ميخالف راح إنلاقي حل بهالموضوع
طلعت من الدرس و أنا صاكه فيني الدنيا
ودي أبجي
و أبجي دم و قهر لأن فعلا الشعور بالأميه حده مو حلو!
هديت كل شي و جابلت الكتاب و النت
رحت جرير شريت قاموس إنجليزي – أسباني


اليوم الثاني:
داشه بقوة
أقرا
أحل
أسأل

( بيني و بينكم؟ شكلها هدة حصن )


جان تقوللي المدرسه:
لييش تقوليلي ما إتعرفين؟
أرد :
والله ما أعرف ، بس لغبار إللي براسي نفظته ، أكلت أوميغا 3 عشان يزيد التركيز و إزياده عليه
رد بووول

قامت تضحك
تقول زين إتسوين يالله شدي حيلج ( تخيلو هالكلام بالأسباني؟ )

المهم بعد 5 أسابيع ألحين
أعترف
خلُوا اللغه حق أهلها لأني تعبت نفسيا كل ما ندخل و إنتعمق فيها
عندي إمتحان باجر !
من زمان قبل كل إمتحان إيحوشني قمته و أبجي و حالتي حاله

هالمرة ما أدري إشبسوي
شكلي بعيد المستوي الأول مرة ثانيه
ههههههههههه
مو عشان أنا مو زينه؟
لأ
عشان أحتاج أثبت المعلومة
ههههههههههههههههههههههه
ههههههههههههههههههههههههههههه

بس صراحه؟؟
مالكم شغل بالحجي

الكبر شييين
شكلي بهون عن المستوى الثاني و أروح أدخل كلاسات تعليم رقص لاتينو أبرك
الضحك إن تقريبا كل سنه أروح مرة أو مرتين أسبانيا
هالسنه محنا رايحين
بقيت أنتحر يوم قاللي زوجي بنغير