Wednesday, November 24, 2010

القرار خل يبلونه و يشربون مايه




هالأيام الكل قاعد يتكلم عن القرار ( اللي ما شفت نصه ) بمنع التصوير بلأماكن العامة و الأسواق بالكاميرات المحترفه ( SLR ) .

ما أدري بالضبط ليش صارت هالزوبعه و ليش خايفين المصورين من الجريده اللي أشارت الا هالقرار!

جريده وحده فقط اكتبت بالموضوع و هي جريده الكويت تايمز!

و أشارت إليه بدون أي دليل !

شنو نص القرار

و شنو الأشياء المترتبه عليه؟

منو اللي بيطبق هالقرار أصلا!

بما إن القرار يقول إن التصريح بالتصوير يجب أن يؤخذ من 3 جهات رسميه :

وزارة الإعلام : ما تدري وين و أي إدارة

وزارة الماليه : أنا أشتغل هناك و أدري إن مالها علاقه ! و احنا بنفسنا لي بقينا انروح مكان عام ناخذ تصريح من إدارة المبني نفسه!

وزارة الشئون الاجتماعيه و العمل ( يمكن عشان العمال اللي يشتغلون هناك يشوفون التصريح؟ )

الأهم من هذا كل إن القرار ماله نص عقوبات

يعني ممنوع عرفنا, رحت و شلت كامرتي و صورت؟

و بعدين؟؟

شنو الجريمه اللي سويتها؟

في قوانين للتصوير عامة و متعارف عليها بينا المصورين لما انسافر أي ديرة

ممنوع تصوير المنشآت العسكريه ( نواحي أمنيه )

ممنوع تصوير المنشآت النفطيه

ممنوع التصوير بالأماكن اللي مكتوب عليها ( ممنوع التصوير )

ممنوع التصوير بالممتلكات الخاصه! ( بيوت و أماكن مغلقه خاصه)

ما كثر الله القرارات بديرتنا

و أوله ممنوع التدخين بالأماكن العامة

في أحد التفتله؟

التلفون و أنت تسوق سيارة؟؟

في أحد خالفنا عليه؟؟؟

من يشوفك الشرطي يقولك نزل الموبايل و بس

و بعد هالقرار

رحت

و طلعت

و صورت

لا و يمي شرطي بعد و استأذنت من حارس المشروع و كان حلييو و خلاني أصور و عادي ماكو مشاكل و لا يدرون عن هوا هالقرار أصلا!

أنا أقول بديرتك خل لسانك حلو مع العالم و كل شغلك بيمشي

هذي صورتي الحلوة بعد القرار الحلو

هي تعتبر هالصورة جريمة يعاقب عليها القانون؟؟؟


و إلا يحمدون ربهم قاعدين انطلع الديرة بأحلا نظرة!


أقولك شي؟

كل ممنوع مرغوب

و الحين كميه المصورين بتزيد أبشركم




Tuesday, November 23, 2010

الوان الوالده الله يحفظها

هذاك اليوم تجابلنا أنا و أخوي

قاعد يضغط الوالده الله يحفظها لنا

موضوع عمري بحياتي ما تخيلت إن كان يسبب أزمة حق أخوي

موضوع أمي و لما اتطرشه ايبلها شي و توصف اللون

يعني :

جنطتي اللي لونها برقندي

و إلا القلم الفوشيا

أو هذا اللي لونه بصلي

لونه فاري

ههههههههه

يقول أمي ليش ما اتسمي الألوان بالألوان اللي انعرفها و اللي تعلمناها!

البصلي من البصل و البصل لونين أبيض و بنفسجي اشعرفني أي واحد تقصد!

و إلا لونه فاري !!!! ليش ما اتقول رمادي!! اتقولي رمادي الغامج اشلون أشرحلك اياه!

والون اللي يعسرني لي قالت لون لحمي! و بالنهايه بيج !!! لحمي من اللحم لونه عنابي!! فجأه ألاقي شي ثاني!

السؤال!

شنو عندكم الوان غير اللي انعرفها خل أضيفها حق لستة الوالده

Sunday, November 21, 2010

at a furniture catalog !


كنت قاعدة أتطمش على كاتالوج للأثاث!!
و فجأه لاحظت شي!!!

إذا كنتوا شديدي الملاحظة قولولي شنو هالشي
!



Friday, November 19, 2010

Animals are back in action in eid !

In every season tiger comes back with a different print !

This year ( LEOPARD is back ! )


In kwt some girls over abuse it!!!

They think it's sexy !!!


Don't over all look pleas !

U can find some their at avenues :/









- Posted using BlogPress from my iPad

Sunday, November 14, 2010

for men with love ;)







أحببتك أنانية مني

لم تكن مميزا في يوم من الأيام

أحببت مشاعري فيك

أحببت نفسي بتصرفاتك إتجاهي

صنعت منك حبيب

بسببي كنت أنت

كنت أحب الحب لأجل الحب

لم تكن السبب وراءه

كنت تستمتع برؤيتي أعبر عما بداخلي

أتقن الحب لدرجة الجنون

هي نفسي

هي مشاعري

هي شخصيتي

التي لم تريد أن أكون أنا

لم تفلح بتغيري

لم تتقن تأديبي

حرة مشاعري

طليقة هي أفكاري

لولاها لما كنت أنا

و لم تكن أنت

أكررها لك ألف مرة

هذه أنا

مجنونة طليقة

كما خلقني ربي

لن تستطيع تغير تميزي

لولا جنوني لما أحببتني

أقولها بكل فخر

أحببت نفسي بك

أو مع غيرك

بالنهايه

خلقت مشاعري

خلقت أفعالي

هي أنا

و سأظل أنا

بك

أو بدونك


Friday, November 12, 2010

i fall in love with dubai !






لماذا دبي؟


كانت رحتي القصيرة لدبي هذه المرة مسخرة تماما لدبي السياحي بالنسبة للأجانب

اشلون؟

زوجي و أنا و بس

ماكو سوق

و لا حتي أشتري عود ( أنا مابي )

كامرتي و لبس رياضي مريح و جوتي رياضه !

واكتشاف الأماكن الجديده في دبي

Iphone and ( time out dubai apps)

كانت رحلاتي السابقه و المرتبطه بالفنادق التي تم افتتاحها

إفتتاح جميرا بيتش

إفتتاح كمبنسكي

إفتتاح أتلانتس

و هذه الرحلة لرؤيه برج خليفة و السكن بال( the address down town )

لست من عشاق دبي ( مرتبطه بذاكرتنا بالرطوبه و الحر )

و لكن حالرحلة كانت مختلفة تماما

إختيار الوقت كان بوسط الأسبوع و مو عطله عيد

الجو كان خيالي !

شي مشرف

كيف لإمارة صغيرة مثل دبي تستطيع بزمن قياسي أن تجعل من نفسها وجهة سفر أساسيه و مشتي للأوربين و الآسيوين!

الساحات المحيطه ببرج خليفة و كمية البشر

كان يذكرني بمنظر الناس المتجمهرين عند برج ايفل !!

النظافة و الأكل الطيب و الخصوصيه ! ( لحد يخزك و لا أحد يتحرش فيك ! )

كنا نمشي بمعدل 5 ساعات باليوم بمنطقه وحده بس!

الأماكن:

DIFC

Downtown burj dubai

Dubai marina

Jumira

Palm jumira

كانت أجمل 4 ليالي !

كان لها سحر المدينة الجديده !

بعد أي رحلة و في الساعات القليله قبل الإقلاع

تقعد تتذكر إنك راد الكويت و ما عندك إلا أفينيو و 360

يحوشك نوم من أنواع الإحباط و يتكلم وياك و يقولك شوف الناس وين وصلوا و شوف إحنا الحسد وين وصلنا

كل مشاريعنا و أولهم مدينة الحرير ما ندري وين أرضه و وين سماه

و بعدين تصحي شوي و اتقول لا يبا هذيل أصحاب قرار ,وينا وينهم الأوربين ما سوا نفسهم !

ألتفت علي زوجي أقوله من 10 سنين شنو صار بديرتنا من مشاريع؟

يقوللي غيروا مجلس الأمه أكثر من مرة والتوسعه مالت الأفنيوا مموله من بيت التمويل

أقول كمان أفينيو؟؟؟

يقوللي ايي و مو راضين يعطونهم رخصه حق الفندق اليتيم اللي بالمنطقه

رديت مسكت الآي باد و دشيت على سايت: http://www.palmjumeirah.ae

استوقفتني هالفقرة:



Crime is virtually non-existent in Dubai. This is largely because of the spirit of mutual respect.

Dubai is a melting pot where all the cultures of the world come together and where different races and religions understand the value of living together in harmony.

the police force is polite, approachable and highly efficient. Dubai has made global headlines for its tough stance on drugs and makes no apologies for this.

Parts of the Arabian Gulf have, of course, seen conflict in recent decades. Dubai, together with the other Emirates, has been a haven of peace throughout this time. This has not, however, led to complacency and the security forces are ever vigilant, working to ensure this remains one of the safest places in the world.



والله لو أنا اماراتيه و أشوف هالكلام عيني تدمع

الي الشعب الإماراتي و الشيخ محمد من راشد ال مكتوم

نجحتوا على راسي والله و الكلام ما يوفيكم حقكم


الخطة الياية انشاء الله


عيالي بجامعات بدبي بإذن الله




Friday, November 05, 2010

الشعب الكويتي المستعيل!










الشعب الكويتي صار ماشاء الله شقردي بكل شي!

كل ما اتروح مكان اتلاقينهم كلهم مستعيلين!

من أول ما يطلع من باب بيتهم شاخطلك بهالسيارة

الين يوصل المكان اللي يبيه أو المكان اللي ما يبيه!

صار من يدخل واحد بأي مكان أسمع كلمة ( يالله ترا مستعيل)

بطريقه واضحة إن مو مستعيل بالمرة

بدليل إن الأشياء اللي يبيها ما اتعبر على إن هالشي مهم هههههه

مثلا:

يبي سندويتش شاورما

و إلا عصير

و إلا بيروح يشتري مبايل! ( يعني ياي تشتري مبايل أكيد حاط في بالك بتشوفه عالأقل! تختار اللون!)

ضحكني البياع المصري يوم رد عليه ( يا أفند والله عارف انك مستعجل أصل كل زبايني اللي جايين المحل مستعجلين )

السؤال!

صج عاد مستعيلين و الا حسبتهم دايما غلط بتقيم الوقت لكل شي!

ليش توصل مرحلة اللي ما عندك وقت !



والله ليتهم مستعيلين على الشغل و تخليص المعاملات مثل ما اهما مستعيلين بشراء العصير و السندويتشات !!!

Thursday, November 04, 2010

Monday, November 01, 2010

لماذا غرار ؟



لماذا يختار آلاف الطلاب التقديم من خلال شركة غرار؟

يتطلع الكثير من الطلاب من مختلف أنحاء العالم للدراسة في بريطانيا لذا ساهمت شركة غرار في تطوير ومساعدة الطلبة الراغبين في السفر والدراسة في بريطانيا سواء في الجامعات أو المدارس المعترف بها لدى التعليم العالي والمعتمدة في بريطانيا حسب احتياجاتهم للغة أو أي من الشهادات وهناك العديد من الأسباب التي تحفز الآلاف من الطلاب و يمكن اختصارها بالنقاط التالية :

الخبرة و العراقة و أسلوب التدريس من خلال ترشيح أفضل الجامعات والمدارس المعتمدة

تعتبر شركة غرار من أعرق المؤسسات الأكاديمية التي ساعدت الآلاف من الطلاب من خلالها للدراسة في بريطانيا واختيار الأفضل لأبنائنا الطلاب ، ففي مجال معاهد و مدارس اللغة الإنجليزية و على مدى السنوات الماضية لقد أثبتنا قدرتنا على تقديم أفضل الدورات و البرامج المتخصصة بتعليم اللغة الإنجليزية للطلاب الأجانب و التي بدورها ساعدتهم إما على الالتحاق بالجامعات بأزمنة قياسية أو تعزيز فرصهم بشكل أكبر في سوق العمل. هذا و لقد تمكنت شركة غرار من أن تتبوأ مكانة رفيعة في مجال التعليم الدولي و ذلك بسبب اعتمادها على خبرة أساتذتها وموظفيها و جودة دوراتها التي حققت شهرة واسعة على المستوى الدولي .





- Posted using BlogPress from my iPad