Saturday, March 28, 2009

أصوت و لكن!؛


بكلمة وحده أقول
إللي ما يعطي الحق لنا
و يعدل القانون الدايخ اللي لازم ولي أمر يجدد لي جوازي
ماني مصوته

و الغايب يبلغ الحاضر

خل يولون الخمة كلهم مافيهم شريف يحب الكويت


حق المرأه و حق المرأه و أهيا ما تقدر تطلع من الكويت إلا بموافقته!
و تكفون لا تقولولي مشاكل بتصير
و اللي يبي يسوي شي بيسويه فوق القانون
أشكرة شفنا هالشي
لا و يمارون فيها

Thursday, March 26, 2009

fantacy Gift

اليوم راح يكون البوست بالصور
بسم الله الرحمن الرحيم
توني داخلة البيت يايه تعباااااااااااااااانه من الدوام
قعدت و عينت من الله خير
و إلا الخادمة يايبتلي صندوق مغلف و عليه اسمي و عنوان البيت
بطلت العلبه و إلا شلاقي!!!!؛
علبه و مرسوم عليها سيارة!؛
v
v
v
v



أنا هااااااااااااااااااااااااااااااااا
أعرف هالخشه!!!!؛
معقوله وصلت الكويت!!!؛


بطلت العلبه و إلا شلاقي!!!!!!!!!!!!!!!!!!؛
أمبييييييييييييييييييييييييييييييييييه
تكفووون شوفوااا
v
v
v
v
v
v
v
v




هاااااااااااااااا
مفتاح سيارة !!!!!!!!!!!!!!!؛
و مو أي سيارة
البورش اليديده أم 4 بيبان!!!!؛

شنو يعني!!!!؛
مو صج حقي السيارة!!!؛
و وياها كتاب و خبه!!!؛؛

v
v
v
v
v
v











v
v
v
v
v
v
v
v
v
v
vvvvvvv

خذيت المفتاح مو مصقه
و قلت حق ريلي
وااااااااااااااااااااااااااااااااااااااااااي
مو صج !!!!؛؛؛
والله والله يبتلي إياها !!!؛؛

رد علي:؛
لا والله ما يبتلج شي
و إنتي في أحد إييب سيارة هديه!
بالله ما أعجبتج

-

-
-

فى هالمرحلة من النقاش بديت أستوعب إني لازم الحين أشوف هالمفتاح شنو قصته

المهم طلعته من العلبه
v
v
v
v



طلع شكله نفس السيارة!!!؛
هاااا
و بعدين يعني!!!
شنو هذا!!!!!!!!!!!!!!!!؛
ويا المغلف ورقه من شركة بورش
و قعت أقراها و إلا شيطلع المفتاح؟؟؟
v
v
v
v
v
v
v
v
v
v
v
v
v
v
v
v
v
v
v
v
v
USB





looooooooooooooooooooooooooooooooooooooooooool
1:0
تعيشين و تاخذين غيرها
هههههههههههههه
ههههههههههههههه
ههههههههههههههههه
بس أهم شي عشت أحلا 3 دقايق بحياتي و أنا مصدقه إن ريلي مفاجأني و يايبلي سيارة
لا و بدون مناسبه بعد
هههههههههههه
آآآآآآآآآآآآآآآآآآآآآآآآآآآآآآآآآآآآآآآآخخخخخ
ههههههههههه

Monday, March 23, 2009

يما بشوف الله

لصغار عليهم أسئلة اتدوده لما يسإلونها!
هابلي ولدي الحين لصغير يسألني
يوميا متى أروح حق الله؟؟؟
أقوله إنشاء الله لما تكبر
يرد: يما ما يصير ألحين أشوفه؟؟
لا ما يصير محد فينا شاف الله
يما متي أشوفه؟؟
قتله لما كلنا نموت نشوف الله
قاللي يما لما أموت بعدين ما يصير العب!
قتله ايي لما نشوف الله نكون كبار و ماراح تشوفه و إنت ياهل

طبعا ما إقتنع
و كل ما يروح حق أمي يقولها
أنا أحب الله وايد و أبي أشوفه
أمي دقت عليي هذاك اليوم تقوللي ولدج شطاري عليه
قتلها يما ما أدري كل ما بقينا نغير الموضوع يرد و يفتح الموضوع أبي أشوف الله و أبي الله

توه مساعه ناديته عندي بالدار أبي ألمه بروحه بعيد عن اخوانه
توني مسكرة الدار
و أنا قاعده أحضنه و أسمع هالكلام
يما يالله أنا بشوف الله
بيني و بينكم بدت تخوفني هالكلمات
أستغفر ربي
و أتعوذ من بليس
بس ما أقدر أحس بخنقه كل ما إييبلي طاري انه بيشوف الله
أخاف باجر يسوي في نفسه شي عشان فضول اليهال اللي في

أستغفرك و أتوب إليك
والله اللي عنده خبرة بهالموضوع يفيدني
شقول و شلون أوصله المعلومه ببساطه

Sunday, March 22, 2009

summer is here ya jama3at elkheeer !



بدت درجة الحرارة ترتفع

و تييلك التباشير ماشاء الله إن اكو هالسنه 90 يوم غبار

شصير بحالتي؟؟

باليمعه أكون ساكته بس لحد اييبلي طاري درجه الحراره

ما أحب هالمواضيع تنطرح

اييلي قامت مو طبيعي

مو بكيفي والله

في شي بداخلي مو راضي يتأقلم على درجة الحرارة العاليه

لما أقول ما أحب الكويت بهالوقت

ليش معناها وطنيتي ناقصه؟؟؟

لازم أسيييييح عشان أقول كويتيه!

و بعدين ما قلت اني 360 يوم بالسنه مسافرة

أصلا ما عندي إلا 32 يوم بالسنه إجازة!

فوللي يعافيج لا تتفلسفين على راسي إنتي ما تحبين الكويت

أنا قلت ما أحب الجو الحار!

من يحبه تكفون!

يعني ربعنا يضحكون شو

شوفوا المنطق بالحجي هاااا؟؟؟

والله اليوم كأنه الجو بدي يحتر؟

ويييييييييييييييييه ريما شعدوة أمج و أبوج المان!

والله اليوم ماكو ولا نسمه هوا

ويييييييييييييييييه ريما اللي يسمعج كأن أول مرة تعيشين بالكويت!

واااااااااااااي شقولها هذي!!! ليييش لمداحر!

و من قال اني بهاجر عشان درجه الحرارة 50!

صج إن ودي بيني و بينكم

بس يعني ما تشوف اللي عندي! عيال و مدارس و مستقبل و عمات عين!

و مشكلتي بالحر ما أحب أدش بنقاشات عقيمه

مع لبريدااات هه شوي أطوف ( أول ما ظنتي الحين قاعدة أطوف شي )

فاللي من هالنوعيه خل يديرون بالهم إن أكو ناس تحس

و تعرف الفرق بين درجه حرارى 20

و درجه حرارة 40

من مميزات الصيف بالكويت

إني أرجع للبوستات و بقوه انشاء الله

لأن ما عندي شي أسويه بالكويت

Friday, March 20, 2009

وأفترقنا

أدري إن الوقت بالكويت حده ما يسمح بهالنوعيه من البوستات بس فيني طرب الصراحه
ملينا من القمتات و سياسه اللي تييب الماحي
اتصدقون حتى كلمة الأمير ما فكرت اني أسمعها أو أقرا عنها و أشوف شنو صار
أحس كلشي صار نفس الشي
المهم شلنا بالطلايب
أمس أحلا واحد بحفلة ليالي فبراير
فضل شاكر عشقى الأول
دشيت وياه بموود عجيب غريب
من زمان ما سهرت لي 4 الفجر بسبته مع إن وصلته الغنائيه كانت أول شي
أمس بدت الحفلة بصوته الحنون
من ضمن المواقف اللي أحس إني صغرت 50 سنه و من زمان ما سويتها إني أشتري 3 سيديات لفضل و شريط كاست حق الجيب مافي سي دي عشان إذا طلعت بأي سيارة يكون وياي
غير كومبيوتري اللي في الألبوم كامل

أحلا أغنيه بالنسبه لي track 8:
وافترقنا يوم اللي بعدنا احترقنا
وافترقنا يوم اللي بعدنا احترقنا
وافترقنا وكان الليل كان الليل حضنه سارقنا
وافترقنا يوم اللي بعدنا احترقنا
وافترقنا وكان الليل كان الليل حضنه سارقنا
بس الغرام فينا بقي مطرح ماكنا نلتقي
رجعنا بالصدفة مرقنا
فجآة وعي فينا الهوى رجعنا لماضينا سوا
رجعنا بالماضي احترقنا
بس الغرام فينا بقي مطرح ماكنا
نلتقي رجعنا بالصدفة مرقنا
فجآة وعي فينا الهوى رجعنا لماضينا سوا
رجعنا بالماضي احترقنا
وافترقنا وافترقنا آآآه
وافترقنا يوم اللي بعدنا احترقناوافترقنا
وكان الليل كان الليل حضنه سارقنا
فلينا وباقي بعينينا اشواق وحكيومن قسوة هالدنية علينا بكينا البكي
( هالمقطع من يغنيه تخنقني العبرة )
فلينا وباقي بعينينا اشواق وحكي
ومن قسوة هالدنية علينا بكينا البكي
هيدا مش اول وداع علينا مرق
كم مرة هوانا ضاع منا وانسرق
وافترقنا وافترقنا آآآآآآآه
بس الغرام فينا بقي مطرح ماكنانلتقي
رجعنا بالصدفة مرقنا
فجآة وعي فينا الهوى
رجعنا لماضينا سوا
رجعنا بالماضي احترقنا
وافترقنا
وافترقنا آآآه
وافترقنا يوم اللي بعدنا احترقنا
a song we love
=
memory reflection
;)

Wednesday, March 18, 2009

mobile not allowed


تذكرون لما جددت الجواز؟
جددولي الحين عشر سنين
تدرون شنو ظاق خلقي؟؟؟ حسيت إني شدقت خلاص
بيني و بين ريلي شهرين بالعمر فأهوا جددوله 5 سنين
هههههه
المهم رحت المركز البريطاني ويا أبونا
طبعا أنا ماني رايحه بريطانيا بس جذي لقافه أبيها على جوازي
المهم دشينا و إلا واحد مستقبلنا
هيللو و هيللو و يالله تفتيش
المهم هالكلام الصبح
يوم ييت بدش و إلا يقوللي يالله سكري موبايلج
قتله نعم؟؟ لييش بالله إنت مسكر مبايلك؟؟
قاللي أنا موظف
قتله و أنا مواطنه كويتيه و عيالي بالمدارس مالك أمل أسكر الموبايل
و خصوصا إن أنا و زوجي لازم نسكر الموبايلات لأغراض أمنيه
قتله جان علي الكاميرة اللي بالموبايل أسكرها إذا عندك لزاق ، بس موبايلي و لا حتي سايلنت أحوله
في هاللحظه من الزمن بدا ريلي يتنرفز مني
جان يقوللي بعد منتي مسافرة شاكو يايه وياي تبين فيزا؟؟
قتله أبي فيزا
عشان إذا زعلت مني و هجيت حق لندن زعلان أيي أراضيك
ما يصير إنت عندك فيزا و أنا ما عندي
قاللي و إذا زعلت و رحت مكان ثاني تييلي تراضيني
قتله لأ أتغلي عليك ليما ترجع
هههههه
المهم ماعلينا من هالكلام الحين
مو كيفه أسكر موبايلي
كنت أتكلم بالإنجليزي عشان ما يحس إني قاعدة أحش فيهم
قتله أخلي الموبايل وياك و لا تسكر الموبايل
هني قال لفقير المسكين أنا شلي بالطلايب
خلاص يبا لا تسكرينه بس خليه هزاز
قتله هزاز يعني ما أحطه بالجنطه كيفك
ريلي بس فصل عليي
هههههههههه
قتله شسوي عندك واحد بالمدرسه كل ساعه داقين علي يتشكي فيه شي يتدلع
تبي يدق و ما يحصل أمه و لا أبوه؟؟؟ تخيل نفسك بهالوضع
قاللي:
Maaam this is our rules
رديت عليه:
This is not an embassy
So this is my country
This is our rules
والله وحياتكم خلاني أعلق الموبايل بعد على رقبتي
و الأمه و الكاميرات كلها تشوف
ولا سكرت الموبايل

Saturday, March 07, 2009

resturant!





كنا قاعدين 3 بنات بمطعم أقدر أقول حده مشهور
المهم
جابلنا طاوله فيها لبنانيين
بعد شوي و إلا بطول غريبه نازله على الطاوله!
و دار النقاش القوي و الذمم الوسيعه بالفتواوي اللي أشكال و ألوان إلا بنعرف شنو اللي على الطاولة!
معقوله الكويت صار أشكره الوضع جذي!!
وحده منا نادت الجرسون هندي
شنو هذا؟
This is ginger water mam
أها أوكي أوكي
ها ريما تبين؟؟
ثالثتنا تقول لنا
شتبوب بهالمياها الخابطه فيها زنجبيل بعد توكم شاربين كولا
ههههههه
هونا شوي و أنا قاعدة أطالع هالبطول
لا لا مو كل هذا مااي
مال الزنجبيل مصوفر شوي ! هذا شفاف !
ولا تزعلين يا ريما أطلبلج واحد الحين
حق اللبناني الحين
لو سمحت / واحد ماي زنجبيل
الويتر: ما عندنا ماي زنجبيل
الوضع على الطاوله الحين
لويوووه تصوفقك و أطلعت ضحكات مو طبيعيه استنكارا للوضع و تضارف الآراء بين الويتريه
هههههههههههههههه
طبعا بعد شوي و إلا ماي بيرييه نزل على طاوله اللبنانيين و بعدين ثلج
الله الوضع حده أوكي عندهم
كلنا بلا استثناء ما انشالت عينا من عليهم لييييييييييييييييييييييييييييييييييييين ما نقصناهم!
بديت بالتحرش أنا
شنو يعني بديرتنا أشكره المشروب جذي! و لا أحد يتكلم!
و بدا الحوال بصوت عالي طبيعي استهزاءا بالوضع
بعد شوي ما كملنا الكلام و إلا مدير المطعم يالنا
قتله لو سمحت شنو هذا اللي عالطاوله اللي جبالنا؟؟؟؟
قاللي مادام هيدي طاوله الأونورز و قاعدين يجربون ماي جديد
ريما : ما بلعت الموضوع جان أقوله ماااي و أقول حق الويتر يقوللي ماي زنجبيل و إنت تقوللي ماي عادي و الثاني يقوللي ما عندنا ماي زنجبيل!
لحظه شوي
هااف لييه الطاوله اللي جبالنا و إلا ما وعينا إلا صاحب المطعم بكبره ظايط البطل و يايبلي إياه أجرب الماي!
قتله لا لو سمحت أنا رايحه الحج ما أبي أجرب أي شي أخاف في شي و إلأا شيااات!!
قااام و مسكيت لا لا هيدي قنينة ماااي جديده من إنجلترا لو صوديوم جربيها و بدنا رايك بالماااي
و الله و أذوق المااااي و إلا شي مو طبيييعي خفييييييييييييييييف حده
المهم بعد هالتجربه الله لا يوريكم ويوهنا من الاحراج
هههههههههههههه
قتله ترا سووري بس هذا الويتر قاللي ماي بزنجبيل و الثاني يقوللي ما عندنا هالماي فشكيت باللي قاعدين تشربونا
كان المدير حده كووول و تفهم الوضع و قاللي والله الحمد الله إن لفت انتباهكم قناني الماي و هذا الماي في أنواع و بس يقدمونه بالمطاعم
و بس ماطلينا بالطاوله مرة ثانيه
و بعد شوي يابلنا طبق نذوقه يديد و نقوله راينا و صرنا نشارك بالميتن مالهم اللي دشينا بأخلاقهم طول بعرض من نظراتنا اللي تنقص
ههههههه
شنو يعني أحب هالمطعم أمووت عليه و ما عندي استعداد تطلع علينا سمعه بسبته!
مو معاي حق!

Sunday, March 01, 2009

خطافين عيال الفريج




تونا نازلين بيت يديد


، الفريج ما أعرف أحد في


يوم المسيرات عيال الفريج من 7 سنين و نازل أي سيارة تمر يرشون عليها فوم


قمت و مسكت الولد بو 6 سنين


قتله عندي فوم بالسيارة ضبطني لحد يرش على سيارتي


و لك مني علبتين


قاللي صااار و خذا الفوم و الله وسيارتي نظيفه
شفته اليوم و أنا راده من الدوام قتله صقر شلونك!


قاللي يايده من الدوام؟


قتله اييي تبي شي؟


قاللي ميخالف أي بيتكم؟


قتله اييي بس قول حق أهلك أول


قاللي خلاص اليوم العصر أنا يايلكم
تغدينا و رحت نمت الظهر


و الله الساعه خمس أسمع صراخ اليهاهيل يتراكظون مستانسين على صقريما يايلنا صديق يديد و يسأل عنج


طليت شفته يا حلوة الله يخليه و إلا خف طينه و كبر ولدي بالظبط
زوجي كان يم الدريشه حزتها قاعد يطالع الجوو الا دوريات!


هااا عساها على خير انشاء الله


و إلا واحد يأشر على ريلي بطل الدريشه


المهم فتحنا الدريشه بنشوف شالسالفه


و إلا يسإلون عن صقر
أنا هنيييييييييييييييييييييييييي
أمبييييييييييييييييييييييه لا لا مو صج!


و إلا حريم الفريج كلهم برة بالسكه يدورون هالصقرو إلا دوريه وياهم


و العم و الجده يدورونه من مستشفي لي مستشفي


و إلا الأخ صقر هااف 4 ساعات مو قايل حق أحد وين رايح


قمت و بدلت و ركضت ليه بيت الأم أعتذر منها


و إلا وعليه تقوللي السالفه و أشوه طلعت أعرفهم و خبهم هالصقر
ههههههههههههههههههههههههه


شي شي


أثري صقر شقايل حق أبوه من الخوف؟؟؟
أنا كنت بيي البيت بس أبوهم مسكر علي الباب مو مخليني أطلع
و قايل حق الأم أنا من الوناسه في بيتهم نسيت رقمج و أقولج أنا ويني
ههههههه


و إحنا اللي كليناها سمعتنا الحين بالفريج ريا و سكينه
رحت لهم و عدلت سمعتي


و إلا يحليله قايل حق أمه أنا في بيت الحلوة اللي شعرها كيرلي اللي معطتني الفوم هذاك اليوم
أنا يوم قالتلي الأم السالفه فصلت مت مت من الضحك
أثري الولد مو قايل لهم وين رايح يخاف ما يخلونه يروح
الله يحفظ عيالنا من كل شر و لا يحطني بهالموقف اللي ينشف الدم!


و بس خلصت و ملصت و يات الديايه و عنفصت