Saturday, November 04, 2006

FOOD FOOD FOOD ! ! ! ! ! ! ! !






الكويتيين ما يعرفون يعيشون!

بكل مقعد لازم يدور حوار معين عن السفر و العطلات و الشاليهات، هاليومين قاعدة ألف بموجب ، السؤال المعتاد ، ها إشسويتوا بالعيد؟

إللي يحب البلد إللي رايحتلها مثلا خلنا إنقول لبنان.

أول شي يسإلوني، هاااااااااا فتح مطعم يديد؟ رحتوا هالمطعم لفلاني؟ هاا عيل هذيك القهوة سكرت؟

وااااااااااااي جنه ماكو شي بالدنيا غير البلعه! أبروحي لايعه جبدي من الديرة بين كل مطعم و قهوة أكو قهوة ومطعم!

الوصيه و النوته إللي تستلمها لأي مكان تبي تروحه إهيا لستت المطاعم !

رحت ماربيا ، شفنا جماعة كويتيين، السلام السلام.

هااااا شفتوا ترا لينوتر فتح بالبورت!!

( إنزين أدري ، لايعة جبدي منه بالكويت – طبعا بيني و بين نفسي )

هاااا ما كليتوا في هذاك المكان؟ ترا ألبيرت أند سيمون؟ هذيله عيال عم و كانوا يتدربون عند ديماديجي! ( طبعا كل هالكلام ما هزني ، بس أتيبوسم و أضحك )

والله يا جماعة أنا ما أثبت إسم المطعم أو إسم القهوة ، أمشي متي ما عيزت قعت و شربت قهوة و إلا شربت عصير.

وااايي إشلووون من صجكم ، أصلا إللي ما إيي ماربيا و ما ياكل في هالمكان لا إييي أحسن له

( لا حول ولا قوة إلا بالله – يعني هدوا هالمناظر الحلوة إللي من يشوفها الواحد يشبع أصلا ! جابلولي المطاعم )

لا و شي غريب فيهم الكويتيين ، و نصه حركات بعد ، وحدة طلعتلي النوته مالتها، فيها كل مطعم و شنو أحلا شي عندهم، عشان ما تاكلين شي ما يعجبج و إتقوللي ما أعرف أسافر بدون هالنوته .

( الشكوه لله )

خلصنا من السفرات ، إنييلكم بالشاليهات :

يالله بنروح الشاليه ، إشرايكم إنغير و ناخذ بالهيلتون؟

شخص ما نسائي ( إيي يي والله أقرب عشان الطباخ يطبخ و يطرشلنا الغدا ، الخيران عنوة ما نقدر إندز السايق كل يوم غدا و عشا )

+ لا تعليق الصراحة – ما إتشوف إن الشاليهات صار يمها كل شي و مركز سلطان منتشر بطريقه مريحة إتخلي الواحد يركز علي اليمعة و الوناسه مو علي الأكل .

بتكلم عن أمي إشوي :

أبوي يموت علي الشاليه بس أمي ما إتواطن شي إسمه وصخ و تراب داش عليها هههههههههه

هذاك اليوم أبوي يتحلطم علييي ، ليييش أمج مييي سهله أقولها خلينا إنروح الشاليه تقوللي ما يسوا إنمجل علي يوم!

أبوي : ليييش ماجله! توست و جبن و سندويشات

أمي : إسم الله عليهم عيالي رياييل أأكلهم سندويشات!

أبوي: محد ميت من اليوع ! إشدعوة ألحين ذابحكم أكل البيت، من بدوا يسوقون و كل واحد ما يحط مقعدته بالبيت ، و بعدين صاروا ريايييل إللي إيوع يروح ياكله أي شي !

و طبعا ماراح أبوي الشاليه لأن إمبينه من أولها القصه .

ما أبدي أمدح روحي ، بس أحس الحياة أجمل من إن نعرقلها بتفاهات أكل و خرابيط ، و الحين الأكل مقلل بكل مكان ، مو لازم أنعيش عيشه السبع نجوم عشان نستانس ، شبعنا أكل حلو ، شبعنا قهاوي حلوة و نظيفه ، شبعنا من إن كل شي يكون إمزهلق .

الكويت الحين مو نفس أول نخترع إذا شفنا ستيكه و إلا لحم هرفي !

إشفيها ليه شرينا توستهم إللي جنه طابوقه و كوكاكولا من محطة البنزين علي الدرب و جبن سلايس و حشيناها فوق قبق السيارة في دربنا و إحنا إنتمشي؟

ليييش لازم إنقيد روحنا بمواعيد مطاعم كشخة و حجوزات و ما تدري لما إتروح إتكون يوعان و إلا شبعان !

والله قمنا ناكل و إحنا مو يواعة ، و ساعات يطالعني ريلي و جنه فشله إن ما يبي ياكل هالحزة لأن مطاعمهم إتسكر 11 باليل بالأيام العاديه.

يعني أنا يايبج إهني و ما تاكلين بمطعم كشخه .

والله لا خلا ولا عدم ، أنا أشتري جنطة أشبع ههههههههه خلنا نروح بس إنشم أكسجين إللي محرومين منه بديرتنا . و إكتفيت بدايت كوك لذيذ من الماكينه ، و تالي طلبنا من الفندق سندويشات الساعة 2 باليل و جابلت الجزيرة و نمت خفيفة ونااااااااااااسه

أنا هالسفرة خليتها صحيه ، يعت طلبت سلطة ، و أخلي الوجبه النهائيه علي حسب البطن، و وايد كان زوجي ياكل و أنا أستمتع بالجو و المنظر و الناس و أطلب سلطة و كوك أو أكتفي بالستارتيير ، طبعا إهناك الكوك مالهم غيييير متروس غازات . و الله من أمتع السفرات إن ما إتحوشك تخمه ، الأكل ما وراه إلا عوار المعدة والخمول و خصوصا عقب رمضان المعدة منلصمه .

الأيام إللي كنا ناكل فيها لحم و عيش ( مطعم هندي و إلا إيراني ) ، علي طول إنروح الفندق مافينا إحسنا إنتمشي عقب العشا أو إنحلي بآيسكريم هاجن داز .

مشكلتي بالحياة إني أشوف الطبق بالكالوري ، أمووووت علي أكل برة ، بس مو معناها يكون محور السفرة مطعم .

و بالنهايه ركزوا علي ربعنا ، عندهم مقوله مشهورة ، اليمعة بدون أكل ما تكون حلوة .

نحن شعب يعيش لياكل ، و لا يأكل ليعيش .

بروح أشرب ماي نشف ريجي من اللبحه


38 comments:

EsTeKaNa said...

بوست لذيذ
:pP~
انا برايي ان الأكل لابد ان يكون متعه
ماناكل لانه بس نبي ناكل
لازم ناكل عشان نستمتع بالحياه
تصدقين انا في يوم يكون في الجو مطر وغيم اشتهي اشيا معينه
في يوم الحر اشتهي اشيا معينه
مابي اكلها لاني بس ابي اكل
اكلها عشان اعتبرها نوع من انواع التمتع بالحياه
:)
شي ثاني..اليوعان ياكل كل شي،والسهاله أحلى مافي الكون،ماحب اوقف رحله او متعه او سفر على اكل

بس الباجي اكمله تالي
:)
والله يسقيج من ماي الجنه قولي امين...بما انه نشف ريجج

uTMoST said...

:)صاجه والله
انا هالسنه كانت اول مره اروح لبنان ف رفيحتي عشتو امسويتلي خريطه والله كلها مطاعم! و فوووق تشوفين
ABC و بس!
مع انه كانت اشتى غير فريه بس بلعنا :p
و صج اوربا الكولا مالهم لذيذ احنا العام كنا انتغدى دايت كوك و المغربيات ناكل وجبه , احلى سفره :)

ودي اعرف شنو الواحد بالكويت يقدر ايسوي غير مطاعم؟ امس طالعين من برقر هب الساعه 7 و نص وين نروح؟ كلنا شباعه من الغلقه ردينا البيت ;/


chene gargt? lol sorry ;p

nice said...

يا حلاة سوالفج
عقب هاللبحة ما يروي عطشج الا ماي فولفيك هني وعافية :)

بنت الشامية said...

هليومين عندي سفرة بروح باريس مع خواتي اول شرط حطينه ان ماكو بلعه ولا مطاعم ولا طبخ بالشقة بس تمشي واستمتاع بالجو والهدوء واكل وجبتين بس في اليوم. اتا اموت علي الريوق عندي اهم وجبه................وبعدين الواحدة لازم تحط بالها علي اكلها وان مثلك احسب كل شيئ بالكلري
الاكل مو هو الحياة
الحب هو الحياة

snowflake said...

وااااي والله إنج صاجة.. صح لسانج :)

هذا اللي ما أحبه بالحياة بالكويت
الطلعة و الوناسة بالنسبة لنا شي من اثنين:
1- مطعم أو كافيه
2- سوق

واللي يسوي رجيم بهالبلد مبتلي
ما يقدر يروح مطاعم ولا كافيهات لأن ما يبي ياكل
و بنفس الوقت إذا مسوي رجيم يعني الجسم مو حلو فما يقدر يروح السوق و يتأزم
و هني ينشأ

الإكتئااااااااااااااااب

ماكو شي ثاني الواحد يقدر يسويه ... يعتبرون الأكل المتعة الوحيدة.. لي صارت يمعة فتكون بمطعم
إذا في بيت فما تخلا من ما لذ و طاب من الأكل يعني حياتنا كلها أكل في أكل

أنا بالسفر آآآآآخر شي أفكر فيه الأكل علشان جذي ثقافتي بالمطاعم خارج الكويت جدا محدودة على قولتج أكتفي بسلطة و دايت كوك و هابينلج هالأيام بنوع كوكاكولا يديد
ZERO
يبرد الجبد ما فيه ولا كالورية

والشالية ألعن.. على قولتج لا شغلة ولا مشغلة أصلا نروح علشان ناكل و تكون نهاية أسبوع تنسف كل معاناتج مع الرجيم اللي تصارعين معاه طول الأسبوع

طولت عليج بس اشتطيييييت... قلبه مترووووسه
لووووول...

mishari said...

انتى شكلج تتغشمرين احنا هالشى متأصل عندنا بالتراث ما تذكرين عبدالحسين فى اوبريت صايم
شغنى؟واهو قاعد يتمشى بالجبرة

يوعان انا انا يوعااااااان اانا
احنا شعب ما عندنا شى نسويه الا البلعة

LaiaLy_q8 said...

i like to read your posts because you talked about the common annoying things in kuwait

Kuwaiti said...

شوفي ريما خانو
انا معاج انه لمن نسافر نشوف المناظر الطبيعية ونروح اماكن حلوه بس الأكل هذا لابد منه فأني راح اكل واذا باكل ليش ما ادور مطعم حلو وشي جديد ليش اعني نفسي واكل توست ودايت بيبسي وترا الأكل في فترة السفر جزء من السياحة
يعني في فرنسا عندهم طبق ريول الضفادع هذي مو عندنا بالكويت فهذي تعتبر تجربه جديده
عندج لبنان عندهم العصافير هذي تجربه جديده
وهلم مجره

صح ولا لأ

Charisma said...

انا معاج ما يكون شغلى الشاغل البلعه
بس يختج احنه شعب انحب انتنطع وذوييق بالاكل
اى مشروع مطعم يفتح اذا اكله مو لذيذ ما يمشى
الكويتيين اكاليين ويفهمون بالاكل


المكان الى اروحله واصيد طبق لذييذ لما ارجع للمكان لالالازم اروح له
سكتى اكو مطعم صدناة لا تسالينى اى منطقه بس كان بدربنه من المانيا لى ايطاليا طريج سياره وبالريف شفنه كوخ على جبل ولالا طلع مطعم كنه ميتين يوع
دشينه قلنه الله يستر
ابيييه ابيييه ابيييييييييييييييه
الاكل مو طبيييييييييييعى اكل ريفى الشوربه والمين الاستيكات مو طبيعيه
ولى يومج من نذكره انا وريلى انتحسر شلون ما ثبتنا وين وشلون نرجعله
هههههههه

انا احب اتشهى الاكل
عندى مود
بس ماهو شغلى الشاغل بس اذا عن على طبق لووول لالالا لالالالالالالالالازم اروح اكله لو اخذه توقو

ماكو فايده لو بتلبحيين من اهنى لى باجر ما اتغيريينا نحب الاكل هههههههههه

بوست عجيب
:))

3eShTaw said...

elwa7ed estaghfar allah walla mal men el akel. belshaleeh omi tes2alna sheno taboon ghada bacher !! kelena ensheb 3aleha, kelyoom akel kelyoom akel. manabe nakel. ana aktefe eb tabolah aw fatoosh. bas 3ad allah la ywareech el kharabee6 eli bain el wajbat. ana ma3ach enna el sefar 7alatah eb eneech teth3efeen oo matakleen oo kela mashe oo frarah, bas fee cham ma63am lazem el wa7ed eyro7hom. khassa eb paris. zagh galbe yoom agra postech oo athker el 4 cheese pizza :) other than that, bel sefar amashe 7ale eb ayshay oo aslan ma 3endena 3 meals. ehya wajba meta ma ye3na welsalam.

Sarah said...

مو لازم أنعيش عيشه السبع نجوم عشان نستانس
:)

صادقة والله يسلم هاللسان
:)
تحياتي

ام الحفيز said...

ريما

الكويتيات والكويتيون مشهوريين بشااااايتين
1- الطبيــــــــــخ
و الطرب والفنــون -2
ولا احد يقايشهم بهالخصلتين
ابد
بالعزايــــم احلى المجابيس والمرووق والجباب والمعجنات عند اهل الكويت مع احترامنا للجميع من اهلنا وحبايبنا من اهل الخليج

وبالطرب والفنون محد كثرنا حتى المغنين والمطربات اذا وصلوا الكويت للغناء يحسبون لنا الف حساب ...وهذا محمد عبده يقولها كل مره انا مااخف الا من الجمهور الكويتي


utmost الحد الأقصى

اشتقدرين اتسوين غير المطاعم انا اقولج
رحتي متحف الفنون الحديثه الي بشرق
رحتي متحف طارق رجيب بالجابريه
تقدرين تروحين المعارض الي تصير على هامش الاسبوع رساميين تشكيليين وغيرها
تمشي بالمجمعات لو الوحده منا اطلق اريولها يضيع الوقت ورياضه وتطمش
رحتي مكتبة البابطيين الي على السيف
وتقدرين تروحين السينما
وايد اشياء تقدرون اتسونها
بس انتوا تبون بس احد يرتب لكم طلعه ومالكم خلق ترتبون لروحكم...وبعدين ماتقولون لي انتوا بالمطاعم اشدعووووه جذيه تاكلون جن احد لاحقكم بعصااا اشوي شوي اكلوا وامضغوا جيدا وسولفوا ويعدي عليكم الوقت وعقب تمشي على البحر للتهضيم مو يقولون تعشا وتمشا
يعني لو انتوا بلندن شتسون غير المطاعم بالليل؟

Smile said...

عااد تصدقين انا اخر شي افكر فيه الاكل اذا سافرت .. الحمد الله الله يدومها علي هالعاده

واحسن شي سويتيه انج استانستي بالسفره هذه باشياء غير الاكل

Purplecious said...
This comment has been removed by a blog administrator.
Purplecious said...

alaaaaah FOOOOOOOOOD o ana yo3ana bel dawam o saymaa ma shawagny ela toast o jebn slice o coke ;p~

e7na elakel ya reema khalas sar wasela leshba3 el3awa6f, ma tshofeen elyahal lama yabchoon 3a6ehm 7alaw wela kakaw wela chips yasktoon!!

ana ma3ach bel sefar elwa7d ero7 cham ma63am bs mo kil yoom kil yoom..
mut3at elsafar inich tet7arereen min kil elqyood o tkooneen 3afaweyah o 3ala 6abe3tich..

bs madre reema hal hatha elkalam kentay ra7 etgoleena gabl cham sena wela bs al7een lama kbartay (keefy bakabrich ;p) o shftay eldenya o jarabtay kil shay maletay? mujarad tasa'ol kha6ar 3ala bali :)

o b3deen wain hal m63am eli 7a6a sorta shakla eshaweeeg ;p~ LOOOOOL

عبــدالله الظفــيري said...

على موضوع البلوغ وزيارتج له هذا يشرفني ويفرحني ونفس ما يقولون يثلج صدري (اشااااه برد)..زيارتج كافيه وحتى لو ما اطلين فيه المهم انج تكونين بخير عزيزه وغاليه :)

اما على موضوع السفر والاكل شهذا الشي الي مخليني ما اسافر الا مع شخص واحد واحب اسافر معاه دايم لان نفس مزاجي اهم شي المناظر والاماكن الحلوه وشنو في اشياء جديده غير المطاعم وغير الاشياء الي موجوده عندنا بالكويت ..في مشكله ان كلنا والحمدلله ان الي نقوله صح بس في شي يخرب على كلامنا ويعكسه ,دايم نقول ان الكويتيين وخل يسامحوني باجي الاخوان بس احنا نقول ان الكويتيين ناس كووول وناس ذووق وناس وشعب متحضر بس الي يخرب علينا لين تقول حق واحد وين مسافر هالسنه او ما يقولك اسم الدوله على طول يقول ابي اروح ارتاح وانام زين ليش مسافر نام بالبيت وارتاح ودافع فلوس ليش , وصل على طول دور مطعم اول ما ينزل من المطار على الفندق هاا شنو تبون تاكلون ليش بالله مسافر مشي على رجولك؟؟
حتى لين يطلع اول ما يفكر يطلع مكان يقول لين نروح هناك نمر على المطعم الفلاني, مهتمين بالاكل , وهذا الي يعكس كلامنا ..لين يسافر الواحد على الاقل يسويله جدول رحلات وين يروح اليوم وباجر وين يروح شنو الاماكن الحلوه , المنتزهات الحلوه , واشياء ثانيه , واول يومين ياكل من المطاعم ثالث يوم يقوول لام العيال والله مشتهي عيش ولحم شرايج تسوين عاااد اهوا الحين جرحها جرح مشاعر المدام اهي الحين لاهيه وين تروح اليوم اي سوق تغزي عليه؟؟ والله يخلي الفيزا شغاااله , وعلى اشياء ما تستاهل , ولين يردون وين رحتو الا مطلعين صورهم قاعدين بالمطعم الفلاني والا باللوبي مال الفندق والا قاعدين تحت شجر تقووول هنووود ليش مسافرين ؟؟
يا حلات السفر لين تنسى النوم والاكل شوي تبتعد عنهم, واهم شي السوووق شوي وخروا عنه موشي تقوول ماعندهم ملابس ,يروحون بخمس جناط يرجعون بعشره ليش ؟؟
موضوع حلووو ريما ويونس بس الحين شوقتيني للسفر يا حلات السفر بالشتا احلى شي مافي احد مسافر شي شي لا لا راح اخذ اجازه مافي كلام ..
اما على الرومانسيه اهداء..
http://song.6arab.com/majed-almohandes_areed-ansak(3ood).ram

lawyer said...

ريما

في وحده ما اذكر منو بس لما يبتيلها طاري لبنان في العيد

كلتج بقشوورج و قالتلج

لألألأ ما يسوا يقولون المطاعم تسكر الساعه 11!!

و ضيقه خلق

جان اذكر انج قلتي لها انا اشعلي من المطاعم كافي الجو و المطل

و القعده في شقتنا

جان تقولج
لألألألأ

بس كل شي يسكر الساعه 11

قمته لا تروحين

لوووووووووووول

منو هذي ذكريني فيها

لاني بصراحه ما اعرفها و لا احب اعرف ناس عيايز جذي

لووووووووووووووول

3abeer said...

هـــذا كان أظــرف بوست قريته اليوم... ممتع وظريف ودمه خفيف.. مع إنه كله أكل بأكل بأكل!! بس عجـــيب

وصــاجه نحن شعب يعيش ليأكل

تحياتي

Q80Batman said...

عندما تكون الثقافة و الفنون من الأمور التي لا يهتم بها غالبية الشعب و الرياضة تصبح هذة الشعوب خاملة تهتم بالأكل و الملبس و التكاثر خصوصا إذا ماتوفرة المادة بدون تعب لتصبح الحياة من غير طعم لذلك يتجة الناس لتذوق الأكل علشان ينسون مثل مدمنين المخدرات و الكحول

Яeema said...

estekana

أشوه إعجبج و عليج بالعافيه
;)

الأكل متعه بس مو شغلي الشاغل
بس هذا إللي أقوله

و إنشاء الله يسقيج وياي قووولي أميييييين




utmost

لبنان فيها وايد أشياء بس إحنا ما تعجبنا ككويتيييين

إنموت علي البلعة و أنا بلبنان ما أقدر أمسك نفسي من المناقيش عندي هذي عصرونيه

الكويت حلاتها الطلعه مو إمبجر

8 بالمطعم و إتسولفووون بكل شي مو عيله تاكلون

قولوله أخر المين دش
الساعة 7 مالج إلا إتهضمين إللي كليتيه بشوكليت بار
هههههههههه

ماكو شي حبيبت قلبي

لما يتعدل الجو حطوا ترينيج بالدبه و إمشوا بالممشي


منو إللي قرق أنا و إلا إنتي؟

ههههههههههه

بيتج و مكانج حبيبت قلبي

Яeema said...

nice
إن حبتك عيني ما ضامك الدهر

ههههههههههههههه

لبحت لبحت إسم الله علي الله يحفظني حق حبايبي




بنت الشاميه

الطبخ بالسفر و ما أدراك ما الطبخ


ما أدري لييييييييييييش يعني؟
هههههههههههههههههه
هههههههههههههه
و خصوصا إذا ماكو يهال بالبيت

بفرنسا ريوق و عشا علي طول

عشان إتصيرون إخفاف حق التسوق
ما أحب أضيع وقت


لا تنسين إتزورين الموناليزا!!!؛



و أنا وياج أنادي



الحب هو الحياة

Яeema said...

snowflake

hehehehehhehehehehehehe

والله رسمتي خطة يوميه للحياة بالكويت

عشان جذيه أقولج صار شي طبيعي إنهم برة نفس الكويت



إشتطيتي!!؛
عبارج ما إشتطيت معاج بكلامج

هههههههههه




mishari

والله مو مني من إللي فيني

ودي أسوي إضراب عن المطاعم عشان إنحس الكويت فيها شي ثاني غير


مشاري مو مشتهي جيييز بيرغر من ماكدونالد؟

ههههههههههه

أطرفك أطرفك أدري إشكثر إتحبها

Яeema said...

laialy q8
i am hapy that you like them , true they are really annoying !




kuwaiti

تعال تعال !!؛
ماني قادرة أصيدك هاليومين

ليش ماكو بوستات يديدة شنو تقاعدت إمبجر؟؟؟؟

--------------

من قال ما عندنا

روح تراس جرل

و تلاقي ريول ضفادع
و حلزون
و كل يايبينه من فرنسا

بالله العصفور شنو في شي ينإكل
و إلا ما عندي شغل قاعدة إبمطعم و آكل بيدي؟؟؟

إشلون إتقص العصفور


أنا إذا ما كانت حباري و آكلها مشويه بريشها و إلا ما أبي

;)

Яeema said...

kitty

أنا ما أقدر أناقشج سمحيلي

محد مخربني و إتشهوين علي الياباني كثرج

المهم أمتى إنروح؟؟؟

ههههههههههه

ما راح ألبح أعيييين و أعاون

شسوي بعد
:/




3eshtaw

eeeeee walla

أنا مريت في مرحله شنو الغدا باجر

لقيت كل واحد متعنقد

جان أسوي جدول و أوزعه
و إللي مشتهي شي ثاني يقول حق الطباخ


و خلصنا مو قصه الأكل

pizza ! 4 cheese allaaaaaaaaaaaaaaah

hehehehehehhehehe
they have the best cheese ever

Яeema said...

sarah

الحمد الله و الشكر لله عايشينها بديرتنا

الله لا يحرمنا منها

برة نبي إنرد للبساطة لا أكثر و لا أقل




أم الحفيز

ما بعد كلامج قووووول يا حبيبتي

مجابيس و جباب

أدري إنتي من ربعهم

من حزب الأكل للمتعه

Яeema said...

smile

الحمد الله إييي و الله إستانست

و الله يدوم عليج هالنعمه يا رب




purple

راح أجاوبج بصراحة

أمي من الناس إللي وايد صحيه و ما إتحب بالكويت أكل المطاعم أصلا تقول كلا دهن

فلما إنسافر بالضبط ما أذكر ناكل أشياء ثقيله

أصلا تعور معدتنا العشا الثقيل

لما تزوجت صارت فيني ردت فعل من أكل البيت فقمت أطلع و آكل بعيني أكثر من معدتي

فمع الكبر و القرايه عن الأكل الصحي و شنو مفيد و شنو مضر تغيرت النظرة أكيد

أنا أصلا مو إكيله وايد من عمر الدنيا ما أسوي رجيم لأن أعرف شنو آكل

و هذا السر


like they say , it's a matter of a life style.

not going on diet all your life .


it's only a picture , i dont know other details about it :PPPP

Яeema said...

عبدالله الظفيري

المعزة بالقلب مو بالبلوق

:p

-----------
تدري شنو صج المشكله بالرحلات ؟

إن يحرك الباص الساعة 6 الصبح

تبي إتقول حق كويتي قوم الساعه 5 الفجر و إرتز يم الباص عشان الرحله؟

و هالأشياء صراحة يبيلها قايد عشان يكلمك عن المكان


-------

صاير عاشق هالأيام الله يستر



lovely song



lawyer


hehehehehhe
eeeeeeeeeeeeeeeeeeee
أذكر بس ما أذكر منو الشخص

hehehehehehhehehehehehe

Яeema said...

3abeer

حبيبت قلبي أشوني ونستج

كان هدفه إن الواحد يستوقف لحظه
ليش بس أكل؟


تحياتي لج






q80batman

أحيييك

صج ختامها مسك

يسلم قلمك

الثقافه مفهومها إختفى

Charisma said...

Reema:

الحمدالله على العقلان
يوم ان ربى عانج وقدرج
لوووووووووووووووووول
هههههههههههههههههههه

Kuwaiti said...

هلا والله ريما

والله في بوستات يايه بس هل ايام وايد لاهي بالشغل

ســـامـريـــة said...

صباحج الخير ريما

هو هو هو ياحافظ شهالقطاعة ماقمنا نشوفج أبد شدعوة شدعوة (هذي هم من عادات الكويتيين) التشره ومو عاجبهم شي، بس أنا مشاركتي اليوم حبيت أبدي إعجابي في التغيير و(اللوك) اليديد و"السارحه" شي عدل يا ولد منصور "على قول القايل" وسلامتج وتعيشين


خدووي بسج تمقط بهالشعر يماااا والله لو شتسوين ماراح يصير مثلها.. عوينتي عليج

Q8ya said...

لا تقولين..... الاكل لذيذ ترى انا متعتي الاكل...^___*


صج ما عندنا غير هالسالفه بس عااااااااادي طااااااااااااف المهم اشبع واملي بطني باللي احبه...ولا اطوف هالشيء ابدااااااااا خخخخخ


<<<<< تحسين مشفوحه ههههههههههههه

albandry said...

طب شنسوي بالكويت قوليلي

بره اوكي معاج حق غلط كله بالمطاعم لازم نستمتع بالبلد اللي احنا فيها اصلا حتى الوجبات تقل بالسفر ونقزر باي شي

بس نلاحظ نفسنا بس ايينا زوار من خارج الكويت نرفع التلفون وهات حجوزات المطاعم ونترس يومهم مطاعم ونمررهم مارينا وشرق
وبس؟؟!!

albandry said...

وياربي الاكل حلو شنسوي

احنا ناس نتذوق الاكل

عبــدالله الظفــيري said...

البندري عندنا اماكن حلوه بالكويت مولازم اكل .. روحي دوار الشيراتون وقعدي انتي واليهال وصوروا..روحي ابراج الكويت واوقفي عندهم وصوري.. روحي سوق شرق واوقفي انتي واليهال عند الساعه وصوري ..سوي نفس اخوانا شوبنا يازلما ايام الويك اند على شارع الخليج وحاطين البساط وقاعدين ,والدخنه طالعه منج.... اشياء حلوه بالكويت عاد انتي وجنطتج شي شي كل العده تقدرين تحطينها داخل الجنطه عدة الشوي حتى الصياخ تحطينهم عادي :)

صباحا تقعدين من النوم وهالايام الجو غيم وحلو, بس مو تفكرين على طول بالاكل , فتحي على النت ودشي سوق الكويت للاوراق الماليه خل يرتفع ضغطج شوي ,بعدين طلعي بالسياره ونزلي ضغطج مافي شي بصراحه يفتح النفس مشكله

Яeema said...

kitty
LOOOOOOOOOOOOOOOOOOOOOL

و مازال المسلسل مستمر


بقيت أتهور و شكلنا مو خالصين بعد






kuwaiti

you can post it from home ! :p


allah ya36eek el9e77a wel3afya :p

3eeetheer 3eetheer i know

Яeema said...

سامريه

مساج الله بالخير

والله الدنيا تلاهي ، و إللي عنده عيال ولبه بس لبحه و ركضه علي طلباتهم

ضحكت علي تمقط الشعر
لا أنا مو حووول التمقط
حوووول التنفش و التقصص

عاد توني صابغة شعري لون حناوي علي بنفسجي

أنا شكلي سنه و بيطيح كل شعري يا حصرتي

اللوك اليديد أفاول علي ديرتي بالثلج
إتهقين بينزل هالسنه ثلج؟





q8ya

في مقوله يقولج السمن ما يعيل

إحنا إللي إنعيل عليه

هههههههههههه
عليج بالعافيه

Яeema said...

البندري
أنا قاعدة أتكلم عن برة و أسلوب الناس برة

و أتكلم علي إللي يتعسر علي الوناسه بسبب أكل

الكويت أدري مافيها شي و أصلا اليوم مشغوله فيه بس يالله لبريدات يايه بالطريج




عبدالله الظفيري

إشلونك إنك زين؟؟؟؟؟

لا صج يبيلك سفرة

ههههههههه