Monday, November 06, 2006

listen with your heart




الصداقه شي حلو بالدنيا ، بس لا تصير صديق أناني

الصداقه = مواقف

يثبت إن الشخص فعلا يبيلك الزين ، و أول شي بمفهوم الصداقه هو حسن الإستماع، بنظري كافي في واحد تثق فيه و يسمعلك كل سوالفك سواء تعنيله شي أو لا تعنيله ، بس ساعات يتحلا عليك إذا السالفه بايخه ، بس إتقرقع بالقلب و بقولها حقك.

ودي أفضفض إشوي لكم

أنا من عشاق الإستماع ، و خصوصا للناس الجدد ، أحب أعرف الناس و أجاريهم و أعطي موضوعهم أهميه مع إن ساعات المواضيع تصير أتفه من إني أناقشها ويا ولدي.

إكتشفت إن السعادة الحقيقه بالنسبه حقي لما أسمع أحد يعز علي يشكيلي ، المشكله إني ما أعرف أتفاعل ويا الحدث وايد ، فتلاقوني أسمع و أفكر بحلول بدل ما أسمع لمجرد السمع، بالنهايه و لا شعوريا أسبح بالأفكار و قمت أضيع بعض تفاصيل المشكله، و إللي قد تكون سبب رئيسي للمشكله.

أرجع البيت و فكري مشوش، مزحوم بعلامات إستفهام و تعجب بعض الأحيان.

و بنفس الوقت أكون وايد فرحانه من داخل قلبي إن هالإنسانه أو هالشخص فتحلي قلبه و قاللي إللي مزعله، سواء أبوي و إلا زوجي و إلا حتي الزمله بالدوام.

إهيا مو المشكله وأهما العائق بالمشكله .

المصيبه إللي فقدناها في هالزمن إن أكو أحد يحبك و يسمعلك.

لو كل واحد فينا فكر إشوي بمعني هالكلمة و إن بقليل من الصمت يفرح قلب مهموم من أمور الحياة

كانت الدنيا حلوة و بخير

الله لا يحرمني من زوجي و لا من أصدقائي إللي أحس فعلا ربي موفقني بسسب حبهم .

25 comments:

Cr8ivia said...

i agree with you .. i find my pleasure too in listening more than talking ! o a7la shay li khallas galech sij irte7t yoom 7achaitech .. woh!
and they always say
Good listeners always win!
and yeah .. its so good to have ur loving ones around u, care about you and listen to u ..
Allah eykhalelich ur parents o raylich o ur kids o ur valuable friends (:

Charisma said...

الصداقات مراتب
سبحان الله عندى الصديقه الحقيقيه اهي الى اتوافقنى فكريا اكثر من اى شى ثانى
شعور اينن لما اجابل صديقتى
اتكلم اتكلم واقط حملى وامشى ما احاتى تفهمنى صح ولا غلط
والا شبتقول عنى والاعسا ما تفهمنى غلط
و و و انتى مهمومه وقطيتى حملج وهم ما خلصتى زاد همج من هالافكار

بس اذا لقيتى الصديقه الى اتوافقج فكريا
حمدى ربج والله انتى بنعمه

الانانيه تهد الصداقه
والصديق ما ايى بيوم وليله
فى معارف فى زملاء
وفى صداقه
صداقه هذى دنيا
تحكج الدنيا معاها مواقف حياة سنين
تمر عشان تقولين صديقتى الصدوقه
:)
وانا اشهد هالخصله فيج
حبيبتى انتى
ياما شلتى منى ونصحتينى
الله لا يحرمنى منج

PearL said...

موضوع حلو ريما

الصداقة الحين نادرة الوجود بصراحة
تلقين ناس تقعد معاج وعلى طول بينج وبينهم اتصال
بس لما صج تحتاجينهم مو موجودين معاج
بس اول ما يمرون بمشكلة تشوفينهم جدامج

طبعج مثل طبعي
احب اسمع ونفس المشكلة
اني اسمع واحلل وافكر واسرح والشخص يتكلم

و حلو يكون عندج ناس يسمعونج

الله يخلي ريلج و صديقاتج لج
لان صج الفضفضة و الصمت حلوين

SaRo0Na said...

mashAllah! i would really like to be a good listener but i dont htink i am! i care alot about my friends, i ask about them at all times, but when it comes to listening, i simply cant do it! i get bored, wo asra7 while someone is talking! i know it's glat adab feeny and am trying so hard to change it!
anyhow, ur friends are lucky to have u as a friend!

shaikhoona said...

Aameen :)

سالفة قلب said...

انتي منصته جيده

لاحظت هالشي فيج وشدني وايد

وعلى فكره الاستماع وايد يجيدونه

لكن قليل من يجيد الانصات

Mamloo7a Q8ia said...

الله يحفظج ويخلي لج كل الغاليين في حياتج
فعلا الصداقه شيء نادر والصديقه الصدوقه عمله نادره في زمن كثرت فيه صداقات المصالح

3eShTaw said...

allah eykhaleleech ahalech oo raylech oo 3yaylech inshalla golay ameeeeeen :)
el rabe3 shay tharoori hal ayam khasatan oo ena kelmalha el denya oo t9eer a93ab. ana a7es eni akoon fee qemat sa3adte lama eykoon fee a7ad yashkele oo ashkelah. el7emdella ana rab3e wayed oo a7ebhom kelohom oo 9are7a ma3ahom kelohom, bas 3endee wa7da emsafra tadres barra hathe my best friend men ayam el thanaweya. sij mokanha khale. allah eywafegha oo eyredha bel salamh oo eywafeg el jemee3. Love ur post :*

Kuwaiti said...

I agree with u reema

7osen said...

لما تكون مستمع جيد راح تكون شخص محبوب

في هالوقت نادر ما تلقى احد يستمع وينصت مثل ما قالت الاخت سالفه قلب

لأن الاهم من الاستماع هو التفاعل مع كلام الشخص اللى قاعد ينقلك شكواه او مشكلته

انا مثلج احب استمع للاشخاص القريبين مني ومو بدافع حبي لهم بس لا القى متعه كبيره بالانصات والتفاعل مع مشاكلهم

لأن كل مشكله تعطيك تجربه
وكل شخص يكشفلك نفسيه من نفسيات البشر 0

يعطيج العافيه على هالموضوع المميز

Reflections said...

allah eKhalelech erbo3ech o ekhaleCh lehom.. Bs ana 3ende neq6a.. moSeeba lama taShkeen 7ag wa7da.. o takhith kalamich o etekallam feh 3end elnas.. or awal ma tkhalsen mawtho3ech, tabdy eb mawtho3 yeded mala Sheghel!! enZen shda3wa atleast reaction!!

عبــدالله الظفــيري said...

انا ابي اتكلم بس راح اطول فعذريني لانج نبشتي وطلعتي موضوع من زمان ودي اقوله ودي اسال فيه فراح اكتب لين اوقف واقولج من الحين مشكوره على الموضوع شكله السفره لها تاثير فيج فلازم اسافر ترى مو حسد اتمنالج الصحه والعافيه

عبــدالله الظفــيري said...

الصداقه الي انا اعرفها والي لازم يعرفها كل شخص مهما كان الصداقه اهي انك تلقا والا تعاشر اخ جديد مو من الام والابو , والصداقه والصديق الحقيقي اهو الي قولك الصح صح والغلط غلط مو الي يجاملك بالصح والغلط ان سويت غلط قالك اي حلو لانك انت سويته مايبيك تزعل , صح ان الصديق مايحب صديقه يزعل بس لازم يعلمه الطريق الصحيح مو الصداقه الي نشوفها بهالوقت يمكن بكثره , اولا للمصلحه ان كانت مصلحه على شان يكون عنده واحد يضيع الوقت معاه , شخص يونسه , شخص مثل مايعطيه فلازم ياخذ منه , يسمحولي اخواني وخواتي ترى هذا غلط , هذي مو صداقه لين يكون جذي , الصداقه لين يكون هالشخص يحب مصلحتك اكثر من مصلحته يفكر بالشي الي تبي تسويه و يوقفك عن الغلط اذا كنت تبي تسويه ويقولك الصح والحقيقه وهذا لازم يستانس منه اي صديق , لازم نعتبر هالصديق اخ او اخت والصداقه الحقيقيه ما نعرفه الا بالمواقف الصعبه والا لين نحتاج لشخص يساعدنا بمشكله فينا والا سويناها زينه والا شينه...
اما على طاري لين يفضفضلك شخص فهذا من احلى شي واروع شي عندي لان احس ان اي شخص يقولي همه ومشاكله ويبيني احلها لها والا يبيني اسمعها احس انه واثق فيني ويحسبني اخ مو صديق بس , يمكن مافي غيري بس هم استانس وارتاح يمكن اتضايق على مشكلته بس بنفس الوقت استانس لين فلان يقولي عبدالله ابي اشتكيلك من فلان والا من فلانه والا من مشاكلي , وياكثر ما احب اسمع كل الي بقلب الي يبي يشتكيلي واندمج بسالفته اكثر منه , واعاند نفسي على شان احل مشكلته حتى لو ما احلها احاول المهم احس اني سويت شي لشخص وثق فيني وتطمن لي وحاول يقولي الي بقلبه , يمكن اتضايق معاه وافكر بمشكلته حتى لين ابي انام , لان اذا ماشاركنا هالشخص والصديق باحساسه ماراح نحل مشكلته , ودايم اتمنى ان اي شخص اتعرف عليه ان كان من وقت طويل والا قصير يقولي الي بقلبه مهما كان واحب استمع لمشاكل الغير حتى لو مالي خلق لا شعوريا اندمج مع موضوعه وانسى الي فيني وافكر شلون احل هالمشكله , لان هالشخص وثق فيني واعتمد علي بهالشي مهما كانت الاهداف , حلوه لين تلقا شخص ارتاح وارجعت له الابتسامه وهذا كله بفضل الله وبفضلك لانك سمعته وخليته يفضفض الي بقلبه حتى لو تتضايق بس تحاول تحسسه ان في شخص مهتم فيه وهذا المطلوب من الصديق مو المطلوب منه لين استانس اتصل عليه واقوله تعال استانس معاي ولين اتضايق ما احاول اشتكيله لان هالشخص مو صديق مجرد شخص لين ابي استانس اروح معاه ولين ابي احد يدفعني برايي ويقولي اي صح الي تسويه ان كان الي اسويه صح والا غلط , بهالوقت قمنا نخسر هالصداقه بس مجرد مصلحه لا غير

عبــدالله الظفــيري said...

ترى اذا هذرت هذرت ما اقدر امسك نفسي

ســـامـريـــة said...

مسيج الخير يالغالية

عسى الله لا يخليج من أبيكم ولا من عييلج ولا من ربعج اللي يعزونج ويريحونج. وإي والله ثم إي والله وكاد ما ثم الصديج الوفي اللي لا حطيته على الجرح يبرى ويطيب ولايبقاله أثر، وخصوصاً الربع اللي (يهونون) المشاكل ولا يكبرونها براس الصديج!! بالعون يابخت البنات اللي إنت صديجتهم، وعسى الله يتمم عليج ثقلج ورزانتج وخف روحج وطينتج، مصييــــبه الدم عسل (شو مهضووومة) هالبنت.. أما بالنسبة للثلج حبيبتي، بالعون شابت الأهداب ولا بتشوفين ثلج بديرتنا!! هاهاهاي ياحلوها والله بحرها ورطوبتها وغبارها (اللي هو ثلحنا) وعسى الله لا يغير علينا فيها إلا للأحسن ياربي ياحبيبي.
وبالنسبئ لتمقط الشعر، يما إنت الشعر رباني رخم ومخوص لـــــلـ إلــــه إلا الله تبرك رب في ما عطى. خلي التمقط حق هالخدووي اللي عندي عوينتي! مي مقتنعة إن شعورنا من فئة (الناريل) يالله من فضل ربي لك الحمد على كل عطاياك

آآآي عنبروووه يعللـــــلك الويعه خبطت بريولي وثول بسك ملاحق ورا هالزهيويه حق الفخ، مادري شبتصيد على هالخبه، نسر؟؟؟؟ يعلك الضربة

7amee elDyar said...

الصداقة تحتاج للاختبار والتجربة



الاصدقاء المخلصين جواهر نادرة

EsTeKaNa said...

اسم هذي الفضفه عندي:
!!ساعه صفا
تتكلمين فيها مثل ما تبين
ما تحاتين الطرف الاخر شنو قاعد يفكر أو يأول كلامج
مرات تلقين منو يسمع لج بس بالنهايه ما توصلين حق الراحة النفسيه المطلوبه
بالعكس..مرات تتحسفين على الحجي اللي تقولينه وهذا اصعب احساس
!!
الله يهني كل من يحبج وتحبينه
ويشرح صدرج دوم ولا يحرمج منهم

مـحـمـد مـفـيـد said...

من نعم الله علينا اننا نحن الذين نختار الاصداق ولا يفرضهم علينا
فالصداقه كنز ولكن لمن يعي ويفهم معني الصداقه الحقه

mishari said...

انا بنظرى احنا كمسلمين وعرب نفتقد شغلتين

القراءة
والانصات

مجرد ما تنصت المعلومة سييييدة تروح مخك
بس مجتماعتنا المخملية تكره اللى يتكلم بالحائق وتعتبره سخيف

من ناحية المشاعر الانصات اهو تحقيق ذات للاخر واعطاءه مكانة يحس بوزنه فيها وخصوصا اذا كان الشخص متين :p
لا اتغشمر بس النص الاولى من صجى

خوش موضوع وايد حلو ونفتقده
وذكرتينى
الصمت انواع

Support listening
Responding listening
Retention listening

sologa-bologa said...

الانصات شي جميل
لكنه ممل أحيانا
مع بعض الناس
اللي يشكون على الفاضي والمليان

هذا مو مهم

الاهم
هو النقطة اللي ذكرتيها
لما تسمعين شكاوي الناس تسرحين بالافكار والخيالات

على فكرة
هذه سمة من سمات المبدعين من الكتاب والروائيين والقصاصين

أنا أجزم
انج مشروع كاتبة مبدعة

:)

barrak said...

من يحترم نفسه يحترمه الاخرون
وهذا سبب ان كل من حولك يحبونك
ربي يديم الحب مع من تحبين وتحترمين

Common_Sense said...

wala mawthoo3 7loo .. men '3air hal nass el7yaa y9er a93ab oo a93ab :)

kila ma6goog said...

الله لا يحرمنا منك بعد

:)

Purplecious said...

khoosh mawthoo3 reema

ana mithlich sa3at a7es eni mo gadra atfa3al weya el7adath asra7 o afaker eb 7al o yalait akhrat'ha a6l3 eb 7al (6al eb wayhee;p)

ana eli ashofa eb hal zeman ena elwa7ed ma yaby yfaker eb 7al 7g mashaklah,, yaby elnas ehya etdawerla el7al 3ashan akher shay ege6'ha eb ras'hm o ygool kela minik sma3t kalamk o wahagtny ;/

Яeema said...

I would like to thank everyone who take a mint’s from his time and write a comment ,I heard you all , I am learning from you as well my blogers friends .

With all the love and respect to :



cr8ivia


kitty


pearl



saroona


shaikhoona



سالفة قلب


mamloo7a q8ia


3eshtaw


kuwaiti


7osen


reflection


عبدالله الظفيري


سامريه


7amee eldyar


estekana


محمد مفيد


mishari


sologa-bologa


barrak


common sense


killa ma6goog



purplecios





الله لا يحمرني منكم و لا من كلامكم الحلو إللي فعلا ساعات أحس إنس قاعدة أكبر وياه و الله يقدرني إني أكون لكم و أسمع

فرحت وايد