Friday, November 17, 2006

مسخرة التلفزيونات







أستوقفني حديث بالتلفزيون :

القناة أوربت

البرنامج الدايخ : عيون بيروت

الجيش الإيطالي كان توه واصل على الحدود لمراقبه جنوب لبنان ، و الجيش تابع للأمم المتحدة.

الزبدة كانت المذيعه تقابل بعض من أفراد الجيش و لاحظت إن منقيتهم نقوه!!! معقوله جيش كل يشبه جورج كلوني

المهم السؤال :

شو شايف لبنان حلو؟ زرتها من أبل ؟

و السؤال الصعقه إللي خلاني أوقف عنده

شو رأيك في بنات لبنان؟ حلوين؟

يعني الريال هااد بيته و أهله و ياي إمجابل أراضيكم و إنتي إتيين إتقوليله بنات لبنان حلوييين!!!!

صراحة الواحد ما يدري شقول

و المغزي من هالسؤال شنو يعني؟ و ليش إتبينون حق العالم إن إنتووو راخصين في بناتكم لي هالدرجه!

أنا أموووووووت علي لبنان ، بس يا جماعه أكو أدب ، يعني هالجيش يبونا يرد مستانس و ضايق خلقهم إن قاعد بالجنوب ؟

و الله القنوات الأجنبيه ما فيها هالنوعيه من التلميحات، إتشوفون المذيعه الصبح لابسه لبس محترم و محتشم ، إييييييي صبح !!! إشتبي تلبس يعني!!

الصراحه صار التلفزيون مقزز من هالنوعيات من البرامج إللي أشكرة تعالوا سووا حرام عندنا .

والله حرام عليج يا لبنان ، تدرون إن اللبنانين إللي إنعرفهم محترين من السوالف إللي بالتلفزيون أكثر منا ، يقولون لما الخليجين إيولنا يبون الأشكال إللي يشوفونها بالتلفزيون. و عبالهم لبنان كلها جذيي .

ما أقول إلا الله يستر علينا و يحفظنا بأوطانا


39 comments:

نون النساء said...

احنا شعوب نحب القشور
أكثر في كل شي


:(

EsTeKaNa said...

الاعلام يعتبر مرآاه للمجتمع
هذا المفترض
لكن المشكله اللي قاعد تصير انه الاعلام فقد هذي المصداقيه في عكس واقع الشعوب وصار يعكس واقع أقليه مثيرة للجدل والاهتمام...بس عشان الناس تتابع وتهتم ويربحون للأسف
وهذا صاير مو بس بلبنان
بالكويت عندنا بعد للااسف
:(

cozy said...

sorry guys bs i really really hate them i might be the only one who got this feeling but i really do ..allah yaster 3alaina o 3ala omat el moslemeen

Charisma said...

الا تقولين الجنود كلهم جورج كلونى
ههههههههههههه
ههههههههههههه
لا حول ولا قوة الا بالله
نفس النقاش الى دار مع وحده من البنات بالدوام تذكرين؟؟

عبالهم التحرر بالتفصخ
وتبين الصج
لو مو شايفين ان هالشى اهوه الى ماشى ما سووه
بس ربعنا معطينهم ويه
روحى شوفى اى قناة يديده تفتح كله يدورون لبنانيات مذيعات بالقناه تتوقعين ليش
مو من ثقافتهم
من تفصخهم
ويدرون انهم مرغوبات ومرخصين نفسهم

اهمه الى يابوه حق نفسهم

Mozart said...

شفيه السؤال عادي

لان السائل متوقع ان الجواب بيكون حلو

اما لو سأل مثلا شرايك ببنات الكويت

.....لا تعليق

Mamloo7a Q8ia said...

انا شفت اول البرنامج ونرفزتني المذيعه وسخافاتها وتميعها وما كملت البرنامج
والله انا اعرف وايد لبنانيين وبعضهم مو مسلمين مو عاجبهم هالتفصخ عند المذيعات ويقولون انهم مفشلينا جدام العالم ومرخصين بناتنا
الله يستر علينا وعلى بنياتنا وبنات المسلمين بستره لأن بعض اللي عندنا بادين يقلدونهم عبالهم هذا التمدن

The Simper said...

أنا متبع سياسة
"ما أشوف هالبرامج"

وايد أريح طال عمرج

Яeema said...

نون النساء

والله إنج صدقتي


estekana

الإعلام صار تجاري بحت

و صراحة لاقين من يعطيهم ويه

و إلا جان ما إستمروا علي هالسخافات إللي إنشوفها


إنزين 50% سخافة و النص الباجي نبي شي يرفع و يرتقي بعقلياتنا كبشر

Яeema said...

cozy
your not the one , every one got head and think will say so.

wella hatha 7achy yengaaal ??



kitty

إيييه و الله المذيعة مطلعتهم من الفرازة


يا حبيبت قلبي
لكل شراي بضاعه و سوقي


ما أدري شقولج شي محزن


أمريكا قامت تحارب سوق النساء في الإعلانات

لييييش المرأة صار جسدها رخيص

و إحنا إللي عاداتنا و تقاليدنا تحمي هالشي بالعكس إنشجعه

Яeema said...

mozart
والله المشكله مو بالتلفزيون

و لا المشكله بالإنترنت

و لا بالمذيعة
و لا بالجيش الإيطالي

و لا في بلوقي

و لا في البوست

و لا في السؤال إللي إطرحته

و لا في إستفسارك

و لا في تعليقك


تدري المشكله ويييين؟؟؟؟؟


إن لما الحين في ناس إتفكر مثل تفكيرك






mamloo7a q8ia

نفس الكلام سمعته

بس والله مساكين
الفلوس تعمي ساعات

Яeema said...

the simper

أنا كنت ويا خالتي تحت و صادف إني شفته

و إلا أنا من أنصارك

التلفزيون أستهلك خلاص

إلا اللهم بعض البرامج إللي أحس إنها مفيدة

و صراحة وقتها ما صار يلائم و يا الجو الحلو


;)

الحجيه said...

السلام عليكم جميعا
أي والله أهل لبنان محترمين بس هال قنوات الفضائية صايره ما ادري شلون الله يسترنا ويستر بنياتنا بستره ويحفظهم من إلي ياي ياهو يخوف يالطيف ألطف فيهم ويا حفيظ أحفظهم بحفظك من كل شر ؛ ‏قال رسول الله ‏ ‏صلى الله عليه وسلم ‏ ‏إنها ستكون ‏ ‏فتنة ‏ ‏تستنظف ‏ ‏العرب ‏ ‏قتلاها في النار اللسان فيها أشد من وقع السيف
تفسير بعض الكلمات
تستنظف العرب ‏
: بالظاء المعجمة أي تستوعبهم هلاكا من استنظفت الشيء أخذته كله . كذا في النهاية

في النار ) ‏
: لقتالهم على الدنيا واتباعهم الشيطان والهوى , أي سيكونون في النار أو هم حينئذ في النار لأنهم يباشرون ما يوجب دخولهم فيها كقوله تعالى : { إن الأبرار لفي نعيم وإن الفجار لفي جحيم }

لازم نحص أنفسنا وأولادنا من شر الفتنه المقبلة لا محال منها الدرع الواقي لنا ولأبنائنا التمسك بدينا وأتباع سنة نبينا صلى الله عليه وسلم

Яeema said...

الحجيه
اللهم آميييييييييييين

love nature said...

ma7ad 3afasna hal youmain ila hal lebnaniat ...ma shiftay hal ayam shimsaween il nas ib 3umurhum ..3amaliat tajmeel and libs madry shloon for the attention and khayfeen 3ala reyayeelhum ...shay yelawe3 il chabd ..

neelaah said...

هذا نوع من انواع ترويج السياحه
لانه لما الايطالي يقول بنات لبنان حلوين

مطافيق الخليج كلهم بيروحون

سؤال عبيط مافي شك

mishari said...

من شفت برنامج ستار اكاديمى اول مرة وانا قلت لبنان صايرة تدار من جماعة معينة من الخارج الفصاعة اللى وصلوا فيها بسرعة جذى بعد حربهم مو طبيعية يعنى ما خذوا وقت علشان يصكون على الالاعلام المصرى اللى كان متسيد
بس ادواتهم سهلة
واحد مفصخة ولابسة ضيج
وخلاص

ويقولون ليش الناس تبى الدين

mosan mosan said...

actually thats funny ,,,most of the labanese presnters are superficial and they get away with it

barrak said...

لانهم ربّونا على توافه الامور

nice said...

رييييمو
لحد يطح بلسانج
من قريت تعليقج ولا جنه نباطة بيدج وحصمة فيها
وترجعين السير لورا ورا ورا ورا
ليما تهدينها ووين بعين الي ما يصلون على النبي
زين ما قلتي

kuwaitia said...

اي والله صح السانج في كل كلمه قلتيها

Mozart said...

reema

اللي كنت اقصده ان الهدف من السؤال هو اكيال المديح للبنان فقط يعني المذيع متوقع جواب مثل "كتير مهضومين"0 و شي طبيعي ان كل دوله تفتخر بما هو جميل فيها حتى لو كانو الصبايا .

Яeema said...

love nature

إيييه و الله صاجه

الكل منتفخ و قاعد

ههههههههههه


نيله

إتهاقين الخليجين ناطرين هالبرنامج عشان يروحون ؟

عبيط و نص بعد

Яeema said...

mishari

و الله لا تدار من برة ولا شي ، أهما خلقه جذييي

ما إتشوف كل ما بقوا يتنفسون الله خفس فيهم

بس عاد منو إللي يتعظ

زائد إن جماعتنا الخليجيين ما خلا بخاطر أحد بلبنان ما خلاه يغني و إلا يصير مذيع و إلا إعلانات

فالخراب منا و فينا

و تالي يقولون شارينا بماصاريهم

منو إللي رخص نفسه و باع؟؟؟!!!؛


mosan mosan

i guess they will take their time and that's it !

Яeema said...

barrak

والله ما ربونا علي هالأشياء
إنفرض علينا




nice

نباطة أمريكيه و تيله

سالفة قلب said...

ويقولون انهم ينادون

بمساواة المرأه للرجل

وينها المساواه؟؟ والبعض لايحترم

من المرأه الا جسدها!!!!

Яeema said...

kuwaitia

صح إبدنج
;)


mozart

وصل رايك بس مو مقتنعه فيه

:p

read between the lines :PP

Яeema said...

سالفه قلب

ههههههههه

كلام فاضي علي منو يمشي هالكلام

لنا عيون تشوف
و لنا عقل يفكر

3ajayeb said...

ليش خلصت المواضيع المهمه اللي ممكن تناقشها المذيعه ؟
بالله رايه شنو يهم قضيتكم يا اللينانيين ؟
وينكم يا الصبايا وقت القصف الإسرائلي ليش ما طلعت كل صبيه حلوه بأحلى لبس لها وآخر تسريحه
وآخر عمليه تجميل تحارب بجمالها القصف الإسرائلي اللي هدم بلدكم ....والا يمكن المذيعه على بالها إن القوات هذي اللي في بلدهم يايه حق حفظ جمال الصبايا من العبث؟؟؟ صج سؤال تافه ومقزز من المذيعه حد التفاهه

Smile said...

اييه هذه المشكله الاعلام اللي يعرض لنا هالبرامج الهابطه .. مثل المسلسلان الخليجيه الحين الكل حسبالنا ..

lawyer said...

اهي اسألت عن شي معروض

لان بناتهم للعرض و للبيع

هذي الزبده
هههههههههههههه

العين الساهرة said...

صاجة تلفزيونات لبنان تنرفز، يعنى حرب وقتل وعماة عين، وبس يصير شويه هدوء تفصخوا وحطوا برامج مسخرة، أنا الألا بى سى ما أفتح عليها بالمرة من شكل المذيعات ونوعية برامجهم، ومساكين مصدقين روحهم جميلات، الله يعافى عمليات التجميل

خوش موضوع

tweety said...

دام حليمة بيكرمونها كمثال للمذيعة العربية المثقفة !! ما قمت استبعد شي من المذيعات العرب بصراحة اللي مادري من وين يايبينهم

الا بقولج هذيله وين اللي يشابهون جورج كلوني خنروح نسطر

:p

warrior said...

alla ykhalech ya reema o yastr 3laich o 3ala 3yalech :)
fe shabah keber bain elsha3b elebnani o elkuwaiti be7kom eldowal elmojawera o fe yom mn el2ayam elkuwait boghat tnba3 methl lebanan bs alla setar o 7afath elkuwait o ahalha :)
elmoshkela mo falas6en elmoshkela lebnan ra7at waraha :/

physio-80 said...

التفاحة الخايسة تخرب باجي الصندوق

ana_sokkarah said...

أهم شي يشبهون جورج كلوني تكفين إنتي تشوفين العراق شصاير فيها لبنان جذيه بتصير من هالسوالف خو أهم مايقصرون بس مادري ليش يسوون جذيه مافي أحد أحلى منهم ولاّشنو دولتهم ياحسافة عليها كلها مذيعين وفنانين يعرضون مفاتنهم وغيره.. ذاك اليوم بطّت جبدي وحدة سمعتها بمطعم تتكلم عن الكويت والتلفزيون والبنات تستهزء فينا إهي معاها حق بالتلفزيون بس بالبنات لا الصراحة يعني يانصير مثلهم يا نصير من سنة عفتين (يعني سنة الهدّامة)؟! أي شي هذول الله يهديهم خرّبوا على شعبهم.. أعرف عوايل لبنانيين بس مو جذيه ناس محترمة صج فري بس محترمين والله ليش هذول يعممون على غيرهم مادري إي والله على قولة فيزيو التفاحة الخايسة تخرب إللي في الصندوق كله

موضوع شيّق تشكرين عليه عزيزتي ريما أدري قرقت وايد بس هذي أو زيارة لي عندج تحملوني وانشاءالله ماتكون الأخيرة

Яeema said...

أشكر مشاركاتكم

3ajayeb


حياج الله و أسعدي رايج

وياجفي إللي قلتيه


smile

ما أردى من المربوط إلا المفتلت


lawyer

تفكيرج تجاري
صاجه والله

عيل إشلون راح يعمرون لبنان

Яeema said...

العين الساهرة

شوفي الجمال ما أ[ي أختلف عليه
لأن هدف السؤال كلش مو صووووووووب إنهم جميلات

الهدف شي ثاني



tweety

من كثر ما إتحن إنها أول مذيعه تخصصها إعلام

و أكيد راحت تنهوصت علي أحد عشان يكرمونها

أما وييييين جورج كلوني
جنوب لبنان
هههههههههههه
هههههههههههههههه

Яeema said...

warrior
thank U thank U thank U !

الله يستر علينا و عليهم


physio-q8

خربت و إخلصت
و إلا تلفزيوناتنا ما نقدر إنشوف فيها شي سنع

لا إللي ببلاش و لا إللي دافعيله فلوس

Яeema said...

ana sokkarah
أول شي صج صج راح أزعل إذا قلتي هذرتي

بالعكس كلامج مفيد جدا و فعلا لازم نوقف هذيل الأشكال عن حدهم

و كل شي بالمعقول زيييين


صار أشكرة تعالوا

ميخالف إنييلكم على نظافه

شي مؤرف الصراحه


و حياج الله