Thursday, November 02, 2006

on the flight





خل أقولكم سالفه إتدودهني ليه شفتها بالطيارة .

أنا وحدة أموووت خوف من الطيارات و خصوصا الطيران الداخلي، الطيايير لكبار يحطون إرشادات الطيارة بشاشة التلفزيون فجنه مو صج السالفة، بس لما إييلك المضيف و يشرح عملي، و الكمام يحطة و يلبس سترة النجاة و يتمشى فيها و يتخطرف قبل التييك أوووف .

كل ما أشوف المضيف يسوي المقطع إللي يقول فيه:

إذا سترة النجاة ما تبطلت نفخوا الهوا من هالجهة .

طبعا أنا شنو الفكرة إللي في بالي و كل مرة أصفن من يقول هالكلمة؟

بعد إذا الواحد طايحة فيه الطيارة و إلا بعد عملية هبوط إظطراري فيه نفس ينفخ السترة؟

و إلا من حلات الروح بينفخ؟ و إذا عياله وياه ؟ بس ولبه ينفخ و أهوا أصلا ما فيه نفس؟

و إتييلي الضحكة ، لأن زوجي يلتفت عليي كل مرة يقوللي هاااا؟ نفس التفكير التشاؤومي كل مرة؟

بس صج صج ودي أتخلص من هالفكرة !


17 comments:

Anonymous said...

عزيزتي انا نفس الشئ
اتمنا لو يخترعون فاكس حق البشر او مكينة مثل الافلام تكتبين اسم البلد تدخلين الجهاز وتطلعين في البلد اللي تبينها
من بعد لوست حتى سفر ما سافرت
الله يعين الخوافين لا من الارهاب ولا من القدر
خليها على الله

Bin3agul said...

Qul lan y9ibana ila ma katab allah lana .. etha allah kateb ina be9er fech shay be9er law entay madry wain .. so 3ashan chethy ana ma a5af men hal ashya2 ,, btw im not that dayen eny any way :P .. bs il7mdillah i believe in that saying fa ma a5af men hal ashya2 .. ;)

mishari said...

اقول
انا عيل من اركب الطيارة احط احتمال الموت ولما تهتز اقعد اضحك وبقلبى اتشهد علشان يكون اخر كلامى ذكر الله
كرهتينى؟؟؟؟؟؟
مو متشائم بس الواحد يستعد :)

Kuwaiti said...

اولا حمدالله على السلامه
امممم من ناحيتي ما قط فكرت هل تفكير للأن اذا طحنا في بحر ماراح اخذ سترة النجاة للأني اعرف اسبح وراح اطلع واطب بحر
انا اللي افكر فيه لييش ما يحطون برشوتات تحت الكرسي علشان اول مايصير شي نطب منها قبل لا اطيح

والله اللي الله كاتبه بصير

Purplecious said...

Reemaa el7amdelah 3ala elsalam awal shay,

thany shay waaay tha7akteny, thakarteny eb ekhty ehya chethy wayed khawafaa, ana kent khawafa mithilha o ma ankir lel7en akhaf bs naw3an ma takhalast min elafkar eltasha'omeyah la'ani mu'emina eli alah katba beseer..

fa lama shft shlon ekhty tkhaf akthar mini saweet ro7y shuja3a jedamha o sert ahadeha so yemkin etha lagaitay a7d ykhaf akthar minich ra7 tetkhalsen min hal fekra ;)

q8y_saint said...

الله يخس ابليسج ريما
عمري ما فكرت بهل سالفه بس باجر مسافر وشغلتي الموضوع فيني
الله يستر
على العموم الي ربج كاتبه بيصير

ام الحفيز said...

ريما

ويــــــــــــــه معطاج ربي ما عطاني انا كل ما اركب الطياره ودي يصير شي اختطاف ولا تنزل اضطراري ولا تهتز الطياره ولا تنزل على مدرج مو مجهز للنزول لان المحرك الي على اليسار طفا ولا دشت فيه طيور وااااي اثاره وتختض فيج الطياره وصراخ واااي ودي بجذيه وعقب انتشهد واااي جو مثير ياختي ملينا من اربط حزام وفج احزام وابلعي ونامي وعقب وصلنا ما كو اثاره

albandry said...

ووووييي ياكرهج ريمو ايشاب الطاري الله يابج بالسلامة لنا
متفكريش ابدا

اصلا ذاك اليوم قعدت اقول حق ريلي بحالة الطوارئ تعرف شتسوي اصلا احنا لا نقرا هذي النشرة ولا اطالع المضيفة لمن تشتط اقرا مجلتي


جان يقوللي اتصدقين لا
جان اقولله عيل انا احسن منك انا اذكر اني لازم افصخ جوتييي
لووول
وانتي كل همج جواتي وجناط!!!؟؟

albandry said...
This comment has been removed by a blog administrator.
albandry said...
This comment has been removed by a blog administrator.
Яeema said...


anonymouse


إييي والله
والله شوف ، مثل ما الصور قامت تنتقل فأكيد بيي يوم و إحنا بننتقل

تدري من بين 3 أكو واحد يخاف من الطيارة
يعني شي طبيعي




bin3agul
مالها علاقة لديانه بالموضوع
هذا يسمونا فوبيا
كيميائيات بالجسم

يوم كنت كبرك ما أخاف
بس ألحين أخاف علي نفسي عشان عيالي

Яeema said...

mishari
إيييه إسم الله عليك
مسميتك هلك
ههههههه

أقووووووووووول

ليكون أشوفك يمي بالطيارة في أي حال من الأحوال!!!؛

حق الشماته

أنا بالتيك أوف و اللاندنق أغمض عيوني


لأين يقولك هالنقطتين مالك أمل الطيار يتحكم بالطيارة



و إستعد و أنا أمك
ما أدي رايح إتحارب و إلا تستانس

هههههههه


kuwaiti
هلا و الله ، الله يسلمك

ما فكرت علي طاري سترة النجاة إن يحوش راسك شي و تفقد الوعي و السترة تنقذك؟

و إذا طبيت بمحيط؟
بتعبر البحر يعني؟
قلنا أهل بحر بس مو جذيه


فكرة البراشوتات حلوة

ههههههههههه

أشوني حشت أرض ديرتي بس

Яeema said...

purplecious
awal shay allah yesalmich wekhaleeech


kalamich 3adel , etha fe a77ad weyach yekhaf o 9aratly wayid , ettegaween, bas la7thay enna elly yekhaf ma yegool

hehehehheheheheh


esh'way esh'way gomt akteshif enna fee wayid naas etkhaf .


بس ما أقول إلا الله لا يحرمنا من نعمة السفر
من توصلين إهناك تنسين كل شي من الوناسه




q8y_saint

الله إييبك بالسلامة قووووووول أميييييييييييين

مو قصدي والله لو قايللي جان نطرتك إتروح و أنزل بوستي

سووووووووري والله

:( :(

أعرف هالشعور بايخ

بس تذكرني بالخير لما تسمع الجمله
ههههههههههه

Яeema said...

أم الحفيز

تبين الصج؟
ترا ما يمديج إتهنين بالأكشن هذا كله

أول شريط بيمر عليج ، إشسويتي حق آخرتج

و بعدين من الخرعة سكته قلبيه
هههههههههههه


أنا أفضل تكون إثارتي بالأرض اليابسه

علي الأقل أمسك زمام الأمور
مو كل شي بالكابينه ما أدري عنه

هههههههههه





البندري

ما قلتيله الجوووتي عشان ما يشق النطاطيه

ههههههههههههه

أنا ورا مرة رحت المطار بكعب عالي

كل جوتي رياضه عشان ما أضطر و أفصخه و أموت من البرد
ههههههههه

والله مشكله هالأفكار

توني أقول حق أم الحفيز
يمدينا إنسوي كل هذا؟

و إلا بنتدوده من الخرعة

me said...

lazim et"9awmeen hatha el sho3oor...fee corsat hnee bil kuwait esimha (el 7'awf min al 6a2erat) and they say its very useful..

good luck ;)

tweety said...

استغفر الله اتوقع على كل اللي يسونه وكل التعليمات بس لا سمح الله لو يصير شي محد راح يطبق ولا شي من هالتعليمات حتى المضيفين
وااااااااااااااااااي
حسبي الله على ابليسج خفت صج

أُكتب بالرصاص said...

ريما بصراحة احييك على المدونة الجميلة دي

انا نفس الفكرة بتيجي لي كل مرة ، لما يشرحوا مسألة سترة النجاة
بس السؤال اللي بيقفز إلى ذهني

عشرات حوادث الطائرات ،
وسقوط الطائرات في البحار

عمرنا ما سمعنا ان في واحد نجا من الموت في هذا الحادث لانه استخدم سترة النجاة