Monday, November 20, 2006

سرير و إلا سريرين






هذاك اليوم قاعدة آخذ راي بنات متزوجات علي سالفه سرير النوم.

القصد إن إحنا البنات طول عمرنا تعودنا إن محد يشاركنا فراشنا أو الكفير

لمبة الممر إمبطلة و إلا لأ ، التلفزيون داخل الغرفه و إلا الأباجورة مفتوحه و كتاب .

طلع إن الزوجين بدت تتغير نظرتهم عن هالشي، إشلون؟

يعني وقت النومه الواحد صج يبي ياخذ راحته، و الله أنا اليوم مو يايتلي نومه ، ليش أرتز بالصاله و برد و ما تكون لي غرفه بروحي؟ أتسدح فيها و آخذ راحتي و إذا ولدي تعبان أييبه عندي ينام بدال البهذله أقوم و أروح داره كل ساعة

فيني كتابه بوست، ليييش أبلش ريلي وياي و أبطل ليتات الغرفه كلها عشان أعيش الجو ( هههههه أضحك مو صج )

مريضه و فيني فلوانزا ، ليش أحاتي إن واحد صاحي يمي أنافخ إبويهه و أخاف أعاديه؟ يالله أعابل بعمري

ساعات الواحد يتهاوش و ماله خلق يجابل الثاني!

و إلا يكون الريال بنام الساعة 10 بالويك إند و أنا بسهر علي فلم بال م – ب – سي 4

وفي أشياء وايد ما تنقال لأنها خاصه جدا و ما وصلنا مرحله إللي نقدر إنعبر عنها بحريه تامه بالكتابه إهني ، حفاظا علي عاداتنا و تقاليدنا ، بس إللس يحب يقولها بالكومنت أنا راح أأيده .

تركيبه البيوت أول ما تسمح إن يكون التصميم عملي ، فتلاقي إن 3 بغرفه ، أما الحين لأ يصير نظام السوييييت إن يكون في صاله دافيه حق الزوجين بس ، و يكون في غرفتين و فيهم بلازمات و حمامين منفصلين عن بعض و غرفه تبديل.

مع الكبر الواحد يستحي إن ياخذ راحته ، الكرشه طايحه بالنسبه حق الريل ، المرا ما أدري جم زاد وزنها ، يعني إهيا خصوصيه أكثر من إنها إنعزال و تفرقه و ما أدري من هالكلام إللي سمعته.

أنا من مؤيدين إن الواحد بالبيت يكون له غرفته الخاصه للطوارئ ، مثل غرفه ضيوف . لما أكبر أحب إن يكون لي بريستيج معين .

ما أدري أبي أعرف رايكم

هل إنفصال الزوجين بغرفتين معناها إن أهوا ما يحبها؟ أو إن يولد البعد ؟؟؟

50 comments:

lawyer said...

سكتي يا ريما والله انج صاجه

خصوصا حق البنت الي مثلي الي على ما تتزوج سنتين و ترووح القبر

تعودت عمري كله برووحي

اخذ راحتي

احب الكفر الفه على ما احب احد يشاركني


ياربي يايتج الدوره ريحتج خايسه

فيج حراره حاطه فكس

ريحتج ظييييييم


ماكله تبوله ريحتج بصل تقعدين تفحين على الريال


غير الغازات

الريال فيه غازات اشلون

المرا فيها غازات اشلون

البرستييييييج لازم يكون موجود بين الزوج و زوجته

فششششششششله


انا ماعندي خبره
بس احس اني دعله و ابي دار بروحي


مابي يشوووووف كريمات اخر الليل

cozy said...

I totally agree by the way v very nice post ana ma3a kel shay 2 <2queen size beds,2 baths,2 walkin closet> kel shay 2 i dont think its ganna change the feeling its just i need my space i she needs her's ...

lawyer said...

كوزي اي والله انك صاج ابد ما يغير الفيلينج

اشعلاقه هذا في ذااك بس الناس تخلط

انا قاعده اقرا البوست حق خالتي تقول ما يجوز لان يعتبر هجر في المضاجع

هههههههههههههههههههههه


ياحليلها خالتي اشتطت لي الحين تهاوش

Яeema said...

ههههههههههههههههههه
لوير!!!!!!!!!!!!!!!!؛


يبتيييييييييها

إيييي و الله ما يصير جذيه نبي الإستقلاليه

أنا عندي أهم شي بريستيجي!!!!؛


مشكله ليش أنا وياج كنا طول عمرنا إبريحاتنا بالغرفه

لا خوات و لا شي

و الله صج صج صج صعب



مو مرة حاطه كريم جان يقوللي ليش ويهج يلمع !!!؛


أقول
وااااااااي صده صده بليييييز


ما يصدون إسم الله عليهم الرياييل

Яeema said...

cozy

we got 1 voice from the men world with us


we need out space !
we need our space !


حده ما يغير بالعكس
يخلي العلاقه وايد راقيه

cozy said...

LOL why dont you ask your hubby !!? maybe he agrees too :)

Яeema said...

cozy
he agreed , in our new house enshallah
:p

صـــــافي الـــــود said...

ليش اسم الزوج شريك العمر؟
اذا اهو بغرفه وانا بغرفه بعد ليش متزوجين!!
هذا الشي يخلي العلاقه بين الزوجين متباعده شوي
ومافيها حوار طويل بين الطرفين
حزة السوالف والمناقشات تكون بالليل واصلا بالليل الزوج والزوجه يكونون متفرغين حق بعض
وسلامتج

Яeema said...

صافي الود

أصلا باليل ماكو مناقشات ممنوع مواضيع مهمه الواحد يناقشها بنص عين

إذا الواحد بينام و مقفل بعد له خلق مواضيع إتطير النومه


و بعدين أنا قلت بس حزت النومه
إللي كل واحد ما يدري عن الثاني

الحين عنده اليوم كله يسولف في و اليهال من 8 نايمبن

لا و الله ودي أنام بفراشي بروحي و عوووويه بعد

علي ورب تكون النومه

إللي تكون عاااظ المخده و ما إتحاتي إن واحد يطل بويهك الصبح و يسمعك جم كلمه
ههههههههه
هههههههههههه
هههههههه

أبي أنا م بأناقتي و أقوم بأناقتي

lawyer said...

اي والله مالي خلق ريال يطالعني و انا نايمه و يقولي حمدلله و الشكر اشفيييييج جنج ميته !!

مو لما كنت في مصر نمت ويا ام رفيجتي في دار وحده كل اشوي تفتح علي الكفر اتشيك علي ميته حيه

تقولي مالج حس اتخبصين قلبي

بعد عمري ام رفيجتي

بس تخيلي لو ريلي

ويييييييييي

جان يعايرني

و يضغطني

Reflections said...

ريــــــــــــــــــما

مو قادرة اعبر لج عن مدى اعجابي بالموضوع لأني من صج احاتي هالأشياء

انت قاعدة تقرين أفكاري .. وايد
أفكر بهالشيءو أئيدج اهم شي البرستيج بس هالموضوع يجرني لموضوع ثاني الي هو ، ان المفروض الزوجين يكونون على طبيعتهم بالبيت .. بعد يا ربي اذا ما اقعد براحتي في بيتي عيل وين اخذ راحتي؟؟

و المشكلة ان اذا المرأة خذت راحتها
بالبيت و الريال زر و الا فر .. قالو ايـــه مرتة ما تتسنع له! و و و ..


its kinda Complicated :S

و سالفة النومة على ورب هذ شي عجيــــــــب مالت العصر الي بتموتين فيج النوم بس ما تبين تنامين نوم اهل الكهف لووول


LawYer

أنتيييي عجببببببببببببة! و تعجبني صراحتج!! ههههههه

snowflake said...

looooooooooooooooooooooooooooooooooooooooooooooooooool

يا حلوج يا ريما و يا حلو مواضيعج

والله على هالموضوع يبيييلج
بووووووووووووووووووووووووسه

صاجه الواحد يحتاج يكون بروحه خصوصا حززت النوم
ماله داعي الترفس و الشخير
و ماله داعي يعرف طقوسي المسائية
وااااااي من كثر ما تحمست مو قادرة أعبرلج عن اللي بقلبي
هههههههههه

و المشاعر بالقلب و المعامله مو بالمكان

:أنا معاج و مأيده كل كلمة تقولينها

we need out space !
we need our space !

---------------------------

Lawyer

Loooooooooooooooooool
موتيني من الضحك
LOOOOOOOOOOOOOOOOOOOOOOOO
OOOOOOOOOOOOOOOOOOOOOOOOL

ana_sokkarah said...

لووووووووووووووووووول
بس صاجة كل إللي قلتيه صح وإذا عرفتي الإجابة قوليلي محّد راضي يعلمني يقولون تعيشين وتجربين وبعدين سوّي إللي تبين

لوووووووووووول انطر ياشسمة لين الهذا

عاد قولولي شنو أراقبكم عشان أعرف الإجابة؟؟ والله حالة صج نــــاس

عالعموم موضوعج إينن بس لاتنسيني إذا عرفتي الإجابة

سلامو

Charisma said...

خووووووووش موضوع
جنج تدرين انى عزمت اشترى كفرين
ينانىىىىىىىىىىىىى
كله انا متقرفضه من البرد جنى ميده واهوه ساحب كل الكفر
شهالحاله
فعزمت اشترى كفرين والحين ياينه البرد مو مال الصراحه عساره بنص الليل

لوووووووووووول اما موضوع المنافخ موتنى ضحك
وااااى وااااى واااااااااى
انا ممنوع سريرين وممنوع اطلع من الغرفه منعا باااااااااتا
:(
اذا عيالى مرضه انا انام معاهم بدارهم
حالى حالج
مسويتلى جو بغرفة اليهال

انا شخصيا مع السريرين
والغرفه الى صممتيها للمستقبل ان شاءالله بسويها لى ان شاءالله
جود الله يهديه لى ذاك الوقت ان شاءالله

بس البوست عجييييييييييييب
:))


لوير:

اسم الله عليج الرحمن الرحيم ينيتاى
احلى عمر عمرج
صلى على النبى انا اقول
وتيشيرته حمره وجينز احسن لج عاد

وبعدين باجر لى تزوجتاى بتشوفين كل هالحيا الى فيج بروح صدقينى
وقولى ما قالت كيتى
:))
بيختلط الحابل بالنابل الله يسلمج

Mamloo7a Q8ia said...

ريما انا كلش مو معاج في هالفكره الزواج مشاركه في السراء والضراء وانا ضد ان كل واحد منهم له غرفة نوم خاصه لازم كل واحد يحس بالثاني يعني اذا انا مريضه احب انه يكون جنبي يخفف عني ونفس الشي اذا هو مريض
انا من المؤيدين ان كل واحد له غرفة تبديل واعزكم الله حمام خاص بس ضد غرفة النوم
يعني تكون لنا صاله بجانب غرفة النوم وفيها قعدات مريحه اذا حبيت اني اقرأ او اكتب بوستاتي او اشوف التلفزيون لبرنامج غير اللي هو يشوفه بس وقت النوم بجميع الظروف تكون في غرفة نوم مشتركه ومهما نكبر بالعمر
ولما يكون احد من العيال مريض انام في غرفة المريض ليش اجيبه عندي واغير مكانه
اما اذا كنا متهاوشين ومالنا خلق بعض نامي قبل لا يرجع لانه اكيد بيتأخر بالدوانيه ولا ركبي السماعات واقري لج قصه ولا اقري المدونات لين نتراضى
نأسف للاطاله

q8y_saint said...

قوه وشلونكم و شخباركم كلكم من زمان ما ادري عنكم

موضوعج ريمه صحيح ١٠٠٪١٠٠
وتقريبا انا و مرتي مسوينه بس مو بشكل رسمي
من اول ما تزوجنا حطينا غرفه فيها لويتي كلها كمبيوتراتي كتبي صناديق ذكرياتي كل شغلاتي القديمه حتن فراشي مال ايام العزوبيه
و بالداية ما كنت للنوم
بس بعد فتره جدا قصيره من الزواج اكتشفت انها تريح وااااايد
فكنت يا اسهر فيها على كتاب او مجابل الكمبيوتر او قاعد اشوف فيلم و بعدين اروح بسابع نومه و الوضع بيني و بينكم عجب مرتي افتكت من اليتات الي على طول مفتوحه بالدار
فصار الوضع اذا مالي خلقها او اهي مالها خلقي او متناجرين او مندمج بكتاب او مريض او اهي مريضه و ياكثر ما تمرضون يا البنات اتوجه حق داري بلويتي و زعاجي بروحي و الموضوع نفسه تكرمون حق الحمام بس هذا من اول ما تزوجنا انا عندي حمامي و هي عندها حمامها

PearL said...

بوست حلو ريما
انا مع وضد هالفكرة

مع :
اذا كان الريال يشخر
بس

ضد :
لان حلاة المراة تكون بسرير واحد مع ريلها
تشاركه وتتحمله
واهوه بعد

واذا كانت في غرفة زيادة
مو حلو كل ما صار بينهم زعل
المراة او الريال شالوا قشهم وراحوا لها

بالعكس لما يكون في زعل بينهم
فرصة انهم يتراضون وايد اكبر اذا كانوا بسرير واحد

وبعدين احنا ليش بنتزوج !!
مو عشان نحس بالحنان !!!

و الاشياء الباجي لها حل
سالفة انام في نور بالغرفة ولا مافي نور
هالمسألة اتفاهم فيها مع زوجي بعدين


حتى مع الوقت
حتى لو صارلنا 30 سنة متزوجين
حلو نكون بسرير واحد ونحس ان في احد عقب هالعمر يكون يمنا


بس الموضوع حلو
:)

بنت الشامية said...

يعطيك العافيه خوووووووووش موضوع ان اعاني من هذه المشكلة احنا كبرنا وعيالنا صارو ريايل واحتياجاتنا بداءت تختلف مثلا انا احب اسمع الراديو طول الليل وهو من يسمع الراديو يعصب وتبداء النجرة واسم الله عليه من يحط راسه عالمخده تبدي السمفونية طبعا الشخير يعني انا اتحمل شخيره وهو مايتحمل صوت الراديو
هذه مشكلة وحده بس غير مشكلة التلفزيون والتريك ..............والمشكلة الصعبه الكنديشن الريايل لما يكبرون تحوشهم البروده والحريم تبدي البقة فيهم عاد حلي المشكلة
رايي ان الانفصال لازم بس مو الهجر يعني دويره صغيرة ملحقه بغرفة النوم مثل المختصر بالمكاتب تلجئين لها عند الزوم

LiFe DRaMa said...

مرحبا

موضوع حلو ... و منكم نستفيد .. ممممم عندي استفسار يالمتزوجين


بالنسبة للسرير

يمكن يكون السؤال تافه او مو
Big Deal

السؤال
منو اللي ينام على اليمين و منو على الشمال؟و منو اللي لازم يختار قبل؟في قاعدة ثابته للموضوع؟

سألت مرة واحد قاللي من سبق لبق !!
:) وين قاعدين

و شكرا

mishari said...

انا مشكلتى انا ما يحلى بسكوووت اوريو الا على الفراش والحمدالله الله عطانى مرة طلع فيها نفس الطبع
فما لقيت مشكلة
ام ان مستحى
لا ما اعتقد خلاص تصير الميانة طاااايحة

tweety said...

اتصدقين أنا أفكر بهالموضوع وايد
أقول اشلون الواحد يقدر يتشارك السرير مع الزوج السالفة يبيلها تعود أحس فكرتج حلوة بس ما يندرى اذا تزوجت يمكن أغير رايي

لووول على تعليق لوير
أطالب باضافته للبوست

3ajayeb said...

كل واحد بدار بروحه وايد أحسن

لا وأحب أزيد بعد خلوا كل واحد السنترال ماله بروح .... ومو كل شوي واحد يطول السنترال وواحد يقصر الى ان يخترب الكومبريسر ....

وبعدين من قال إذا صار كل واحد بدار يدل على قل المحبه بين الأزواج ....

بالعكس كل واحد ياخذ راحته وليش تضغط على نفسك او انتي تضغطين على نفسج وتنجبرين انج تقعدين بجو أهو يحبه وانتي العكس .... مثلا
اهو يحب التلفزيون او الراديو وقت النوم
وانتي تنزعجين من أي صوت ...
اهو يحب البرد وانتي تحبين الجو المعتدل ..
اهو يتأخر بالنوم .... وانتي تنامين مبجر ... او العكس
اهو نومه ثقيل ... وانتي نومج خفيف يعني أي حركه بالدار تقعدج ...
اهو يدخن ... وانتي ما تواطنين ريحة الزقاير ....
اهو ما يعرف ينام إلا والتلفزيون يشتغل ....
وانتي ما تقدرين تنامين إلا إن الدار لازم تكون خرمس وهدوء ...

ليش بالله الطلايب ... كل واحد يروح داره وقت النوم .... يرتاح ويرييح اللي معاه ...

Яeema said...

lawyer
يا حلو عودة أجوائج بالتعليقات يختج له طعم ثاني

بسميج ملحق اللائحه التفسيريه للبوستات

:p


reflection

إييييي
حاااتي لأان و الله صج موضوع يحسونا الناس إن هجر و ما أدري من هالسوالف

لا و ما أسهبت بالحديث
حلوه أسهبت


و لو إنج عروس بعد و إلا إنج في بدايت حياتج
عادي قاعة الساعة 3 يبي حقوقه الزوجيه


وراج دوام و تعالي قولي لأ ما أبي

ههههههههههه
ههههههههههه

Яeema said...

lawyer
يا حلو عودة أجوائج بالتعليقات يختج له طعم ثاني

بسميج ملحق اللائحه التفسيريه للبوستات

:p


reflection

إييييي
حاااتي لأان و الله صج موضوع يحسونا الناس إن هجر و ما أدري من هالسوالف

لا و ما أسهبت بالحديث
حلوه أسهبت


و لو إنج عروس بعد و إلا إنج في بدايت حياتج
عادي قاعة الساعة 3 يبي حقوقه الزوجيه


وراج دوام و تعالي قولي لأ ما أبي

ههههههههههه
ههههههههههه

Яeema said...

snowflake
:*********************

مو إللي إيده بالماي غير عن إللي إيدة بالنار

تدرين صج المشكله وين بعد
ليييه صرتي مرتبه وايد و الأخ زوجج قيل الفوطه بالقاااع ليه خلص

واااااااي
أنا أنتحر

ما بقا مكان ما حطيت في الباسكيت حق اللوندري

آخر شي قمت أحذر وياه
إنتقاما للنظافه





ana_sokkarah

أنا مجربته بحكم إن عيالي أنا إللي أنام وياهم لأنهم صغار

أنا و الصغير بغرفه

و بيني و بينج عذر مالي خلق كل ساعه طاقه درب باليل أروح أشوفه

و الريل ما يبي يهال بالغرفه من عمر الدنيا

صار حتي باليفر أفضل 2 سرير
و كل مرة يتهاوش وياي

بس و الله أنا نومي خفيف و أهوا ما يبقا تقلب بالدنيا ما يتقلب

أقوم راسي إشكبرة
لييييييش عااااااد

لا و الله يازلي الوضع حده



kitty

أنا مفتكه من هالسالفه
ههههههههه

أما الكفر ليه كنتي من النوع إللي يلفه عليج و فجئه من حيث لا تعلمين

ياتلج تله !؛
زين ما إنزنطت علي أبو يبي الكفر

Яeema said...

mamloo7a_qia

أحترم رغباتج أول

بس أنا من النوع إذا كنت مريضه ما أبي أحد يمي
أبي البندول و أبي أنام
مالي خلق أحد يهذر علي راسي و إلا كل إشوي يقعدني على أبو فيج شي

و كذلك زوجي نفس الطبع
أجهزله كل شي و أخلي ياخذ راحته


اليهال
عمري ما يبت أحد و أزعجت زوجي

نوعي أحب أسوي شغلي بسكات

خصوصا إن عيالي كلهم فيهم أزمات ربو حادة ، يعني عادي الساعة 4 الفجر حاطته علي الجهاز

فتعودت إني أكون و ياهم و ما أخليهم

و همن متفقين أنا و زوجي إني أكون وياهم و أنام
لأن واحد من عيالي يقص باليل و لازم علي طول أقلبه لا يختنق

السالفه سالفه ظروف بعد

مثلا أنا أموت علي نومت الظهر

و ريلي ما يواطنها

شسوي؟ لازم تكون لي دار أنام حزو هالقيلوله بعد عناء يوم
:/



q8y_saint
أنا مثلج بس بدال الكتب عيالي

سويتلي غرفه حق لنفاس و شكلها السالفه مطوله
الولد صار عمره 2 و ماني قادره أهدة

فعلا ما أقدر
الجعدة غير

يا حلوة بس ليه قام الصبح و إندعس عندي بالفراش

Яeema said...

pearl
لا تعليق بالنسبه لوجهة نظرج أحترمها

و قتلج كل واحد و تحمله للثاني

تخيلي أنام طول عمري و يمي واحد 24 ساعة يتقلب

ما أقدر الصراحه

و إلا إني أنطره لما يروح الدوام و أنام عدل
و إلا أعوضها بنومه الظهر

تخيلي إن مريض و يعادي فلو مثلا
و عندج 3 يهال و تدرين إذا إستمرضتي معناها 3 من عيالج راح يستمرضون

هل بتقولين نفس الكلام؟

ما أعتقد


بنت الشاميه

و الله سالفه التكيف صج صج مشكله

أنا زوجي حتي بالشتا السنترال شغال تهويه و تكفخ بالراس


ما أعتقد هجر
الفراش أتوقع معناها الضمني هو المعاشرة الزوجيه

و هذا مو لازم فراش واحد عشان تصير

Яeema said...

life drama

أنا غيرت بيتين إنزين
أنا أنام جهة اليسار
فقلت حق زوجي بلييييز

أنا نومتي هالجهه عشان ما أقدر أجابل واحد بالنومه
ما آخذ راحتي

فإتفقنا إني أنام و أكون بجابله الطوفه

و طبعا أهوا ماله نومه معينه
فامو فارقه وياه



mishari
إنت تدري لو ياكل على السرير شيصير بالدنيا؟؟؟؟؟؟

إتقوم و تقعد !؛

يا حلوه بس ماكل أوريو علي شراشف فيريتي

أوريو أسود !!؛
متخيل الوضع إنت!!!!؛

أنا بالدار ممنوع الأكل لأن غرفه النوم الدار الوحيدة بالبيت إللي مو رخام أو باركيه


علي سالفه المستحه
الريال عادي مو فارقه وياه

بس إسأل مرتك و قولنا

المسأله مسألة الواحد يبي خصوصه

Яeema said...

tweety
شوفي أنا ما قدرت أتحمل واحد

و خصوصا فترة الحمل إللي ما تشتهين إتشمين ريحة الريال

واااااااي مآساااااات

و بعد فترة لنفاس
ال40 يوم مو كافيه إنج تقعدين في بيت أهلج

إتنامين علي نومة الياهل و إتقومين وياه

و دايما يصادف إن يشوفج نايمه
لأن تكونين سهرانه طول اليل

أتصور ما تبدى الحياة تهدا إلا لما يكون أصغر ياهل 10 سنين



3ajayeb
قلتي الزبدة
ليييش نجبر أحد إن يعيش أجوائي
أو إني أعيش أجواءه

بتجاملين يوم
شهر
بس محد يقدر يجامل العمر كله

Dr. Saleh said...

موضوع شيق
لكن الأمر بالنسبة لي فالأمر هذا مرفوض من قبل زوجتي وقبلي
مع إني أنا المزعج في السهر والقراءة والشخير وكل اللي أقوله جزاها الله خير إنها متحمله هالشيء
والشيء اللي أحتاجه أو زوجتي هو الهدوء والبعد عن إزعاج اليهال فلازم الواحد إيكون عنده غرفة معزولة عزل
تام لمنع وصول الصوت
or escape apartment within the house to have some relaxation and quiet time far away from kids

ســـامـريـــة said...

صباحج الخير يالغالية ريمــا

ذكرتيني بموضوعج هذئ في المرحووووم بوسرور، اللـــــــه يرحمه ويتغمده بواسع رحمته، خبرج أحنا أول ببيوتنا الطين ماعندنا نظام (السويسات) مالكوم هذئ ولا شي من هالنمونه!! حوش عربي وكلٍ له حجرته بالبيت وكل حجرة تطل عالحوش. الحاصل، ذيج السنة إسمننـــه عليـــــج وينتشر عندنا بالديرة مرض (الإيدري)و مغربل الحيل بوسرور تعاديء وطاح علينئ

المهم أنا بعد ياروح ما بعدج روح، أخاف أتعاديء منه!! وين أنام ياربي؟؟ والسطح نايمين فيه (حمواني) ومثلج عارفه مايصير أصعد واخزياه.. ياربي شالدبره ياربي شالدبره؟؟؟ وخالتي العسرة أم ريلي ماتبينية ما أفارق ولدهيء وأجابله وأنام عنده وأنا مابي أنعدي!!! غبره شأسوي؟؟؟

جان تطريلي فكرة، قمتأتسحب بليل وأدش دار الجيل و أتوسدلي قونية عيش وأنام!! عاد هذي حالة؟ طقيتها صحبه مع فيران دار الجيل؟؟



الشاهد، أنا من مؤيدات إن الأزواج إذا مقتدرين يسوون نظام (سويسات) في بيوتهم؟ يسوونه، ومو شرط اللأستخدم الدئم للغرفة الثانية من قبل أياً كان من الزوجين!! تصير دار للحاجة فقط. في حالات الأمثلة اللي ذكرتيها من مرض أو سهر أو قراءة.... ألخ ولا النومة ماتحلى إلا يم (عديل الروووح) أبو العيال، كعكعكعكع ذكرتوني في ما مضى، الله يابوسرور كان يحاتيني حتى في قومتي لقضاء الحاجة، حسسسســــــــاس الله يرحمه... ها إمممممممم



عنبررووووووه؟؟ قطــــــــع علام دارك مخمرة ؟؟ والله من تلهمد هالباجلة والنخي!!! لا وهاب بالآش هاليومين بعد.. الله يعين مرتك لاأخذتهء

Kuwaiti said...

والله يا ريماانتي ما ادري وين تلقين هل مواضيع
انا أأيد البعض في انه البعد في الفراش يولد الهجران وتقليل المشاعر بين الزوجين
عيل احنا ليش متزوجين اذا كل واحد بدار عيل خلها في بيت اهلها وايد اريح لها
اذا ماصار مناقشه قبل النوم وسوالف ترا حتا اذا كنا متزاعلين راح يروح الزعل

انا اضم رأيي لرأي
Pearl 100%

وانا عندي حل حلو ليش ما تغيرون الفراش الكبير وتحطون بالدار فراشين منفصلين

lawyer said...

كيتي
هههههههههههههههه

ما اظن ما اظن برستيجي ما يسمح

انا سعاااااد حسني

ما ابي اصير عايشه الكيلاني جدام ريلي

اهي كلها جم سنه

ههههههههههههههه


خيذكرني بالخير

albandry said...

والله يا ريما انامعاج الف بال100
ولكن للاسف في عقوول مزعجة في حياتنا


مثلا انا قاعد ابني بيتي وزوجي مارضى اني احط حمامين
شيقولون الناس عننا
قلتله ايشبيقولون داشين غرفتنا مش معقول
والحل روحي حمام المكتب اللي جبال غرفتنا

هممممم
استغفر الله هذا وضعي الحين اروح حمام اليهال
الخصوصية ضررورررييية جدا
وأأيدج بكامل قواي

وانا زوجي مشالله يشخر ويحصم يعني لي الله اذا كملت ساعتين على بعضها نوم
مرات اذا اشتد الوطيس اخذ مخادي ويا بالصالة او بالمكتب انام
سوينا غرفة صغير ة لفراش واحد بس في غرفتنا شافتها امه وشهقت وحلوف وايمان تشيلونها تشيلونها
مايصير جذي انتو صغار بتبدوون هالسوالف
وطبعا مايزعل الماما صارت غرفة كبتات

الله كريم
شكله المكتب وراي وراي

اللي ريلها متفهم سجدي لربك شكرا
:)

barrak said...

في مصر بعض العائلات في مدينة الاسكندريه عندهم موروث شعبي ان المرأة لاتنام مع الرجل اذا وصل الولد او البنت لسن البلوغ
انا عن نفسي موافق بس المشكله بالرجل او المرأة الشكاكه

kuwaitia said...

خوش موضوع ريما :)) موضوعاتج داما

ابداع

بس انا مو معاج من ناحية كل واحد

بغرفه عيل ليش سموه شريك حياتى او

شريكة حياته حتى لو كنت مريضه اكون

محتاجته يمى يخفف عنى وحتى اهوه اذا

كان مريض يحتاجنى يمه واخفف عنه

بعدين خلاص بين الزوجين مافيه برستيج

الميانه طاحت ولازم كل واحد يشوف الثانى

على طبيعته ... بس احتاج غرفه ثانيه

تناجرنا اروح اتغلى فيها عشان يراضينى

:)) انا اصلا ما انام الا اذا اهوه يمى

حتى لو كان بالبيت لالالا ابيه يمى عشان

انام ولا لالالا ما انام كلش

وأسفه على الاطاله لانه موضوعج حلو

اينن ونسنى

تــاجــر الزيــن said...

موضوعج واايد حلو
وكلمت زوجي عنه واعجبته الفكره
بس انا اشوف ان هالشي يبعد الطرفين

The Simper said...

cool subject ;)

i think it would be a cool idea.. with 2 rooms and king beds in both ;) and having a visitation system for the couple.. along with the other reasons for having those 2 rooms.

i know couple of friends who told me this system would be the best for them when they get married.. i don't know about hte married ones.. i don't need to ask them :D

but it is possible if the 2 would agree on it ;)

شواطىء ورمال said...

السلام عليكم
واييي حده موضع شيق
اهو جان زين اصير اريح حق الريال و المراه
بس هذا الشي الي يختلف بين حياتج بيت اهلج و حياتج بيت ريلج
اعتقد الحياة الزوجييه مشاركه في كل شي اتوقع لازم يكونون روحين في جسد ولازم يتحملون بعض
انا ما اايد الانفصال
لول
وشكرا عالموضوع :)

الحجيه said...

السلام عليكم جميعا

أخت ريم تمعني بقول الله يقول- جلَّ جلاله وتقدَّست أسماؤه- ممتنًا على عباده : ( وَمِنْ آيَاتِهِ أَنْ خَلَقَ لَكُمْ مِنْ أَنْفُسِكُمْ أَزْوَاجًا لِتَسْكُنُوا إِلَيْهَا وَجَعَلَ بَيْنَكُمْ مَوَدَّةً وَرَحْمَةً إِنَّ فِي ذَلِكَ لَآيَاتٍ لِقَوْمٍ يَتَفَكَّرُونَ ) [سورة الروم ، الآية : 21] ، نعم ، ليسكن إليها ، ولم يقل ليسكن معها ، مما يؤكد معنى الاستقرار في السلوك والهدوء في الشعور ، ويحقق الراحة والطمأنينة بأسمى معانيها ؛ فكلّ من الزوجين يجد في صاحبه الهدوء عند القلق ، والبشاشة عند الضيق .

إن أساس العلاقة الزوجية : الصحبة والاقتران القائمان على الودّ والأنس والتآلف . إنَّ هذه العلاقة عميقة الجذور بعيدة الآَماد ، إنها أشبه ما تكون صلة للمرء بنفسه ، بيتها كتاب ربنِّا بقوله : ( هُنَّ لِبَاسٌ لَكُمْ وَأَنْتُمْ لِبَاسٌ لَهُنَّ ) [سورة البقرة ، الآية : 187] .

ومن السُّنَّة: ما جاء في قصة عمّة حُصين بن محصن التي جاءت للرسول صلى الله عليه وسلم فسألها: "أذات زوج أنت؟ قالت: نعم. قال: كيف أنت له؟ قالت: ما آلوه - أي لا أقصر في خدمته وطاعته - إلا ما عجزت عنه" فقال لها: "انظري أين أنت منه، فإنما هو جنتك ونارك" رواه البخاري (فتح 8/126).
عن رسول الله صلى الله عليه وسلم أنه قال: (ما استفاد المؤمن بعد تقوى الله عز وجل خيراً له من زوجة صالحة؛ إن أمرها أطاعته، وإن نظر إليها سرته، وإن أقسم عليها أبرته، وإن غاب عنها نصحته في نفسها وماله). (رواه ابن ماجه).

بعد هذا يتضح للجميع معنا الحياة الزوجية تجعل الزوجين كأنهم روحين بجسد واحد ؛ ولامودة الغرفتين هي بأعتقادي سبب أساس من أسباب الجفوة بين الزوجين والبعد , وعقب لما الوحدة ينحرف زوجها تشتكي وتندب حظها وتقول ياريت ألي جرا ما كان

يقول صلى الله عليه وسلم:(إذا صلت المرأة خمسها، وصامت شهرها وحفظت فرجها وأطاعت بعلها دخلت من أي أبواب الجنة شاءت) (رواه أحمد ).

بعد هذا ما الذي تُريده الوحدة منا رب العالمين كرمها وشرفها بدخول الجنة . للهم أعنا على طاعتك وأتباع أوامرك اللهم علمنا ما ينفعنا وانفعنا بما علمتنا وذريتنا اللهم امييييين

Purplecious said...

ريما اسمحيلي أشد على ايدج على هذا الموضوع الرائع و انا من المؤيدين له صراحه و انشاءالله اذا تزوجت باخذ سريري معاي لاني احب سريري وايد ما تتخيلين شكثر مرييييييح والله لما اسافر اكثر شي افقده فراشي العزيييييز :))
بس اتوقع هالشي يصير عقب العيال يعني اول الايام ممكن بس العيال و نومتهم تحتاج انه ما تزعج زوجها الوحده منا

Яeema said...

dr saleh
وينك من زمان خبرنا عنك ؟؟؟

أحب أوضح نقطة أساسيه بالموضوع

بالنهايه أهوا إتفاق و ما تقبل مدي الميانه لكل شخص

زائد إن الأولاد لهم وضعيه خاصه

لو الريال نومه خفيف و وراه دوام ، مو معقوله راح أزعجه بمولود يقوم كل ساعتين عشان يبي يرضع

أنا أفضل سريرن بغرفه و يكونون كوييين ساايز

بس هم بعد ما اليهال يكبرون و أأمن عليهم ينامون بروحهم



سامريه
حبيبتي و الله و يا حلو كلامج

صاجه غرفه طوارئ
إذا جزت عيني النوم
و إلا حق نومة الظهر

Яeema said...

kuwaiti
عندي مصادري الخاصه

هههههههههه
لأني توني يايه من إيكيا و شفت الأثاث و دار هالحوار ويا زوجي

سرير و إلا سريرين


مو كانت الفكرة إنها سريرين
بس لما شفنا إن السريرين ما يعطي إنصاف حق إللي ما يحب ينام و صوت التلفزيون علي حده

و مشكله إذا كبرت تبي الهدوء
و الزوج صار ما يسمع و يبي يطول إزياده
هههههههههه
ههههههههه

جان بنعيش إبنجرة طول عمرنا



albandery

مو هابين الناس إن إحنا نبي عشان الناس
قاعات كبيرة حق لستقبالات و ما إنسوي إستقبال

مو هالمساحات الضايعه أسوي فيها غرفه تبديل و ممر سري و في نهايته غرفه فيها كاتم للصوت عشان أناملي فيها و أنا في قمه سعادتي؟؟؟؟

ههههههه
أدري خيالي واسع


بقولج شي
أكو صوفايات تنقلب سرير و لا مريح بعد

إشتريلج وحدة جلد و حطيها بالمكتب حق الطوارئ

و إلا لما يسافرون فرشيها و قولي ما أدي من فرشها
هههههههه

warrior said...

hi reema..tra my pc ma adre eshfeh doesnt type in arabic?!! enshalla eta7amlain loghat elyananwa malte :P
ana 9ara7a m3 eltawa9l elda2em bain elzoj welzoja(elserer elwa7ed) :)
bs lazem etkon room free 7aghom etha elwa7ed yabe yekhtele ebnafsa aw etha 9arat nejra
halayam sftr ashof bonyan elrab3 kel ele re7t baita ydasheshne ghorfa agola o hathe malat sheno o laish emkhaleha ma3zola ygole hathe ghorfat elza3la :)
le2ana yo9al lemar7ala ma teswa elmara etro7 bait ahalha 3ala kl 9ghera o kebera!!

Яeema said...

barrak
لا يمعود كلشي و لا الشك
أحس نهايه الأسرة

و إللي عنده شي بيسويه مو ناطر سرير


هههههههههه



kuwaitia

شريك الحياة مو مربوط بسرير
هذا قصدي

وقت النومه إللي خلاص

إلا إذا الأثنين يحبون التلزق

يعني أثنينهم يحبون الحب و الحنان الزايد
لا خلهم مع بعض

بس في وايد ناس يحبون إن خصوصياتهم ما تنفضح علي أحد

ساعات الزوجه تبي تكون بروحها

أنا وحده ما أحب يشوفني و أنا نايمه و حلجي إمبطل !!!؛
و ما أحب أنافخ أو أحد يتنسم إبويهي

فا أضطر إني أنا علي جنب واحد طول اليل !!؛

ما أدري أستحي علي برستيج ، علي ما ودي أكون في هالوضع

مع إن كل يقول إن ما فيني شي و أنا أتوهم

بس ما أقدر لأني طول عمري بغرفه بروحي و دايما لي خصوصيتي

حتي أغراضي ما أحب أحد يغير مكانهم


-------
ما أقول إلا الله لا يحرمج منه و إتضلون ويا بعض ا لعمر كله

Яeema said...

تاجر الزين
بالعكس البعد يولد الوله

;)

لما الشي يكون مو بكل حزة يصير غالي




the simper

thanks :)

exactly ! 2 king !

i love the idea as well

o enshallah enshofik a husband sooooooooooooooon

Яeema said...

شواطئ ورمال

أهم شي روحين بجسد واحد
و الله من صجي بس إلا ياتلج النومه و إتحسين إن مغناطيس تالج بالفراش
و إييلج الريل و يكون في قمة نشاطه
و فاتحلج الليتات
و توه ساري من الدوانيه
و ما بقا دله إقهوة ما شربها

تعالي قوليلي روحين بجسد

ترا الصج غير
و الخيال شي ثاني

و عليكم السلام و رحمة الله و بركاته




الحجيه

مثل ما قعدت ألأبح فوق بالتعليقات

الجفوة ماراح إتتي من سرير
و بالعكس يمكن البعد يولد الوله

بس إهيا الخصوصيه

زائد الأولاد
أنا عندي من الأنانيه إن الزوج يقول قعدي عندي و هدي إعيالج

و خصوصا لما يكونون في سن إللي يطمر من السرير و إيي ينام عندي

ساعات أقعد عند زوجي بالغرفه و إلا هذا إللي يايلي ماما
ماما

أمبييييييييييه من صجي أخلي الأولي و التالي و أروحله أنام عنده

الأولاد يتطمنون إلا أمهم عندهم
إتشبعينهم حنان
و أنا و زوجي متفاهمين علي هالنقطة و الود وده إييب عيالنا كلهم ينامون بالغرفه عندنا
و شكلي بسويها مرة بالويك إند بيييب دواشق و فرش و إنام كشته بغرفه نومنا

ترا من صجي فقدنا هذا كله

Яeema said...

purple
بالضبط ، الأم سبحان الله الله يخاليها إترد إتنام حتي لو مقعدها البيبي

أهوا السرير أكيد في مراحل متقدمه

أنا ما نقلت غرفه بروحي إلا عقب ولدي الثالث

أحس إن وجودي ضروري

و طبعا مع الإتفاق بين زوجي

زوجي إمأمن إن أنا وياهم إهناك فتصير نومته مرتاحه

و خصوصا إن عيالي فيهم ربو و يبيلهم عنايه خاصه




worrior

أعتقد إن مع الوقت و الكبر تتغير النظرة


أما عن الإختلاء فأنا معاك ، غرفه ستاند باااي


بس ترا صاحب هذا ذكي جدا

يبي يوفر فلوس إرضاوة الزوجه

هههههههههههه

kuwaitia said...

المسأله مو مسألة تلزق وحنان لا اصلا

الواحد اشلون يرتاح لما ينام ويمه واحد

لازق فيه انا اقصد يعنى مادرى بس خلاص

المسألة مسـألة تعود اشلون الوحده بعد

تنام بعيد عن ريلها جنها مادرى اشلون

موعدله احنا تعودنا ان المرا تنام يم

ريلها يعنى اذا صار عكس جذي يكون جنه

شي ناقص :)) بس هاذا قصدى

Strong Wind said...

عبر عن رأيك بالبلوقرز ادخل هنا
http://dirty-wind.blogspot.com/