Monday, October 25, 2010

الحمير اللي بالشارع





والله بس طفحت الجبد منهم!!!!

الإلتزام بقواعد الشارع صار من النوادر بهالديرة!

الناس تغيرت قامت تسوق و كأنها داشة حرب و عناد!!!!!!

الله يا عليهم اعناد و يباسة راس ماصار و لا إستوي!!!

كأن سايق قاري مو سيارة!

كنت بستاربكس النزهة

الساعة جم؟؟

10 الصبح !

يعني قمة بالهدوء المواقف و مو زحمة كلش 3 سيارات بالموقف كله!!

توني بصفط جدام الباب و الا هاللي يايلي عكس السير خرعني!!!!!!

يعني لو دايسه أزيد من 10 والله جان دعمته و بين الموقف و سيارتي!!!!!

طقيت هرن!!!

الأخ يأشر بإيده مو عاجبه!!!!!

كأن أنا الغلطانه مو أهو!!!!!!!!!!!

ودي أفتح الدريشه و أقولة بفهم إنت حماااااااااااار!!!!!

ساعات ودي أكون لو كلاس و أسب أبرد جبدي!!!

أتحمل كل أنواع المخالفات إلا مخالفة عكس السير هذي!!!

ينام علييييي قاعد يرضع بالتلفون ميخالف أو الأخ لاهي بالمسجات !!

امبطل الدريشه و مطلع زقارة و يسمع عدنيات و يطلعك من الفرعي لي خط النص و لا كأنك موجود هم ميخالف تعودنا عل ان الفرعي لازم انوخر عنه لأن بيطلع بيطلع مو ناطرنا

اللي بالفريج يلزق بأم يابتك عباله بتروح وياه بيتهم مو لاف عند بيتك !

هم ميخالف قمت أطق فلشر بعد شسوي....

أما عكس السير!!!! و هم مو عاجبة انج اتفهمينه إنه غلط!!!!!!!!!!!!!!

قويه الصراحه!!!



5 comments:

Mohammad Al-Yousifi said...

جان سويتيها؟

قوليله انت حمار يا حمار و الا تستحمر؟

احنا بلوجرز و من حقنا نعلم الناس

:)

Яeema said...

مطقوق ما اقدر والله ودي
بس اخاف يصير ثور و يسب بعدين ما اتحمل

هم رونج سايد و هم انسب

لا ماااااااااااابي

Bor8y said...

لو اقولج على موقف امس صار جدامي والله موقلة ادب شويه

تخيلي واقفين عن الاشاره ولا في لفة فرعي ويينه الاخ يبي ايطوف كل السيايير من صوب الفرعي ويبي يدخل على سيارتنا انا قلت عادي بطقاق بس سكر الفرعي قلة ادب ولا الي اهوا طاق اشاره ابدا تخيلي السيايير كلهم ايطقون له هرنات ولا يطق هرن اعتذار او على الاقل يطق ايشارته ابد كلش لين مافتحت الاشاره

Яeema said...

q8 :

والله قسم بالله الوضع صاير أوفر !!!؛

لا حيا ولا مستحي!!

daggero said...

أكو ستاربكس فى النزهة ؟؟؟

لازم أتعرف على مناطق بلدي الكويت أكثر