Sunday, October 03, 2010

Tomatoes!




-

ازمة الخضرة
اشدعوة هالويه على الحكومة و ليش ما اتدخل وكأن السبب في تسكير الحدود في الاردن ولبنان وسوريا سببها الحكومة!
لازم يفهم المواطن طريقه التعامل ويا الازمات المستوردة
الحين ما يدري ان النعمة زواله
حس فيها الحين

بفهم شغلة

ميخالف اروح اكل بمطعم وفاتورتي تطلع 20 دينار حلو على قلبي

حلو علي قلبي اسافر و اشتري شاورما ب 7 دنانير

رقيه ب 15 دينار

بس اقلب البلد و مقاطعة عشان الطمام كرتونه ب 5 دنانير!

كل شي بالدنيا ماشي على العرض والطلب

قل العرض زاد السعر

شالمشكلة!!!!

ليش اسوي لويه

كلش ما استوعبت سبب الزوبعة من الناس بمقاطة الخضار وخلوها تخيس

مع الأزمة
تعاملوا مع الطمام كان كافيار

و بس

تبون طمام حق الطبخ

ما كثر الله البرطمانات بالجمعيات اللي نستخدمها برة حق الطبخ

عمري ما شريا طمام فرش من الجمعيه

وانتهت المشكلة
اصلا الطمام كل املاح ويرفع الضغط ويحبس الماي بالجسم

يعني بيزاركم منه




6 comments:

Fahad Al Askr said...

مشكلتنا بالناس اللي ما عندها شي إلا التصريحات

أنا مقتنع إن لو الجرايد والمحطات بطلوا يحطون تصريحات بنعيش بحالة مختلفة

نواب فاضين وناس تافهة وحكومة ضعيفة ووسائل إعلام مو مسؤولة

اليوم الطماط باجر البطاط عقبه الكرفس وتالي البرتقال وما ننسى الموز حق الشواذي

خليها على الله

Q8-Borgy said...

اختي انا اخالفج الراي

المطاعم الي تتحجين عنها هاذي موكل الهناس تروح لها بس الخضرا من ضروريات البيت وبعدين شلون الحكومه مالها شغل احنا مانتكلم عن الاردن وسوريا وغيرها لا احنا نتكلم عن الي عندنا ليش على خير ان شالله مرفعين الاسعار اذا وزير التجاره مايدخل شلفايده هاذه قوت المواطن البسيط

شنو هالجبروت من التجار ليش شدعوه ياختي فكروا بالفقير ترا الفقير عايش على الخضرا تبون تذبحونه

يعني اوكي احنا من الطبقه الوسطه انزين وبعدين شكثر لي امته بندفع هالخضرا ماقلتا تنزل اسبوعيا في بيتنا وبعدين بس نقط فلوسنا بس على الجبره


ماقول الا حسبيا الله ونعم الوكيل

daggero said...

عزيزتي ريما:

عندما نقول أن السوق عرض وطلب لازم أنكمل الجملة ونقول ولايسمح بالأحتكار أو التلاعب بالأسعار أو المعروض من السلع ,وهذا هو بيت القصيد فى الكويت الأتفاق على المستهلك لايوجد من يردعه سواء أسعار الدواء الى الخضرة الى البورصة الى السيارات الى التعليم الخاص الى البنوك الخ الخ الخ
فكلنا مع السوق الحر ولكن بمقومات السوق الحر

Yara said...

وكأن المشكلة بس سعر الطماط
مادري وينهم لما سعر العقار شب
يت على الطماط

يعقووبوو said...

الحمد لله، واخيراً لقيت واحد يبرد جبدي

Яeema said...

فهد العسكر:
انت تدري لو ما يبون وزير التجارة؟
جان اتوقع الوضع اختلف



برغي:

انا وياج يتدخل  في اللي حابسين الكميات 
بس هذا وزير مو شغلته ازمة طمام سببها دول برة


اما عن الناس صدقيني محد ميت من يوع
اللي كان  تتكلمين عونهم   اكيد لاقين لهم مخرج

سواء خضرة معلبة او مثلجه 

المشكلة النواب يبون اي موضوع عشان يسيسونه حق الانتخابات اليايه 

صدقيني ما همهم الفقير


Dagerro

خلاص عيل وصلنا خير 
ليش هاللويه!
مو مشكلة وزير ازمات خارجيه

شغل التجار اللي سوه هم مو كلهم حراميه و مخزنين الطمام

هني ايي دور المواطن

خل يدول على البديل
وصدقني مو ميت من اليوع




Yaraa

صدقتي ولله 
ترا مثل ما قلت صادق الويه بسبب ان النواب يبون وزير التجارة

يعني مو عشان الشعب 

انا اللي مالي بالسياسه ولا اقرا جرايد وصلي الخبر

ناس تحب الهذرة والحجي البطالي




يعقوبووو:

زيييييييييين اشوة والله حاريني كل ساعة طمام