ما أدري اشفيهم ربعنا الله يهداهم
ما أدري من وين ايبون الأفكار السخيفه بالدعايات!
الدوانيه على 88.8
دعايه كتالوج إيكيا اليديد!!
ليش بالله الدعايه باللبناني !!
تمحر محرة الشر بالجبد!
من قال انا نحب نسمع لهجتهم بدعاياتنا المحليه!
يعني شركة الحميضي الله يهداهم ما ضبطوا لهم واحد خفيف طينه كويتي يكتب لهم الدعايه!
خلاص يعني!!!!
كل شي لبناني بهالديرة صار!
أبي دعايه تسمعها بالرادوا تفتح النفس ماكوا!
يا الدعايه كلها بدليات
يا اللي حاطينهم جنسيات الله يعلم من وين يايبينهم و يتكلمون كويتي!
و لا سالفه شركة المستقبل و راجوا يمدح حق معزبته تروح تشتري لها تلفون من الشركه!!!!
يوم اني بسمع كلام السايق لما يمدحلي شركة تبيع تليفونات!!!
لا ما أصدق اللي قاعد يصير!!!
التسويق لمنتج لازم يكون بذكاء!
يعرف الشخص اللي كاتب النص لأي شريحه قاعد يتكلم وياهم!
الدعايه فن
مو مش حالك و خلاص!
تعبوا شوي!
والله من دعايه أيكيا الأخيرة لكتالوجهم
من أشوف علامة أيكيا بالأفينيو قامت تلوع جبدي!
No comments:
Post a Comment