Monday, October 18, 2010

girls! stop being Pigs and be sexy pleas !








لما تدخل أي نادي نسائي بالكويت يحوشك شي من الشيين

يا أما قمته من الناس السمان اللي حوالينك يتمرنون ! و كأن النادي مكتوب عليه للمتان فقط!

أو تحوشك عين ما اتقول ماشاء الله!



على جهاز المشي اللي يمي ( والآي بود بإذني!) :

لو سمحتي لو سمحتي

أنا بو حقووور

إختي إختي

ولييييييييييييييييييييييين ما أقدر أقطع التمرين فجأه !!

خففت السرعه و نزلت اشوي الجهاز مال المشي عن المسوي اللي حاطته فيه و وخرت السماعة و صرت ذربه و قلت لها هلا إختي آمري؟

قالت لا ماكو شي بس بجهازي أكو 2 ريموت كنترول فا شفتج مو قاعدة اتطالعين التلفزيون و قلت يمكن تبينه

مشكورة ما قصرتي حبيبتي

رديت على الجهاز

إختي ليش ما إتطالعين تلفزيون؟؟

قلت لها ما يصير أشوف التلفزيون و ما أتابع شاشه الجهاز جم مشيت و جم حرقت و جم نبض قلبي و جم الإرتفاع و السرعه و كل هالخرابيط إلا مرت ال 30 دقيقه ! فما يمديني أشوف شي .( ما تدري إني ما أشتهي التلفزيون بعيشة الله )

اللي قاعده أشوفه بالنادي :

كل من موجود على الجهاز يا ماسك البلاك بيري يا آيفون !

بالعذر مو قاعدين تحرقون عدل!!

و اللي مجابلتلي جهاز المفروض مدته بالكثير 15 دقيقه ! لأ الأخت قاعدة اتكمل مسلسلها عليه!!!!

لأ مو من صجج!!!

و بعدين اتقول النادي مو زين! ما ضعفني

أزيدكم من الشعر بيت

The easy line exercise

هالأجهزة المفروض دقيقه وحده على كل جهاز !

الإخت لأ لما ايي دور الريل بسلامتها امسكت البلاك بيري و هاتيه مسجات!!! و امسكبة الطابور اللي وراها!

و إلا الموديل العجيب اللي بيفتح حوار اتقولك والله ماشاء الله ما تحتاجين رياضه ليش داشه النادي؟

أقولها حبيبتي بقولج معلومة ترا النادي ما يضعف بالعكس يبني عضل فديري بالج ! ما قالت الدكتور مال الرجيم أول أسبوعين بس مشي بدون رياضه؟؟

إيييييي قاللي!!!

( طبعا قالها و ما تدري و لا اسإلته ليش )

اللي راح جم برة بيعرف أنا شنو قاعدة أتكلم عنه

والله العظيم تنصعقون إن التليفونات أصلا ما اتدور بالنادي بكره وحياتكم مقلوووول بالخزانه!

ايييد فيها بطل الماي اشكبرة و الإيد الثانيه الفوطه !

يا ليت ثقافة النادي و الرياضه تكون الشغل الشاغل للكل !

يوم قز و يوم نادي !

بعد النوادي يفتحون لي الساعة 11 باليل !

ناموا الظهر لما تشبعون و روحوا باليل!


تبون شي يونس؟؟؟؟

Zumba !







3 comments:

:::ShoSho::: said...

LoL I love your posts! so true .. I have never been to a gym in Kuwait but now I am taking Pilates class (i am abroad) and Gyms here are so simple .. just for the purpose ..

ghadeer said...

ازيدج من الشعر بيوت، شلون يتم التعارف و السوالف بالنادي لدرجة يوصلون لمرحلة السوالف عن خصوصياتهم ، ابي اعرف شلون و متى؟ و حمام السباحه طبعا هذا عالم اخر، حتى البشوش اللي بالهايدبارك انشط منهم، كل ثنتين ماسكيلهم طفاحه و يسبحون يم بعض و يقرقون و اخر شي يقولون رحنا النادي و تعبنا مادري شسوو، و لا تييج المدربه تقولج ديري بالج كلمن قاعد يسالني هذي شلون جسمها صار جذي ،، تخافين شلون قاعدين و يخوزرون و يدققون
و اخيرا الاغراء بالنادي
ياسلام عالاغراء و الحمره الحمره و الهوت شورت، الجماعه داشين نادي للشذوذ ولا شالسالفه؟ لبسي شورتج و حطي حمرتج بغرفة نومج حق ريلج لو سمحتي مو حقي انا لان بتلوعين جبدي مع كلونيتج الحلاو اللي اشمها من على بعد مترين
و بس
تصدقين من زمان هالافكار براسي توني اطلعها

Fahad Al Askr said...

أظن المشهد مختلف تماما في الأندية المختلطة

لأن الوضع هناك جنج رايحة استقبال والسنع يقطر من نفس البنات الهيلق اللي تحجين عنهم لكن المكان يفرض تغيير السلوك