Monday, October 11, 2010

ملقوف بالشارع

توني طالعة من بيتنا و ماشيه بالطريق السريع و الا هاللي يحاول يوقفني!

هرنات و يأشر و اييلي يمين من صوب و يحارش الصوب الثاني كأن في مصيبه يمي!!!

مشيت شوي و ركنت السيارة!

ما وعيت إلا صرخه أختي البنزين!!! قاعد يطشر من السيارة!!!

لا اتقربين !!! خليني أشوف و طفي السيارة!!

طبعا تيدودهت حدي!!

نزلت أشوف شنو في والا فتحة الباب مالت الغالون مبطله! و الا البانزين بكل مكان مطشر!!

وييييييييييه شالسالفه!

إختي انتي توج تارسه بنزين!

لأ مو توني الغلن فيه نص!

عيل أكيد في شي مو مسكرينه عدل

انتي وين تارسه بنزين آخر مرة!

محطة العديليه!

روحي إشتكي عليهم!!!

ليش مو مسكرين فتحة البنزين !

انتي تدرين لو واحد يمج و حاذف زقارته و انتي البنزين قاعد يطشر من السيارة جان شب الغلن باللي فيه!!

انزين والحل!!!!

بيتكم بعيد!!

لأ كاهو دقيقتين و أوصل!

سمعيني إذا تبين شي دقي على 112

شنوه الرقم!!!!

هذا قبل كان 777

لأن خطر تمشين و فتحة البنزين شكلها خربانه

و ماراح يفيدج أي أحد إلا المطافي

( و فجأه بنص الموضوع)

عاد أنا مساعة قايل حق صاحبي بالتليفون والله و حزتها ما شفت منو اللي يسوق ان باخذ سيارة نفسها

( أنا هني قلت اييييييييييييييييييييييييييي عيييييييييييييييييييييين ما صلت على النبي طشر البنزين!!!!!!! و لا اشحلوي سنه كاملة مافيها شي السيارة!! )))))))))))

قاللي لا تفهميني غلط بس والله الله يعطيج خيرها و يكافيج شرها

بس الله يهداهم سيارة مثل هذه ليش فتحة البنزين برة؟

أنا بقلبي أقول بعد وين بحطونها بالتبلوه مثلا!!!!!

أقول أخوي؟؟؟

خلني أدق على ريلي الحين و أشوفه وينه و انت مشكور ما قصرت

أكيد ما تبين شي؟؟

ما تبين رقمي إذا صار شي؟؟

قتله لا

بدق على 112

والله رحت الوكاله و ينطروني ساعة على ما إفحصوها!!!

والا شنو الموضوع؟؟

السايق غسل السيارة توه و الماي متجمع عند فتحة البنزين وانا قاعدة أمشي اللي قاعد يطير ماي مو البنزين!!!!

و اختربت الطلعه !!

7 comments:

Seema* said...

غدى الشر!
;p
بس كلش كلش مو حلوة سالفة اللي خبصج وانتي بالشارع وآخرتها ماي بس مسكين ما يدري..نيته خير.

mjkout said...

looool
مو خوش سالفه

Яeema said...

seeema

تدرين شليي قهرني؟؟؟
ضيع علي موعد مهم!!!!!!!!!!!!




mj !!!

اتهقي دري بينا و بين نفسه ان ماي مو بنزين؟؟؟

ههههه

Fahad Al Askr said...

اشتكي على السايق

mjkout said...

اتوقع درى بس من الفشلة كمل السالفه
بس عجبتني سالفة الزقارة الاخ وايد تاثر با لاافلام

mOseQar said...

مسكين هاذي يزاته يعني ...
ان طنشوا قلتو شدعوه عليهم هالناس محد يقول او ينبهني
وان تحجوا .. قلتوا ملقوف ..

ما هكذا التفاهم
;p

Яeema said...

fahad !
يبييييله
قتله كل مرة بطل فتحه البنزين و نظف الماي
شماله هالتكتكت
ابروحنا قاعدين انعلم الخدم التوفير بالماي






mj!

اييييييييييي و اتصلي بالمطافي على طول ليه صار شي





moseqar

الأخ رقمني على أبو بيساعدني
خلها على الله

ههههههه

والله لو سايق اللي يسوق السيارة جان قال بالطقاق

ما أعرف ربعنا


شقرديه بس حق البنات