contact lenses !!!

قايمه الساعة 8 الصبح بالويك إند ( و عليها مليون علامة إستفهام) مواعدة الوالدة الساعة 11 بنطلع ، و لازم أقوم قبل أريق اليهال عشان الأخ يوسف طايح و مشقوق حنجه 4 غرز و عنده مضاد حيوي عن التسمم .

بسرعه بسرعه سباق مع الزمن و بدخل الحمام قبل الكل عشان أكون مستعدة حق العايله الكريمه

عدساتي داخل الحمام ، ألبس وحدة و بحط الثانيه و الكل يناديني من صوب ، حمودي يطق الباب علي مامااااااااا كاااااااااااااااااام ، كاااااااااااااااااام

و مها تقوللي يما شنو البس بروح معاكم ، و إللي ما يبي يغسل و ياخذ شور و لما الحين قاعد بالبيجاما بو حنج مشقوق !!

و إللي يناديني يالله ساعه بالحمام شتسوين؟؟؟ أبي ريوق وراي موعد بطلع

و بعد كل هذا أكتشف و أنا أركب العدسه إني ما أشوووووووووووووووف!!!!

أمبييييييييييييييييه لألألألألألألألألألألألألأ

شنو العما إييلي فجئه!!!!!!

وحدة كلش ما أشوف منها و ضباب و لووووويه !!!!

وااااااااي !!!

فتحت الباب و قمت أنادي زوجيييي !!!

ما أشوووووووف شنو فجأه ما قمت أشوووف !!!

شسوي !!!

يقوللي تعوذي من إبليييس فصخي العدسات و لبسي نظارتج شوفي و قارني !!

يمكن عييب مصنعي بالعدسه!

أنا : أي عيييب مصنعي هذي ثاني وحدة أحطها بعيني ، قلت جذي أنا و هذا وارد ألف بالميه !!

بس و الله ما أشوف

لحظة خل أشيل العدسه !

و الله يسلمكم أشيل العدسه و إلا نظري فجئه قمت أشوووف !!

أمبييييييييييه شنو هذا!!! أشوف بدون عدسه!!! فجئه أنعمي و فجئه أشوف بدون عدسه!!!

لا مو معقوله إشقاعد يصير فيني !!!

جان يقرب من عيوني زوجي و يطل داخل

زوجي : ريما ترا بديتي إتخرفين إمبجر

أنا: هااااااو ليييييييييييييش إشفيها عيوني !!!

زوجي : يبا العدسه داخل من زمان و إنتي ركبتي عدستين و إنتي ما تدرين ، شلتي وحدة توج و إللي ماكانت إتخليج إتشوفين و الحين اللي خلاج إتشوفين إن لما الحين أكو وحدة إنتي مركبتها و ناسيه .

ريما : يالله العفو و العافيه

زوجي : حبيبت قلبي ، تعوذي من إبليس المرة اليايه و روحي الحين مسكي اللاب توب و بوست حق الجماعة ربعج.

ريما : إنشاء الله ( من الفشله و قصت الويه إللي حاشتني ههههههههههههههههه , و أهم شي البوست بالموضوع)

read me ! read me not !

Olny srmat poelpe can.

I cdnuolt blveiee taht I cluod aulaclty uesdnatnrd waht I was rdanieg. The phaonmneal pweor of the hmuan mnid, aoccdrnig to a rscheearch at Cmabrigde Uinervtisy, it deosn't mttaer in waht oredr the ltteers in a wrod are, the olny iprmoatnt tihng is taht the frist and lsat ltteer be in the rghit
pclae.

The rset can be a taotl mses and you can sitll raed it wouthit a porbelm. Tihs is bcuseae the huamn mnid deos not raed ervey lteter by istlef, but the wrod as a wlohe. Amzanig huh? yaeh and I awlyas tghuhot slpeling was ipmorantt!

If you can raed tihs psas it on !!


He who laughs, lasts!

waiting 4 u

يخيم علي قلمي الشوق للكتابة عنك

في زحمة روتين الحياة اليومي

أقف فجأة

أتذكرك

أبتسم بعيني

أمسك بقلمي

أريدك أن تتذكرني

و بطريقتي

أتذكر رحيلك

يقف القلم صامتا

غصه في القلب

كيف لي أن أعيش الأسابيع القادمه

بلا صوتك

بلا ضحكتك

بلا همسك

بلا عتابك

وبلا حبك

راحل

و سترحل معك مشاعري

ضحكتي

سكوتي

فرحي

دمعتي

وحزني

سأصبح كالصحراء قاحلة

تنتظر قطرة المطر

تنتظر عودك لي

لتزهرني من جديد

إعتراف المرأه بداخلي

سأكون لك رغم معارضه العالم لي

تغرس يديك بين أخصال شعري

تعتليني رعشه بداخلي

أريد أن أتنسم هواك

أقترب منك أكثر

آخذ أنفاسي من ريحة عطرك الباريسي

أنظر لعنيك المتلهفه للقاء حبيبتك

أنا لك

أقولها بلغة العيون

بصمت العشاق

أجد بداخل نفسي إمرأة بكامل أنوثتها

لا أجد أروع من أكون أنثي بين يديك

تسألني إن كنت أحبك

أجاوبك بطريقتي اللعوب

بشفتي .....

تجاوبني بكل ما يحمله قلبك من حب لي

أنت معشوقتي

أرضيت غروري الأنثوي

عززت ثقتي بنفسي

أعترف لك

إني إمرأتك

**************

أتساءل دايما ؟؟

لماذا حب الرجل للمرأة لا يعوضه أي شكل من أشكال الحب لدي المرأة نفسها.

نجد البنت الصغيرة تحب و نجد البنت الشابه تحب و تتطور العلاقات لنجد أن الزوجه تحب زوجها و كأنها معشوقته ( حتي لو لو تجد فيه فارس أحلامها)

نسمع بكثير من القصص أنها إنهارت لفراقه بالرغم من عدم وجود أي مميزات .

لكن يبقي شي قد لا يعلمه الكثير ، أنه حسسها بأنوثتها ، فلا أولادها عوضوا هذا النقص و لا أهلها حل حبهم محل ذاك الرجل.

نجد أن من أكثر القصائد تأثيرا على قلوبنا سواء أكنا صغار أو كبار ، أمهات أم عزاب ، هي قصائد أو كلمات أو الأغاني التي تتكلم عن العشق، الحب، الفراق ، نجد أن تأثيرها مثل السحر علي قلوبنا

هل أعترف بأن الحب بين رجل و إمرأة أصبح غريزة ؟؟

هل أعترف بأن الحب من الغرائز التي لا نستطيع التحكم بها لأنها مشاعر لا نعلم مصدرها ؟؟؟؟

هل أعترف أن الحب صعب مهمى طال الزمن أن ينسي؟؟؟؟

هل أعترف بأن الحب أقوى من أن تسكته أفواه الناس؟؟؟؟

vote for the worst bloger !

ياتلي كومنت اليوم ضحكت ضحك عليها يوم شفتها.

الضحك علي البلوق إللي فاتحينه 3 و ما أدري إذا صج واحد و إلا 3 و تصويت على أسوأ بلوغير ، أول ما قلت حق إستكانه عن السايت و إتشوف إسمها مرزوز جان إتطقها البوهه المسكينه ،

إستكانه: لييييييييييييش أنا أسوأ وحده !!!!

ريما : مو أسوأ إسم الله عليج من السوء ، إنتي أول اللسته بس ، رعصي علي فييوووو و بتشوفين منو .

إستكانه: وااااي ليييييييييش منو إمصوتلي أنا أسوأ

ريما : شفتي أنا لي 3 أصوات كشخه ههههههههههه

تعااااااااااالي ليييش متأزمه !!! ضحكي ضحكي ، هذا دليل نجاح فاتحين لنا بلوق و إمصنفينا الأسوا ، يعني يقرولنا و هذا أهم شي هههههههه

إستكانه إشعلييييج صار حالنا حال مجلة هيللوووو

بالويندو الثانيه مطقوق

مطقووووووووووووووووق إلحق!!!!

مطقوق : شنو !!

ريما : مبروك طلع إسمك ويانا

مطقوق : أأأأأأووووففف شنو هذا !!! لا و لج 3 أصوات بعد هههههههههه

ريما : منو !!! أنا ؟؟ يا حصرت قلبي ، الزمن و النت علييي

مطقوق : ربعج يدرون ؟؟؟

ريما : لا و الله ما قلت حق أحد ما أبي أضيق خلقهم ، السالفه يبيلها بوست ، ودي أنشر السايت بشوف النتيجه متحمسه حدي!!

مطقوق : أنا ما عندي مشكله بالموضوع عادي و بالعكس أحسه فكرة حلوة ، و حتي لو طلعت أسوأ واحد أكييييد ما راح آخذ بهالراي ، بس شي يديد ، لييش لأ

فيا جماعت الخير ، ممكن إتصوتون للأسوأ ، تدرون كويتيين يحبون التدقر و أنا من مشجعين الموروثات الكويتيه في الجعام .

و إللي بيحش ترا باب الحش مفتوح عندي لأنهم أقصد السايت مسكرين أي تعليق عندهم.

VOTE

سرير و إلا سريرين

هذاك اليوم قاعدة آخذ راي بنات متزوجات علي سالفه سرير النوم.

القصد إن إحنا البنات طول عمرنا تعودنا إن محد يشاركنا فراشنا أو الكفير

لمبة الممر إمبطلة و إلا لأ ، التلفزيون داخل الغرفه و إلا الأباجورة مفتوحه و كتاب .

طلع إن الزوجين بدت تتغير نظرتهم عن هالشي، إشلون؟

يعني وقت النومه الواحد صج يبي ياخذ راحته، و الله أنا اليوم مو يايتلي نومه ، ليش أرتز بالصاله و برد و ما تكون لي غرفه بروحي؟ أتسدح فيها و آخذ راحتي و إذا ولدي تعبان أييبه عندي ينام بدال البهذله أقوم و أروح داره كل ساعة

فيني كتابه بوست، ليييش أبلش ريلي وياي و أبطل ليتات الغرفه كلها عشان أعيش الجو ( هههههه أضحك مو صج )

مريضه و فيني فلوانزا ، ليش أحاتي إن واحد صاحي يمي أنافخ إبويهه و أخاف أعاديه؟ يالله أعابل بعمري

ساعات الواحد يتهاوش و ماله خلق يجابل الثاني!

و إلا يكون الريال بنام الساعة 10 بالويك إند و أنا بسهر علي فلم بال م – ب – سي 4

وفي أشياء وايد ما تنقال لأنها خاصه جدا و ما وصلنا مرحله إللي نقدر إنعبر عنها بحريه تامه بالكتابه إهني ، حفاظا علي عاداتنا و تقاليدنا ، بس إللس يحب يقولها بالكومنت أنا راح أأيده .

تركيبه البيوت أول ما تسمح إن يكون التصميم عملي ، فتلاقي إن 3 بغرفه ، أما الحين لأ يصير نظام السوييييت إن يكون في صاله دافيه حق الزوجين بس ، و يكون في غرفتين و فيهم بلازمات و حمامين منفصلين عن بعض و غرفه تبديل.

مع الكبر الواحد يستحي إن ياخذ راحته ، الكرشه طايحه بالنسبه حق الريل ، المرا ما أدري جم زاد وزنها ، يعني إهيا خصوصيه أكثر من إنها إنعزال و تفرقه و ما أدري من هالكلام إللي سمعته.

أنا من مؤيدين إن الواحد بالبيت يكون له غرفته الخاصه للطوارئ ، مثل غرفه ضيوف . لما أكبر أحب إن يكون لي بريستيج معين .

ما أدري أبي أعرف رايكم

هل إنفصال الزوجين بغرفتين معناها إن أهوا ما يحبها؟ أو إن يولد البعد ؟؟؟

مسخرة التلفزيونات

أستوقفني حديث بالتلفزيون :

القناة أوربت

البرنامج الدايخ : عيون بيروت

الجيش الإيطالي كان توه واصل على الحدود لمراقبه جنوب لبنان ، و الجيش تابع للأمم المتحدة.

الزبدة كانت المذيعه تقابل بعض من أفراد الجيش و لاحظت إن منقيتهم نقوه!!! معقوله جيش كل يشبه جورج كلوني

المهم السؤال :

شو شايف لبنان حلو؟ زرتها من أبل ؟

و السؤال الصعقه إللي خلاني أوقف عنده

شو رأيك في بنات لبنان؟ حلوين؟

يعني الريال هااد بيته و أهله و ياي إمجابل أراضيكم و إنتي إتيين إتقوليله بنات لبنان حلوييين!!!!

صراحة الواحد ما يدري شقول

و المغزي من هالسؤال شنو يعني؟ و ليش إتبينون حق العالم إن إنتووو راخصين في بناتكم لي هالدرجه!

أنا أموووووووت علي لبنان ، بس يا جماعه أكو أدب ، يعني هالجيش يبونا يرد مستانس و ضايق خلقهم إن قاعد بالجنوب ؟

و الله القنوات الأجنبيه ما فيها هالنوعيه من التلميحات، إتشوفون المذيعه الصبح لابسه لبس محترم و محتشم ، إييييييي صبح !!! إشتبي تلبس يعني!!

الصراحه صار التلفزيون مقزز من هالنوعيات من البرامج إللي أشكرة تعالوا سووا حرام عندنا .

والله حرام عليج يا لبنان ، تدرون إن اللبنانين إللي إنعرفهم محترين من السوالف إللي بالتلفزيون أكثر منا ، يقولون لما الخليجين إيولنا يبون الأشكال إللي يشوفونها بالتلفزيون. و عبالهم لبنان كلها جذيي .

ما أقول إلا الله يستر علينا و يحفظنا بأوطانا

brain storm

العلاقات الإنسانيه من أصعب التعاملات فيها بالدنيا ، وايد يحرني لما أشوف عيال ديرتي مو مستانسين ، أو مفرغين طاقاتهم في المكان غير الصحيح. والله إن يحز بالنفس .

أتوقع راح يكون كلامي على أجزاء مطوله عشان أعطي كل موضوع حقه.

ليش الرجل يطالب بالرومانسيه و أهوا كل البعد عنها بسبب مشاغل الحياة اليوميه، و بعدين إييي تالي اليل و يقول و الله إنتي مو رومانسيه و إلا إنتي باردة.

"طبخن طبختيه يا الرفله إكليه"

الحوار مهم بهالأمور، صاروا الحريم ماديين بسبب أن مو لاقين من يحتويهم، فتفريغ الطاقات تكون بعدة جوانب، الدوام، البيت ، و بعد ما ينامون اليهال طلعة عشا أو قهوة لتجديد النشاط ، و إللي عنده أكثر من ياهل و تدريس يخليها ويك إند.

أعترف إن الماديات لها دور أساسي لإستقرار الحياة و البال .

المال سند و أمان للمستقبل بإذن الله طبعا ، بس الشعور إن ماراح أحتاج أحد فهذا نص الهم راح ، أو إن إذا يالي ولدي و عيونه إللي تزرزر و يبي شي و ما أقدر أعطيه إياه لأني أنا أبوه و مسؤول عنه فهذا بروحه هم.

كل إللي بقوله إهي مقدمه للمواضيع إللي فعلا ودي أتكلم عنها و إللي أحس إنها راح تساعد وايد ناس في التعامل بالمستقبل ويا الناس إللي نحبهم .

كلنا عيزنا من حياتها و نحتاج التغيير للأحسن.

الحمدالله بعد مرور 10 سنين زواج ، أتوقع إني وصلت لمرحلة النضج في التعامل مع زوجي، أهل زوجي و عيالي .

شللي خلاني أبي أكتب في هالمواضيع ؟

كنا قاعدين أنا و زوجي نحلل الناس إللي حوالينا و إشلون إنا لعقول صارت صغيرة و الخلق ضيج و الكل يبي يهج من بيته ، سواء مرا و إلا ريال بعد ما صارت الأجواء باردة و حلوة .

قعدت أقوله عن القصص إللي مريت أنا فيها أو ربعي مرو فيها ، و كذلك حدث هالشي بالنسبه عن قصص ربعه و الجيل إشلون إن صار ما يتحمل المسؤليه و يبي كل شي إييله بارده مبردة.

ضحكتني سالفه قالها واحد عندهم بالمزرعه و الناس مستانسه بره و يا دله القهوة إللي على الفحم.

يا فلان ! هاااا إشرايج بالجو الحين مو مال بر؟

والله يا بو فلان الجو مال معصيه

هههههههههههههه

لا حول ولا قوة إلا بالله

ضحكت الصراحه ، بس سبحان الله طبيعة الريال غير

لو قايلينها حق بنت جان قالت مال قعدة عشا علي لشموع

فراح أكتب لكم مواقف في البوستات اليايه إنشاء الله نحاول إن نساعد نفسنا إنا نعيش بهدوء و إستقرار نفسي .

و بالنهايه أعترف ، إن كل أثنين لهم ظروفهم و بيأتهم و عقلهم للتعامل مع الموقف، بس الواحد بالنهايه يكبر عقله و يواجه و يتحمل مسؤليه قراره.

و دمتم بحب جميعا

في الطائرة

تتساقط قطرات المطر معلنة عن بدايه عهد جديد

يشرد الفكر معها و أتأملها من خلف شباك الطائرة، كأنها قد غسلت كل هموم الكون بسقوطها عند نافذتي.

تأخذني الأفكار معها أناجيها بقلبي، قد رأت المنظر و كأن من أذرف الدمع محجري لوداع الحبيب .

تأملت كيف تسقط قطرة و تتلاقي مع قريناتها لتنسج خطوط أشبه ما تكون قضبان حديد يفصل بيني و بين من أحب.

أسمع صوته بداخلي

قد رحلتْ من أحب

و أخذت الدنيا معها

أطمئنه ، إنك بداخلي

بقلبي

بعقلي

بنظراتي للناس

لا أرى إلا وجهك

أبتسم

لا توجد لدي في هذه اللحظات من وسيله إتصال

لأطمإنه!

لأقول له هذا الكلام!

في الطائرة

و كل شي مغلق

و كأن الدنيا أغلقت أبوابها بوجهي

أخرج القلم و الورقه

أكتب و دموعي تتساقط كحبات المطر

لماذا هذا الشعور الغريب

أحس بنبض قلبه

تأتيني كتمه

أتنفس لثواني

نشوة الحب

أعترف لك بداخلي

إني أعشقك

Post Estekana !

كسرة حزن

يأتون من أحزانهم هربا

يرتمون في أحضانننا زمنا

تفز لهم قلوب...وتدمع معهم عيون

نعيش معم بكل تفاصيل الألم

بكل محاور الحزن

.

.

في برد وحدتهم كنا لهم دفئ

وفي تيهان أفكارهم كنا لهم وجود

يرمون بأثقال همومهم علينا،تنام أعينهم ونبقى لهم عينا

.

.

.

لأن لنا قلوب صادقه

لأن قلوبنا بالحب عامرة

لأننا اذا محنا منحنا دون منه

وأذا أخلصنا،لا يكون للتعب معنى

لأننا...لا نتذكر جروحنا حين نرى أعينهم دامعه

ولا نتذكر أخطائهم بحقنا عندما تأتينا أحزانهم لاهثه

.

.

.

لأن ولأن...ودون سبب وبأسباب

هم عندما تجرحهم الدنيا يأتون لنا مخلصين

وعندما تتزين بالفرح أيامهم،يتركونا على بعد متناسين

فزعه قلوبنا

دموعنا التي لم تبكي الا لآالامهم

تهوراتنا التي لم تكن...الا فداء لأعينهم

!!

.

.

.

محاوله يائسه لتكيّيف حقيقه مشاعري

هل هذا هو الندم على العطاء؟

ام هو منه على ما فاض من قلبي من صدق احساس؟

أكذب ان جاوبت بنعم

!كل ما يرتسم في عيني كسرة حزن

احساس طفل جاء بقوة

يدفعه قلبه

فطرته

احساسه

روح الفرح في داخله

يركض لقلب طالما عرفه وشعر بقربه

!!ليرتطم بصدمه حين يقترب،ويشعر بأنه لا يعرف هذه الوجوه التي انقلبت

.

.

.

ربما تحدد موقعنا معهم بأن نكون دائما طوق النجاه

المنقذ في وقت الأزمات

ولكن ما زلت أجهل ،لما في وقت الأفراح يتم استبعادنا؟

ماذا نريد؟

هل تلك العيون التي أحبتهم دوما قادرة على حسدهم على سعادتهم؟

ام ان القلوب التي اتسعت للكون بأفراحه وأحزانه تغتاظ من فرحتهم؟

قلوبنا تنبض لهم صدقا

تبتسم لهم فرحا

وتبقى بنقائها،مهما جرحت بها الدنيا

!!

.

.

.

هل كتبت كلماتي تحت وطأة الدموع؟

ام ان قلبي حزيين لدرجه الألم والخضوع؟

لا هذا ولا ذاك:

كل ما في الأمر عبره ،اقاوم ولادتها على واقعي

وصدمه،احول ترويضها مع قلبي

هل ساأتغير؟

ربما...أعيد ترتيب أوراقي مع نفسي

ربما أدقق في علاقاتي أكثر

ربما أتخلى طوعا عن دور المنقذ في كل حين

ربما أضع لحبي وصدقي مع الناس ضوابط

وربما في النهايه أبقى أنا أنا..لا أتغير

ولكن يبقى الأكيد بين كل تلك الربما بأني أستذكر في كل حين:

بأني لم أجبر على العطاء

بأن نيتي كانت ما زالت متجهه للرحمن

بأني حين أحب وأحسن لهم لم يكن يصدح في بالي الا قاعده ربانيه:

(هل جزاء الاحسان الا الاحسان)

بأني أنا القاعده هنا

وهم كانو وما زالو استثناء

.

.

.

estekana





هذا الشعور إللي أحس فيه و لا أقدر أعبر عنه
أشكرج جدا حبيبتي

عليل و كل يحسب إني مداوي

أون ورياح الليـالي تون والبرد في جوفي كما الغار خـــاوي

ماكن لي قـــلب ولاعقل كني جذع وقف في وجـه الايام ذاوي

وبي عبرة محبوسـة تمتحني في عيني وحلقي وصدري شـكاوي

وبي من قديم الوقت جرح مكني وبي من جديد وقتي مــكاوي

ان قلت زانت خالف الوقت ظني وان قلت هانت عاجلتني بـلاوي

اجامل ايامي ولا جــاملني هامت بي الدنيا هيام الخـلاوي

الوقت جاير والليال اسـهرني والحزن مابين الضلوع متلاوي

أون وكل يحـسب اني أغني عليل وكل يحسـب اني مداوي

لأني أحبكم وايد و أحترمكم وايد ،لأن البلوق صارلي مثل بيتي الثاني و لازم إني ألتزم و أرد علي إللي يعلقون عندي بكل حب و إخلاص ، بس في ظروف بداخلي تمنعني إني أكون نفسي . فصار البلوق مثل الواجب إللي الزمت نفسي ووقتي حقه ، لأن بدوا ناس يتشرهون ليش ما إتييلي و أنا قاعدة أييلج و عيزت ألبح علي هالسالفه إن البلوق يعكس الشخص و شنو يكتب و شنو يحب إن يقرا ، يعني مو البلوقير و إنما الموضوع نفسه ، و لو إني متهاوشه ويا صاحب المدونه و عجبني موضوعه هم بعلق عنده .

أرجو تفهم نفسيتي و أرجو تفهم طريقتي للقراءة و طريقتي للكتابه .

أحب أنوه علي البوست إللي قبل ، راح أرد عليكم إنشاء الله متي هديت إشوي لأن وايد يهمني إني أكون حياديه بالرد .