Friday, May 26, 2006

حرب صيفية

أفكاري

أراقب عن كثب ما يجرى حولي من تناقضات غريبة ، هل هي من طبيعة البشر أن يكون متناقض.

اليوم سوف أتحدث عن نفسي، كتلة من مشاعر بالقلب و كتلة من الأفكار بالعقل ، أحيانا يسير عقلي قلبي و العكس أحيانا.

تحدثت كثبرا عن تضارب الأفكار بمخيلتي و أحيانا قد لا تعكس ما أريد أن أفعله بالحقيقة.

مجتمعي

تأتيني أخبار غريبة تعصف و تثير ما كنت قد جمعت حوله من معلومات و بموقف واحد تنهار.

هل أنا الصح؟ أم هم ؟

قد يتساءل البعض لماذا هذا الغموض بكلماتي ، ولماذا هذا التفكير و أسبابه.

في الحقيقة لاتوجد أسباب لمراقبة تصرف الناس إتجاهي، دائما لا أعبأ بما يقال عني لأني على قناعة تامة أن ما يعجب أقرب المقربين لي و معرفته بي ، أكون في قمة سعادتي . ولا أطلب من هذه الدنيا الزائلة إلا إبتسامة .

بالكويتي

أستغرب من الناس إللي أكون همهم و شغلهم الشاغل في هالدنيا و بدون مبالغة كنت ما أصدق الي ينقاللي و دايما أحسن الضن فيهم ، بس يوم نبهوني أشخاص عن طريقة الكلام و إشلون إن الرد يكون بسوء نية و كأنه إمداحر و همن ما أعرف أرد عليهم لأني ما أعرف أرد على هالنوعية ، فتجنبهم أبرك من معاياتهم.

لما إييلي إتصال و يقوللي ديري بالج مو كل شي بتسوينة إتقولينه ، ( كنت قايلة إني بسافر و إذا إتوصوني علي شي )

لما توصلني أخبار من ناس مالهم علاقة فيني و ينصحوني معناتها إن الناس إفهموني غلط و بتفلسف يعني؟

لما وحدة معانا بالطيارة إتقول بالصدفة حق وحدة إن فلان و فلانة كانوا معانا بالردة ، و إيي حق خالتي إتصال يقول لييش ما قيلتي بروحون بدال ما تقول الحمدالله علي سلامتهم و قرت عينج هذا إشينقاله ؟؟

لما أوري وحدة جنطتي إللي سعرها أقل من مبلغ معين في بالها لأني شريتها من هذاك المحل و بدال لا تقول عليج بالعافية تقول والله زين مو ماخذتها إب 500 !!!

لما أوري أحد فندق و ريزورت يديد أمدحة و أنا موساكنه فيه أصلا و تقوللي قبل لا إتشوف الصورة إن إللي إحنا رحناله أحلي ( رايحة شاليه مو فندق و أجار باليوم يعني ما ينسكن فيه ) و إللي مادحتة أنا فندق و ينسكن و يديد و قريب و علي البحر يعني غيييييييييير 180 درجة شتفسرونها؟؟؟

لما تقولون صبغة شعري فنكي و أنا لا يمكن أسويها و إهيا طول عمرها ما إتسوي شعرها إلا عند صباح ( حق البنات اللي يعرفون منو صباح ) و الكل قال فنكي بس شكله كلاس يعني أبي أفهم إشتقصد؟

يعني إذمتكم إشلون أتعامل مع هالنوعية؟؟

اللي سويته و مافاد:

  • ما أفتح حوار من الأصل و لقيت إنها تفتح حوار من حواراتي مع ناس ثانين.يعني تدخل عرض بالموضوع لمجرد إثبات وجود.

  • أتجنب وجودها أو أكون وجها لوجه وياها ، لأن ويها إييب الهم و الغم من مراقب الناس.

  • أقول اييه والله صاجة بس أنا مو إنتي ، ليه صرت فلانة بنت فلان راح أسوي بالضبط اللي إنتي قاعدة إتقولينه

  • إذا مالي خلق و حر الجو أبتسم و أخليها ما تدري باللي قاعدة أسويه

لو سمحتوا أبي خطط و تكتيكات بهدوء و بدون إصراخ لأن من التعصب أخاف علي ويهي من التجاعيد هاهاهاهاها

يعني بتعلمن إشلون أقرص من تحت

لأني فاضية لها هاليومين . بتسلي فيها بالصيف الصراحة

النصايح اليهودية أبيها من حريم لأنهم أدري بهالنوعية

حبايبي والله كلكم

29 comments:

nice said...

بتسلي فيها بالصيف الصراحة النصايح اليهودية أبيها من حريم لأنهم أدري بهالنوعية حبايبي والله كلكم
طالما تبين نصايح من الحريم ليش تخلينا نقرا قولي للنساء فقط
الظاهر هالمرة مستفزتج عدل
تروالي الحريم ان عيبوا على خلاجين غيرهم يعور خاصة من تحت لين تحت اما عن التجاعيد فلا تخافين عليج بالبوتكس ويقولون الحين انه مو بس يخفي التجتعيد لا ويخلي مود الانسان اوكي حتى الي فيه اكتأب
علمينا عن خططج اليهودية كلش كلش اقري كتاب قولدا مائير :)

kazmawy said...

والله هالنوعية موجودة بكل وقت
الحل السليم تطبيق قاعدة
الحقران يقطع المصران
لا تكلمينها ولا تعطينها ويه ولا تتفاعلين معاها اذا سولفت
واذا دقت تلفون طنشى واذا دزت رسالة حقريها
باختصار
لا تعدينا شى فى حياتج
والسلام
:)

Unknown said...

والله يا وخيتى مع الاسف مااعرف بخطط الحريم ولكن انا استخدم دوى اسمه التطنيش ورفع الجامة وابتسامة عريضة جدا جدا ومعروف عنى صاحب ابتسامة لا تنقطع الحمدالله :)
فهى بنظرى افضل حل :))

تحياتى بدهن العود المبخر :)

layal said...

ضحكتيني علي كلمة النصايح اليهوديه
سبقني فيها الكظماوي
الحقران يقطع المصران
ومثل ثاني يقول
صف النيه وارقد في البريه
ولا تشغلين بالك بناس ما تستاهل

teagirl said...

hahahaah 7ubi she is so jealous of you she wants to pull her teeth out.. so she makes you look bad or silly and she acts stupid. Anytime you are around her just say il7amdilla that you dont see yourself so low in your own eyes that you have go around finding things about other people to talk about.

Diver said...

بما انج انحزتي الي بنات جنسج و طلبتي نصيحتهن
ودي اقولج معلومة قريتها
يقولون ان انتقام النساء يتركز على السرعة ي الرد أي ان المهم هو قصر الفترة الزمنية الفاصلة بين الفعل و رد الفعل
أما انتقام الرجال فيتركز على الكيف و على قوة الإنتقام فقد ياخذ الرجل الوقت الطويل و لكن النتيجة تكون صاعقة
عشان جذي اعتقد تلجئين للرجال احسن
و اذا تبين الحل فالله سبحانه يقول (ادفع باللتي هي أحسن فاذا الذي بينك و بينه عداوة كانه و لي حميم )صدق الله العظيم

neelaah said...

سمعيني عدل

في ناس كل ما صرتي طيبه و حلويه و مو لئيمه

تزيد الضغاط عليج

لكن هالاشكال اما انج ..تقطعينها من حياتج..لانها ما تضيف لج الا الهم و عوارد الراس ..يعني الزبدة تلغينها

او اذا كا ولا بد انها تكون جزء من حياتج ..تردين عليها بنفس اسلوبها ...يعني بلائمه

يعني لما تقول لج المكان اللي رحنا له اغلى ..قولي لها : هاو شفيج ثوووله؟ هذا غير وذاك غير

او قولي لها ويييييييه عاد بدينا بشحاطه الفقارة

يعني الزبدة ..خلي ردج يعور..لانه اهي اساسا ما راعت مشاعرج فليش انتي تكونين طيبه

Яeema said...

bora bora :
المشكلة القعدة مفروضه عليي
هاهاهاها
يالله مالي إلا أحتسب الأجر


nice:

أولا محد يقدر يستفزي و هذا السبب الخلاف الأولي

أنا جاماتي مرفوعة و مغيبة بقار أسود
هاهاهاهاهاها


والله إعجبتني سالفة البوتكس بس الدكتور قاللي في وقتي هذا يصلحلي كولاجين بس ، لما أصك الخمسين أبلش بوتكس
والله إللي عندي قريت كتاب
كيف تمسك بزمام القوة 48 قانون و مافاد فيها
هاهاهاها

Яeema said...

kazmawy:
بجرب و لو إنها إتضحكني لأن ردودها ما تعكس أي خبرة بالحياة

و إهيا إشحارها إلا إني مو عادتها شي
بس أنا وحدة مالي خلق لأني ليه عصبت إهيا مرة واحدة و عينك ما إتشوف إلا النور
فمابي أوصل ليه هالمرحلة

والسلام ختام
مشكور و ما قصرت


mishari:
والله يا أخوي العزيز بوعبدالله مشكلتنا مشكلة إحنا الحريم
رفع الجام معناتها منتصرة و قامت إتزيد بالحنة
و إنت إتعرفني ما أحب أحد يحن علي راسي
هاهاهاهاها
و مو إبهالحر!!!!؛؛

Яeema said...

layal:
والله مفروضه عليي و كل يوم أشوفها
هاهاهاها

:(

kitty:
إييه بالضبط مرضي ، بس عاد شنو ذنبي أقعد بالقعدة و لساني علي الصامت

مو وناسة يا جماعة كل من عندة خير و نعمة و صار كل من يلبس و يحط و يسافر بس هذي بزيادة
هاهاهاهاه

Яeema said...

balqees:
هذي من المسلمات بالحياة ما أقدر أوخر إتطقني كوع
هاهاها

عجبني المثل
كل يوم بلبس أحمر

nadia :
برد عليج بالتليفون
هههههه

Яeema said...

photoflow :
velieve me all what you just said is totally true .

the problem she got a deep breath!

she dont get tierd from talking about the peaples and showing her self that she know everything.

when i started to open any subject she feel that she know nothing , and here when she start to blah blah blah on my head .

noona:
والله بعد عمري عمرج إنتي
أشونج إتعرفيني شنو بالصج أنا لما أمدح
بس هالأيام الناس ما ترحم و لا إتقدر اللي ينعت لهم شي

والله ما عليجزود يا قلبي إنتي
أحرجتيني بالهالكلام الحلو
مادري شقولج

الله عارف شنو بس إهيا مو مقدرة النعمة اللي إهيا فيها لما إتجابلني
هاهاهاهاها

علي الأقل إتعلم إشلون تبتسم
أربع سنين ما شفت إضروسها إشلون قايلة

Яeema said...

diver :
إييه يا أخوي مالي خلق أنطر
هاهاها

أنا ما بيني و بينها عداوة

أنا بعطيها وحدة علي راسها عشان أفتك و إتدور أحد ثاني بدالي إتطلع بخلها و أمراضها عليه

ودك إنت؟؟؟؟

ههاهاهاهاهاه

neelaah :

إييه حبيبتي كللي آذان صاغية لج

أول نقطة صاجة و هذي المرحلة إللي وصلت لها ، علي أبو بترفع عن هالكلام عدته ضعف و زادت بالضغط

---
مشكلتي ما أعرف أقول هالكلام لأني أنصدم من الرد ، هاهاها

ردها يدودهني إشلون فكرت هالتفكير الشرير لأن مو من طبعي لمداحر

أي فقارة إسميله عليها
الله يهنيها ، مو هذا اللي يحر إزيادة إنها بنت خير و نعمة بس مو قنوعة و عينها ضيجة
و حق الناس إتدفع عشان يقولون إييه والله شفتو إشحاطين؟؟؟
و شنو يابت لنا و حطت

المشكلة إن الناس تمدحني بدون ما أسوي هذا كل

ما تبين أطرشها حقج إتشوفينها صاحية وإلا خبلة؟؟؟

أنا بكتب عنها يوميات إلين ما إتسافر و إتفكني

هاهاهاها

حتي خدامي تقوللي ترا ما يفتهمون

جان أقولها لو يفتهمون جان ما إشتغلو خدام ، الحمد الله والشكر مو صاحية

Яeema said...

سنع ومنع:
والله كلامج مثل نكج
كل سنع و منع

يعني صج بردتي جبدي

يكسرون الخاطر صاجة
المشكلة بتحاول إن أقلدها بس مصيبتي إني إمسكبة

مرة ما رحت عزا ولد خالت أبوها شاكيتني عند خالتي
هاهاهاهاها

جان أقول أنا أروح عزا الأقرباء من الدرجة الأولي

و خل تتعود علي طبعي من ال؛ين والا مو عاجبة يشرب من إيفيان

هاهاها

أنا نوعي أحب أوري و أنعت
بس خل أتعلم إن هالأشكال ما ينفع الطيب وياهم

المشكلة إتذب شغلي و السفرة الياية شارية نفسي
هاهاهاها

أنغز ريلي أقولة مو هذيك المرة تقوللي مو حلوة جنطتي ليش شارية نفسي

إللي يعرفني يدري حتي السيارة طالبة نفسي أصلا شكلنا يضحك بالبيت

هاهاهاهاهاها

نفس الشكل و نفس اللون و نفس المواصفات من الداخل

والله أنا يبيلي أكتب عنها مذكرات

هاهاهاها
حتي رقم سيارتي تقوللي أحلا من رقمي إشلون و إحنا إمطلعينهم بنفس الحزه

و راس إعيالي مثل ما قاعدة أقولج بالضبط
يعني أنا ما تكلمت من عبط

بس صج صج مليت
أنا وحدة أحب الحياة و الوناسة و هذي كل إتقوللي إنتي كل متنانسة و بس!!!؛؛؛

Unknown said...

عيل مالج الا خطة 352

التركيز بالوسط والضغط بالهجوم :))
يعنى دويرييه ضغاط فيهم :)

Unknown said...

بعدين صج مشكلة برج السرطان ما يعرف يقعد راحة بالصيف لازم اللوية برجى واعرفه

Dr. Saleh said...

my feeling telling me that she is your sister inlaw or most likely she is your brother inlaw wife, and she is living in the same house. My advise is to ignore here, or move out to a seprate house to put an end to the daily confrontation.

Яeema said...

mishari :
والله أنا وايد راقية ما أقدر أهجم
حدي أضحك و هذا إللي سويته اليوم

كل ما قالت يمين ضحكت لأني تذكرت إني كتبت عنها بوست

هاهاهاهاهاهاهاها

الله لا يجعل الناس همنا و شغلنا بالدنيا
اللهم إشرح صدري
إنت العالم اللي بقلبي


برجنا لويا حده
بس قلبه طيب
;)

dr.saleh :

leave it puzzle that way :)

thanks for the advice

Unknown said...

عيل تدرين شنو تسوين خطة الادب والسكون والراحة والنظر بعين العطف والابتسامة على قلة حظ الشخص اللى مو راضى يتحرك ولا يسوى شى :))

nadeyah said...

والله يا اختى ما اقدر اضيف اكثر من اللى الاخوان والاخوات قالوه .. احسهم هالنوعيه من الحريم جدا تافهه وما عندها اى اهتمام غير بالتقليد وتلاقينهم فاتحين عيونهم على خلق الله حق التحبط انه ما عندج شى حلو وبعد شوى تلاقينها مقلدتج مثل سالفه الجنطه والسياره .. تقيد اعمى بصراحه بس ما عليج ... تركيها بعد شتسوين مشكلتج انها قريبه منج وين بتوخرين عنها خلاص بعد .... يعنى خليج مو مهتهمه وان قالت مثل وى مو زين هالشى ابتسمى وقولى لها بعد شسوى ذوقى جذى ومنج استفيد وجذى .... انا عندى وحده جذى بالدوام او بالاصح 2 موظفات لدرذه ان وحده منهم قلدت الله يسلمج حتى مطارتى مالت الماى .... شفتى اشلون يديرون بالهم ... فعادى جدا



والصيف بروحه واهى بعد حرب!!! ما ينفعش ابدا

الحجيه said...

السلام عليكم جميعا

أفكاري: أول بعرف التناقض إذا ممكن

التناقض هو القول بوجود شيء وعدم وجوده في وقت واحد وبمعنى واحد. وهو القول باجتماع صفتين متناقضتين في شخص واحد. وهو القول إن أمراً ما صادق وكاذب معاً. وقد قال أرسطو: «يستحيل القول بوجود صفة وعدم وجودها في شخص واحد، في وقت واحد، وبمعنى واحد». فإذا ثبت مخالفة مبادئ هذا التعريف في أية عبارة فلا بد من الحكم بوجود تناقض فيها.

الكمال لله سبحانه وتعالى والتناقض موجود من أقدم العصور ما ادري أتصور التناقض نتيجة الظروف المحيط فينا كلها متناقضة زياده عن اللزوم

المجتمع :

هذي الأيام ما نستغرب من تصرف العالم من تناقض له تأثير علينا أحياننا من كثر ما نشوفه بكل مكان أصبح مثل الضل لنا أعوذ بالله منه ولنتذكر أن ما كل يقال صحيح ولا كل ما يقراء صحيح لنتحرى الدقة قبل أن نصدق أي خبر حتى لا نكون بحيرة في مثل حلو أمشي عدل يحتار عدوك فيك و أنشاء لله ربي يوفقج ويسخر الخير كله لج أميين

بالكويتي :
يالريم أحيان يكون تصرف العالم بحسن نية وبعضهم يكون بخبث وبعضهم بتفلسف عليج والبعض يتصرف بجهالة والبعض ببين أن أهم افهم منا والبعض يستعرض عضلات الثروة و و والأنواع كثيرة بس الحلو بالموضوع أن أنتٍ كنت تتصرفين بعفويه ونية صافيه دون تكلف أو تصنع ما ادري هذا ألي حسيته من كتاباتج المهم انشالله ربي يعطيج على نيتج يايمه
النصيحة يالريم أن تطلبين ربج أن يعطيج على نيتج وتقولين اللهم آرني الحق حقا وارزقني إياه وارني الباطل باطلا واصرفه عني
وخليج دائما مٌُُستمعه أفضل لا تقولين إلي بقلبك لأحد راح تشعرين بقمة الراحة والهدوء
في مدونتي موضوع اسمه انواع البشر اذا تشوفينه يمكن يفيد ملاحظه العفو مو دعاية للمدونة بس حبيت الأفادة لشخصكم يايمه
والله يوفق الجميع لما يحبه ويرضاه

bo9agr said...

موضوع شائك والله والمشكلة أنه مو بس عند الحريم ، أكو بعض الشباب الله يهداهم من هالنوع المريض ، ذكرتيني بواحد معاا بالديوانية كل ما واحد قال سالفة رد عليه بسالفة أقوى منها ، أقول له أجرت سيارة كشخة حق عرس واحد من الأهل يوم واحد وطلعت فيها شوي قبل العرس ، يقول أنا قبل أسبوع مأجر نفسها أسبوع كامل !! شكو ؟؟
أقول له شريت الجهاز الفلاني وفيه مواصفات كذا وكذا يقول عندنا أحسن منه !!
بصراحة أنا قمت أمشي معاه أقول له : إيي نعم .. ما شاء الله .. والله ؟؟ آها .. وبعقلي الباطن أقول : مسكين هالمريض .. الله يشافيه !!

3ateeja said...

والله يا وخيتي بصراحه بصراحه ما اعرف انصحج نصايح يهوديه والله
يمكن كشغل اشتغل بمكانين
مكان تيييم وكلنا حبايب
ومكان ما يواطنوني لأني الوحيده بالقسم متخصص والباحي تلش ..يو وتعلموا ..وخايفين على مكاناتهم
واصدقائي من خارج القسم ..وعلشان ارتاح مو كويتيين
شوفي يا وخيتي
نصيحته الوحيده الصراحه
اي ان يصير معاج بحوارج معاها
كلام معين...
اشتقصدين؟؟؟
اشترمزيين له؟؟؟
صفي النيه؟؟؟
شدعوا؟؟؟
منو قال؟؟؟
اكليها بالحجي قبل ما تاكلج
تروح يمين روحي يسار
واذا حشت ولا قرضت وقفيها عند حدها بأبتسامه حلوه
لوسمحتي ما احب اخوض بخصوصيات الناس
او لوسمحتي احنا شكوووو
شنو بنستفيد
مشكور ما احب هالاحاديث
ولا قوليها على غشمره
تكفين لا تحشين توني مصليه
:)
ونهاية قولي قول صلى الله عليه وسلم
المؤمن الذي يخالط الناس ويصبر على اذاهم خير من المؤمن الذي لا يخالط الناس ولا يصبر على اذاهم
واسمحيلي غير جذي
ما اعرف :)

lawyer said...

الحمدلله نصايحي عطيتج اياهات لايف على الهوا
و الخطه الاولى بد\ا تنفيذها

احنا ناس ما نلعب
ههههههههههههه

Яeema said...

mishari:
أقول أهم شي إبتسامتي إللي كلها برود

إييه والله صدقت سلملي عليه بعد


naydeyah:
المشكلة الأساسية إنها واضحة بالتقليد بطريقة إتضحك
هاهاهاها

والله طول عمري أشوف ناس و أقعد وياهم بس هالنوعية لما أشوفها أضحك

أنا إتقلد ما عندي فيها مشكلة
بس لا إتذم الشي و ألاقيها إمسويتا

إتدودهني!!!؛؛

Hope said...

reema / sem3tay ha al maqola i`m sure .. en lam takon theban aklatka althe`eab ;)

Яeema said...

الحجية:
اللهم آرني الحق حقا وارزقني إياه وارني الباطل باطلا واصرفه عني


الحمدالله ما أمدح نفسي بس ربي كل معطيني على قد نيتي

كلامج عطاني دافع إني صح
و صج صج إستفدت منه

أول شي بسويه إني بترفع عن توافه الأمور إللي إنصادفها بالدنيا

مشكورة وايد وايد
-------------------
bo9ager :
EEEE ambeeeh!!!
نفس الشي

والله يبتها يييب
ساعات أحس جن بس أنا إللي يصيرلي هالشي!!؛؛
أثرا النماين وايدة

مأمون المغازي said...

ريما :
أتابع مدونتك من فترة
:
اسمحي لي أن أخالف.
هذه النوعية من الناس وإن كانت أظهر في النساء مساكين لأنهم مرضى بالفعل يا عزيزتي
لا ينفع معهم التحقير ولا الرفض ولا المنع بل بالعكس يكون الرفض والاحتقار دافعًا لهم للبحث عن وسائل أخرى للضرر
:
اقتربي منها أكثر
لاطفيها قدر الإمكان
لا مانع أن تقدمي لها هدية تتمناها
أظهري لها مواطن قوتها
أشعريها أنها دائمًا مميزة بحيث لا تحمل ملامحكِ الاستهانة
استشيريها في بعض الأمور التافهة
اتصلي بها قبل أن تتصل بك
بمعنى آخر
ورطيها في أن تكون مهذبة
خصوصًا أنه من الواضح أنها قريبة منكِ جدًا يعني في محيط العائلة
لا تحريها وايد بألوانك وحركتك لأن هذا يثير الثيران فتهجم وتنطح
بعد أسبوعين
عرفيها ببعض الصديقات العاقلات
اصحبيها معكِ إلى بعض المحلات للتسوق
اعزمي المجموعة على شاي في مكان ما
اتركي سيارتكِ واخرجي معها في سيارتها
اجعليها تشعر بالانتصار عليكِ
أشعريها أنكِ في حاجة لمشورتها
بعد أسبوعين
تحيني فرصة تكون هي رافبة في شراء الثياب واذهبي معها فربما تحتاج لسلفة منكِ
بعد ذلك بفترة قصيرة سيحدث أحد شيأين:
إما أن تنفجر وإما أن تنفجر
والثالث أنا أتوقعه وهو صلاح حالها
:
تحياتي

Яeema said...

مأمون المغازي :
شكرا على النصيحة
ولكن لدي أشياء أخري أهم من تربيتها ، لأن في بعض الساعات الجينات تلعب دور أساسي بالشخصية


باللغة الكويتية
مالك أمل أسوي إللي تقول عليه

أنتحر أبرك

هاهاهاهاها

أعتقد الحياة فيها أشخاص أهم لأهتم بهم و أمضي أحلا الأوقات

فهي واحدة

و أعتبرتها إنسانة مريضة و أتمني لها الشفاء العاجل لأني ماضية مضي الخيل الإنجليزي بحلبة السباق


;)