Monday, May 29, 2006

دنيا


ولدتك أمك ياابن آدم باكياًَُ
والناس حولك يضحكون سـرورا
فاعمل لنفسك كي تكون إذا بكوا
في يوم موتك ضاحكا مسرورا

18 comments:

lawyer said...

تخيلي ريما الموقف
اليوم يتنا نقصه من بيت جيرانا
و امهم توها متوفيه

مطرشين الاكل في ماعون عليه استيكرز عليه اسمها
مدري اشلون ياهم قلب يطرشون اكل في ماعون عليه اسم امهم

شفت الاسم

قعدت ابجي ووايد تاثرت

قلت ياحسرتي تخرع الدنيا
مت من الخوف
والله يا ريما هالدنيا ماتسوى شي

فعلا
مايندرى اذا متنا راح نضحك في اخرتنا او نبجي

الله يختم اعمالنا بالصالح
كلنا و جميع المسلمين

ayhm jzzan said...

مدونة رائعة
رائعة
والموت حق بس فعلا يخوف
كيف ممكن نكون فرحانين يوم موتنا
يمكن إذا كنا عارفين إنا راح نقابل ربنا بدون معاصي أو ذنوب

Charisma said...

hlaa reema 7bebty , ma agdar agol ela shy wa7d yalah 7sn el `7aaatmah , walah agom aw ag3ad aw hal kelma ma t6e7 mn elsani , zmanaa ye`7are3 aw kel malah mn saye`e ly aswae`e m3a el asaf aw chenaa bnshof el zman ely gal 3nah sydna aw 7bebna mo7mad 9al alah 3lehy wa salam ( yaty zman alqabth 3lah denah kal qabth 3la jamer ) alah yster 3lenaa ya rb dnya aw aa`7rah .....

mishari said...

ثانى مرة تكتبين عن الموت بس هالمرة كتبتيه بشكل موجز ومعبر

لو كل انسان حط الموت جدامه كان قلت اخطائنا ولا راح اقول توقفت لان الخطأ مستمر ولا احدمعصوم

ولكن على الاقل تقل
تحياتى ممزوجة بدهن العود اللى يخذ بعض الناس :)

NaDiA AnZa7a said...

اكيد انا غلطانه في البلوق
انتو متأكدين ان هذا بلوق ريما
؟؟!!!!!!
غريبة اشطاري عليج اول مرة تكتبين عن الموت.. العادة كله اتزفيني اذا تكلمت في الموت.. تدرين فيني اشكثر احب اتكلم في الموت وبشكل يومي عشان مااغفل وتاخذني الدنيا
اتمنى انج تكثرين من ذكره صدقيني راح اتغيرين للاحسن
:)))

bo9ali7 said...

يالله حسن الخاتمة..والله هالدنيا مثل البيت..ندخل من باب ونطلع من باب ثاني..جزاج الله خير

Яeema said...

lawyer
الواحد يلهى بس صج صج لازم التذكير
الله يرحمنا برحمته

ayhm jzzan

كلماتك أروع

الفرحة نسبية و لكن الإنسان المؤمن يجاهد للوصول لسعادة الآخرة
و الذكرى تنفع المؤمنين،
و محد خالي من المعاصي

kitty:
تفاءلوا بالخير تجدوه
الواحد ما عليه إلا يحاول و يجتهد
و ربي ما يضيع تعبه في هالدنيا
صج صج هذي الفرحة الحقيقية


mishari:
مو فيني حساسية من هالموضوع و أخاف منه
كنت أحوس أدور أبيات شعر أقراها جان تطلعلي هالكلمات و قلت هذي أكيد إشارة حقي إن على الأقل فكري و تبصري
الدنيا ماخذتج وايد

تحياتي لك
( إنزين عاد وزع العود على اللي قاعدين ، و ما بعد العود قعود )


--------

إتمشى إتبخر البلوق

-------


nadia :

مو غريبة ولا شي بس هذي دعواتج و حلمج ، قاموا المواضيع يطلعوللي جدام عيوني غصب طيب

الحمد الله و الشكر لله إن لي صديقة مثلج تدعيلي بالخير

أقول عاد مال راسج هالمواضيع
هاهاهاها
:*
الله يحسن خاتمتنا و يثبتنا يا راب

bo9ali7:
حسن الخاتمة مو معناها إهمال النفس

إعمل لدنياك كأنك تعيش أبدا
و أعمل لآخرتك كأنك تموت غدا

Diver said...

بدون تنظير
المصطفى صلى الله عليه و سلم يقول "أكثروا ذكر هادم للذات" و الله المستعان

Mini Я. said...

I was here.

PearL said...

صج دنيا :)
نايس بلوغ وخوش موضوع

اتوقع الجملة اللي كتبتيها تختصر حياة الانسان كلها
وجان زين في ناس تتعض

يعطيج العافية

الحجيه said...

السلام عليكم جميعا

يالريم يا أمي موضوعج و ايد نحتاجه هل أيام الناس لاهيه وناسيه ذكر الله , الدنيا ماخذتهم و رايحين ما يعلمون وين الله حاطهم , الله يحفظهم وينور بصيرتهم ويشرح ربي صدرهم ويهديهم وإحنا معاهم ليٍما يحبه ويرضاه

يا بنتي الريم في موقع اشوي يخوف بس لازم نشوفه حتى يذكرنا وينبهنا أن زلنا أو اخطأن حتى نستغفر ونرجع لصوبنا
والله هو المستعان

http://www.almawt.com/

اللهم اجعلنا من الصالحين والأتقياء ووالدينا وذريتنا وكل من يقراء المدونة اللهم آمييين

Яeema said...

diver :
عليه الصلاة و السلام

:)

mini-r :
WelCome HeRe

pearl :
أشكر تشريفج لي و كلماتج الحلوة

الصراحة بلوقج إللي روعة بس حسافة مو إمسويتله دعاية عدل

مواضيعج جداّ مهمة و حساسة

راح أقعدلة قعدة إنشاء الله
بس والله حسافة طافتني مواضيع وايدة حلوة


إنتي أي برج؟؟
( هذا سؤال حق بعض الناس إللي قاعدين يسون إحصائية عة البلوغيرز و الأبراج


الحجية:
مشكورة وايد وايد علي هالمعلومات القيمة و المفيدة

اللهم آمين

---------
nadia anza7a !!!
ye9la7lich el site mal الحجية

:p

The S. S. said...
This comment has been removed by a blog administrator.
The S. S. said...

هذا كأس المنية
وحق اللي ما يقدر الواحد يتنازل عنه
مو علبونه امشي ورى مقولة " اما حياة تسر صديق او ممات يغيض العدا "
او مثل ما قال علي بن ابي طالب رضي الله عنه
لا تأمن الموت في طرف ولا نفس...ولو تمتعت بالحجاب والنفس
واعلم بان سهام الموت نافذة ...في كل مدرع منا ومترس
مابال دنياك ترضى ان تدنسه..وثوبك الدهر مغسول من الدنس

PearL said...

تسلمين يا قلبي
انا اللي يسعدني ادخل بلوقج

والله بحاول اسويله دعاية حق بلوغي
وانشالله يصير عليه اقبال :):)


برجي الدلوو

EsTeKaNa said...

السلام عليكم ورحمه الله وبركاته

شخبارج؟
عسى ربي يسعدج دنيا واخرة:)

يعطيج العافيه على الابيات المختاره
تدرين شنو المشكله ريما؟
نسمع وايد
ونقرا
وندري عن الموت وعن الدنيا
وعن اشيا وايد
بس الحجي بقلوبنا:فعلا هالشي يخوفها وتحس فيه؟ولا قست قلوبنا على كل شي
عسى ربي يرقق قلوبنا ويهدينا ويثبتنا على الخير :)

Яeema said...

SS :
أشكر لك مشاركتك الجميلة ، أفادتني

pearl :
حياج الله و فعلا بدون مجاملة مواضيعج حلوة و حسّاسة

خلينا إنشوفج علي طول حبيبتي


estekana !!!!!
وييييييييييه إنتي قاطة بالإمتحانات
يا عل الله يوفقج يا رب و إتخلصين على خير
صج صج ولهنه على كتاباتج

بس دراستج لها الأولوية الحين


و كلامج عدل و دليل على هذا إن السايت إللي عطتني إياه الحجية ما أفكر أبطلة
أخاف

اللهم آمين

ORACLE said...

أبيات جميلة وكلها حكمة للأمام الشافعي الله يرحمه