ليش إنحس دايما إبضيقت الخلق؟ مع إن عندنا كل شي و أهمها الصحة؟؟
ليش ما مهنتنا الا التشكي و الحنة و الدوخة؟؟؟
ليش إنحب السهر و ندري إن بنقوم الصبح مالنا خلق إنشوف ويه أحد ؟
ليش إنموت علي اليمعات و الحش و القرذ و آخر شي إنقول دعاء فض المجلس؟
ليش مافيه ضمير بأداء العمل و ما مهنتنا إلا الشاي و القهوة و السوالف والإنترنت؟؟
ليش لي بقوومون يصلون صلاة الظهر بدوامي جنهم يصلون التراويح يعني ما تدري الأخ يصلي والا بييب عيالة من المدرسة؟؟؟
أبي الإجابة علي هالسؤال:
ليش إنحب نومة الظهر و ضياع الوقت و سبب النومة عشان نسهر بالليل؟
(جم دولة متقدمة شعبها ينام الظهر )
أعتقد بس الخليجيين
وإذا إتعرفون ناس في دول متقدمة إتنام الظهر أفيدوني !!!
ترقبو بوستي الثاني عن السيد ضيف الله شرار
لقطة من الفيديو
لقطة من الفيديو
7 comments:
السلام عليكم
شوفي ياامي ضيقت الخلق تجي من الفراغ وبعد من قل الايمان العمل مهما يكون بسيط او ذات اهميه يحسس الانسان بوجوده
اما الايمان فمستحيل المؤمن يشعر باليأس او انعدام الحيله لانه يكون متأكد من ان الله ارحم الراحمين واكرم الاكرمين من دع الله مخلص النيه وبقناعه سوف يُفرج عن همه ولا ننس الصلاة هي افضل وسيله لزوال الهموم وسبب لأنشراح الصدر والسبب بالصلاة نشتكي لله قلت حيلتنا وضعفنا ونطلب من الله كل مانتمناه لان الشكوه لغير الله مذله
من عرف الله هانت مصيبته و خافه وامتنع عن الحش وغيره من التصرفات المشينه التى لايرضى الله عنها
نوم الظهر بعتقادي سببه جو البلد حار من الصعب العمل بهذه الفتره والله اعلم
الموظف بالدوام يعتمد على الضميره وحرصه على عمله
في النهايه الدنيا نشوف فيها العجب العجاب بس بقناعه تامه عندي الدين المعتدل دون التعصب دين القيم والمبادئ اهو الحصن المنيع لنا جميعا دون استثناء
والله يوفق الجميع لما يحبه ويرضاه
الله يهداج كل سؤال منهم يبيله بوست بروح
بس خل نفرق في امور مشتركة بين الريايل والحريم وفى امور مختصين فيها الريايل يعنى فى ريايل مزاج عندهم التزرق من الدوام وهذا هالشى ما فيه ضمير نهائيا
حتى الصلاة على قولتج يروح يغط جنه بصلى القيام واهيا كلها الصلاة ما تاخذ عشر دقايق
نومة الظهر انا اتوقع وانشاء الله اكون مصيب بهالشى ان دوامتنا وايد توقيتها غلط يعنى الياهل فقير يفزع من 6 الصبح علشان المدرسة
والابو والام دوام من الساعة 7 الصبح
يعنى لو كانت دوامتنا نفس البشر اللى بره من الساعة 9 لى الساعة 5 العصر جان محد نام الظهر وكانت حياتنا من اجمل ما يكون تخلص الدوام عندك زيارة او نادى او ديوانية
وترجع الساعة 10 او 11 تكون الطاقة استنفذت وتنام وبدون سهر
انفع وزير تهقين ؟
الاسبان يقدسون نومة الظهر
la siastaa :)
الاسبان يقدسون نومة الظهر
la siastaa :)
الاسبان يقدسون نومة الظهر
la siastaa :)
الحجية:
أنا الحمد الله مافيني من هالشي ، بس قاعدة أعكس واقع أشوفة عندنا
يعني لا من شباب و لا من بنات كل تذمر
يطلعون و هم مو مستانسين
يشرون و هم ماكو فرحة بالشي
مادي ليش أحس إن المدنية و الرفاهية الزايدة خلت الواحد يفكر وايد بعمره
يقولولي إنتي أش شي يونسج
و تضحكين علي أبسط شي
مع إن البنات اللي أتكلم عنهم يصلون و كل القرآن و كلام الله بين سوالفهم
ساعات يقولون إن كيميائيات بالجسم تختل
و يبيلة توازن
مشكرة علي هالكلام الطيب
الله ينزل السكينة و الطمأنينة يقلوب الناس يا رب
magdar akamil el today the server ta3ban
meshari i wrote for you 3 times o mo rathy yesawy post here
o ga3da aktab madry ebyetla3 wella la2
:(
Post a Comment