Tuesday, April 18, 2006

my trip part 1


أول شي راح أقولكم عن رحلتي من ماربيا الي لندن، لندن أنا ما شفتها من 1985 تقريبا .

فهذي السيارة إنقلتنا من الفندق ليه المطار .

رحنا من هالبلد الطيب و كل اللي تركناه ذكريات حلوة. تدرون ليش ماربيا إتونس؟ لأنهي أحس جني قاعدة في بيتنا، أسوق و أروح و أيي و أدلها شبر شبر و بلد نظيف و التفاهم مع الشعب سهل ماكو عقد الفرنسيين و لا تفلسف الإنجليز و لا حرامية الطليان، ناس 24 ساعة و حتي الخليجيين إنظاف إهناك. ليش؟ لأن ماكو دايركت

اللي بروح لها لازم عنده شقة و إلا يعرف أحد ساكن إهناك.

فيها ميزة ، متروسة يهال و بالمطعم ما إتحاتي.

السما صافية، و زوجي العزيز سايق السيارة الله يعطيه الصحة والعافية بعد جهد جهيد في حمل الجمال ألا وهي جناطي ليش يشيل؟ لأن الحمالي ما ل لجناط مو قادر يشيلهم إبروحة

جان يقولينا جم صارلكم إهنيه – يوم قلنالة 6 أيام إخترع – جان أقولة لا بنروح لندن و إهناك برد فالملابس غير

جان أسأل نفسي؟

مروو علينا ناس وايد و أتساءل ؟؟؟؟

ليش إجناطنا لازم أتصير وزنها فوق ال40 كيلو و ألا ما نستانس.....

بعدين عرفت السبب

إنحب دايما إنكون في عز أناقتنا حتي لو كان ترينج سوت جووسي كوتور بس مادري

معني في هالسفرة ما خذيت علبة الميك أب – بعد ما سويت بييلنج حق وجهي الجميل بس صج وناسة

أحس ويهي قام يتنفس.

اييه خل أقولكم ليش إجناطهم خفيفة

لأن بس فيها شورتات و فنايل حفر و جينز واحد و جام تيشرته

إحنا شنو فيها إجناطنا و ليش ثقيلة

فيها جينزات شي ماركة حق العشا و مقاسه أكبر من القياسات الثانية بنمرة

شي جينز حق الصبابيح أي كلام أو ثلاث أرباع .

تقسيمة التيشيرتات و البلوزات ، شي قصير حق الصبح و شي طويل سبورت عشان يمشي مع لون سير الساعة

إحنا الحريم:

الصبح ترينج سوت مستتر لازم ويا ه أشياء إتخش اللي ورا ربطة بلوزة جم طويل

بالليل إسميلا علينا بطننا ما يستحمل البرد فلازم جاكيت خفيف ولا شال بشمينا

أكتفي بهذا القدر من التحلطم و أوافيكم بالتفاصيل الباجية إنشاء الله

راح أخليكم مع بعض الصور




هذا هاجن داز و أشهر مطعم اللي كل المشاهير يقعدون فيه
الممر هذا فيه بوتيكات و من ضمنهم ديور ( حق اللي يحب إييب حق مرتة و الا صاحبتة حق عيد ميلادها )؛



هذا مدخل النادي مالنا اللي شقتنا فيه و كان فيه بطولة تنس و الجائزة جاغوار



هذي مدينة جديدة خارج ماربيا إسمها:
sotogrenad
إمسوينها جنها ميامي شقتك و لنجك صافط برة
حلوة بالصيف بس ما تنبلع بالشتا إتصير جنها مدينة أشبح
فيها ملاعب جولف و مدرسة خيل و مارينا

يعني ماكو حياة ليل

هذا يختي اللي صافط و هذي سيارتي
هاهاهاهاهاهاهاها

لا أضحك أخاف إتصدقون و إتدزولي إيميلات تبون تتمشون فيه و التذاكر و الإقامة علي
هذا بالبورت مال بورت بانوس





12 comments:

bo_sale7 said...

ليش ماربيا لازم نعرف فيها واحد ولا عندنا شقة ؟؟؟!!! ...ماكو فنادق ؟؟

lawyer said...

هههههههههههههههههه واي وناسه شوقتيني
يالله يالله اقول حسبي احسابي وياج في الصيف

وبعدين اخذج وياي مونترو
بس اقوووول ترا مونترو اغلقه مافيها حياااات مثل ماربيا
و الا اشرايج
انروووووج ايبيزا وايد اونس

اصيييييييييع
ههههههههههههههههههه

خو انا حق الخراب جاهزه

نون النساء said...

ترا للحين مشاري

مو راد عليج

لووووووووول

Яeema said...

bo9looooooooo7!
قصدي إن ماربيا ما تنزل من ضمن الرحلات السياحة بالجرايد فإللي بروح بتعني
الحين ماكو دايركت بعد
فتخيل الرحلة من الكويت- لندن - ملقا-لندن-كويت

و حق بحر و حياة إصياعة و ليل

جوها يا حق يهال
يا شباب

لأن مافيها سوق و ربعنا الحريم لازم يتلون ريايلهوم حق هالدير

أما إنت تصلحلك 100% قبل لا إتروح أعطيك جم فندق عجيب
بس لازم إتسوق

lawyer:

أبي أروح ويا الوالدة ميلان الله يسلمج
4 ساعات بالقطار من جنيف
هاهاهاهاهاهاهاها

إييه ايبيزا و مايوركا
بس أقول!
لازم قياسنا يوصل 8 إنجليزي حق البيكيني
هاهاهاهاهاهاها

تضاريس صاعدة و نازلة و خواصر ما ينفع

عشان المايوهات الماركات إتلاقي مكانها بجسامنا هههههههه

Яeema said...

noona :
أفا عليج ، كعادتي السنوية في توثيق الأحداث راح إتشوفين المواقف المضحكة و الإستفسارات السرية اللي ما قدرت أقولها حق ريلي مثل سالفة لجناط
هاهاهاهاهاهها


نون النساء:
يالله يمون بو عبدالله

إنتي بسج تحرش فيه إبروحي مو ناقصة
نسيت إشلون أراضي
لندن و السوق غيرو تركيبة مخي

هاهاهاهاهاها

بس إمجابلة النت أشوف شنو الليتست الحين

من مجلة إن-ستايل
لييه جلامور
لييه اللوور
لييه فووج

the usa edition and the UK edition too
hahahahahah

Anonymous said...

etsalfeeni sayartech 7ag hal weekend? baro7 ilmokhayam oo lazem akshakh feeha 3eraftay? ;p

Яeema said...

mini R:
ebthemetik mo a7la min your car the mini cooper!

hahahahahahhaha

A180 and work with diezil


wella wait!
enta taby el Feerari!

kaaaaaaaaaaaaaaaaaaaaaaaaaaaak
sorry i mixed up with my real and unreal car

esTeKaNa said...

اهلييييييييييييين

يا هلا ومرحبا تو ما نورت الكويت
>>>>ادري متأخرة واخزياه بس ميخالف معذورة:)

حمدلله على السلامة
شنو هالسفره الحلوة ما شاء الله؟

تصدقين انا قاعده ادرس ومستعسرة فجيت بلوقج وقعدت اشوف الصور والتعليقات وسعتي صدري جني انا اللي مسافره
بالايحاء:)

بعدين سالفه الجناط هذي ماركة مسجله حقنا،المفروض نروح بجنطة خفيفه نجيلها هناك ونرد،بس احنا مشالله مالنا شغل رايحين ثقال رادين ثقال والتعب على الريال:))

غريب said...

الحمدالله علي السلامه
نبي نسمع شنو صاب في باجي السفره

chatterbox said...

وناااااسة عليج بالعافية وبعدين اذا بغيت اروح عرفتلي احد هناك خلاص لوووووووووول

bo_sale7 said...

Яeema :

ليش اصلا متى كانت ملقا ولا ماربيا تنزل برحلات سياحية !!!

اللي يبي يسافر لهالاماكن ما يدور رحلات سياحية مالت مكاتب !
همممممممم

ووايد دول مافيها دايركت بس طايحين فيها اهل الديرة طيحة ...ليش احنا لما نروح مونترو نروح دايركت ؟؟

:)

Яeema said...

estekana:
أفا عليج لا إتقولين جذيه حياج بأي وقت
بيتج و مكانج

أشوة إنها وسعت صدرج
أعرف الشعور البايخ حزت الإمتحانات

الله يوفقج يا رب
و بشرينا بالعلامات الزينة

أهم شي الجناط

إنتسوق حق السفرة
و إنتسوق بالسفر
و لما إنرد إنتسوق
و بالمطار إنتسوق

ترا أمبيييه وايد صح؟


غريب:
إنشاء الله يايك بالطريج



chatterbox:
أفا عليج إنتي بس قولي
ب

لا إتكملينها أستقبلج من المطار


bo9ali7:
eeee gineva direct o 1 hour in the car

:)