Tuesday, April 11, 2006

my secret why i post

buenas tardes

مساء الخير إشلونكم شخباركم بقولوكم سر ليش أنا كل إشوية شابكة و مو قادرة أستانس
الجو وايد حلو أدري ، برد سحتني بالليل و صيف مشمس صباحا

المشكلة تغيير الجو أنا كلش ماكو مناعة فالمشكل إني طحت مريضة

قاعدة في وسط خضرة و كل ما قصو الحشيش عشان ربعنا يلعبون جولف الله لا يوريكم حالتي من الحساسية


المهم إنا خلصنا شغلنا و إستخدمت السبا يوم كامل
و إنتكست اليوم الثاني

اليوم في بطولة تنس كبيرة و الجائزة جاكوار

المطاعم عجيبة و القهاوي ولا أروع من هييك علي قولة ربعنا اللبنانين
تأثرت منهم لأن عندي ربع إهنييه
ريتا مرت دوريان


تعشينا وياهم وإستانسنا


بحاول أقاوم المرض و أستانس
توني شاربة الدوا فا دايخة إشوية




إلي كل من زار مدونتي و ما رديت عليه
أقول أنا آسفة و عذروني
و حياكم الله البيت بيتكم و مكانكم
و إنشاء الله أول ما أرجع ديرتي أتفرغ عدل علي الرد




الساعة 8:30 بتوقيت ماربيا
طلبت قهوة عشان أصحصح
و حاطة إغنية الأماكن لمحمد عبدو
و أنا قاعدة أكتب البوست





10 comments:

mishari said...

الاغنية عجيبة حق اسبانيا ;)
سلامتج ما تشوفين شر
بعدين قعدة الفندق بروحها تغير
وهالحبوب من كثرها بتقض بطنج شربى ليمون حار وانتى تصيرين عال العال :)

bo_sale7 said...

عين .....ادري

المهم شربي شتاين ايجر ....زين حق البرد والبطن ...لا تخافين مو شي محرم ......فيه منه نسخة اسلامية :)

نون النساء said...

لا مو عين

هاذي ريما تعودت على شمس الكويت اللاهبه صيفا وشتاءا وغبرتها


ريما يعني الله يهداج احنا يمر علينا اربع فصول بيوم واحد

المفروض تعودتي خلاص



اتردين بالسلامه

Яeema said...

mishari :الله يسلمك من الشر
اييه أشون فندقنا حلو وفيه منظر يشرح الصدر ولا جان القمتات مالها والي

مشاري ليمونهم من حلاته ينإكل
مو ينشرب


bo_sale7
إمكلمتني خالتي تقوللي إنتي كلا إمطالعة لما إتسافرين جنة ماكو أحد مسافر إلا إنتي
هاهاهاهاهاهاهاها


نون النساء:

ما تعودت بس إفراقكم هد حييلي

والله أحب الكويت و أموت عليها
محبتي من محبت الناس اللي فيها

عيالي ، أهلي ، ربعي

لو ما وراي ترتيبات إهني حق الصيف جان ما أفكر أطب ديرة باردة
مادري شسوي و وراي لندن بعد يومين
يقولون 4 درجات العظمي و مطر

من لندن ليه مستشفي الهادي
هاهاهاهاهاها

غريب said...

ريما
استانسي ولا تشلين هم الناس وسلامات ما شوفين شر ناطرين البوست اليديد بس هالمره نبيك تتكلمين عن السفره

sugar free.. said...

سلامات والله يقومج بالسلامه ان شاء الله .. والله يشافيج عشان تستمتعين عدل بالاجواء الجميله

Edelstein said...

ريما : محمد عبدو جو اخر وعالم اخر سواء كنت في بلدك او برى صوت ابو نوره يخليك عايشه جو خاص وعالم من الرومانسيه والحب

اتمنى لك الوصول بالسلامه

Lord Bin Sleet said...

ماتشوفين شر ان شاء الله
انبسطي بوقتك هناك

LaiaLy_q8 said...

i have an HP laptop too ^_^

Hashemy said...

salamtech meme ma tshofen shar inshalla o have fun :)