Friday, April 21, 2006

MTC video call






السلام عليكم جميعا

من ثلاث أيام بدت خدمة الفيديو كول و راح تكون الخدمة مجانية لنهاية شهر مايو .

صراحة أول ما جربتها ضحكت ضحك!

طبعا جربتها ويا صديقتي العزيزة و إللي دوختها وياي بعد عمري و جرخت علي راسها

لوووووووووووووووووووووووير

الصراحة الوجيه شنعة من الطرفين جنك قاعد في مدينة ملاهي و داخل الغرفة اللي فيها المرايات اللي إتبشع

أول ما شبكنا ما أشوف إلا خشوم!

قلت لها بعدي التليفون إشوي

جان أشوف حلج؟

ياه! لويورووووووووووووووور قلتلج بعدي مو إتحطينة علي حلجج علي بو قاعدة تتكلمين!

هاهاهاهاهاهاهاهاهاها

طبعا كل واحد فاتل شعرة و الويه أصفر و سايح من لحرورة اليوم

بس والله العظيم تجربة حلوة

و إتوسع الصدر

طبعا أنا إذا صار حدث يديد عندي لازم خالتي إتعرف عنه!

جان أنزل إبجامتي حق خالتي و أقولها :

خااااااااااالتي!!!!!!!!!! هذي إرفيجتي تبي إتكلمج

جان تقول أهو عاطيني التليفون

جان أقولها : لا تكلمي عادي و شوفي صورتها

خالتي: هااااااااااااااا هذي فلانا!

وييييييييييييه قاعدة إبلبس البيت ليش ما قلتيلي أتبدل

هاهاهاهاهاههاهاهاهها

أنا: لا عادي ما يبين واضح بس الويه

سلمت عليها لوير و طقي سوالف

جان إتقول خاتي

إذا لوفاحت أبين؟

أنا: اييييييييه خالتي إخذي راحتج هاهاهاهاههاه

خاتي: أقول إبنيتي، هذا يشتغل بلبنان؟

أنا: مادري والله خالتي بس أدري إن يشتغل بالإمارات و البحرين

جان تقول اييييييييه مالني خلق إعيالي يقولولي وينج فيه

هاهاهاههاهاهاهاهاهها

أنا: عيل لا يقصون عليج إعيالج إيبونلج تليفون بو كاميرتين : ترا كل تليفون بو كامرتين يطلع هالخدمة

هاهاهاهاهاه

أنا أعتقد إن إذا إشتغلت هالخدمة و الكل عرفها إبينحاشون الرياييل و يهونون البنات

يعني عامل إصلاح

لأن الويوه حد الجكر

هاهاهاهاهاه

الزبدة الحين إشلون إتسوون الخدمة:

إتدزون مسج فيها حرف ( ف) علي رقم 99999

بعدين إتروحون علي الستنج و تدخلون علي الشبكة النتورك و تختارون dual mode

بعدين لازم يطلع 3G

عند الشبكة بالتليفون

مو فيه خطوط البطارية و خطوط السيرفس؟

تحت السيرفس يطلع

و بس ، إذا إشتغلت قولولي

طبعا لازم يكون تليفونكم بو كاميرتين

26 comments:

kuwaite said...

loool

هل خدمة بتخدم شريحة كبيرة من الشباب


تجربتج ويا لوير

حلوه

يعطيج العافية

NaDiA AnZa7a said...

وييييييييه مالنا خلق فضايح الله يعافيج... بس تبين الصج هالخدمة ماراح اتعبني لاني على طول متزكرتة بالبيت ماخلي احد يشوفني امبهذلة كلش

:)))

Яeema said...

kuwaite :

في هالبوست أنا أدور الأجر

قاعدة أعلمكم إشلون تستخدمونها

و إذا الصورة ما إطلعت معناها البنت متينة وايد حجم الموبايل ما يكفيها

ممنوع الغش الحين

الأصوات الحلوة و جكر مافيه

يعني تصفية شاملة الله يسلمك

lawyer said...

هههههههههههههههههههههههههههههههههههههههههههههههههه
ريما ماشاء الله مسرررررع
ما انتشر الخبر
لا جان قلت لي لهم اني كنت فاجه كشتي وبعدها لما يت خالتج كشخت سويت ذيل حصان
وااااااااي متنا من الضحك
امي تحن علي بشووف
و بشووووف
قلت لها بعدين يشوفونج
قالت البس ثوب صلات !!!

وااااااااااااااااي
اميييييييييي عجيبه
بسسسسسسسسسس غشينا من الضضضضضحك
صصصصصصج صجججججج وناسه
طبعا انا قمت اسوي حركات
انقش في ضروسي و من هالافلام ملوت تلوع الجبد
ههههههههههههههه

عشان اغري ريما
ههههههههههههههههه
بس اقول تعالو انااقش الموضوع
باجر البنات
كل وحده بتفتح الكاميرا مع الصاحب
و هات يا خرااااااب
وريني شعرج
وبعدها وريني ريلج
ووريني حبه الخاله الي ظهرج
اييييييييييييي
بيصيررررررررر
ضرب ضرب
احلى مافي الموضوع
ان البنات بينثبرون في بيوتهم
و الشباب بعد ويقل القز

lawyer said...

نسيت اقولج هذي صوره شنو الي حاطتها؟؟


حطيييييييييي صالتي خنشوووفها

Яeema said...

nadia anza7a:
hahahahahhahahahahha
بعد عرج نانسي عجرم أكيد كل متزكرتة

3ateeja said...

خوش شي والله ..تونس بس ما تنفع لا بغت الوحده تطير آر بي جي على ريلها
يقول لها انتي وينج تقوله بالدوام وهي تكون اتريق بالابراج ...من ناحيتي عادي وزينه وبقول حق ابوي عنها
بس ظروري بو كامرتين ليش يعني شمعنا واحنا مالنا رب يعني ولا شالسالفه
انا عادي عندي يشوفون ويهي ماكو مشاكل ولله الحمد بس لايقولي احد حطيها على ريولج
جللللللللللللللللللللللللحه
مللللللللللللللللللحه
ومالي خلق اتدهن
لأن مهما تدهنت تظل ريلي جلحه
ادهن اليمين التفت على اليسار ولا شاربه الدهن كلا ادهن اليسار ارجع عاليمين ولا نفس الحاله ..فأختصرت وما قمت ادهن
وعين قويه ما البس الا نعل وانتي بكرامه
وانا يمعوده يا الله خذت ايدي على تليفوني هالدور اخذلي تليفون يديد لا صعبه شوي بس والله خدمه حلوه

Яeema said...

lawyer :

لا أنا دايم أحب أحافظ علي لبرستيج

هاهاهاهاهاهاه


جان خليتيها أتشوف
إنتي من عرفتيني و نحاستج زايدة
هاهاهاهاها

أقول ؟
أحسن خل يقعدون عشان إحنا إنقز


الصورة إللي فيها صالتج مو واضحة
بس حطيتها عشانج
ضارب فيها الفلاش

Яeema said...

3ateeja:

أهم شي بالموضوه موضوع لريوول

هاهاهاهاهاهاها

أنا ما أتدهن إلا حق الإستقبالات

أحب جذيه لييلي إطلع صوت إنها نظيفة
أحس الدهن ليه حطيتة جني مو ماخذه شور توني



نسيت أقولج بوكاميرتين عشان إتشوفين الشاشة ، إذا بو كاميرة وحدة إشلون إتشوفين اللي بالجهة الثانية؟

ما يصير تتكلمين بالمقلوب
هاهاهاهاهاها

bo_sale7 said...

Яeema :
'
مو شرط تلفون بو كامرتين ...كل التلفونات اللي فيها قواعد شحن وفيه كاميرا تشتغل فيها الخدمة

mishari said...

خوش تجربة بس عاد فجج الجكر الحين عاد اللى تقولين انا اشبه اشوريا واهيا تشبه عدوية
والمراهقين ومشاكلهم
وهلم جرة وعلى قولة لوير راح تخفف القز والعلاقة طردية مع حركة المرور يعنى بتخف الحوادث
فهالشى يعنى فيه فايدة :P

نون النساء said...

ههههههههههه
لا عاد كل شي إلا الخشتي
اهيه ابروحها طبيعه وانا متعقده منها
تالي عاد تلفون يخليها جنها جبال كلمنجاروا
لا يبه
تلفون بو كاميرا وايد أبرك..

HUG said...

الصراحه الاجانب ما خلو شيء لأهل فيلجه

Яeema said...

bo9ali7:
والله إنت المهندس و أدري بهالسوالف

مشكور للتوضيح
;)

Яeema said...

mishari :
والله ألحين يا أخ مشاري
محد يتعرف علي وحدة و مو شايفها عمياني بس قاعدة أقول عن إن أهوا يشين الحلو حسافة
فماراح أستخدمة كلش
هاهاهاهاها

ايييه حدة فيه فايدة حق شي ثاني بعد

بس الخدمة بتكون غلية إشوي
فراح تختصر علي فئة الموظفين
هاهاهاهاها

Яeema said...

نون النساء :
ههههههههههه
ايه والله صاجة

لا من صجي شي غريب عجيب

Яeema said...

hug:

أشونهم خلولنا شي جان ليه الحين عيشين بخيام هاهاهاهاهاها

kazmawy said...

ولييييييييييييييييه
ما خلصنا من البلوتوث
طلعنا البث الحى
انزين اذا واحد اتصل بالغلط هم تطلع صورته ؟؟

mishari said...

لا يا اختى
ما اتفق معاج وايد الحين يكلمون بنات مو شايفينهم
1- بلوتوث
2- منقبة
3- انترنت
واليهال الحين مدام بتكون هالخدمة موجودة بخط ايزى عز الله رحنا ملح
والله من وراء القصد
اخت ريما :)

da Vinci said...

اخت ريما
موضوع اجتماعي رائع و مدونتك رائعة و لها قراؤها و اختيارك للموضوع الأخير كان موفق لانه في خانة المواضيع الاجتماعية الهامة التي ستغير من سلوك عامة الناس الي الأسوأ اعتقد لاننا افضل من يستخدم التكنلوجيا في عكس الاستخدام المفيد مثل سكين المطبخ ممكن نحضر فيها طعامنا اليومي او ان نقتل بواسطتها.
السؤال هنا كيف تظيف هذة الخدمة بعد جديد في حياتنا اليومية و خصوصا نواحي الأستخدام الأمثل.

علي فكرة انت تكتبين في مواضيع خطيرة و بشجاعة و ذكاء لذا اعدي موضوع بهذا المستوي عند بوصالح او اعيدي كتابتة بشكل آخر
تحياتي

Яeema said...

kazmawy:

طريقة الأستخدام

تختار الأسم من المفكرة مالت التليفون بالموبايل و بعدين

options ===> call ==> video call

لازم الطرف الثاني عندة الخدمة
و بعدين يطلعلك بالشاشة


إن المتصل طلب إن يشوف صورتك
ترضي والا ما ترضي

فماكو شي إسمه بالغلط

و هم لك إذا يالك خط فيديو بالغلط و ما إتعرف النمرة إنك ترفضة

بس أعتقد لو أنا ريال ما أرفض أي خط
هاهاهاهاهاها


misahri :

:)

Яeema said...

da vinci :
أولا:
أرحب فيك كعضو معانا عند مدونة بوصلوح

ثانيا:
أشكر نظرتك العميقة للموضوع

ثالثا:
هذة التكنلوجيا رأيى ما هي إلا إمتداد للإنترنت و ما أعتقد إن عندنا إنترنت و سريع وواضح و الفئة اللي راح تستخدمة أصلا ما تستطيع علي تحمل مصاريفة

الكويت أم هبة - راح يستخدم و من ثم يظهر شي جديد علي الساحة

أنا عن نفسي إستخدمتة - مو واضح مثل النت و بعدين لازم سبيكير أو سماعات عشان يكون الصوت واضح

الصورة تتحرك كثير و بعدين الصوت مثل التلفزيون يحتاج وقت عشان يروح و يرجع

فعادي الكلمات ضايعة

يعني مو عملي


يا أخ دافنشي
أسلوب بوصالح في المدونة كما قلت يحتاج الي دراسة إشوي
عيز يقوللي يالله و أقولة إنشاء الله

بس أوعدكم
ماشاء الله ما أقايش أنا وياكم

;)

My World said...

شكررررا ريما .. تم التشغيل ..

كنت متعيزه اسال عن طريقه التشغيل وانتي ما قصرتي..


اما تجربتج .. عجيبه.. الحين قاعده افكر منو عنده هالموبايل من رفيجاتي ;P

Яeema said...

my word :
حياج الله أي وقت عزيزة و غالية
حاضرييييييييين حق الخراب

;)

Mini Я. said...

hmmm...la7tha adeg 3ala RTC (Reema Telecommunications) ilkhedma mo sha'3ala 3endi

ya jema3a ma tadroon? tara il7ekooma rethaw 3ala shareka yedeeda oo esemha RTC!

;)

Diver said...

شغلتها لا و تليفوني فيه الخيار اني استخدم اي كامرة ابي يعني اقدر اخلي واحد مزيون من الربع قبالي و شغل الكاميرة الثانية
بس تدرون و ناسة امس شغلتها بالدوانية و مثل ما قالت ريما اهس خشووووووووووووووم بس يلا التكنولوجيا تونس
مشكورين بنات و شباب