فيه موضة غريبة و عجيبة هاليومين صايرة معاي و قمت أخسر ناس إبسبتها
شنو إهيا؟
إصلاح الناس قبل إصلاح النفس
إتشوف إللي جدامك إمسوي بلاوي إبحياتة و علي آخر عمره يبي يستشرف علي راسي
طريقتي بالحياة قد ما تعجب كل الناس ، والله يا حبايبي مو مشكلتي
يمكن أسوي أشياء كثيرة قد ما تعجب زوجي و أهو أهم شخص في حياتي
مثل الكتابة بالبلوق
بس مراعاتا له ما أصرح إن عندي بلوق
بالنسبة حقي البلوق نوع من أنواع التنفيس و الخروج عن جو المدينة الفاضلة اللي عايشينها بالحياة الحقيقية
مغامراتي بدت من أول ما عرفت النت
كنت هاكر درجة أولي و كان لي أصحاب بالنت لما ألحين أعتز و أفخر بمعرفتي لهم
منهم
الباجي ما يدخلون البلوج و كانت حياتي متروسة مغامرات وياهم بالنت
طول عمري متخفيه و ما أصرح بإسمي ، بس لما وثقت ببعض المستخدين الجدد عن إسمي و طبيعة عايلتي و إني متزوجة و عندي إعيال الله يحفظهم بدت المشاكل.
ليش؟
الكل يعتقد إني مهملة و أنا أعتقد أدري بظروف بيتي
الكل يعطيني نصيحة من كل صوب علي إعتقاد و المحاولة يشكرون عليها لإصلاحي
كنت صابرة وايد و أسمع و ما أتكلم لأن أدري كلامي راح يضايقهم و ما أحب أضايق إللي أحبهم
كتمت غضبي كثييييييييييييييييييير
و دارييييييييييييت أكثر عشان أخلص من إسطوانة النصايح ، يمكن الشخص اللي قايلها بأمس الحاجة لها أكثر مني
مشكلتهم وياي إنهم ما يدرون إذا مشت حياتي صح راح أكتإب
أنا وحدة أحب الغموض و المغامرات و أحب إن دايما يكون في حياتي أسرار
حفاظا علي البرستيج العائلي أبوي لما كنت عزابية
و بعدين زوجي لما تزوجت طبعا
و بنفس الوقت أحب إني أمتع نفسي بحدود ، ما أعرف أعيش بدون أكشن
ما أحب حياتي تكون نفس أي أحد
أدري في بعض الأشياء يمكن ما تنقال بس أحب أسويها و لو دارت الدنيا راح أسويها مرة ثانية
أخطائي ليش أحبها ، لأنها تعطي نكهة للحياة
التمرد و الخروج عن المألوف يحسسك بسعادة غريبة ، بتقولون وسوسة شيطان؟
يمكن
بس أحس هالأشياء تبسطني و إتخلي إبتسامتي دايما مرسومة علي وييهي و بالتالي تنعكس علي بيتي .
ليش قاعدة أتحلطم ، لأني عيزت أداري الناس و لا أحد يداري و يحترم إللي أنا أبي أسويه
بس أعتقد إني تعلمت عدل ، إن الناس تبي دايما إللي يختفي ورا قناع المثل و الأخلاق و الكمال بالشي.
------------------------------------------
بعض البشر طبعة مقدر و محشوم
و بعض البشر عيب عليك إحترامة
اللي ستر عيبة عن الناس بهدوم
وشيستره لا صار عيبة كلامة
15 comments:
The song says
Don't worry, Be happy
so take care of yourself and your family and be happy the way u want
ya reema..lat3awreen galbech..wayed nas ma yeswon.
take care of yourself & your family bas. only the REAL friends will always stand by your side no matter what happens.
Your happiness comes from within. :)
خوش بوست عجبنى :)لان صج الواحد ما لازم يعور راسه مع اى شخص ثانى غير اهله وعايلته وبالعكس ما لازم الواحد يدارى الناس الى ما تحترمه وحلو ان الواحد يواجه
بس التخفى على قولتج بالمثل والاخلاق هذا مو حلو لان هذا نفاق
وما اعتقد فى احد ما عنده على الاقل ادنى درجات الاخلاق على الاقل ان يعرف يحترم اهله :)ويحبهم ووده ان ما يخسرهم وما يبرر اخطاءه على اساس ان اذا اخطأ راح يكون فرحان مع اهله هذا كلام يديد مغلف بعسل بس داخله سم :)
بس صج الموضوع وايد حلو ومتشعب
good luck and nice posting
ريماااااااااااااا
تسلمييييييين لي على هالبوست و على هالقنابل العنقوديه الي قاعده اتفجرينها
تبييييين الصراحه انا الحين صدقت انج مسافره
هههههههههههه
هذي صوغتج ؟؟
حق اصحاب المثل و الاخلاق الرفيعه
اصحاب المعالي النصابين
اقولج شي انا صرت احس ان الناس هاليومين
جنهم حفله تنكريه في فينيسيا
كل من لابس ماسك النصب و التمثيل
قمه الاستخفاف بالعقل
بس تدرين لما ينصحون هالمساكين
يدرون ان نصيحتهم ما توصل
لكن اهم ودهم يكلمون نفسهم بصوت عالي
يعني لما اييج واحد يقولج بيتج و ريلج
و اهو 24 ساعه هاد مرته و اعياله و مطيح في النت
هذا كلش ما تحترمين لا عقله و لا كلامه
لانج في داخل نفسج تقولين له بليز طس جابل مرتك
و المرأه الي تتفلسف و تقول ريلج و ريلج
و من هالكلام و بتقومج
ختوفر هالوقت و ترووووح تجابل اعيالها احسن
انا يا ريما بصراحه لما تعرفتج عليج كنت اعتقد من خلال التنفيس الي انتي فيه انج زوجه و ام عاديه
لكن من عرفج و شفت شنو اولويات حياتج و اسلوبج مع بيتج و بنتج و اعيالج
عرفت صج ان العايله من اهم اولوياتج
و تبيييييين الصج
انتي الي المفروض تنصحين
هالمتفلسفين
مساكيييييين
ريما
القافله تسير و الي شسمه هوهو
anyway shesalfa?
i forgot to ask ;p
oo another thing..madri laish i feel good lama ashoof my nickname on your blog ;)
السلام عليكم ...
ليش معصبة ....بدك تطولي بالك :)
اللي ينصح مشكور واللي ما ينصح مشكور اكثر ...سمعي من صوب وقطي من صوب ...
اقول ياللي تنصح شوف خيالك
من حرك بلش قالوها من قبل
لبسك وصخ ولسانك راس مالك
غسل راسك وطيح عنه القمل
اترك الناس بحالها وخلك بحالك
اوقف عوي وتكلم معانا عدل
تحياتي :)
ههههههههههه
اما بوصلووح
عليييييييك قصيده عجيبه
درر درر
لله درك يا ابا صلوح
ماهذا القول
اي واللله انك صااج
اترك الناس بحالها و خلك بحالك
بسسسسسسسس على القمل يتني الحجه انا
هههههههههههههه
يالله عاد فججوا الحين
بيصير طق مطاقق
اهي ناس بتزعل
وو اهي ناس بتتبخر
هذا الي غير بلوقاتهم شغاله الحين
و غير الي طايحين له تلفون يفشون خلهم
المهم
مشكله الي على راسه البطحه
Diver :
السعادة إنت إللي تصنعها لنفسك
و علي قولتك
love your self first ;)
thanks for your advice ;)
Mini-R :
شهادتي فيك مجروحة
بعد عالعمر وياك أعتقد إنك إتعرفني عدل و إشلون كنت أحفر السعادة في بيتي
بس الواحد طاقات و اللي إستحملته أول ماراح أستحملة تالي
مثل عادتك لما إتكلمني رازم أفتح الديكشنري حق بعض المصطلحات غللي كانت في مناهجكم و مو مناهجنا الحكومية
بالنسبة للجملة الأخيرة
أعتقد السعادة تأتي من الداخل ؟؟؟
كنت مدرسي دايما
شكرا لصبرك وياي
mishari:
حياي الله من زارنا والله
و من طول الغيبات ياب الغنايم
يداري اللي ما تحترمة؟؟؟
اللي ما يحترمني أطقة بنعال علي راسة مو أداريه بعد
أنا مو قاعدة أتكلم عن لحترام لأن إنت إللي تفرض إحترامك علي الناس
قاعدة أتكلم عن المتحدثين بإسم الفضيلة و العفة الله يسلمك
الملائكة من الخارج و شر التكرد راكبهم من الداخل بس مو لاقين الفرص
في شي إسمه تمرد بس ما يأذي
و بنفس الوقت إنت إمحافظ علي وضعك الإجتماعي لأنك إتحب أهلك
هالكلام اليديد أشبه بالحية
شكلها حلو و إتغير جلدها بس بداخلها
سم ما يضرها بس يضر اللي يقرب منها
لا إتصدق كل شي من الناس
و اللي يتكلم ما ينخاف من
خاف من الساكت
thank you for wishing me luck ;)
i am going out now! arid 3alekom taly
lawyer and bo9lo7
kalamkom yabela ga3da!
الحمدللة على سلامة ريما
bo_sale7:
والله قمت أتعرجب من اللي أقله
هاهاهاهاهاه
صح إلسانك علي هالكلام
يبرد الجبد مثل ثلجك
lawyer:
هالكلام مو كل واحد يقدر يرد عليه
يلسع بس كافي علي إن وصل
أنا حلاتي ساكتة
ما أحب أحد يدوسلي علي طرف
أصيييييييييييييييع
kuwaite:
الله يسلمج
حياك الله نورت
كلامج ذكرني بانسانه عزيزه جدا علي واموووت عليها .. نفس الطريقه ونفس الغموض وحب المغامرات الغير معلنه .. انا اقول زيييييييييييين تسوين واستانسي دامج صغيره .. على قولة المصريين محدش واخد حاجه معاه .. وبيني وبينكم انا بديت انتهج هذا النهج وحده وناسه بلا لوعة جبد من مقابل الناس .. ولا النصايح انا اللي يعطيني نصيحه واهوا محتاجها اكثر مني على طول اقوله وجه هالكلام حق نفسك او زوجي عاجبه واجعمه .. شيبون الناس منا ؟؟؟ كل واحد يسوي اللي يريحه .. يمللوون الواحد من عيشته .. ابد اخذيها كلمة من اوخيتج اللي يتحلط ردي عليه وافحميه بادبج الفذ وصدقيني ماراح يرد هالاسطوانه عليج
suger free :
مشكورة وايد علي كلماتج الحلوة
إستانسي مادام ريلج راضي
و بيني و بينج إحنا إنداري الريال و ما نرضي إن يعرف خرابيتنا بالنت
لأن أكيد ماراح يعجبه
و إذا إعجبة صدقيني فهذا مو ريال و ماراح أقدر أعيش يوم واحد وياه
مراعاتاً لهم خلينا خرابيتنا بالنت بس
بسأل سؤال
جم ريال متزوج مرته تدري إشقاعد يسوي بالنت
ترا إذا تدري هم معناته مسخرة
لأن هالشي موجود بين الحريم و الرياييل
أنا أعرف بنات متزوجين و عندهم ايميليين
واحد حق ربعهم و واحد حق الأهل
أنا عندي واحد بس أهلي أروح أزورهم أبرك و أجر
هاهاهاهاها
edelstein:
أنا متفقة من أول ما تزوجنا إن إشوية إتكون لكل واحد خصوصياته
سواء بختيار الأصدقاء
أو بأمور الحياة اليومية
مو عشان ريلي معناته يدري كل شي و تفاصيل مملة وين أروح و وين أيي و بعدين إذا تكنسل المكان لازم أدق عليه ترا تكنسل و بنروح إهناك
بروح قهوة و بس
بروح مطعم و بس
بالدوام فيه علاقات و صداقات
ليش أقثة و أقوله عنه
و أنا أدري إن الريال اللي جدامي محترم
تعلمت إن إحتراما لمشاعرة الريل ما ينقالة كل شي
خصوصا بالنت لأن الميانة وايد إتطيح و كل ريال ما يرضاها علي زوجته
والله مالي خلق أروح أصلح كل العالم إللي بالنت
بالنهاية لنا حق البلوك و الديلييت
شخصياتنا بالنت دايما غير عن الطبيعة و الحقيقة
إنكون إشوية علي راحتنا و حرياتنا
كافي قمته بالصج
هاهاهاهاها
و لا راح نتعدل لأن عاداتنا و تقاليدنا إنحبها و خليهوم يقولون اللي بقولونه
Post a Comment