Sunday, April 09, 2006

Reema from spain ٌ


buenos días

اليوم الأحد و المحلات كلها مسكرة ، بما إن سوق الأسهم مرتفع فقلت خل أجيك علي حلالي إشوي ( إللي يسمعني يقول عندها 10 ملايين الحين)

إحنا نشبك برة ليش؟ يا بنسكر الفيزا ولا بحول إفلوس ودي أسافر بس آكل و أستمتع بالجو

ما أقدر ، إحنا مو مال جو حلو ، كل مكان بنروحلة يا عيب يا ما يجوز

يا أخي ليش إموديني و إتعذبني ما أروح ديسك

و ، بشوف بطمش أشرب رد بول بس شكل والله!

يالله ما علينا أنا كل أقول أحلا سفرة مع الحري

م، محد يستحمل سوقنا و الفرارة بالسوق إلا مرا مثلي

ليه عابلت بالريال يقوللي ريلج ما إتعورج؟ ما تتعبون من السوق؟

إنزين إبذمتكم شنسوي الصبح؟

ريوق تريقنا

ناخذ تان عالحمام السباحة ممنوع

أنا آخذ تان و إنتي تطمشي علينا بهدومج

بلعب جولف يضحك علييي ، بأجر سيكل ممنوع لازم رخصة ، بقيت آخذها من الكويت يقوللي مينونة شرطي يسويلج إختبار قيادة! وين قاعدين!

إنزين ( إذا ماكو سوق)

شنسوي؟ نرجع الكويت صح؟

بس يالله الحمد الله عالأقل الواحد ركب طيارة ( رحلتنا استغرقت تقريبا 10 ساعات )

من الساعة 5 الفجر إحنا بالمطاركويت- لندن – أسبانيا

سؤال؟

ليش ماكو ديركت حق أسبانيا و في ناس وايد عندهم بيوت إهناك!

أنا تعبت إشلون بودي إعيالي بالصيف!

شكلهم بصيفون بالخيران هالسنة

دافع دم قلبك و هم بعذلة من تيرمينال لي طيارة

5 الصبح بالمطار و وصلت أسبانيا 11 باليل!

لازم إجناطك ما إتزيد عن 30 كيلو

أم و عيالها + 30 كيلو

جم جنطة؟

أي سيارة بتشيل كل هذا؟

صكيت راسكم سوووري

بوريكم الوجه الحسن من السفرة بالصور


هذا فندقنا


مرة ثانية أوريكم باجي لصور لأنهم كبار و يبيلهم ري- سييز









12 comments:

NaDiA AnZa7a said...

بييه ريما لو قاعدة بالكويت احسن كل شي ممنوع ضيقة خلق
المهم انج غيرتي جو واستانسي لاتخلين شي يضيق خلقج .. الصور اللي حاطتها عجيبة ..عليج بالعافية
بصراحة وايد فقدتج لاطولين علينا

mishari said...

اقول استانسى بسفرتج بدون اغلاط والا ما تصير سفرة الا بديسكو سوق انا ودى اخترع سيكل حق الرياييل بالسوق لان الحريم بالسوق 450 حصان مكينتهم
بعدين شربى ريد بول وانتى بالغرفة وسوى نفسج دايخة :P
استانسى وبلا تحلطم

lawyer said...

واااااااااااي وااااااااااااااااي
ذبحنا هالنيدي ريييييييييلج
كل شي ممنوووووووووع
اسهل كلمه عنده ممنووووووع
ريليج ترا متزوج عليج كلمه ممنووووووووع

و تبيني اساااااااااافر وياكم
بعد اكمللللللللت خوووووش
انا في الرياض 24 ساعه بنات و بروحي و هيصه و زمبليطه
تبيني في اسباااانيا و ممنوع
مستحيييييييييل
ههههههههههههههههههه
جان 24 ساعه جدولي كلاتي
اقوم الضحى اتريق
اخذ تان
بعدها قهوه و سبا و تمشي و بعدها سوق و بعدها صالون
وبعدها عشا بالليل و سهر في الديسكووو لي الصبح
تعالي
عياييييييييز احنا نطالع خضره و طبيعه
اروووووووح الوفره احسن !!

اسافر اطاله ورده !!
نووووووووو نووووووو
اذا ما سافرت و قمت ابوووووس الزهر على كل طاوله
و احذف و اخر شي فاول !!
و الا مو سفررررررر
ههههههههههههههه

اقووووول فلوس النار لعبي فيها بالليل
هذي خوووووووووووووش قاعده

أحمد said...

الحمدلله على السلامه.. وش تسوون في أسبانيا؟

أعتقد رحلتكم بالخطوط البريطانية عشان كذا مريتوا على لندن.

روحي شوفي بقايا الحضارات الاسلامية في الأندلس يمكن يسمح لج :P

(انقلبت كويتي منكم)

Яeema said...

nadia:
والله غير لبنان هالحزة لا إتدورين
أعرفلها و قريبة
يا حلة القرب و الدلال والله

mishari:
ولليييييييييييييييييين
إنت منهم يابيلك سكوتر بالسوق

بتحلطم البلوق بلوقي
وإلاإنت إتحلطم عالحريم بالبلوق مالك و أنا لأ يعني!

lawyer:
لو إنتي وياي
جان راح سجل أسامينا مفقودين
هاهاهاهاها

أحمد:
والله رايحة أجيك قصري قصر اليمامة بعد ما مات الملك و شريتة من الورثة
هاهاهاها

والله إبتلشت إبشقة شاريها إستثمار
الأولي قلت له عطها أخوك
و هذي حنيت بيعها و سويت موال علي الرحلة إشلون و ما لون

علي طاري الحضارات يكون بنشوف قصر الحمرا جان يقولون الباص يحرك 6:05 بالضبط
جان أهون
الشمس تشرق بال 8 الصبح

جان أروح المكتبة أشتري كتاب
جان أقولة شوف القصر
هاهاهاهاها

أهو أكو غير لندن
وإلا علا تكله الخطوط الجوية الكويتية حدك مصر و دبي

bo_sale7 said...

عليج بالعافية ....
الحين عندكم بيت هناك وقاعدين بفندق !! ماكو شغل ....المهم ريلج تعرفين شلوون يوافق :)

ادزلج ايميل واعلمج

Яeema said...

bo-sale7:
أول شي توني قاعدة من نومة الظهر الساعة 9 بالليل
نستعد عاد ألحين حق القز
إيميلك ياب نتيجة
هاهاهاهاها

و بعدين أنا كل إللي قاعدتا اسبوع أذبط أموري حق الصيف إنشاء الله
مو مال تفتح الشقة
يابيلها تنظيف و بعدين إترد إتسكرها

و بعدين لو ريلي بيسكن بالشقة جان كل يوم بطبخ يا مجبوس يا مرق
عشان يطيح عاد بالبلكونة
لا يا معود خلني جذيه
ياية أكرف والا أستانس

أقول بس زهبلي لستت المطاعم بلندن
ترا من 85 ما طبيتها

ناطرة إيميلك

bo_sale7 said...

بس تبين المطاعم ؟

:)

nOOna said...

هلا وغلا ريما شلونج شخبارج ولهنا عليج واااااايد ولج مني بوسة كبيره امواااااه
يله تريدين لنا بالسلامة انشالله عشان نسمع احلى مغامرات ريما

chatterbox said...

انا خبري الريايل بس جذي بالديرة ولي سافروا برة استخفوا وكل شي عندهم يصير عادي انتي ليش ريلج بالعكس؟؟؟!!!؟؟
بس ولايهمج استانسي واللي يزعل يومين ويرضى :)

lawyer said...

LOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOLLLL

انا الحين فهمت الخطه ليش ريلج كان يقولج اخذي فطيم ويانا !!

ريلج كان يبي يسجلني مفقوده بلبسني تهمه في اسبانيه و بيسجني بعييد عنج عشان يظمن اني ما اطلع وياج في الكويت و لا اقعد على قلبه
هههههههههههههههههههه يدري لو يسجني في الكويت بننفضح كل يوم شايله سله الشاي و القهوه و لابسه برقع و يايتني
بسسسسسسس اسبانيا مافيها احد يعرفج
امممممممممممممممم

ريلج خطيييييير
مفقودين هااا!!!!!!!


اقول انا صارلي يومين في مكتبات حولي الاسلاميه ادور اشرطه عن بر الوالدين
و بعطيهم ريلج هديه عشان يجابل امه في الصيف
و تسافرين ويانا انتي
هههههههههههههه بدخل عليه من باب الوعض و الارشااااااد

اعرف سويتج ريليج انا

عزيز نفس said...

بصراحة أحلى شي في هالسفرة رييلج ، كويتي أصلي وحتشر وحلاته ايصير رفيجي خو بعد لازم نسوي جذي حتى لا تفتلتون مرة وحدة مع انكم أهل للثقة ... إيه بلي ، شخبار بلي وبز وطل؟؟
على العموم ، رحلة سعيدة وسلامي لاخوي العزيز وان شاء الله يكون مستمتع بأسبانيا ، وانتي بعد عليج بالعافية والسموحة على تطفلي بالبلوج بس كنت مار فريجكم وقلت أقول هالكلمتين