Tuesday, April 04, 2006

بدر بن عبد المحسن

تعالي

قصيدة


عتيم الليل ...
قمرنا من زمان والله ... فقد نوره ...
عتيم الليل ...احس النظره تتكسر ...
على سوره ..

سهرنا ... في عتيم الليل ... حزين الهمس ...
قدرنا ... ننتظر باكر ... شعاع الشمس ...
تعالي ... طالت الغيبه ... وانا مشتاق ...
انا مشتاق ... انا الاشواق ... انا العشاق ...
تعالي من جسور الليل ... تعالي ضي ...
تعالي في هجير العمر .. حنان وفي ..
وربي ... طالت الغيبه
حنون الليل ... وصوتك همسة التحنان ..
حنون الليل .. بيروي بالامل عطشان ...
حنون الليل .. وانت بتسمعي صمتي ...
تحسي بي ...
تقاسي فيّ تعذيبي ...
تشديني من الامواج ...
ترسّيني على مينا ... وصوتك في ليالينا ...
أبد ساري ...
حنون الليل ... وانت الريح والساري ...
تعالي ... طالت الغيبه
وربي طالت الغيبه ..

5 comments:

mishari said...

القصيدة مو طبيعية لشاعر مو طبيعى مشكورة وايد على هالاختيار الراقى اللى يعبر عن ذوق رقيق
بس فكر الله يستر منه:)

3ateeja said...

اول مره اقراها
احب الشعر الحر
احب البدايات الخفيفه
كل شي بالنسبه لي حر
حتى الشعر ما احب فيه القيود
:)

نون النساء said...

وانت الريح والساري

.
.

إي والله الريح والساري

lawyer said...

تعالي طالت الغيبه و قلبي وايش اسوي به ؟
انا الايااااااااام

الله و احلى شي لما غناها فظييييييعه

تعااااااااااااالي

Edelstein said...

استغرب توارد خواطرنا في كتابة شي من ابداعات البدر

الشعر= البدر

كلاهما روح في جسد واحد

اعذريني بس متعصبه للبدر بشده

شكرا لك
:)