Monday, September 27, 2010

waiting for Mr.Right ?




الزواج

وصلت مرحلة والحمدالله اللي قاموا يوصوني ناس على اني أنعت بنات لهم

تدرون الحين البنت مو نفس قبل مالها شروط ، بدت اتشوف و تسمع و تخالط شباب أشكال و الوان.

مع الوقت شفت البنات مستقرين على شغلتين ما يبونها بالريال

يرافج بنات ( خوف من الأمراض أولا وثاني شي يخافون يرد على شغلة القديم )

و

الشرب ( مو بيبسي و كولا :p (

و بنفس الوقت هالشيين ما ينطبق إلا على الدينين و فئه قليله جدا اللي عندها مبادئ من هالنوع

واللي شايف بنات و مرافج ما يبي يتزوج إلا عن طريق أهله

أو يبي وحده على درجه من الإيمانيات و هذا المبدأ مرفوض بالنسبه حقها إنها تاخذ من نمونته.

المشكله اللي صايرة الحين

إن الكويت صغيرة

والكل داير على الكل

يعني من اتقول فلان

إلا قصة حياته كلها عندك

سواء من جيلي أول الجيل اللي أصغر

و خلوني أكون صريحه شوي

طبعا أنا قاعده اتكلم عن الناس اللي العين عليها

ولد فلان لفلاني

شنو الحل؟

من وجهة نظر الشباب

عنده الريال عادي يعرف بنات قبل الزواج

يقول إن الرجل بحاجه اللي السكينه و هذا أمر طبيعي الله سبحانه فاطره عليها ، يسولف وياها اتدير بالها عليه

تسمع له غير عن باجي الربع اللي بالدوانيه.

أما الشرب فهذا مبدأ مرفوض ( ما أدري ليش مع ان الأثنين حرام بالنهايه).

مو قاعده أتكلم عن الحب اللي نهايتها زواج

قاعدة أتكلم عن البنات اللي عارفين انهم تقزوره و بعد فترة بفل عنها ( و ما أدري الصراحه اشلون قابله على نفسها تكون تقزوره بس ما علينا مو هذا موضوعنا )

ما أدري جم النسبه اللي تعتقد بالنظريه بصراحه .

بالنسبه حقي المبدأين مرفوضين

بالكويت

عادي الريال تكون عنده رفيجه و يمكن لقراب منه يدرون و يروح و يطلع وياها

بس مو عادي إن يشوفونه يشرب مثلا؟

أكتشفت إن وااااااااااااااااايد اللي عندهم شقق وناس أسامي و محترمة ( بالمجتمع الخارجي)

و اللي عنده جم بيزة حاطلة فيلا و يمها براحه بعد حق الحفلات بالويك اند

لا و مسمينها أسامي بعد على أسامي كلوبات بره و حاط لها مسؤلين مهمتهم الإشراف

( شي محزن الصراحه ) لا و بإدارة فلانه و فلان ( بدون لفلاني حق التمويه عن صاحب الفيلا الأصلي)

اتقولون نسبة العنوسه زايده بالديرة؟

عرفتوا ليش الحين؟؟

في فئه ضايعة بالنص

و اهيا الغالبيه بمجتمعي قاعدة أتكل

إللي معتدلين من الجنسين

يحبون الوناسه بس مو لصياعه

سفر أو شاليه أو زوارات و مطاعم ويبون يستقرون في بيت نفس بيأتهم

في مثل ينقال بينا احنا البنات

ما يكشف الريال إلا مرأه

و المصيبه الريال ما يعرف يخش سره مع هالتكنلوجيا !

من وجهة نظري

المفروض تنتهي المقولة المشهورة

الريال شايل عيبه

من أحد الحين يوصيني على زواج قمت أكش

الأم و الا الأخت ما اتعرف هللي موصيتي عليه شمقبر

و ما أقدر أنعت بنات أعرفهم وبحسبت خواتي حق ناس ماره علي قصيصهم بس أهلهم مو عارفين !

والصايع أنا عندي بكوم و اللي مسوي روحه ريال و غترة و عقال و اهوا من الترف و الفلوس صاير يا لالي لالي و تعالوا دورولي مرا !

ما أدري ليش كتبت هالبوست

بس أحس ما أقدر أقوله حق أحد معين لأن راح يسإلوني وااايد و ما عندي استعداد أرد على أي أستفسار



3 comments:

Seema* said...

بصراحة, شي يخوّف!

الله يهدينا واياهم
:)

Bor8y said...

وااااااايد عجبني موضوعج تسلم ايدج

فعلا كلامج صح بس انا بنظري الاثنين خطائين واصلا انا منزمان ماعترف بجملة الريال شايل عيبه ليش ان شالله لي راح قابل ربه بيقله ولا اسمحلي انا شايل عيبي موذنب المرا اذا تحمل وتولد بس الي بالنص تحت مسؤالية الريال والمرا وبالاخير الضنه يتبع ابوه

الحين الواحد يخاف يفرح بالزواج لأن صار ايخرع المطلقات يمكن صاروا اكثر من العوانس مو علشان تروفت الدنيا لا حته لأسباب وايده مثل الي ذكرتيهم الشرب والبنات

ترا مو هين شي كبير ليش الناس تشوفه صغير ولا كله قاضبين اي لي تزوج يعقل ولا خل يتزوج علشان الزواج ايعقله

سوري مع الاسف احس ان عايشين في مجتمع متخلف ومصيبتنا ان احنا يالحريم قاعدين نسمح حق الريال ان اهوا يتماده

شلون ؟ انا اقولكم شلون

من البدايه الام اهيه تكون السبب الرئيسي للخراب لمن تشوف ولدها يخربط تقوم تزوجه بس بنتها لو بيخطبها نفس ظروف اخوها ماراح يقطونها عليه مستحيل

اذا (( يرضون على بنات الناس بس مايرضون على بناتهم )) هاذي المقوله الي ماشين احنا عليها

Bin3agul said...

reeeema. mawthoo3 izawaj ni9eeb. w il tawfeeg men allah. ba3dain ana qana3ty ena eli ana sawita bdenyty bashoofa eb a7ad ihmni. fa eli ga3ed i5arbi6 bredla te5rb6a. w ili 9air san3 fa 7ag 3mra w 3ashan mayta2tha eb dnyta. just an opinion ;p