Monday, September 06, 2010

نحن الشياطين و ليس الرجال







ما لا يعرفه الرجال عنا

يدور الكلام هالأيام عن مسلسل زوارة الخميس

و الرياييل خايفين من إن هالمسلسل قاعد يفتح عيونا على أشياء كانت غايبه عنا

اللي ودي أفهمه الحين؟

ليش بالله لي شفنا مسلسل بتأثر؟

ترا العوي عوي طول عمرة من الحريم و هم من الرياييل

مثال

الغيرة و ما يتبعها من شك

أستغرب من البنات أو الشباب لما اتحب أو يحب وحده لاهي مرته ولاهي محسوبه عليه يغار عليها !

ما إهيا وياك و انت الغريب يعني سوووري ماله داعي اوريدي طايحه من عينك المفروض شمال له عوار الراس بالله؟؟

الشك مرض و بنفس الوقف قلة ثقه بالنفس

اللي يخون

مو ناطر مرته تتبهذل عشان يخون

ياما ناس سنعين بس الأخ عوي يبي الموديل الشوارعي كيييفه ليش أحر نفسي

الريال عبالة دايما المرأه بريئه و بس أهوا اللي مأطع السمكه و ديلها

لا يا قلبي خبرك عتيج

مثل ما إنت تقارن بنات الناس هم احنا قمنا نشوف و نسمع

محنا مخفرين في بيت أهلها مثل قبل

كل كلمة اتقولها لنا بنصدقها

كافي بس السوالف اللي نسمعها من الحريم و اللي ويانا بالدوام كفيلة بإنها اتسوي مسلسل مكسيكي بس مو كويتي

أصلا أكو سوالف أقوي من هالشي و محد عالم فيها اللي إحنا الحريم و رب العالمين

الريال و يا الريال ما يفضحون أسرار

بس لي قعدت مرا ويا مرا محترقه من داخلها بسبه ريال

فقول عليه السلام

وحياتك قصه حياتك تنسرد بالتفاصيل بظرف ساعتين

و بالنهايه الريال اهوا المسكين

كلمة اتوديه و اتيبه

و المرأه اهيا السبب الأول و الأخير لكل مشكله ويا ريال

ولي بغت شي اتسويه اتسويه لو طيبتها واصلة السما


أنا أقول ديروا بالكم من اللي حوالينكم

ترا لي كسرنا

كسرتنا جايده



7 comments:

SheLLoO said...

b9raaaaaaaaaaaa7a !!!!
a9afgglch !! ow a7trmch 3la hal.post Al.Qawii 7ddda (Y)

Yara said...

والله انج صدقتي وانا أقول الريال الصجي تصير عنده الشجاعة يقول حق مرته انه يحب وحده ثانية أو انها موعاجبته
انا بالنسبه لي اللي أكره الخديعة مو الغدر اللي بيحب ذاك الطريج بس يقول ما يخدع

خوووش بوست

Seema* said...

سترك يا رب! :p
عدل كلامج, حتى الناس اللي على ويوهم ما يستهان منهم.

أحمد الحيدر said...

أول مرة أشوف مرة منصفة بهالموضوع :)

تحياتي ..

Яeema said...

shelloooo :

:***** i see it totally true!






yara:

ما يقدر

خل يقول حق صديقته اللي لاهي مرته ولاهي حبيبه هالكلام أول

ههههههههههههه

Яeema said...

seema :

حبيبتي محد سهل بهالزمن
ما أصدق



أحمد :

كاتبنا العزيز

إن كيدهم عظيم


أتوقع الكلام جدير يأن نقف عنده ، و نضربله تحيه بعد


ما قتلك الريايل فقارة؟؟

بنت الشاميه said...

عيدج مبارك
وتقبل الله طاعتج