Monday, June 23, 2008

If there is hope , there is life

taken by me :)




ما أحب لما يبين علي الزعل

و خصوصا بالدوام

لأن زعلتي جايده

ما أرضي بيوم

ما أنسي أبد

الحب يقلب تبلد قوييييييييييي

و هذا طبعي

ما أطالع ورا كلش ويوقف الزمن من هالنقطه

عمري ما سألت أحد شفيك و إلا شفيج

ما أحب أتدخل

أخاف شي خاص ما تبي تقوله

أخاف أبط البرما و دموعها تصبصب جدام الناس

أخاف أسمع شي يضايقني بعدين و ما بيدي حل إني أصلحه

طبيعتي إذا زعلت

أكون بعالم ثاني

أعبر بزعلي بالكتابه

أنام وايد

أجابل النت وايد

ما أضايق أحد

أتقوقع بمملكتي و هو عقلي

ما أخلي أحد يشيل همي

واعيه تماما إن بهالزمن محد له خلق يسمع حتي أٌقرب المقربين

لهالسبب ما أتكلم

أكتب مو عشان أحد يواسيني

ماعاد يهمني

أكتب عشان أرتاح

اليوم زعلت من موقف

فكتبت إللي كتبته



إحساس ألم بداخلي

بغربة من بلدي

الوجوه نفس الوجوه

أقنعة تمشي بلا خجل

تبتسم بوهم

ليتها تدرك أنني أراها

من خلف أقنعة مائية

السِنةٌ تجرح روحي

جاهلة عيائي

كبرياء نفسي

تمنعني من ذرف دموعي

وتبقي حبيسة قلبي

و يبقى حالي كما هو عليه

روح بلا أمل




12 comments:

2cool2care said...

هل سألتي نفسج

ليش اللي زعلني اليوم ما زعلني قبل سنة؟

ما ادري منو اللي زعلج

وما ادري ليش زعلتي

بس

عندي قاعده ليش ازعل وانا ما ابي انام ومتظايج

ليش ازعل ويمكن هالإنسان انا عوته علي هالنمط من التعامل معاي

ليش ارد البيت وقلبي مكسور ومتشلخ ومتحطم

ليش اترك اللي زعلني ويمكن كلمه مني اترد المياه لمجاريها

لا اتخلين الشيطان يبعدج عن اللي زعلج
يمكن هالإنسان اغلى شخص عندج ولا ما جان زعلتي


كلمه نقولها وما نفهمها

الدنيا ما تسوى

اعتقد نونتج غاليه على ريلج زما وده يشوفج زعلانه

لا تقولين ما اوريهم اني زعلانه

احنا الرياييل تره ندري بكل شي

بس بعض المرات

ابمزاجنا انمشيها

او يمكن انتي عودتي ريلج ان ما يسألج

او يحترمج وما وده يفتح الموضوع

ضحكي
عيشي
طيري من الفرحه

غيرج ما يقدر

وسلامتج من الزعل

5roofa said...

ما عاش الي يزعل ريمتنااا الغالية

بيعينا بالسووق

لوول انا من صرت خروفه و انا وايد اقول هالجملة ياخوفي على يوم صج يبيعوني

:)

smile nothins worth it sweetee

salamz ...

7osen said...

بوست معبر جداً
صادق جداً

QiYaDiYa said...

بعد يوم طويل !
و قبل ان اطفئ اخر انوار يومي ..
تفقدت هذه المدونة !
لأقرأ هذه الكلمات !!

الممزوجة بالقوة و الامل
و الغموض و احساس الألم ..

الذي لا اطيق ان يشعر به كائن من كان !!

و كيف ان كان انتِ !


انتِ ..
التي ارى بعينيها القوة ..
و ارى بإبتسامتها الأمل ..


كوني انتِ ..
و انسي الألم ..
و عيشي يومك الباسم ..
و غدك القادم ..
مع من تحبين ..


و اصحاب الأقنعة
اجعليهم صفحة من صفحات الحياة تطويهم السنين !



;***

Bin3agul said...

allah ihanich ili 3indeich shay etfargheen feeeh za3lich !

kuwaitforus said...

اشاء الله الربع عندنا فلاسفة
:(

لايبا لاتزعلون ولايضيق خلقكم

اليوم نزعل وباجر نظحك

تعالي لايكون ماراح تحوشج الخمسين

الحين عرفت ليش زعلانه

nice said...

إذا كنت في كل الامور معاتبا
صديقك لم تلقى الذي لا تعاتبه
فصل أخاك فأنه مقارف الذنب
مرة ومجانبه
اذا انت لم تشرب مرارا على القذى
ظمئت وأي الناس تصفو مشاربه
:)

Kuw_Son said...

ما تشوفين شر

charisma said...

الى يجرحج ويكدرج وخرى عنه
لا اجابلينه بنلاقيها وين ولا وين
والى يبيج بطييب خاطرج والى ما يحس ما يشوف شر
بس هذى سياستى اليديده


حدى داشه بشرى اليوم
لانى مثلج متلوعه من هالناس

سلامتج من الزعل يالغاليه

Barrak said...

الظاهر احنا كل مانكبر يزيد حجم الزعل بنفوسنا

ولكن طقوس الزعل للتتغير


احس ان الكتابه لك ماتتطيب

اعتقد ان التصوير ممكن يخليك تنسين شوي


حاولي تبحثين عن اللقطات الصعبه

مجرد رأي

لانسانه احترمها جدا

Mamloo7a Q8ia said...

لا تزعلين ولا تكدرين خاطرج حبيبتي

الدنيا قصيره استمتعي
كثر ما تقدرين فيها
وقطي همومج ورا ظهرج وانسيها

وراح تدعيلي على هالنصيحه

Яeema said...

i would like to thank you every one who care and show me his sweetest word here.


this make me feel much better


أتمني حق كل واحد فيكم إن ما يشيل الزعل بقلبه و يكفخ أحد يحبه حيييييييييييييل

هاهاهاها
joking ;)

love you all