Thursday, June 26, 2008

الميزانيه والصيف

المكان : السيارة

الوقت: 8 بالليل

المحطة : ما أدري – بس كانوا قاعدين يذيعون جلسة مجلس الأمة ( أدري ما عندي سالفة قاعدة أسمع الجلسة )

الموضوع : مناقشه ميزانيه الدوله حيث أن المبلغ 19 مليار ( ما أدري شنو هالمبلغ ما ركزت) و يحق لكل عضو إن يتكلم لمدة خمس دقايق.

س من الأعضاء :

سعادة الريس ، ما ينفع نناقش الميزانية بخمس دقايق ، ذىيي أموال دوله سعادة الريس و إحنا مسئولين عنها

أطالب إن بترحيل إجازة الصيف لمدة شهرين للمجلس عشان نناقش الميزانية.

تهقون بيسمعون كلامه؟

تهقون إذا صار و رحلوا إجازة الصيف ( الأعضاء راح يقعدون بالحر بالكويت عشان مناقشه بنود الميزانية؟

تهقون لو مصادف وقت مناقشه الميزانية موسم البر و جواخير جبد هالعضو راح يطلب ترحيل المناقشة؟

و إلا عشان صيف و ما عنده مكان يروح له يبي يجابل الميزانيه شهرين

ووزارة المالية بكبرها تتعطل و يوقف شغلها و تعلق تسكر لحسابات للسنة المالية عشان الأخ الكريم يبيله شهرين يدرس بند بند و بعدين يدخل عليه رمضان و يعتكف بالمسجد و يقول خلوا مناقشه الميزانية بعد العيد تدرون صيام و صلاة و ما عندنا وقت حق فلوس الدولة .

سؤال حتى ما يبي يطرح نفسه

إنتوا طرحوا

4 comments:

حسافتج يا كويت said...

بعتقادي

بيض اللة ويهة ما ندري عن نيتة يا ريما

بس فعلا مناقشة الميزانيات للدولة اهم من الإجازة الدولة مبيوقة بوق

وعلى فكرة كل سنة تتم مناقشة الميزانيات بالصيف والنواب بيون القبة ومشونها بسرعة عشان يفتكون


شوراهم النواب ما يناقشون بالصيف ولا بس فالحين يحطون 15 سكرتير

ومستر خرافي يروح لندن ويرد من المطار يستقبلة حفيدة ويصورونة الصحافة


خل يربض بالديرة يناقش البوق اللي صاير ولو انة لا يهش ولا ينش

2cool2care said...

ما راح ازيد عن

أمس اللي اهو يوم الأربعاء وصل برميل النفط
126
البرميل والسعر الكويتي
مو العالمي
يعني لمن كان السعر العالمي 146 كان السعر الكويتي 120 والحين ما شاء الله
وصل 126 وميزانية الكويت ميزانية سعر البرميل لمن كان 20 دولار

للأسف ما احب اتكلم عن السياسة


تكفون لا تتكلمون عن السياسة والله راح اتخلوني اكره اني ادش التدوين

Яeema said...

حسافتج يا كويت

أحب أوضح نقطه مهمة غابت عن تعليقك



نيته:
هو عضو من الأعضاء إللي مع اسقاط القروض


فبناءا عليه


تعديل الميزانيه هي وسيلة ضغط على الحكومة لتمرير قانون اسقاط القروض و اللي أشوفه بنظري إن قانون غير عادل بالمرة
و ما يحقق المساواة بين الشعب


مو هذا موضوعنا


تمرير الميزانيه بالصيف لأن السنه الماليه تنتهي بالصيف

و أنا بالماليه و أدري عدل عن هالأمور
مو عشان يفتكون
:p



عن لخرافي

و إذا سافر لندن شفيها؟؟
لو أنا مكانه على العقليات اللي قاعدة أشوفها بالمجلس أقعد بلندن
من أول السنه
و بعدين عليه بالعافيه الريال يبي يتبرد

أنا مو معاك
الخرافي كان وزير الماليه فى فترة من حياته
و عارف الميزانيه بند بند
و في بنود ثابته
والطفرة فى المبلغ سببها سعر النفط المتغير

أحترم رايك
بس أنا مو معاك بهالنقطة




2cool2care
إنشاء الله
آخر مرة
هاهاهاهاها

عن خاطري بس ودي أكتب
حرني أمس وهو هاد الإصلاح و يتكلم عن الميزانيه مو عشان هاميتا الميزانيه


لأ
يبي يعلقها عشان يمرر قانونه الدايخ

حسافتج يا كويت said...

شكرا للتوضيح بالنسبة للشق الاول

قتلج نيتة وبانت نيتة مع توضيحج الكريم


اما الخرافي

انا ما قلت مايسافر علية بالعافية

اصلا انا اقول خل يهج

يريح ويستريح

اما موضوع انة وزير مالية وفاهم بند بند فاسمحيلي الخرافي اخر واحي يفهم هالسوالف

هو يفهم مصلحتة وبس

لو هو فاهم يا ريما جان على الاقل اقترح او سال او قدم قانون واحد لمصلحة المويت خلال فترة رئاستة للمجالس السابقة

وشكرا للتوضيح