Thursday, June 12, 2008

Respect cannot be learned, purchased or acquired - it can only be earned

من هذه المدونة أبي أوضح شغله بدت تختفي شوي شوي

و هي الحدود والاحترام.

لي بقوا يطلبون شي ( ماكو لو سمحتي أو لو تكرمتي)

على طووووول فلانه أبييييي هالشي!

و إذا تكلمنا و قلنا إنزين قولي لو سمحتي ، قولوا مشكورة

قامت القيامة

أنا مكبرة الموضوع

كلها ورقه إللي بتسوينها

شدعوه إحنا ربع ونمووون

يااااااااااادي الميانة إللي مش جايبه همها!

شي ثاني ودي أقوله:

كل بيت له طريقه معينه بالتربية

ناس يصرخون

ناس حارين

ناس ثلجة

مافينا نفرض سلوكنا على الناس غصب صيري نفسي

هالأيام إذا إنت مو دمك سخيف فإنت مو كووووول

لما ناس يقلون قلات أسخف من السخافة و ما أضحك فالعيب فيني ها لاحظوا

لما تييلي وحده و تقوللي ليش ما تضحكون لأن كلامها ( على قدر معين من قله الأدب ) فهذي شتردون عليها بالله؟؟

الرقي بالحديث جدا مهم

و الأدب جدا مهم

و شي أساسي

و حتي نبرة الصوت لازم تحترم إللي جبالها

على سبيل المثال عن نبرة الصوت:

أنا ريال وقاعد ويا ربعي محترمين كافين خيرنا وشرنا

شكو أسمع سوالف الحريم بالطاوله إللي يمي بالمطعم؟

بيني و بينكم أنا بالطاوله إللي يمهم تهولت من الموضوع

فما بالكم الرياييل

لكل وحدة أو واحد قاعد يقرا هالبوست

وفيه هالشي و مو حاس فيه

خل يراعي شوي إن في ناس تتأذي من تصرفات إللي حواليهم

حريتك تنتهي لما تحارش حريه إللي حوالينك

دمتم بحب و إحترام و رقى دائما بالتعامل

22 comments:

Diver said...

ياريما
و بعدين
قلنالكم الناس فقدت حس حرية الاخرين
الحين انا بسوي الي ابيه و قت الي ابيه و الدنيا لا زم تصير مثل ما انا ابي
عشان جذي الجعام مال قبل الي ايي من
الشياب اهو الي يعلم ان في حدود
في العشرين سنة الاخيرة محد يجعم الياهل الي كبر الحين وشتغل
و جابلنا
بس تبين الصج انا الحين اجعمهم
اذا ما تكلم عدل و لا استاذن
اجعمه جنه العيد
و اذا زعل علمته الاصول
اذا طولها اقوله ترى اهلك ما علوك قبل بس مو عيب الحين اتعلم
اسف على الاطاله
سلام

Rajesh said...

Vote for the 7 Wonders of Kuwait

http://7wondersofq8.wordpress.com/

2cool2care said...

يمكن إذا طرحت جملة تنقال بس أنا شخصيا شخصيا اشوفها خطأ او ناقصة


الصاحب ساحب

اللي انا اشوفه أن الصاحب ساحب إذا كان الشخص عنده ضعف شخصية

فأقول ان كان الشخص عنده شخصية قوية وهو متربي علي الصح ما يتأثر بالآخرين


فأرجوا من الشياي تكون شخصيتهم قوية ولا يتأثرون إذا معاهم ولد سفيه وسوي هالشي اللي أكتبت عنة ريما

زفوه وسنعو البنات لمن يطلعون المطعم يبون يرتاحون من روتين سجنهم اللي بالبيت او الدوام

فعن الهلاقة شباب

والبنات نفس الشي

مشكورة على هالبوست

والرقى تنكتب بالألف المكسورة مو بالياء
:P

أنا آخر واحد يعلمج العربي لأني
DUHHHHHHHHHHH
بالعربي :)
بس قرأتها انا رقيييي وشهيتيني

Bin3agul said...

i totally agree ma3a ili etgoolin .. qilat il adab 9arat ehya il shay il 9a7 .. w il mo7taram 9ar yengal 3anna either gay or ma3inda sha59ya .. il mustawa il 3am kila nizal .. ana ga3ed atkalam 3an il shbab ..w ham ma a3meem lail7een fee nas mu7tramaa ..

Anonymous said...

قلة الذوق في التعامل مع الاوادم بالشغل والا بنبرة الصوت واحنا نسولف بالمطعم والا والا؟

مافهمت
:}

sologa-bologa said...

نطالب بإحالة الموضوع
إلى لجنة دراسة الظواهر السلبية الدخيلة على مجتمعنا

kila ma6goog said...

في كويتيين يخلطون ما بين الدفاشة و الرجولة

عبالهم انك تكون دفش يعني ريال

nice said...

حريتك تنتهي عندما تتعدى حرية اللآخرين
لو سمحت كلمة أثرية محد يعلمها للأجيال القادمة
مقالج على قدر كبير من الأهمية
دمتي ودمنا والله المستعان

GucciYa said...

الي حبيبتي رييما

مثل ما تفضلتي و طرحتي هالسالفه

انا ادري في كل بيت او كل شخص له تأثير او انه شخصيته تكون مصقوله من ناحيه تربية والبيئة الي كانت او كان قاعد فيها وهم متأثر من امه و ابوه في حال طلب عمل شيئ معين مو معودينهم بكلمه لوسمحتي او لوتكرمتي او بالاساس ماسمعوا هالاسلوب بحياتهم.

صحيح الدنيا علمتنا موكلشي من الام و الابو مثل على وجه المثال قبل لاتدشين اي مكان لازم تطقين الباب مو تدرعم يعني من اداب الخصوصية ماكو

واب ايامنا هذه الواحد جليل الحيا عايش والمحترم يحسبونه غريب الاطوار واذا علمتيه شغله شوي يعني مهمه في الدوام شنو يقول او تقول انتي منو على اخر الزمن تعلموني

والله هالموضوع شنو حساس ومهم في الدوام وبكل مكان برى نطاق البيت او البيئة الي عايشة فيها

تحياتي

5roofa said...

اييي والله صااااااجه

اليوم رحت ماكن ولا اسمع البنات ضحكم شااااااااايل المكتب دشيت ويهي علامة استفهااام

ولا البنات الي قاعدين حب و جااي و ضحكك و سوالف استغفر الله ما تنسمع

المشكله مو جذي كيفكم انتو قاعجين مع بعض مالنا شغل

بس كان بينهم عامل يشتغل على المكيف
بس على قولتها مصرييي

عادي
:/

ليش الناس صايرة جذي

--

و الطلب و الادب وييي تعالي مدرستيي و شوفي المدرسات الي يلبون شغلهم

خروفه سوي الشي
خروفه روحي
انزين تره كلمت لوسمحتي ولا مشكورة ولا ماعليج امر ما تضر

مشكورة خيتوو

salamz sis...

:::ShoSho::: said...

Agree with you..

Anonymous said...

its lack of manner in my society that made me very happy living in UK,awway from 3awar galb in my soceity,,i love to come back ,but im sensitive person ,cant tolerate it

Яeema said...

diver

كلامك عدل
يمكن يمشي هالأسلوب ويا الأولاد
البنات دعلة
تطقلك البوز و تمشي
و إنت مضطر إنك تجابلها كل يوم




2cool2care

hehehehehehhe

صلحت الكلمة مشكور وايد وايد


تعلمت شغلة بالدوام
إللي من العوايل الكويتيه السنعه تلاقى البنات والشباب تستحي من طريقه معاملته من كثر ماهو متربي


أما إللي خبري و خبرك
هذيل دفاشه و طريقتهم بين أهلهم دفشه فما يحس إن قاعد يسوي شي غلط أو عيب



bin3agul

الله يسلمك يشوفونه عادي

هذي المصيبه
شلون توصله هالمعلومة
و إذا قلتله مشكور
قالك إنت واااايد ذرب ما سوينا شي

Яeema said...

anonymouse1

watch disny channel dont read blogs :p


sologa-bologa

بيشوفون الموضوع عادي

هاهاهاهاهاهاهاهاها

عجبتني

الجنه بكبرها ظاهرة سلبيه بالمجلس



kila ma6goog
exactly!!!!

even the girls!!

يعني مو دلوعه

Яeema said...

nice

وإنت الصاج كلمة أثريه
شي يحر



guccia

والمحترم يحسبونه غريب الاطوار


aywaaaaaaaaaaaaaaaa yebteeeha!!!

Яeema said...

5roofa

إيييي على طاري هالشغله
هذامصري و هذا هندي

عندنا هنود محاسبين بس جدا محترمين و الشي عن الضحك واللويا يمه و مو قادر يشتغل فغير




shosho
:)




anonymouse

الله يعينك /ج

it's atotaly bg problem really :(

باشـــة الغـــيد said...

بعد اذنكم بقول لكم شصار معاي اليوم ..
كنت واقفه بمركز سلطان جدام
ثلاجة السندويتشات .. قاعده ادور لي تونا بدون طماط .. حسيت ان وراي احد ناطر .. التفت والا وحده مع امها وخرت عنهم عبالي يبون شي والا الربع متنحرين .. استغربت انا قلت خل ارد على التونه ابرك و هم واقفين جان اقولهم انا اسفه جني ساده عليكم ؟ حقروني ! قلت تفضلوا انا مطوله جان تقول الام بنزره شعقبه عيزنا واحنا ننطر !! قلت لها جان قلتي لو سمحتي والا عفوا والا يا اختي نبي المكان اللي انتي واقفه فيه بالضبط ترى الثلاجه شطولها تكفي 10!!

يعني انا غلطت لما قلت اسفه جني ساده عليكم ؟ والا لما قلت تفضلوا ؟ والا تسلطوا على الطابوقه مادري السيراميكه اللي واقفه عليها !!!

شفيهم البشر عندهم نقص ادب واحترام ولباقه وذوق واخلاق ووايد اشياء
!!

يبا احترموا نفسكم قبل لا تحترمون
غيركم.. صج صج صج الاخلاق هالايام
(made in china)

شكرا ريما واسفه طولت

shahad said...

صراحة و انا اقرا ضحكت
أحس اكو ناس وايد غملوعين جبدج هاليومين
:P

بس انا وعد اتم محترمة عشان محد إعصب
زين جذي عدلتي شخص إبوست

شكرا على البوست

ManalQ8 said...

صاجة

كلام سليم

:)

ShLaLaT said...

والله يا ريما السنع شوي شوي يختفي
نادر ما تشوفين ناس سنعه


والمشكله بعينهم ان احنا غلط واهما الصح

!

صج في ناس عادي عندهم اشياء وايد
احنا بنظرنا غللللللللللللط

شنو يعني البنت قاعده بمكان عام وتتضحك ضحكه كلها مياعه ؟

والله تستحين حتى تقعدين معاها

يعطيج العافيه خوش موضوع والله

~FaHaD iN MiND~ said...

al7en mo bs eb 6areqathom o eslobhom o southom .. 7ata eb lebshhom! estakhafaw lawadem !!

Kuw_Son said...

مبروك على الـ
new look ;)