Friday, June 27, 2008

Carzy prices !!!


short time ago it was these the prices





مو صج اللي صار أمس و اللي سمعتا

بدون الدخول بتفاصيل منو و شلون يبت المعلومة لأنها ما تفيد أي أحد

وحده من الأهل تتحلطم على الكويتيه

تذاكر السفر:

الكويتيه حق أسبانيا دايركت - economy : 770 دينار X 2 = 1540 تذاكر الخدام

4 يهال-500 دينار سعر التذاكر لليهال = 2000 دينار

الأم و الأبو : business-class 1150 للشخص= 2300 دينار

الجد والجده : 1700 لكل واحد درجه أولي

المبلغ : 9240

الله يخليلها أبوها أهوا اللي متكفل بالمصاريف هذي بيونس أحفاده وبنيته

يعل عمره طويل

المهم

هذا ما طلعوا من الديرة

راح يقعدون 40 يوم

أوكي عندهم سكن

بس تهقون جم المصرف اليومي؟

يبيلهم سيارة كبيرة

يبيلهم أكل

يبيلهم مصاريف وناسه و تشري

قبل ارتفاع سعر البنزين: المعلومات مني

econemy: 420 دينار

Economy kids : 330 دينار

درجة رجال الأعمال : 940 دينار للشخص

درجة أولى : 1500 دينار للشخص

المبلغ : لنفس العايله مسافرة العام 7040 دينار

مو صج صح؟؟؟

اللي يحر مو جذي؟؟؟

اللي يحر إن الطيارة دااااااااااااايخه ولا تلفزيون يشتغل عدل

بس لازم يروحون عليها عشان عندهم يهال و كلهم دقدق صغار و الجد والجدة متعوديم من الثمانينات بأسبانيا و ما تبي بهذله النطرة بالمطارات و خصوصا إن أحسن رحلة لأسبانيا و ما تنطر وايد هو مطار لندن و لندن هالسنه مسخرة حدها

ودي أسأل؟؟

هل الإعلانات اللي بالجرايد يقصون علينا؟؟

سفرات لندن-روما-باريس 21 يوم ب 700 دينار!

فى أحد حجز حق أوروبا والحين تفاجأ بالوضع؟؟

و إذا 20 يوم 700 دينار تذكرة و سكن وين يسكنون!!!

يوم بديت أسأل حتي تذاكر الخليج و مصر و لبنان؟؟؟

قعدت أسأل اللي حواليي

و تأتيكم الصاعقه

أمريكا : عن طريق الإماراتيه من 350 الي 480

مصر على المصريه: من 145 لي 230

سوريا على السوريه: من 90 الي 200

البحرين على الجزيرة : من 45 الي 95

ودي أسافر سفرة و أكون لاعبتها صح

فندق حلو و نظيف و رخيص

تذاكر رخيصة و طيران مرتب

أكل و شغل عدل و بريدات

ووناسه مو ديره تسكر ليتاتها الساعه 6 المغرب حتي قبل لا تغيب الشمس

في أي إقتراحات؟؟؟


15 comments:

5roofa said...

مممممممم

ماادري بس احنا يا لندن ويا امريكاا

و امبي المرة الي فاتت وايد استانسنا في كاليفورنيااا

دزني قريبه حق اليهاال وسووق يهبل
و سكن ماكان غااالي

و كل شي فيها و سهرانين لي ويه الفير

--

بس ريما ليش مطار لندن ؟؟؟ شفي؟؟؟

salamz sweetee...

Яeema said...

5roofa :
security waaaaaaaaaaaayid em9a3been

1 bag only for each person

and inside the plane only 50cm now ertefa3 el bag

imagine a family with 4 kids like this lady

you have to remove the shoes
belt
watch
laptop

warid enna feeh bogaaat
za7maaaaaaaaaaaaaaaaaaaaaaaaaa

Manal said...

السلام عليكم

ريما والجميع

بالنسبة للاسعار المرفقة
ما دققت فيها

بس ما استبعدها

الطلبة في الخارج معشمينهم ان لهم خصم خاص نص المبلغ اذا يختارون الحجز على الكويتية

الله يسلمج

ولا مرة نزلنا عليها لان مع الخصم الخمسين بالمئة بعد تكون غالية علينا

انا وحدة والي اعرفهم كلهم يحجزون عن طريق الانترنت

حجز تذاكر السفر
والفندق
والشقق
وحتى تذكرة القطارات والباصات
يعني ادفع مرة وحدة حق سفرتي كاملة على الانترنت

بس مشكلة حق الي مو متعود على هالطريقة
لان راح يتخوف

مافي مشكلة بالنسبة للعوائل الي عندهم كبار بالسن
على اي طيران ثاني
يحطون ملاحظة عند الحجز بانهم يحتاجون كرسي متحرك وفي خدمات وايد يقدمونها شركات الطيران مجانا
وما يحتاج اصرف هالمبلغ على تذاكر بس

والله ساعدهم

نشوفهم لما ننزل لندن

ما شاء الله

والله يساعدهم


تحياتي:منال

Mohammad Al-Yousifi said...

لا تسافرين بالصيف

هذا موسم و لازم يستغلونه

Super Woman said...

شوفي أوروبا مياااانين

مصاريف مصاريف مو طبيعيه


أمريكا تيييييينن اكيد بس طريجها يملل وايد

شرق آسيا ارخص من اوروبا بس عررررررررب كل مكان يعني جنج قاعده بالخليج

الخليج شيليها من بالج

مصر ما انصحج
لبنان لا يحوشج
سوريا لا تفكرين


انا اقول روحي الشاليه :) اونسلج

Mr_CHoCoLaTe said...

روحي ايران اشفيها ايران ؟

طهران شزينها و شمال طهران تمرضين من البرد بهالوقت هي هي

Яeema said...

manalq8

allah ye3enkoooom :(

Яeema said...

kila ma6goog

مالك أمل
هاهاهاهاها
قلنا نبي إقتراحات مو ما نسافر

اليوم الحرارة 47 و هوا و غبار







shlalat :

hehehehehehhehe
i am traveling to spain enshallah


bas we need something els

USA
from april na6ra el visa ,, then they say no for us
:(

USA enshallah lamma my kids grow up




mr.chocolate
hehehehehhehehe
enshallah afaker bel mawtho3

Яeema said...

يا جماعه نبي إقتراحات ن صج
ترا وايد طالبين مني أكتب هالبوست

بطلوا شغل طنازة
هاهاهاهاهاها

مو حقي هالشي
حق الزمن

وليييييييييييييييييييييين

ههههه


بس زعلت مرة ثانيه ماني كاتبه بوست صيفي

2cool2care said...

المشكلة انكم تبون الكويتية


اخذي هالسفره

امستردام
لاهاي
براسل
على اليونانية
15 يوم
590 دينار

إذا تبيني اكتب السفريات قوليلي لأني الحين ما راح اسويلهم دعاية

والفنادق اللي يختارها جيده مو سوالف اللي خبرج

وارجوا اني افدتج في شي

Bin3agul said...

maybelaa .. GENEVE !!! :P

Bin3agul said...

w men i9koon at 6 enroo7 in9awer (I) :P


7alait moshkiltich :P

Яeema said...

2cool2care :

thanks alot

;)


dont write anything ,,, elly yaby ye6areshlik e-mail
heheheh






bin3agul:

enta ta3al 2 days bas spain o hatha my face etha bept el 7arf el awwal min Geneva :p

this post mo 7aggy
i already did my plane
5 days ( photography trip ) many gayla ween surprise

2 weeks ma yabeeeeeeeeeeela spain
plus i am going for a photography issues,,,, grenada and alhamra

the.thinker said...

اي والله ... الأسعار صايرة خيالية ،، مع أنه في شغلات ما تسوى كلللش مثل ما قلتي عن الكويتية مثلا .. ما أدري على شنو خطوط ( باص وطاير )

وفي اعلانات يحطون الاسعار من غير تاكس ،، وهالطريقة وايد تخدع ناس .. والناس يقولون السعر وايد زين وبعدين يتوهقوون .

يسلموو خيتوو ،، يعطيج العافية :)

Anonymous said...

so stupid !