Saturday, June 28, 2008

رائد وفاطمة

ممكن تنصدمون ويااي شوي؟؟؟

اليوم زوارة أهلي و كلنا قاعدين شحليلنا و ماكو الا العافيه

فجأة الوالده قامت تقلب بالتلفزيون و إلا قناة الوطن

برنامج: بنات وبس

وإلا المذيعه حاطه نجمه على خدودها

قاعت ساااااااااااااااااااااعه أقولب السالفه عبالي إنعكاس ليت

المهم منو مقابلين؟؟

الثنائي رائد وفاطمة

أوكي – ما أدري هذيل منو قعدت أسمه السوالف إللي مالها سالفه و إلا فجأه المذيع المحترم رائد يقول حق زوجته:

فطووووووووم و فطوووووووووم

و ترد عليه فطوووم تقول :

رؤؤوووووود و رؤؤؤؤؤؤؤؤؤؤؤد

الوالد قاعد و ردت فعله خلتني أمووووووت من الضحك

منبهر

خل أقولكم عن أبوي شوي عشان تستوعبون طبيعه التربيه في بيتها

الوالد عسى الله يحفظه ويخليه لنا

ممنووووووووووووووون منعا باتا تصغير الأسم

ممنوع حمود

ممنوع خلوود

فما بالكم يسمع بالتلفزيون ؟؟؟

المهم القصه و ليش مقابلينهم

عشان نعرف إن مسويلها لعبه مثل باربي و مسميها فطووم

فطووم لابسه لبس سهرة

فطوم لابسه لبس السوق

فطوم لابسه لبس البحر

و حطو لنا الباربيات كلهم و الكرتون مكتوب عليه فطوم

المهم كيفهم عليهم بالعافيه

الصور إللي يااات تالي

( فطوم و رؤؤد يسوون خشيم الفار )

( فطووم و رؤؤد يلمون بعض )

( فطووم و رؤؤد منسدحين و مصورين )

دشيت النت

كتبت فاطمة ورائد و إلا أششششششششوووووووووووووووووووه!!!

مقابلينهم بالجريده

فقلت أوريكم إياهم لأن حدث مهم لازم تشوفونه


المقابله بجريدة النهار

20 comments:

QiYaDiYa said...

reeemaaaa !! !

استغفر الله استغفر الله يا ربي لا تبليناااا !!

هذول من وين اطلعووواااااااااا !!!

اول مرة اشوفهم بحياتي !!
و مصدقين عمرهمممم !!

عبالهم يعني فنانيين صج !!

تذكرت انسان عباله كله ان اهو فنان ;p ;p ;p


اهم شي رائد الماجد !
يبي يصير راشد الماجد ;p ;p

2cool2care said...

قاعد افكر شكتب جا اقول

اللهم لا تحاسبنا بما فعله السفهاء منا

جان اذكر فلم الإرهاب والكباب لمن الوزير كان بالمسجد والإمام قالها
جان يلتفت على اللي يمه ويقوله
هوه بيؤصد مين
:)

مالي شغل بهذه عفره وخنفسان اللي تكلمتي عنهم

بقولج اشقالت الوالده عن المذيعه اللي حاطه نجمه

قالت اختي امبييييه اشحاطه على خدها هده

جان امي تقول

اكيد فيها حبه وحاطهه هاللزقة
:)

بدعة الوالده

5roofa said...

ريمااا المقاله شوييييييية

دشي موقعهممممم يفشششششششششل

لوول والله تره مو حلوة اللبعه يعني استغفر الله مو قصدي من صج و اهي كيفه بس اللبعه موووووووووحلووووووووووووووووة

كللللللش

لووول

خلاص بسوي انا بعد باربي و بسميها خروفه

:p

الله يخلي الوالد و يطول بعمره

ريما شلون عمج انشالله بخيرو عافيه يارب؟؟

salamz sweetee....

Purgatory said...

بوجودكما كزوجين في العمل ألم تواجهكما مضايقات؟

فاطمة: ومن يتجرأ على مضايقتي وزوجي الى جانبي؟


هاهاهاهاهاهاهاهاهاها

بس ما كملت بعد هل الجملة

عروس الخليج said...

ثقه زايده شوي

انا اقزل زنعم الرجال هو

Bin3agul said...

entay me7tarra .. wathi7 :P !!!! LOOL

Super Woman said...

فاضين .. الشرهه على اللي مطلعينهم ومعطينهم ويه

!!


الحين هذول شنو بالضبط ؟؟
مذيعين مغنيين ؟؟



الحمدلك والشكر يا رب

david santos said...

Very nice posting, my friend, very nice!
Happy day

kuwaitforus said...

الله يسامح محامي الجنوس

اهوا اللي طلعهم بقناة العدالة

NewQ8 Bride said...

لوووووووووول واي احنا جذي

انصدمنا و الله مساكين هيلق

الله يخليج انتي دشي الويب سايت مالهم بتموتين من الضحك

بس و الله الشرهة مو عليهم على اللي معطينهم ويه و لا شكو يقابلونهم ؟؟

و على طاري النجمه تره اعتقد طالعتلها حبه

مادري

Blog 3amty said...

عسى ربي يستر علينا وعلى عيالنا

عــــــابره said...

استغفر الله ..

ثنائي عجيب اكيد مو كويتين ولانعرفهم منو هذول ..

Lonsome said...

هاااو شنو هذول بعد متى و ين و ليش ومن وين طالعين !!!

شيبون !! و الله ذبحونا هاللفو !

ذكروني بقصه الزواج الخالدة للمذيعه شعوله و مصعب

charisma said...

صباحو

ههههههههههههههههه
لا ما اصدق الى قاعده اقراااه لالالالالالالا
واى مت مت ضحك اتخيل ابوج رده فعله ههههههههههههههه

اهم شى بالموضوووع رؤوود وفطوووم

استغفر الله يا ربيييييييييييييي
والله حاله حااااااله
ودى اقول ودييييييي
بس بسكت وبقول الله لا يبلالانه يا رب

مأساااة

Ra-1 said...

عيل ما شفتي الويب سايت مالهم
:p
لا تعليق !!!

Kuw_Son said...

الحمدلله الذي عافانا !!

دياثة ما بعدها دياثة !

DiLLi O MiLLi said...

ههههههههههههه

شر البلية ما يضحك
أنا قاريه مرة عنهم بالجرايد
من ووووويين طلعولناااا هالأشكال !!؟؟

اللهم لا تواخذنا بما فعلة السفهاء منا

*
*
*

(((((( Viva España ))))))

مــــــــــبررررووووووووك
كـــأس أمــم أوروبـــــــــــــــاااااااا
يســــــــــــــــــــــتااااااهلوووون

هـــذي هــدية مني لج
???????


:)

Anonymous said...

الشرهه على تلفزيزن الوطووووون التافة اللي يقابل رؤووود وفطووووم

Яeema said...

اللهم لا شماته
بس الصراحه شي لوووعه
ما يوايه و يفشل و أهم شي إنهم كويتييين

Q8-MaNaL said...

هذي انا مرة وصلني ايميل و كان فيه صورها،الله يشافيها ان شالله قولوا آمين