Friday, June 20, 2008

لا حول ولا قوة الا بالله

السلام عليكم جميعا

بوستي هذا شوي يعور القبل من جميع النواحي

لأن الموضوع يخص عمي

ثانيا لأن الموضوع يخص ديرتي وما آلت إليه من مستوي بالعنايه

أرجو منكم الصبر والدعاء

القصة :

حادث سيارة

نقل على مستشفى مبارك

3 أيام مسدوح ما عرفوا له علاج و لا شنو يسوون فيه

1- قرر دكتور يسوي عمليه لعينه لأن عين وحده راحت و يبون ينقذون الثانية

بعد العمليه ماكو قطرة للعين بالمستشفي

راحوا يابوها من بره

2- بعد أسبوع تخدير ( لأن مو عارفين يسووله شي و بعد تحركات الواسطات مشكورين

نبي ننقله لمستشفى الرازي قسم العنايه المركزة لأن 5 دكاترة مسوين إجتماع لتقرير حالته

صارت الساعه 7 المغرب و ما راح الرازي لأن الرازي مافي غرفه فاضيه للعنايه المركزة راح عليه الموعد إللي شغلنا واسطات عشان نيم عال 5 دكاترة مع بعض.

3- بعد 3 أيام و بعد الواسطات تم نقله للعنايه المركزة بالرازي و تم تقرير عمليه اليوم الثاني لإصلاح ال 30 كسر إللي فيه.

4- العمليه من الساعه 7:30 الصبح لي 6:30 المغرب ( أحب أشكر كل الدكاترة إللي ما كلوا وواقفين داخل غرفه العمليات عشان ينقذونه خلال ال11 ساعة عمليه )

5- العنايه ما بعد العمليه : يحتاج 10 أيام عشان يقوم من البنج على كلامهم

6- يحتاج عنايه من نوع آخر للكسور المتعددة

7- تحركوا رجالات العائله و لهم مكانه خاصه بالمجتمع الكويتي و بالحكومة ما أقدر أصرح عنه الحين إحتراما لوظائفهم و أسمائهم.

تم تقرير علاج له بالخارج لأن حالته مو عارفين شنو يسوون فيها بالكويت

صارت لجنه و رفضوا الموضوع مرتين

تمت تحركات على مستويات أعلى و هالكلام اليوم صاير بس بعد سماعنا برفض لجنة الصحه لتسفيره للخارج لأن الديرة مالها علاج لمثل حالته

المصيبة وين؟؟؟؟

اليوم درجه حرارته 40

حاشه فايرس و أدي إلى ارتفاع درجة حرارته

الأسباب : من سوء العنايه بمستشفى الرازي و داخل غرفه العنايه المركزة

ماني قادرة أفكر

ماني قادرة أسوي شي

إلا إني أكتب هالبوست

نشوف الريال يروح من بين إيدنا و إحنا الحريم ما نقدر نسوي شي؟؟؟؟

لا حول ولا قوة إلا بالله

اللهم لا اعتراض

مالنا إلا الدعاء



رب الناس،أذهب البأس، اشف وأنت الشافي، لا شفاء إلا شفاؤك، شفاء لا يغادر سقما
عسى اللة يشافي ضرار ولد أحمد ويقومة بالسلامة أمين يارب العالمين

لاتنسونه بالدعاء
دعواتكم









23 comments:

Mok said...

مايشوف الشر خطاكم السوء

عدت على خير وماكو الا العافيه

Shayouma said...

الله يكون بعونج انت و الاهل ان شاء الله و الله يقومه بالسلامه..

المشكله بالكويت ما عندهم شي اسمه اسعافات اوليه و تجهيزات كامله من الاول علشان جذي تتدهور الحاله .. آنا خالتي جذي طاحت مره وحده و على ما وصلت المستشفى ماكو اكسجين مده ٢٠ دقيقه يعني المخ اخترب خلاص و قعدت بغيبوبه و توفت قبل شهر الله يرحمها.. لما سالنا الدكتور اللي بره قال اذا خلال ٥ دقايق بالكثير ما اسعفوها نفس اللحظه ماكو فايده ..

الله كريم شنو نقول بعد بس فالحين يسوون مستشفيات فخمه و الدكاتره و السيسترز زباله غير ان ماكو كفاءه و لا اجهزه و لا ادويه ما ادري شنو اقول بعد..

الله يشافي كل المرضى ان شاء الله..

~FaHaD iN MiND~ said...

uuf uuf il sowar 7adha tkhare3 !

men seejch ga3da tetkalmen 3an il 6eb wel mustashfayat hnii !!

walah 7aram elii ga3ed yseer .. il 6eb hni fasheel fasheel fasheel

allah ykon eb 3onkoom enshala o ygawma bel salama malkom ela il do3aaa2 .. mayred il qathaa2 ela il do3aa2 wenshala yeteyasar amerkom o yesafrona soon

2cool2care said...

اختي ريما

قلتي وإحنا الحريم ما نقدر نسوي شي؟؟؟؟

ليش تفكرون جذي الرياييل ما اقدرو يسون شي... الله يصبركم ووعدج الفرج ياي بذن الله

يوم الأحد أو الأثنين بالكثير لا تنسونه بالدعاء

أسأل الله العلي القدير ان يجعلكم فرج من همكم


اختي ريما اليوم الجمعة والدعاء في الساعة الأخير من هاليوم المبارك مجاب فيه الدعوه للي يوفق فيها

رفعي ايدج ودعي وما راح انقصر بالدعاء

دعاء الله ما يبيله واسطة

Noor said...

:(

لاحول ولاقوةإلا بالله

الله يشفيه ان شاء الله و يصيركم

والله الصور عورت قلبي
وضاق خلقي علي مستوي الطب و العنايه الي اتعيش فيها ديرتنا
ولا المشكله فلوس الديره بره

حبيبتي ريمه ربج ماينسى عباده والله يشفيه و يصبر أهلـه أن شاءالله

Mr_CHoCoLaTe said...

ما يشوف شر ان شاءالله :(

عرفته هذا حادث الكورفت مر عليي

يبا مو اول مره يصير هالشي و وايد ناس راحت بسبب سوء المستوى الصحي بالكويت

ان شاءالله ما ننساه بالدعاء

و الله يشفيه يا رب و يرد لكم

مع السلامه

Bin3agul said...

5a6aakum il so mayshoof shar .. w itha allah merhy 3alihum 7e6oola 6ayra 5a99a w safrooh abrak likum men hal mustashfyaat ilzift .. allah yer7aam 7alla maskeeen w i9aber ahlaaa ..

أبو جيج يدور نعاله said...

خطاكم السوء


الله يعينا كلبونا على الوضح الصحى المزرى بالبلد

كل واحد عنده قصة مأساوية عن تعرض أحد أقاربه أو معارفه لسوء الرعاية بأحد المستشفيات بالبلد و كأننا نعيش فى بلد فقير و نشحذ من الخارج المساعدات...

ما أدرى إلى متى سنعانى من تردى العلاج بالبلد...و كم ستحتاج الحكومة للوقت لإصلاحه


مرة أخرى الله يعينكم و إن شاء الله يتجاوز مرحلة الخطر بسرعة

Blog 3amty said...

أدعوله، وأستغفرو، تره الدكاتره والسفر بالخارج وخلابيط ما تسوي شي بدون رحمته، نسأل الله أن يشافيه ويعافيه ويطمن قلب أهله عليه

اللهم آمين

Blog 3amty said...

أدعوله، وأستغفرو، تره الدكاتره والسفر بالخارج وخلابيط ما تسوي شي بدون رحمته، نسأل الله أن يشافيه ويعافيه ويطمن قلب أهله عليه

اللهم آمين

QiYaDiYa said...

لا حول ولا قوة الا بالله ..

الله يشافيه و يقومه بالسلامة يا رب ..

وااايد تأثرت و انا اقرا البوست ..
خاصة لما شفت الصور ..

اول ما قريته ما قدرت ارد قمت من الجهاز ..
:(

مادري لي متى احنا جذي ؟
الصحة كل مالها من اردى الى اردى ..

انا بنت عمي صارت حقل تجارب ..
دشت صاحية و اطلعت مريضة ..
و راحت فرنسا تعالج من الي سووا فيها مستشفيات الكويت ..
عمرها 16 سنة ..
و طالعة الاولى بصفها ..

و الحين بترجع تعيد السنة لانها بس ما امتحنت فاينل ..

الحمدلله على كل حال ..
و ربي يشافي كل مريض ..
كل شي بأجره ان شاء الله :)

Mr. Solutions said...

أسأل الله العظيم رب العرش العظيم أن يشفيك
أسأل الله العظيم رب العرش العظيم أن يشفيك
أسأل الله العظيم رب العرش العظيم أن يشفيك

Manal said...

لا حول ولا قوة الا بالله العلي العظيم

الله يصبركم يا رب

وان شاء الله معافى

لا تنطرون منة الحكومة تسارعو وودوا برة على حسابكم

حالات وايد كان يبيلها علاج بالفترة الاولى من الاصابة
ولما يتاخر العلاج ما يكون في فايدة

الله يساعدكم يا رب

5roofa said...

:'(

هذيي مستشفيااتنااا يزيدون العله بدل ما يعدلونها

الهم اني اسالك باسمك الذي تقوم به السماء و به تقوم الارض و به تفرق بين الحق و الباطل و به تجمع بين المتفرق و به تفرق بين المجتمع و قد احصيت به عدد الرمال و زنة الجبال و
كيل البحار ان تصلي على محمد و آل محمد و ان يفرج عن عمج كربته و يقومه بالسلامة ياااااااارب

ربي يشاافني و يعافي و يقومة بالسلامة يااارب
ماتشوفون شر و اجر و عافيه انشالله

salamz sweetee...

Anonymous said...

:s tn6ron el 7koma tsafrah ? safrooh 3la 7sabkm !!!!! sawolkm 76ya ! =\

Mamloo7a Q8ia said...

يارب تشافيه وتعافيه

رقعوا ايدكم لربكم وطلبوه ما راح يفيدكم الا هو سبحانه

وعسى الله يكشف ضره ويرفع عنه ما نزل عليه ويعجل في شفائه

مالكم الا الدعاء يا ريما
كثروا من الدعاء
وتوزيع الصدقات

Anonymous said...

اخت ريما ليش الطلابه و و وسايط و فلان و علان؟؟!!!
انت تقولين انكم من العوايل الي عندها وزنها بالبلد.... تكفلوا انتوا بولدكم ولا الطلبه و ردونكم مرتيين

DiLLi O MiLLi said...

سأل الله العظيم رب العرش العظيم أن يشفي ضرار
اسأل الله العظيم رب العرش العظيم أن يشفي ضرار
اسأل الله العظيم رب العرش العظيم أن يشفي ضرار
اسأل الله العظيم رب العرش العظيم أن يشفي ضرار
اسأل الله العظيم رب العرش العظيم أن يشفي ضرار
اسأل الله العظيم رب العرش العظيم أن يشفي ضرار
اسأل الله العظيم رب العرش العظيم أن يشفي ضرار

ياااااااربي يااااا حبيبي تقوووومه بالسلامة

Unknown said...

رييما اول شي خطاكم السو انشاءالله و الحمدلله يات على جذيه بس تصدقوا و اجر و عافيه ...
رييما انا كان ودي ما اكتب هالكلام لج انتي بالذات .. انا من النوع اللي ما اعلق فب اي بلوق بس اعتبر نفسي متابع جيد للبلوقات .. بس البلوق مالج بالذات انا ادشله بشكل يومي تقريبا حتى لو ماكو شي بس مهم عندي اتأكد انج مو كاتبه شي ولا لأ .. حتى الوقت اللي سويتي عملية عيونج و انا ادش كل يوم ما قطعت و انتي باسبانيا العام و كل يوم و انا مستمر بهالعاده ... و أزيدج من الشعر بيت ترى انا قاري كل كلمه انتي كتبتيها بالبلوق من اول بوست لين اخر واحد ... دخلت على الارشيف مره و قعدت عليه لين خلصت كل اللي كان طايفني ...
ما أنكر ان في مواضيع كتبتيها حدها ضحكتني و مواضيع حدي تفاعلت معاج فيها و اندمجت و سافرت معاج كل مكان و طلعاتكم و حبيت عيالج و خصوصا اللي مره باس التلفزيون :) و زوجج الله يخليه لج و لعيالج ..

بس اقولج ريما انا منصدم منج ، و صار شي كلش ما حبيته و اعتبرته مادري شنو و كنت راسم صوره وايد حلوه لج بس عقب تعليقج في احد المدونات صدمني و خرب هالصوره الحلوه اللي حاطها لج بمخي .

الموضوع في مدونة ( بلوق عمتي ) اللي كان ان السعدون دخل المستشفى لانه طاح مغشي و مادري شنو .. طبعا الحمدلله ان هالشي مو صحيح و انا متأكد ان اللي كتب البوست كلش ما كان قاصد ان يفاول على هالريال كثر ما ان الخبر ياله و حطه بالمدونه ...

الصدمه كانت بتعليقج !!!! مو معقوله ان انتي تقولين ما فيه شي بس عن الفشله ودوه المستشفى .. فشله من منو ؟؟ و كسر الفقره الاولى بالظهر فشله ؟؟ الريال يا ريما عمره 74 سنه الله يعطيه طول العمر و الصحه و العافيه و يعطي كل اللي تحبينهم الصحه و العافيه بس ان تقولينها جنه طنازه ؟؟
السعدون يا ريما قدم الكثير للكويت ،، نختلف نتفق معاه معاه هذا حق .. بس اتمنى قبل الاختلاف ان الواحد يعرف كل شي او قدر كبير من المعلومات عشان يبني رأيه بشكل صحيح و يكون منصف .
بس مو يقولي والله ان ما يضحك و انه يسبب مشاكل و انه مو حلو والله و انه مادري شنو لأ نبي التقييم على اساس العمل و التاريخ و مقارنته مع اللي تحبونهم .. و اذا ما تحبون السعدون براحتكم و يسلم راسكم و هذا من حقكم بس لازم تنصفونه و هو المطلوب ... له و لغيره

عموما ريما انتي شخصيه مرحه راقيه احترم تفكيرج و هناك اعجاب كبير بكتاباتج و بشخصيتج و حتى تحلطمج يعجبني و يضحكني و اسف اذا قلت كلام ضايقج بس اعتقد ان هذا اللي فهمته من تعليقج عند بلوق عمتي لني اعتقد اني فاهمج ... و شكرا

عموما عشان ما نظلم ريما ترى قالت عن السعدون ما يشوف شر انشاءالله

تحياتي

Anonymous said...

ka 7awala walla '3owata ela belah!!!

alla eshafeeh enshalla wa e6ameen ahala 3alih ya rab el 3alamyin !!!

ma eshof shar esnshalla !!!

Яeema said...

thank you every one
your comments meant a lot to me


allah yeshafeeh ya raaaaab

Flowera said...

خطاكم السو
سلامته
مايشوف شر
الله يشافيه ويقومة بالسلامة يارب

Athoob Alshuaibi said...

سلامات و ماتشوفون شر
و ذنبه برقبة كل من عطل سفره
حسبي الله و نعم الوكيل
توني اشوف الموضوع والله