Thursday, June 26, 2008

annoying comments

بوست حق الويك إند

من خلال تجربتي بعالم التدوين و كما تعرفون مروا علي أشكال و الوان كومنتات

كومنتات تضحك

كومنتات عبيطه

كومنتات حقد

كومنتات ينوووون

كومنتات مالها علاقه بالموضوع ( تلاقونها بالمقالات السياسيه)

بدون الدخول بإحراجات راح أوريكم مقاطع من بعض الكومنتات إللي أقصدها

كومنت رقم واحد:

إنتي وين و الحب وين جابلي عيالج بدال ما تكتبين عن الحب

( ساعات ودي أرد عليه و أقوله: عيالي ما يروحون المدارس؟ عيالي مجابلتهم 24 ساعه هاده حياتي و شغلي و أهلي و أجابل عيالي بس شلون؟؟؟)

الكومنت الثاني:

بدال ما تتحلطمين دوريلج شي تسوينه بدال لفرارة بالسوق و مجابل لبلوقات

( اللي قال هالكلام تحسونه من صجه و إلا أهوا عبيط يعني؟ اللي يضحك بالموضوع إن مو عارف البوست صج و إلا تاليف

الكومنت الثالث:

ليش مواضيعج تافهه و ما تتكلمين جد شوي؟

( إن تشكو هاهاهاها – هذا بلوقي و إلا بلوقك! )

الكومنت الرابع:

(ريما وبوست دينى ؟؟؟
الله الهادى الدليل)

(اشتبيييييييييييييييييي بالظبط؟؟)

الزبده

شنو تحس لما إيلك كومنت مثل إللي فوق؟؟

إذا لقيت كومنت مثل هذيل أرد رد جماعي للكل و أنزل بوست عقبه بسرعه

12 comments:

ام الحفيز said...

ريــــــــم

حبيبتي اذا بتعدين ترى ما رح تخلصين...ولو تشبين اصابعج شموع لهم هم ما رح يرضون خلووووووووووووه تخليهم وياحبهم للدحره...قطيعه تقطعهم
يا ختي طااااااااااااااااف من اقصى الضميري...بلوغج يمشي..والي خبرج ينبح
اهووووووووووو بس عطونا نقازي
ياريم وادي ثقيف لطيف بوستك لطيف ماشفت انا لك مثيل بالنت شكلك فريد وبالنت شكلك فريد
عااااااااااااااااشششو صفقه ويباب يا بنات

Mohammad Al-Yousifi said...

أحمد ربي عالنعمة

Athoob Alshuaibi said...

شنو انغث
و احس بطني يعورني
و أحيانا أسكر خاصية الكومنت على الموضوع
لكن بالنهاية تعلمت
اني اخش هالاحاسيس
واسوي روحي
ماااا افهم شااااااي
و ارد وانا كوووول :P
خصوصا ان كان الرد شكله عادي لكنه مبطن بالبغض
و سبحان الله تحسين فيهم اللي حتى ردهم زين
و مع ذلك اييج نفس عوار البطن لما تشوفين ردودهم لانج تدرين انها مو خالية !

As YoU LiKE said...

ليش حاطة المجهول

صكيه وفكي عمرج :)

واذا وصلت لج تعليقات غثيثة .. حقريهم.

Anonymous said...

افهم افهم!!!!!!!!!!!!!! اووففففففففففففففففففففففف عادي اشق اهدومي وانتف حواجب أي أحد جدامي هههههههههههههههه

من صجي هاللي يقولون جابلي عيالج مادري شيخرفون حدهم اينرفزووووووووون ويــــــــــــــــع!!!!!! ـ
هالكلمتين اللي يقطونها تبين لج مينتاليتي تيبيكال براس انسان امصينننننننن مخ امخرف ومقفول

مالج شغل فيهم كلش
يابخت عيالج فيج اللي مجابلتهم ومجابلة روحج بعد
ليه اكبروا باجر راح يبونج تكونبن مهتمة بنفسج وعايشة حياتج ومطلعة عشان يخاوونج
مو داثرة!!! ـ

ويع حدي امعصبة من هالاهبل اللي كتب جذيه وماقدر اكتب بسرعة نرفزني الكيبورد زيادة ههههههههه

2cool2care said...

انا لاحظت اكثر من بوست اتردين رد جماعي

ريما

ريما

ريما
:)

أول شي ارجوا اني ما اكون من اصحاب الردود العبيطة

ثاني شي

لو اخطأنا في بوست او في رد ما راح نتعلم إلا من مساعدة الآخرين

يعني ردج لي يعلمن اشلون اتعامل معاج وتعلم انا من معاه اتعامل علشان يا ام اني اصعد لمستواج علشان اوصلج وجهة نظر

او انولج لمستواي علشان تفهميني عزيزتي انتي


وإذا خاطبهم الجاهلون قالوا سلاما

الآيه ليس معناها كما يفهمه العامة انج تقوليلهم سلا وتمشين
لا وألف لا
:)
معناها انج اتردين بقول سلام قول طيب قول محترم فهمتيني
هذا معنات السلام في هذه الآيه

ولا تهربين افا عليج ولاتخلين هالأشكال احبطونج
:)
ادري انا مو الشخص اللي تسمعين منه لأني صارلي يومين بالتدوين

بس ارجوا مره ثانية اني ما اكون منهم لاني طلبت منج انج ما تتكلمين بالسياسة وارجوا انج تتفهمين طلبي هناك

والله يباركلج في عيالج وإذا تبين بيبي سيتر تره انا عندي خبره قوية ولا ازكي نفسي على الله

بس الظروف خلتني اعيش مع اعيال اختي

QiYaDiYa said...

النااااس ابداااع !!

ما يخلون احد بحاله حتى بالبلوق !! ;p

اهم شي انج ما تتأثرين !

;)

5roofa said...

وييييييييي

امبيي مادري لوول انا العاده اتخصبق و ماعرف شقوول

و ادري فيني بشك بنفسي بعد

اذكر انا قبل ما اصير خاص لوول عشتوو

كانت تيلي تعليقات تخررررررع على قصصي و مرات توصل لي درجه العيب لوول

فكنت احقر و جنه محد كتب

بس تحسين في ناس فاضيه ملاها الا مداحر الناس

الله يعيينج سويتي

طاف على قولتهم طنش تعش


salamz sweeetee...

Kuw_Son said...

محد قالج فتحيها بحري و خلي كل من هب و دب يعلق !

disable "anonymous comments"

و فكي عمرج

Anonymous said...

على قولة بنت الشامية


الحقران يقطع المصران يا ريما

WajeF said...

أحس بتفاهه المعلق بس
، و إذا مصمم أرد عليه بقوله مو شغلك

صبا said...

طبعا اكيد مو انا

لاني اول مره اعلق عندج

:)))

الزبده الي تعليقه
تافه وتحسين انه يقصد يجرح او يطنز ردي عليه بابتساااامه
:))

او كتبيله
خوش

او طاااااف

احسن يستاهل انه ما تردين عليه
انا حاشني نفس موقفج
مثال
واحد غير معرف قالي
مهزله
رديت وقلتله شكرا
ولا علي البال
هذيلي يبيلهم قلب ما يتعب
وانا اختج
والحقران يقطع المصران

وتحياتي وتقبلي مروري الاول يالغاليه
:**