Friday, August 10, 2007

كنت بالقهوة و هذا كان المنظر إللي مجابلته ما قدرت ما أصوره



الموضوع الحين



الكويتين ربعنا ما إيوزون من طبعهم في فرض الراي على الغير

سمعوا هالقصه أقصد إقروا القصه

:p

إتفقنا من الكويت إن ماكو عزايم غدا كلش كلش عشا و الله يعافيكم متأخر

بال11 أو 12

و إللي ما يبي قهوة و حلو علي المغربيات بال9

رحنا عزيمه الحلو

و كالعادة كل واحد يقول وين راح ويا عياله و شنو شاف

طبعا الأغلبيه العظمي

ينعتون مطاعم و قهاوي

آمنا بالله و قعدت مستمعه

كل ما يسألونا رحتوا؟

الجواب

لأ

هالمطعم؟

لأ

هالقهوة؟

لأ

بإستغراب منهم عيل وين تروحون؟؟؟

ما إتروحين الأماكن إللي نقولكم عنها و إللي ناعتينها ناس؟

الجواب

لأ مع إبتسامه خفيفه

ها عيل وين؟؟؟

أستلم الإستجواب أنا

ريما: والله كل واحد بالحياة له طريقه معينه بالسفر

أنا يايه حق عيالي

الصبح يا بحر يا حمام سباحه 5 ساعات لما ينهد حيلهم

في كلوب صغير حق اليهال يسوون أشياء حلوة

بعد الحمام السباحه والبحر الغدا حق اليهال بالبيت

لأن عيالي إعوب ما ياكلون كل شي

لازم عيش و دقوس!

ياكلون و أنا وزوجي نروح نشرب قهوة وحلو بالست

سبع نمشي اليهال بدون خدم لييييييييه 11

يتعشون يا بيتزا يا جكن نجت يا سباجيتي

يرجهون ينامون

و تبدي رحله المساء والسهرة عندنا

نرجع بالثنتين

أبدل و أستلم القصه و أقرا

أو كمبيوتر ليه 4 الصبح

أحط راسي و أنام

و بس هذا يومي

وحدة من القاعدين:

واااي إغلقه ما تونسون



ريلها رد عليها:

هذا السفر مو إنتي من سوق ليه سوق ليه مطعم جني داش تجنيد مو ياي أرتاح

ريما:

إشلون يومكم؟

من 2 ليه 2 بالليل ماكو قعدة

ومرتي ما إتحب البحر ولا حمام السباحه تخاف تصير سوده

ريما:

ماكو قعدة بروحكم؟ ماكو سالفه ؟

الريل : لا والله أقولج تجنيد

يبيلي رحله بروحي بدون هاللويه

رحلة راحه و إستجمام





إللي بوصله الحين؟ صج والله ليش حرام الواحد يقعد يقرا بسترخاء؟

و إلا يقعد يتكلمله كلمتين بدون لويه الناس ، قعدات تحدد المستقبل ،ورانا عيال

يبون عنايه و تخطيط لراحتهم

مو لهطه لهطه

و خصوصا إللي قاعدة وياهم من عمر الدنيا هني و كل سنه هني

ليش الواحد يبهذل عمره علي أبو عطله؟

مو لازم أشوف كل شي

مو نهايه العالم

قاعدة أكتب البوست و عيالي في عيونهم الفرحه ليش نازله مجابلتهم بالحمام السباحه

هذي وناستي

و إللي دازتلي مسج من الكويت تقوللي بسج بوستات

أقولج

أنا مدمنه نت ما أقدر أعيش بدون بلوق و بوست الحين

هاهاهاهاهاهاها

تعايشوا مع الوضع

Miss you wayid entay we3yalich :p



ممكن سؤال؟

إللي يدش نت بالسفر فيها شي بعد؟

هاهاهاهاهاهاها













10 comments:

hamdool said...

بالنسبه للدخول للنت
والسؤال الأخير

إي فيها أشياء
لأنها تلهي
وحرام السفره صغيره

واللي قلتيه في البدايه وايد
حلو وأموت عالإسترخاء

أدري إن الواحد لازم يسوي
الشي اللي يحبه
وإذا علينا إحنا نحبج
وكلنا ودنا
تتمين معانا وما تفارقين
اللاب توب بس لو مكانج
ما أسويها

يعني أطلع وأستانس وأرتاح
مع أهلي وبوقت الفراغ أروح
أكتشف المكان

والله لاحقه على النت


وااااااااااايد مستانسين
لأنج مستانسه

:)))))))))))))))))))

MANAF said...

ريما

اضمم صوتي لصوت صديقي


hamdool

:)

وعليج بستين عافيه

بانتظار رجوعج لارض الوطن

والله فاقدينج من زمان مو معلقه عندي

Kuw_Son said...

ما فيها شي يا ريما و اخذي راحتج يا أختي ..

أهم شي وناستكم و عيالكم :)

تردون بالسلامة :)

charisma said...

مساء الفل يا عسل

والله انا يكسرون خاطرى الى ما يعرفون يستانسون بالسفر
تمر الايام عليهم بس يفكرون بالسوق وبالاكل وعيالهم
ما يعرفون يقسمون الوقت كلش كلش

والنت اصلا حلو بره اينن
مودا احلا مع كسر الروتين
ومنظر حلو جبالج
يا سلالام

اذا فى فراغ ليش لا

:**

بو حامد said...

الله يخليلج عيالج ، والله يكثر من حريم الكويت الي نفسج ان شاء الله .

المره اليايه قوليلي خل نيي وياكم نعلم بعض الناس شوي .

PearL said...

السفر تغيير جو

وبصراحة استغرب من الناس اللي يقضون سفرهم يا مطاعم يا سوق


احس كلش ماله داعي


وبالنسبة للنت بالسفر مافيها شي كلش دام انج ماخذه راحتج هناك و ما وراج رحلات و لوية

بس انا احب ان اعطي السفرة حقها

حتى التلفون ما احب اخذه معاي

احب انعزل عن الديرة واخبارها

5roofa said...

madry ya3ny ana bel safra a7eb ansa kel shay beldera o a3esh jaw el dera ele ray7tlaha.
wanasa tro7en mkan ma t9adfen waala tsolfen ma3a nas t3rfenhom no3 men el t`3er

el manthar 3ajeb alah ehanej
o e5aly ur kids 2

salamz....

Яeema said...

يا جماعه النت عندي مثل التلفزيون
هاهاهاهاهاها
والله بدون مبالغه


أحترم و أشكر تعليقاتكم الحلوة

vancouver said...

ريما
الناس فيما يعشقون مذاهب

انتي وناستج بهالطريقة
ووناستهم بطريقتهم
ماكو قاعدة حق هالشيء


انا احب انه كل واحد يسوي الشيء اللي يريحه
مو عشان الناس والمهايط بس


فاييدج وسوي اللي يونسج
ويونس عيالج


واشعليه انا من الناس واشعلى الناس منيييييييي


:)))))

2 u ALL said...

عدل كلامك السفره للراحه والاستجمام ..!! مو حق اللويه والهذره ومجاملات وعزايم وتشوف ناس كل يوم أتشوفهم بالكويت ..!! ودخول النت بالسفر نوع من أنواع الأستجمام على شرط ما يأثر على راحة ألي معاك ..!! عدل ولا لا....!!؟