Saturday, August 11, 2007

دشينا جمعيه كبيرة من طقت كارفور

كل الأماكن زحمه و من بين الكاشيرات أشوف واحد تقريبا فاضي

طرت و رحتله

مع لويه اليهال و كل واحد تالني من صوب

و إلا الأخت تقولي أي نوع جيس تبين؟

بو 70 سينت

و إلا بو 15؟

هالجمعيه أذكر زين إن جياستها ببلاش؟؟؟

ليش اليوم بفلوس؟

عشان عطله؟

المهم قتلها عطينا بو 15

و بين هاللويه

قعدت أنا أتحلطم بالكويتي

علي الجمعيه

الحين هم دافعين و هم يبيونا نشتري لجياس؟؟؟

و إلا أسمعها تقول بالأسباني

بيرسوناز لوكو !

أنا سمعت هالكلمة و عينكم ما إتشوف إلا النور!!!

جان أستعيد أمجاد ماضي دروس الأسباني!

سينيورا!!!

yo no estoy loca!!

يعني أنا مو مينونه

usted loca!

إنتي المينونه

yo hablo español

أنا أتكلم أسباني!!!

أنا من قلت هالكلمتين

لقيتها إتأسفلي

و بعدين قلبت إنجليزي

قعدت أقول

ناديلي رئيسج

هذه معامله تعاملونا فيها؟؟

إختبصت و إعتفست علي

و قاموا عطونا لجياس كلهم ببلاش

من الوناسه جان أقوم ألتفت علي وراي و إلا زوجي

قتله شفت شلون فادني الأسباني

هاهاهاهاها

لجياس طلعوا ببلاش

;)



بقولكم سر محد يعرفه إلا إنتوا الحين

بالكلاس ما علموني لوكا!

كنت أموت علي أغنيه جينيفير لوبيز

Aint it funny

و إذا رحتوا علي أول بوستاتي بتلاقونا هناك

أول المقطع تقول

Estoy

Loca

يعني أنا مينونه فيك



من هني عرفت معنى الكلمه

هاهاهاهاها

المسكينه مالت الكاشير لو مستخدمة كلمه ثانيه جان عبالي مادحتنا

هاهاهاهاهاهاهاها

حظها أقشر

Loooooooooooooool







12 comments:

What Will Be , Will Be .. said...

loooooooooooooooooooooooooool

hahahahaahahaaaaaaaaai

wanasa chketeha .. o wanasa il cheyas ibalaaash loool

la nefa2 il spanish class

3afya 3alech ya senyora ;)

PearL said...

looool

حلو الواحد يتعلم لغات وايد
عشان تساعده بهالمواقف


المشكلة لما غيرج يفهمج

وانتي تتكلمين عربي بمكان بدولة اجنبية

:) وايد تندقرين
صدقيني وايد مجربتها

يبطون جبدي لما يبونا ندفع عشان الجيس

صج احنا بالكويت عزز .. كل شي ببلاش
ولو تبين جيس زيادة يعطونج 10

Mr_CHoCoLaTe said...

ههههههههههههههه

حظها اقشر الكاشيره

قلعتها محد قالها تتحلطم هي هي

بو حامد said...

loooool

قالولي تبي تتعلم انجليزي اسمع اغانيهم ، لكن ويييين اتعلم .

شكلي بدوره اسباني وياج من القهر :)

charisma said...

loooooooooooooooooool
hehehhehehhehehhe

wlaa menty haynaa lol

wlaa 3ad kent bgolech haa shlon el aspani m3aach , 3sa ga3da etqawen el lo`3aa aw etekalmen aspani e6bqen ely drsteeh


hehhehehheehhe

2 u ALL said...

أيوه يا ريم يا أسبانيه أنتي ..!! زين سويتي فيها ..!! ما شاء الله عليك "سبعه"..!!؟

vancouver said...

تعجبيني يا ريما
يا بنت ام ريما

;)

زييييين سويتي فيها الدايخة
واحلى شيء انج عرفتي اللغة
حلو الواحد لما ما يحس انه اطرش بالزفة


اتصدقين عندنا جمعية واحدة بمدينتنه تبيع الجياس
لييييييش ??
لانه بضاعتها ارخص من الباجي

وهم ما احب اتسوق فيها!! ما احب لما اشتري
تقولي الكاشيرة
جم شيس تبين ??شني اطر منها


الجمعيات الباجية ابرك
لو انها اغلى بشيء بسييييييط

.

Kuw_Son said...

ha ha ha haaaaaa ..

من تعلم لغة قوم .. أمن مكرهم !!

nice said...

منتي هينه اخت ريما
عرفتيلهم
بس عندس سؤال
بالاسباني شيسموووونه
:)

عثماني said...

عفية على اخيتي

hamdool said...

hehehehehehehehe

الله يجيسهم
وزين تسوين فيهم

;p

عاشوا أهل الكويت والله

HEYYYYAAAAAAAAAAAA

Shaima'a Alkandari said...

ياعيني عليج ياريما ويازين سالفتج

صج ضحكتيني وانا قلت ماهي هينه تعرف لغات

بس زين تسوين صج مرات الواحد يبيله يعرف جم كلمه