Friday, August 17, 2007





من يوم أنا صغيرة دايما تكون لي طقوس معينه أسويها عشان يومي يمشي حلو

بما إني بنت وحيدة بين شباب فماكنت أندمج وياهم ولعبهم

يوم دخلت الجامعه تغير الروتين و صارت القهوة الصباحيه جزء لا يتجزأ من يومي

لأني أسهر بالليل

أتعسر صج مو قشمرة إذا باليوم ما شربت علي الأقل ثنتين

مع القهوة لازم موسيقى هاديه أو هدوء صامت

ما أحب أهذر

ولا أشتغل

إلا لي خلصت منها



أول ما تزوجت أشوة زوجي نفس الشي زقارة و قهوة و محد يكلم الثاني

بالسفر نتجابل أكثر من الديرة

بحكم إختلاف مواعيد الدوام



ليش قاعدة ألبح الحين؟

لأن أول مرة أشرب قهوتي من طبيت بدون لبحه اليهال الله يحفظهم

بس مو الصبح الحين

الساعه 4 الفجر

لذيذه

تجنن

ويا الجو الحلو

مودي رومانسي

ولهت على إني أكون أنثى

أتكلم بلغه الحب

إحساس العاشقه

إحساسي بأني حرة

أملك الكون كله



شعور غريب ما ودي أطلع منه



بس دايما هالشعور ينكسر

بصرخه أولادي

يووومااااااااااااااااااااااااا

طقني !

ماكو بطاريه حق الآي-بود

إشتريلي

أبيييييي



ما إييلكم شعور إن الراحه ساعات بعدم الإستقرار...

أفكار عقيمه بداخلي

أقول دايما

ليش أنا ما أعيش بدون قيد

متى ما أحط راسي أنام

مثل أمس

تعبت الساعه 8

نمت لي العشر بالليل

قامت القيامه عندي بالبيت

لأنا كنا عازمين ناس الساعه 11 على العشا

عادي تو الناس

ماراح إتييلج النومه بالليل

شنو يعني؟

عنها ماياات

هاهاهاها

بطاليه ما وراي دوام ولا شي

ساعات أقول

ليش إنقيد نفسنا يأمور إعتادوا الناس يسونها

مو شرط إتيوزلي

أحب السهر

مو عشان تزوجت لازم أنام وياهم و أقوم وياهم

لي مع الليل صحبه

كتبت أجمل ما عندي في الليل

خططت لحياتي في الليل

بكيت لوحدي بالليل

شطانتي و لعبي كانت كلها بالليل

أنبت نفسي و أحاسبها بالليل

جاهدت لطموحي بالليل

مارست أمومتي والسهر عى أولادي بالليل

هو جزء من حياتي

لا يستطيع أي مخلوق أن يحرمني منه

فهو صديقي

وكاتم أسراري

و حبي

وعشقي

وجنوني

لن يفهم معنى بوستي إلا إللي يحب الليل







20 comments:

Reflections said...

ana amoooooooooot belsaharrrr o amooooooot bellaaaaaaaail

sehraaaaaaaaay o enbas6aaaaaaaaaay

o seeraaaaaaaaaay o ana weyach lol

fahmeetech 3al aaaaaaaaaakher

charisma said...

مساائوووووووووووووووووو

احب الليل
اعشق الليل

وايد امور مشتركه بينى وبينج

لا تلغين اى شى انتى اتحبينا

اهم شى لا اتقصرين بواجباتج تجاهم

وبس رايتج بيضاا

عيشى حياتج بالشكل الى انتى احبينا ولا عليج من احد

اقرى البوست واقول اي والله

لووووووووووووووووول

حبيبتى انتى
:**

وبوستج الى قبل
التاج احسه حلو علييج
اخذيلج واحد
:*

Reflections said...

تذكرت اغنية دايم ادندنها

"أحــب الليـــــــــل
يذكرني بـــك حبيـــــبي"

Purplecious said...

أحب الليل بس ما احب السهر وايد
لأني مثلج أتعسر الصبح

حلو الواحد يتمرد على النظام من حين لآخر و يتحرر من هالقيود اللي تربينا عليها

الاطفال يحتاجون النظام و الروتين
بس هل المفروض هذا النظام نعيش عليه طول عمرنا
!!!!

أمي كله تزفني اذا سهرت
اذا ما فيني نوم و ما عندي دوام شسوي يعني
!!!
تتحول المسأله الى عناد
ههههههههه


بعد عندي حجي بس ماني قادرة اعبر

QiYaDiYa said...

ايي والله محد راح يفهمج الا الي يحب الليل ..

كلامج 100% صح

انا بعد عندي طقوس خاصة بالليل ..

احب الهدوء فيه ..

طول اليوم كل شي اسوي ..

بس يصير الليل ..ستوب !
هالوقت حقي ..


من و انا صغيرة ماحب انام عند احد عشان هالشي ..

و كبر معاي لي الحين ..
لاحد يقولي نامي عندنا استعسسسسر ..

بنات عمي ليلحين ينامون عند بعض الا انا..
اذا قتلهم هالشي ما راح يفهمون ..
فاقص عليهم اقولهم ابوي ما يرضى ;p

دمتِ محبة لليل ;)

7osen said...

انا فهمتج

لأني أحب الليل


الليل يطلع كل شي في داخلنا

يخلينا نعرف نفسنا عدل

Shaima'a Alkandari said...

طالم انج معطيه كل شي حقه فخلاص استانسي وعيشي ليلج اللى بتخلينه حقج

والليل آآآآآه يالليل

ولليل سكون وفيه راحه

حلو ان الواحد يختلي بنفسه لوقت حتى لو كان قصير
يبتعد عن اللى حواليه ويعيش ساعات لنفسه

والله يخليلج زوجج وعيالج

Tekana said...

احلى حياة حياة الليل..تحس فيه بالخصوصيه والراحة وانا مايبدي نشاطي الا بالليل وكل شي احب اسويه بالليل .. ماحب النهار والقايله

فراوله said...

مساالورد والجوري
غاليتي ريما
أكيد بفهمج عدل
لأن الليل بالنسبه لي صديقي الصدوق
اللي مايفارقني
بكل لحظة من لحظات حياتي
لي معاه احلي واغلي الحكايات
الله لايحرمنا من هالشعور الجميل
دمت بحب وود
ابدا
:)

D said...

Reema.. ana takh6ee6i lil mustaqbal killa ye6la3 billail .. my brain functions better! te6la3 afkaar 3ajeeba o khe6a6 wala arwa3

a7ib as'har.. 7ata lo agoom embachir elseb7, ham as'har
a7ib ellayl o il hodoooo'

sehray dam ennich ib ejaaza! eshwaraaach laa7ga 3al dawam o gomat il sib7 ge6ee3a

5roofa said...

anaaa b3aaaaaaad amoooooooot bleel o etha kan 3al ba7aar ma3a hawa baaareeeed o bedee baskiin

aw bel syara 3al ba7ar o bara mo6ar belel ma3a baskiin

lool el baskin shya sasy blel lool

waaaaaaaaaaay jad shawgtene 3al lel loool 6b3an hathe a7laaam ma btet7agag lana mosta7el bdertna bent tro7 bro7ha blel loool

thanks 3ala el sweet post

hope u enjoy the rest of the vacation

:D

salamz...

nice said...

عيشة الليل خيال وعيشة الصباح واقع
والتخطيط في اي وقت صبح او ليل بيتنفذ صباحا والتنفيذ اهو المهم
لانه بنفكر وايد وننفذ قليل
وانا من انصار قليل من الليل وكثير من الصباح :)
على حسب

جنون إحساس said...

واي أقرى وآنا مستاانسة
انتي مثلي بالضبط
لازم القهوه شي ما يتجزء من حياتي
والليل سالفته وياي سالفه
ما احب اطلع غير بالليل ما احب اسولف الا بالليل

الليل كاتم اسراري ويفهمني
منه استوحي كل شي جميل اسويه


بوست مميز الصراحه حدّه دش مزاجي

MANAF said...

ذكرتيني بـأغنية نوال


أحب الليل

يذكرني بحبيبي

:)


..


كنت اقدم برنامج

بالمرينا اف ام

اسمه كلام الليل

يا ريتج لاحقه عليه

جان كل اللي بخاطرج

تسمعينه

بصوتي

:)

احم احم


..

شوفي البوست اليديد عندي

انشالله بيعجبج

qesat_5ayal said...

فاهمتج
لأني منهم
أحب الليل
والليل يحبني


فكرتوا مرة
الليل يحبنا ؟

يكفي يضمنا
يفهمنا
لنفهم نفسنا


عطلة سعيدة لج

hamdool said...

;)

إحنا بتوع الليل وآخرو

hehehehehehehehehehehe

اللي ما يحب الليل هذا
أكيد إنسان دايــــــخ
وبينـــــــــــــــام


بوستج طويل بس حده يشوق
و ما ودي يخلص .. إسلوبج
حلو في الكتابه وتفاصيلج
دقيقه تساعد على توصيل الفكره

بس ما فهمت أول 3 سطور
وشالعلاقه بين الشباب
والقهوه الصباحيه!؟
____________________________
من يوم أنا صغيرة دايما تكون لي طقوس معينه أسويها عشان يومي يمشي حلو بما إني بنت وحيدة بين شباب فماكنت أندمج وياهم ولعبهم يوم دخلت الجامعه تغير الروتين و صارت القهوة الصباحيه جزء لا يتجزأ من يومي
________________شكو!؟__________


عاد اليوم آنا نمت
بال10بالليل وقعدت 12 بالليل
;p

شحقه خاب عمري ونايم مادري!؟


الله يخلي اليهال وأبوهم
ويرزقكم السعاده والصحه
على طول يا رب

Яeema said...

relection
hehehehehhe

ashwa fe naas nafsy !




charima

مساااااااااووو حلو



حتى لو بقصر
محد كامل
بس قولي لا أزيد الجييييله

هاهاهاهاهاها




عيش أيامك عيش لياليك
خل شبابك يفرح بيك

الله يحفظ شباب روحنا




purple


عبري حبيبتي إنتي
المكان مكانج

دشي بالليل و عبري

هاهاهاها

أن أمي لي الحين تقوللي
بسج سهر

أقولها إنشاء الله

أحلا كلمه

;)






qiyadia

hehehehehehhe
أنا إللي كنت أنام عندهم همن سهاريه لي الفير


الله يوم كنا صغار و تطلع الشمس!؛

إنجاز عالمي



الليل و أصحابه
يا حلوكم
;)




7osen

عدل كلامك

أحلا شي لما تقعد ويا نفسك




shaima

لا والله تبين الصج

ماني ماكينه
أكيد بكون مقصرة

بس مو مهمله
بس شنو مقياس أعطي كل شي حقه


الإنسان ا يقدر


بس في أشياء نسويها تعطينه راحة البال

الله يعطيج العافيه على الدعوة الحلوة






tekana
شي واحد أسويه الصبح

أروح الدوام

بالصيف كل مواعيدي بعد المغرب






فراوله

مساء الفل والياسمين إللي قاعدة أشمه الحين و أن قاعدة أرد عليج


قلتيها توج
الليل و حكاياته

;)

دمنا جميعا بحب




d


9ajja walla

الهدوء وراحة البال
والله حتى الأغنيه تسمعينها غير
الكلمات تقرينها غير

welcome to the new world ;)



5roofa

مو شرط الواحد يطلع بالليل عشان يستانس

كافي برمضان أحلا شي السهر


بيني و بينج السهر بالكويت غلقه
هاهاهاهاها

أشكال تطلع بالليل الله لا يوريج

إنشاء الله الله يرزقج بواحد يسهر
بمرت ملك يا رب

معنه ما أعتقد اكو ملائكه بأسبانيا
كل شياطين متربصه
هاهاهاهاهاها

Яeema said...

nice
أنا أكثر وحدة أخطط و ما أنفذ
هاهاهاها

قليل من الليل؟؟

إنشاء الله بسمع كلامك
راح أنام مبجر

أحب أسمع الكلام

و بعدين مو جنه الحريم في ناس تخطط و إتنفذ لهم؟؟

أنا من هالأنصار

إنشاء الله و بس
هاهاهاهاها





جنون إحساس


على كثر ما السهر مضر
أنا أحسه شي مفيد حق الروح لليوم الثاني

و لا لما تكونين راضيه عن شي سويتيه
و إلا ضبط شي براسج

الله

يكون التفكير بعيد كل البعد عن التشويش الخارجي







manaf

الله على الإختيار





مناف!!!!؛
إنت مذيع؟؟؟

وي وي
ما يصير إنكلم مشاهير

و في مارينا أف أم؟؟؟




و عن بوستك
الله يهداك بس شسويت فيني؟؟


بهديه حق أحد في بالي

;)



qesat 5ayal

الصراحه لأ
ولا مره فكرت إن يحبني؟؟

تعبيرج حلو

الليل يناغيني

و هذا أحلا ما فيه






hamdool



تعليقك قاعد ترفع و إترد تجبس مرة وحده
هاهاهاهاهاهاهاها


لو أقولك شقصه المقدمه بتضحك

بس خل الطابئ مستور و عدها من المقدمات الدايخه إللي مروا عليك

هههههههه


يوم كتبت بقيت أتكلم عن مزاجي بالقهوة
و فجأه طلع البوست عن الليل




عدل كلامك

ما عدلت المقدمة لأن كنت مطرة إني أسكر الكمبيوتر و أطلع


فضايح إنت







حمدول
يبيلك قلب ما يتعب

مرة ثانيه بتعب على المقدمه

هاهاهاهاهاهاهاها


و ما قصرت على لكلام الحلو إللي قلته بحقي






دمت بسهر و ليل و حب

|:| DUBAI |:| said...

منهم أنا ;)

بس الله يغربل الشغل ..غير كياني !!

Angelic said...

وايد عجبني هالبوست
واكيد البلوق بكبره :)
احس وايد افكارج قريبة من افكاري
وبشكل غريب

احتمال كونا نساء

الليل اجمل ما فيه السكون و الراحة

واجمل ما في السهر .. الخروج عن الروتين

وأجمل ما فيه الحياة .. أنه نعيشها مثل ما نحب بدون ما نعور راسنا بالي يبيه الغير .. أعتقد هي حياتنا مو حياتهم

بس طبعا اكيد في حدود المنطق و المعقول

وبالتوفيـــــق دايما :)