Friday, August 03, 2007





لازم الكل يعرف إن الجو بالنسبه حقي يشكللي 90 بالميه من وناستي بالسفر

و إذا الجو حلو ما أحب أسوي شي ثاني إلا إني أستمتع بالجو

من 15 سبعه لي الحين ما طبيت السوق حقي

أصلا السوق 70 و خمسين بالميه تنزيلات

و بعد جم يوم قاعدين ينزلون البضاعة الشتويه

وين المشكله الحين؟

ربعنا الله يحفظهم

أنا السنه بس قمت ألاحظ تصرفات الناس وياي

بشوف أنا إللي فيني شي و أهما؟؟

كل ما إنسلم علي ناس

أول سؤال يسإلونه

وين إتغدون و إتعشون؟؟

ترا المطعم هذا فتح

و هذا أكله حلو

الواحد بالسفر من الخرابيط إللي ياكلها ليل نهار بس وجبه وحدة رئيسيه و أهيا العشا

بس الناس اللهم يا كافي دق بهالمطاعم إنتقام

لا وفي تحدي منو إللي يكتشف مطعم زين

و تخصصه شنو

و يفتحولك الأجندات و شنو تطلبون

أنا بيني و بينكم إتييلي الضحكه

لأني أروح حق هالمطعم

الصراحه تلاقيه لوعه

و إللي ناعتلك إياه أصلا ما يعرف ياكل

و إلا محل بيتزا أطلب عنده مرقه ماسالا؟؟

و إلا همبرجر؟

وين التخصص يا جماعه؟؟





17 comments:

What Will Be , Will Be .. said...

Gooooooood MoooooorNinG

miss you 2 .. :))))

wallah ana mn il nas ille y`62foon bil sfar..

o 3la goltich wajba w7da ra2esiyaa

amaaa ms2alat inna kil wgtee m6a3em @@ fa ag3ad bil q8 akthar dera feha m6a3em

shloon iljaw .. ako bredat bil lel wela la ?

ma3azamty 3la barcelona?

ana cancel this year mn `3er shar ..

wallah istaaaaaaaaaaaaanast lma shif il posts .. wel comment 3endi .. waaaaid istanast ..

treden bil salama in shallah :)

بـركـــــان said...

أعتقد ان اتفق معاج في قضية الجو .. و لو ان المطاعم شئ مهم .. احب اجرب شغلات يديده .. مطاعم اثينتك مو موجوده الا بهل المكان و هلم جر .. بس مثل ما تفضلتي ما اخليها شغلي الشاغل

بركان ثائر

Bin3agul said...

Wback .. ana tawny ashoof ina raditay taktben posts .. bedaitay etmleeen w etshen internet ? :P

5roofa said...

akeeed el jaw aham shay ma tshofena bel kuwait men kether ma jawna swesri kela neth7ak o matlgen kuwait m3a9eb wela metnarfez :p
loooool

o 3al akel ya3ny bel dera mashala e7na bs nakel o ham bara ba3ad???
ya3ny mo m3gol ena kel shay met3aleg bel akel shfeha el tofa7a sh7alata tehabel :D

nice post o enshala u have fun

salamz...

عثماني said...

مساج الله بالخير اخيتي ريما

حبيت بس اسلم عليج

استمتعي يا اختاه

Mohammad Al-Yousifi said...

انا بالسفر من أنصار الون ميل أ داي

و اذا الفندق يعطينا ريوق بو بلاش نخليها ريوق و عشا

منها رخص و منها تخفيف

Яeema said...

what will be will be
7ayaty entay
الجو عجيييييييييييييب
بني و بينج ودي أرجع اليهال و أكمل أستمتع بروحي
هاهاهاهاها

حركتنا بطيئه شوي

إللي بالمشوار نسويه 4 مرات ويا اليهال طلعه وحدة من الأربع لييييييييه 11 و نرجع
نبدل و نرد نطلع عشا

بس هالعزايم إذبحتنا
وقفنا نقول شبعانين
هاهاهاها
و إنجيور و نتقلقص بمطعم ثاني

بريحاتنا








بركان

صااااج والله
حلو الشي اليديد
و إللي أحلا منه الأكل بالهواء الطلق

عموما في هالبلد كل اللحوم المشويه
و خصوصا اللحم الأرجنتيني عجيب
وايد أكو أماكن حلال الذبح فيها







bin3agul
هاهاهاهاها
لو يايه بروحي من غير المزاين عيالي إللي يخلوني غصب أدش النت
لأن عندي وقت فراغ شوي
جان وريتك
أصلا بهالديرة حرام الواحد ينام

الأوادم ما تنام!؛


هم عيالي تعبانهعليهم ما أقدر أهيتهم بأنصاص الليالي
هاهاهاهاها


ما تبي إتيي تقعد عندهم بيبي سيتر؟؟؟
بروح مايوركا!!!!؛
وإللي يسلم

هالحزة مع قهوتي الصباحيه قاعدة أرد عليك
;)





5roofa:

eeeeeeeeeeeeeee
eeeeeeeeeeeeeee
walla 9edagtay
ana ehny ez3aaaaaaaaaaaaaaj
3ady ebtesamty full of my face
coz elwaha jameel

3araft el nafseyat leesh cool here






عثماني

فيك الخير أخوي

صبحك الله بالخير







كلا مطقوق

غلطاااان
هاهاهاهاهاها


ريوقنا ببلاش بس ما أقوم حزت الريوق
هذي المشكله

عيالي يتغدون هالحزه و أنا أتريق

Kuw_Son said...

اي نعم اي نعم .. أهم شي التخصص يا طويلة العمر ..

كل شي ولا أحد يتكلم بمجال غير مجاله .. خصوصا الأكل
:P

عليكم بالعافية :)

الحجـــيّه said...

السلام عليكم جميعا

صدقتي والله يالريم العالم بالسفر يكتشفون معالم جديده يشوفون تراث البلد و طبيعتها بس مع الاسف ربعنا
بس مشفوحين على البلعه وبس
ولا في شي ثاني فلانه شلبست وعلنتان وشحطت

SHAHAD said...

تصدقين ولهت على بوستاتج
قلت خنشوف يمكن ردت أو شي
.
.
وصاجة اهم شي الجو الحلوو
علييج بالعااافية

Bin3agul said...

HAHAHAHAH FUNNY ana baby sitter.. ana fee rboo3 swiss now kil yoom 6ag il sayara ma3a rab3y w ray7 man6qa yamna .. akl w mar3a w ilit 9an3a .. mashroo3 bgara fashel :P.. w have fun eb Majorca

الباسيه said...

اشفيج ريما اول مره سافرين ؟

مخترعه..من اسبانيا فشلتينا
جدام البلوغات الخليجيه
يعني لو ديره مثل باريس وتصفين لنا اونيل 4 سيزون
او سويسرا بالبوريفاج لوزان

على بحيرة الليمان
جان اشوه اترقع
جدام الخليجيات
الله يهديج بس
اسبانيا اشفيها
كل قهاويها عبي وبراقع

بعدين سكري البلوغز ورحي ارتاحي

مع عيالج مجابله
هالنت .. الظاهر طاقه جبدج
من الحر والرطوبه
والله انها نصيحه من القلب
لا تزعلين
انا ما اعرف اجامل
مع الف سلامه
ومعزه

Shaima'a Alkandari said...

الجو بديع

الجو اكيد يغير بالانسان

وعن نفسي لمن اسافر اولويات اهتمامى السياحه والتجول بين الاماكن وبعدين ايي الاكل والتسوق اخر جم يوم وبس

hamdool said...

عليج بألف عافيه
سينيوريتا

:)

صج فاقدينج بس لاحقين
قعدي مع عيالج
وإستانسي وغستمتعي بالجو
وييبيلنا معاج نص تولة براد

nice said...

عليج بالف عافية
ايه احلى السفر الجو
مشكورة على توضيح المطاعم والفنادق علشان تخلينا عايشين معاج
ولا تنسينا بالبوستات علشان نعرف خبايا الديرة
تسلم ايدج والي تكتبينه
والي مو عاجبه المكتوب يصطفل

Яeema said...

kuwt_son

طافك الإيراني أمس
هاهاهاهاها
عازمين ناس ولهانين علي لعيوش

درناه شااي أخضر الساعه 2 بالليل
هاهاهاهاه






7ajiya

أقولج شي
هذا إللي يميز هالديرة
ما تشوفين ناس أوفير

كل ما ننعت الديرة حق ناس إتغير نظرتهم لها

إهيا ديرة بساطه و تمشي و بحر و ليل





shahad

بيني و بينج
من هالديرة ما ودي أرد
بس رديت بالنت شوي
أشوف أخبار أحبابي البلوقيرز

الله يعافيج حبيبت قلبي



bin3agul

hehehehehehehe

tokfa ta3aaaaaaaal eheee
damik 3ezaby
heheheheheh
walalma etrid

a9lan ma te9la7 ella 7ag shabab
loooooooooooool

sa3at atmana akoon 21 y/o o e9bay 9ayi3 o ghany

i rent austen martin o gaaaaaaaaaz





الباسيه

عزيزة و غاليه

مرورج و رأيج أسعدني

بس ترا بشلخش بأسبانيا
هاهاهاهاها
لأني أحبها من سنين
سويسرا قمته بالنسبه لي

أسبانيا فيها روح الشباب
و هيصه ليل و نهار

و بعدين أنا قلت
إللي يمسكلي عيالي باليل و الصبح
والله مستعدة أدفعلج إقامة و سكن و تذكرة
و هذا ويهي جان شفتيني شابكه

بس شسوي مابيدي حيله
الحين اليهال بالحمام السباحه
و تدرين ما أقدر ألبس مايوه عيب
فمجابلتكم



;)

يحلوكم ربعا ما تعبرون علي الضغط

والله أنا ما أستاهل

هاهاهاهاها



ممكن سؤال؟
أنا أكتب حق نفسي و إلا حق البلوغان الخليجيين
هاهاهاها


ممكن تسويلي واسطه عند البلوغات السعودبه يأجرولي قصر اليمامه ووياه اليخت مال سلمان بن عبد العزيز؟؟؟


أسبوع بس والله مو أكثر

هالسنه فقدنا الملك
من رواد أسبانيا ترا
مو رواد فرنسا و سويسرا

ليش؟
يعرف يعيش الله يرحمه

أنا نفس الملك
مابي إلا أسبانيا
هاهاهاها
عاجبكم جابلو بلوجي
مو عاجبكم
صطفلو

هاهاهاهاها





shaima alkanderi

والله سكتي ميته أروح قرطبه و غرناكة و أشوف قصر الحمرا
من الثمانينات بأسبانيا ما فكرت يوم أروح

كل ماكو وقت
كل لويه
فخ نوم

هالرحلات لازم الساعه 6 إنتي عند الباص



hamdool

ما تفقد غالي إنشاء الله
إللي هذا الكلام إللي يوس الصدر
هاهاهاها
أييبلك براد و سنيوريتا معاي تقز فيها بالكويت
هاهاهاهاها

أنا راحت علي سنيوريتا
صرت سنيورا بس
:p





nice
ختامه مسك و عنبر وياك حبيب قلبي

إنت بشلخك و بتشيحط عليك و بأذيك و بخلي دميعاتي تبطبط علي خدي
كل ما قتلي حر عندكم
هاهاهاها


أما خبايا الديرة ما تنقال يا ناااايس
هاهاهاهاهاها

خل الطابئ مستور
إنت بس عسني بين فترة و فترة

أخاف أهاجر للأبد إهني
توني قاعدة أسأل أكو مدارس أمريكيه عشان عيالي يكملون فيها

للأسف قالوا لأ
أكو إنجليزيه

ودي ودي
إجازة 4 سنين بدون راتب
رعاية أسرة


ليس كلما تمناه المرؤ يدركه
آآآآآآآآآآآآآآآآآآآخ يا قلبي

أما إللي مو عاجبه أنا مسوى بلوك من زمان
مو من إهتمامتي بهالدنيا

بس واجد إكرام الضيف بالمكان

;)

U_SF said...

عليكم بالعافيه يالسهيتشات :PpP~

بس الجو مو أحسن من جو الكويت ترى ..

عالأقل هني نقدر نتسبح بالبحر ..

هناك وين تغسلون ايدكم بالليل وتقعد اتمشّق عليكم وفازلين ولويه شالله حادنا لوووول :))

ترجعون بالسلامه انشالله ^_^