Thursday, August 23, 2007





في كلمة تقرقع بقلبي ميخالف أقولها؟

عن إللي يكتب عن حياته الخاصة مثلي

وصلي إيميل ما بقى مسبه ما قالها

ما بقى كلمة وطنازة في قاموسه ما إستخدمها

طبعا ما رديت عليه و حطيته بلوك

يعني ما يدري إن أول ماكو مدونات إنتكلم فيها عن حياتنا؟

و إشعرفك أنا حياتي شنو قبل والحين شنو عشان تقول الكلام إللي قلته؟



إللي ودي أفهمه

ليش بعض الناس ما يقدرون إن البلوق مثل ألبوم الصور

وايد مرات يكون ضايق خلقي و أقرا بوستاتي القديمة

وين رحت

و شنو تحلطمت عليه

فى هاليوم شنو مودي

يوم مستانسه

يوم ضايق خلقي وفي ناس

علقوا و إرسموا البسمه علي ويهي

وفي ناس حروني و طوفت لهم

ضحكنا علي مواقف سخيفه

دمعت عيونا علي كلمات بعض



البلوق بالنهايه رصيده كله يروح حق صاحب المدونه

المعلق ما يهمه إن يرجع حق إللي مكتوب قبل

صاحب المدونه يهمه كلامه تالي أكثر من كميه التعليقات

يقيم

يحلل

يحاسب نفسه

يتعلم من أخطاءه

يثبت مواقف ما ينساها





تعبت من التجريح والنقزات إللي مالها داعي

ولا قاعدة تزيد أو تنقص من الموضوع شي

راح أكتب إللي أحس فيه

سخيف

تافه

رومانسي

جريء

عدل

عوي

خرابيط برابيط

كل شي أنا أبيه

و بحدود الأدب احتراما للقارئ

لي متى ما نرتقي؟؟

ليش ما إنعرف نسكر الصفحه إذا ما يازلنا الكلام المكتوب فيها؟

الوقت إللي قاعدين إتضيعونه بالتدقر والحواش لصاحب المدونه

أولى تسوي في شي حق نفسك

إرتقي

و خلنا نرقى وياك

كلمه أخيرة

راح أكتب لما أنا أقول بس







دمتم بعقول راقيه

وتصرفات عاقله



مع حبي وتقديري للكل











35 comments:

esTeKaNa said...

اكيد ميخالف تقولين كل كلمه تقرقع بقلبج
هذا بلوق
مساحه شخصيه
صاحب المدونه يكتب الشي اللي بخاطره اهو مو اللي بخاطر الناس
مافي شي اسمه الجمهور عايز كده هني
:)
واللي مو عاجبه مواهو مضطر يكتب ويعلق،ياما قرينا كلام ما ياز لنا سكرنا المدونه بهدؤ وطلعنا
يعني معقوله في احد يتعنى
ويكتب ايميل
او يعلق ببلوق
بس عشان كلمه يغث فيها صاحب المدونه؟
اي لييييييييييش

تدرين قبل فتره كنت وايد اقرا بمدونتي ناس تنعتني بالنفاق
!!
وايد تضايقت:(
مع الوقت ما قامو يهزون فيني شي
لانه ربي اهو بس اعلم بنيتي
واللي يحبوني يدرون انا شنو
والحجي هذا موجهه لي ولج
:))
سيري ونحن منورائك ومالج شغل بشي وانا اخيتج
:**

2 u ALL said...

أختي العزيزه ..!! لاتتضايقين لأنك بذلك تحققين أهداف هذا الأنسان المريض ..!! أبي أقولك شعرجميل يرد على هذا "المريض"..!!؟

وأقول

لو كل "كلب" عوى ألقمته حجراً
لأصبح "الحجر" مثقالاً بدينار

والثانيه

ما قال السفيه فهو فيه
وهل يضير النهر أذا خاض "الكلاب" فيه

لك الراحه ولهم الأنزعاج ..!!؟

5roofa said...

قولي قولي و قولي ليما تشبعين و احنا معاج

اسلوب الاحترام قل بالهدنيه و اسلوب التجريح كثر و في ناس تقول بس عشان تحرق القلب ولا تنرفز الشخص

متعتهم انه يضايقون الناس
بس لا تحاتين ربج ما يطق بعصى و مثل ما اهو ضايقج مرده احد بيجرحه و يضايقه

كما تدين تدان

T.C sweetee

o have fun :D

salamz...

QiYaDiYa said...

و احنا نقولج ..

لا يوقف ;)


و مالج شغل بالكلام هذا كله ...


بالعكس مدونتج من ارقى المدونات ..
و الي الانسان يستانس لما يقرا كلامج ..

و هذا دليل على رقي صاحبة المدونة ..


و انا مع استكانه اقولج ..

سيري و نحن من ورائك ;)

MANAF said...

لا تزعلين ريما ولا يهمج


سوي حق الايميل ديليت

ولا تتأثرين

في ناس في قلوبهم مرض

والله راح يزيدهم اكثر واكثر

_____

طنشي يا اختي


وماني زايد على اللي انقال فوق


شفتي الفرق بين اسبانيا واهني

:)

TReSTeN said...

اولا

اهليييييييييييييين

والحمد الله على السلامة

وعلى قوولتهم هلا وغلا والبييت منج ما خلى

هلا ولا قولة الكش

هههههههههههههههههه

وبالنسبة حق الموضووع هذيييل نااس ماعندهم

سالفة كيفي بكتب الي ابييه

انت شكووو

خل نصيييحتك حق عمرك

وبس

وحيااج الله

يا ريما

vancouver said...

لا يوقف

لا يوقف

لا يوقف

هههههه



ريما باختصار شديد
عطيهم طاااااااااااااااف


اللي مو عاجبة ينتف حواجبه
هههههه
دايما ولد اختي النزغة
يقولها من عمرة 4 سنين
هههههه
:)

جنون إحساس said...

أكيد لازم تكتبين كل شي في خاطرج
ولا ليش نسوي بلوق؟

يكفي إنج مستانسة
ويكفي إنج مرتاحة
ويكفي إن في ناس لازم يمرون عليج

:)

Purplecious said...

ريمااااااااااا

دلق سهيييييييييييييييل

داشه عرض أدري
لوووووووووووووووووول


ريما ماكو احسن من الحقراااااااااان

الحقران يقطّع المصران

أصلا الهدف الرئيسي من المدونة ان الواحد يكتب يومياته

و بالنهايه هذه مساحه الواحد حر يكتب اللي يبيه

واللللللله

charisma said...

احبج

Shaima'a Alkandari said...

عطيهم طاف واللى موعاجبه لايقرا ولايطالع

كل شخص يكتب ويحط اللى يبيه لان هذا بلوقه وهذي صفحته بالنهايه يعني ماله داعي اي قلة ادب او كلام وغلط على الناس

لن عيب هالشي ولازم يحترم الغير

وكل شخص له رايه وطريقته موشرط يتم صاحب المدونه على شكل واحد خليكتب ويفضفض ويسوي اللى يبيه دام انه موغالط على اين كان وكل شي بحدود الادب

يبه هالناس فاضيه ولازم محد يأثر فيج

هذا شخص جذي يقول ماعليج منه عليج منا احنا اللى حواليج واللى نواصلج واحنا مليون واهوه شخص واحد

Bin3agul said...

ili dazlich el email mayst7y w jleeel 7aya .. ana wayed ba6 chabdy bs i cant comment now ill pass by letter ;) .. il qafela taseer walkilaab tanba7 ya reeema

nena said...

اذا ركلك أحد من الخلف فأعلم انك بالمقدمة
:))

nice said...

الحقران يقطع المصران
لو مو يايبه طرياه احسن عطيتيه اهمية ما يستحقها

Reflections said...

Reeema


الي مو عاجبه
ينتف حواجبه

و شكرا

SHAHAD said...

يا هلا وغلا
والحمدلله على السلامة ، نورت الكويت
وبالنسبة للموضوع
هي ليش اسمها مدونة .. مو عشان ندون فيها كل شي نبيه ونحسه ونعيشه
فمالج شغل فيهم .. هذيلا بس حاسدينج ويغارون منج
كافي احنا دايما نتابعج وتعودنا على سوالفج الحلوة : )

Яeema said...

estekana:

أيوه
ما أبي الجمهور عايز كده
بس وصلتي خير

Яeema said...

2 u all

الحمد الله مو متضايقه
بس مسج ودي أوصلها
و عدل كلامك و صح لسانك

Яeema said...

5roofa

حبيبتي إنتي
وجودكم كافي عندي

thank you from my heart :**

Яeema said...

qiyadia

ما قصرتي بعد عمري

حياتي إنتي

;**

Яeema said...

manaf:
هاهاهاها
إييي الأسبان يسرسحون على الجبد

هذى من أولها جذي
هاهاهاها


تدري ألف مرة تكلمت عن هالموضوع و هم ماكو فايده


يتكون آخر مرة
و الإيميل بلوك الله وكيلك
spam
marra wa7da

Яeema said...

tresten??

الله يسلم
ممكن سؤال؟
داومت ؟

أنا اليوم أول يوم دوام
هاهاهاها

Яeema said...

vancouver

loooooooooooooooooooooooooool

حلوة إعجبتني

ينتف حواجبه
هههههه
هههههه

Яeema said...

جنون إحساس

الله لا يحرمني من مرورج و كلامج


:**

Яeema said...

purple

راح أطرش
MMS
7aag ba3ath naaas o yesawolich forward

shofay etha dalag esheel wella la2!


آل دلق سهيل
آل

Яeema said...

charisma

أمووووووت عليج

:****
الله لا يحرمني منج

Яeema said...

shaima :

والله عدل كلامج
الحمد الله إني في ناس فاهمه وراقيه وايد
و إنتي وحدة منهم

فالباجي طاف

;)

Яeema said...

bin3agool

كلامك عدل
و القافله تسير

;)

Яeema said...

nena
المثل يعور
هاهاهاهاها

;)

Яeema said...

nice :

:**
إنشاء الله المرة اليايه
والله آخر مرة بس لا تخانيقني
هاهاهاها

Яeema said...

reflection

إنشاء الله
و الشكر لله
:p

ya 7elwich ya zenich :**

Яeema said...

shahad
الله يسلمج حياتي إنتي

على قولتهم الكلام تنبح والقافله تسير

عدل كلامج


:**

ANgEL_BaBY said...

والله كتبي الي تبينه وقولي الي تبينه .. ولا يهمج احد ولا يردج عن ما تحبينه..

انتي سيدة نفسج محد يتحكم في هل موذوع الا عقلج وكلن عقله براسه ويعرف خلاصه..

وانا اقول الي يسب وما يعرف يناقش او يستفسر او يدخل من منطوق محترم .. هم ناس مرضى نفسيا ولهم عقدهم السوده اعاننا الله عليهم وعلى سوءاخلاقهم.. وانتي احتسبي الاجر ولا تتعبين..


انا احبج واحب سوالفج اصلا تونس وصدقيني نستفيد منها واحنا نقول عنها مجرد سوالف !

بالاخير سيري ورفعي راسج ودعي المثل القائل يرد عليهم : تسير القافله والكلاب تنبح ( حشاكم )

Ra-1 said...

Your blog is your diary, write whatever you want :)
Ignore them ;)

عثماني said...

مساج الله بالخير ريما

و الحمدلله على السلامة ..تو ما نورت الديرة

عذريني يا اخيتي ما تحمدت لج بالسلامة الا متأخر

بس لوية هالحر مع الشغل


و ختاما اقول ...يخرب بيت اللي يمسج بكلمة ...و خلي القافلة تسير و ما عليج من اللي ينابحون