لحد يعيب ولا يتطنز
هبه و عساها على خير و أطلع منها بسلام
معبوج صح؟؟؟
الكل يحطه مع العيش
أنا شستخدمه في؟
مع
المعبوج
As a dip
و عينكم ما إتشوف إلا النور
و معاه عشان تكونون صحيين شوي
سلطه أمريكانا الجرجير
أو الباستا
أو
الأثنين حق إللي ما إتشبعه وحده
والبطاط
Pringles
مو شبعه؟؟؟؟
يعني بس شويه و كسروه يصير أحلا
شوفوا النتيجه النهائيه
طبعا أنا صابه المعبوج فوق البطاط
هاهاهاهاها
السلام عليكم
بما إن داشين على لويه المدارس
فما عندي وقت أسوي نيو لووك حق بلوقي
أبي أحد يتبرع و يسويلي إياه
و خصوصا لستة البلوغيرز إللي أحب أزورهم
يسويلي إياه يعني يطرشه إيميل و أسوي
Copy to the templet
مو أعطيه إيميلي و الباسوورد!
هاهاهاهاهاها
أبي جذي
نفس إللي بالصورة فوق
شغل بروفيشونال
With all the respect I end this
Reema
"The Best Never Rest"
رجعت الدوام
روتين
قهوة الصبح
بطني عورني
مالي خلق أداوم
ما تريقت
كأنه أول يوم مدرسه
دلق سهيل
لما الحين حر
يا ربي يا حبيبي خفف علي الموضوع
:(
والله العظيم مو قشمرة
من شفت عند بوابه المطار
KUWAIT
40 C
و انا متعسرة
أمس مصورة الساعه 1 الظهر بالسيارة
58
و إللي مو مصدق أحطلكم الصورة تحديث تالي لما أرجع البيت
في كلمة تقرقع بقلبي ميخالف أقولها؟
عن إللي يكتب عن حياته الخاصة مثلي
وصلي إيميل ما بقى مسبه ما قالها
ما بقى كلمة وطنازة في قاموسه ما إستخدمها
طبعا ما رديت عليه و حطيته بلوك
يعني ما يدري إن أول ماكو مدونات إنتكلم فيها عن حياتنا؟
و إشعرفك أنا حياتي شنو قبل والحين شنو عشان تقول الكلام إللي قلته؟
إللي ودي أفهمه
ليش بعض الناس ما يقدرون إن البلوق مثل ألبوم الصور
وايد مرات يكون ضايق خلقي و أقرا بوستاتي القديمة
وين رحت
و شنو تحلطمت عليه
فى هاليوم شنو مودي
يوم مستانسه
يوم ضايق خلقي وفي ناس
علقوا و إرسموا البسمه علي ويهي
وفي ناس حروني و طوفت لهم
ضحكنا علي مواقف سخيفه
دمعت عيونا علي كلمات بعض
البلوق بالنهايه رصيده كله يروح حق صاحب المدونه
المعلق ما يهمه إن يرجع حق إللي مكتوب قبل
صاحب المدونه يهمه كلامه تالي أكثر من كميه التعليقات
يقيم
يحلل
يحاسب نفسه
يتعلم من أخطاءه
يثبت مواقف ما ينساها
تعبت من التجريح والنقزات إللي مالها داعي
ولا قاعدة تزيد أو تنقص من الموضوع شي
راح أكتب إللي أحس فيه
سخيف
تافه
رومانسي
جريء
عدل
عوي
خرابيط برابيط
كل شي أنا أبيه
و بحدود الأدب احتراما للقارئ
لي متى ما نرتقي؟؟
ليش ما إنعرف نسكر الصفحه إذا ما يازلنا الكلام المكتوب فيها؟
الوقت إللي قاعدين إتضيعونه بالتدقر والحواش لصاحب المدونه
أولى تسوي في شي حق نفسك
إرتقي
و خلنا نرقى وياك
كلمه أخيرة
راح أكتب لما أنا أقول بس
دمتم بعقول راقيه
وتصرفات عاقله
مع حبي وتقديري للكل
الحمد الله على السلامة
وصلت حق ديرتي
يا حلو بيتنا قصر
إخترعت من بيتنا
كبير!!
هاهاهاهاها
سوولنا فلم بالمطار
أمي يايبه ورد حق بنتي
وهدايا حق أولادي
من زمان ما وصلت المطار هالحزة
كل نوصل الفير
فماكو إلا سيد السايق بإستقبالنا
هالمره شغل قبل
أمي
أبوي
خالتي
و عمتي
وولد عمتي إللي كان ويانا هناك ويا ولده
ونااااااااااااسه
صج صج صج الواحد ما يبي يكلف على أحد
بس بيني و بينكم وناسه
كانت مفاجئه!
و أحلا مفاجئه
شوفة الأهل والحبايب
تخلى العين تدمع
الله لا يحرمني من أهلي يا رب العالمين
أبشركم إنحاشت الفليبينيه
هاهاهاهاها
تدرون جم فليبينيه إنحاشت بالمنتجع مالنا يوم بلغت الأمن عندنا بالبوابه؟
فوق الخمسين وحدة
بس صج
أول وحدة تنحاش فلبينياتها و تستانس
كانت دعله و قاعده على قلبي بالكويت
صغيرة ومافيها صبر و كل ضاربه بوز
و يوم كنت بالكويت كانت تدرس وياي أسباني
حسيت إنها بتنحاش
يا بنت الحلال إذا بتنحاشين آخر يوم لو سمحتي
بعطيج الجواز
بس لا إتخربين علي السفرة
أشونه ما عندي عيال صغار
أصغر واحد 3 سنين
الضحك بنتي و إشلون قالتلي
كنا معزومين على العشا و تونا حاطين اللقمه
أشونه مخليه تليفوني الكويتي بالشقه
و إلا طرشوا مسج حق زوجي إن الفليبينيه مو موجوده
قمت و دقيت على الخط الأسباني إللي مخليته بالبيت
و إلا الجهاز مغلق
جان أقول بس صارت
بإللي ما يحفظها
متأسفين يا جماعه بس لازم نمشي الحين
رحنا و إلا حاله إستنفار بنتي تبجي
و هذيك الثانيه خايفه تقعد بروحا
هاهاهاهاها
و بس هذي القصه
بنروح مخفر ماربيا نبلغ عنها الحين
المشكله إن الناس بالمخفر ما يتكلمون إلا أسباني
إشلون بشرح؟
إشلون بقدم بلاغ؟
إشلون آخذ الورقه و أترجمها عشان أرجعها الكويت و أسقط الإقامه؟
ناطره إتصار من واحد يساعدنا فى هالأمور
المشكله اليوم الأحد،
والكل فاخ نايم
والله
صارت صارت
ما صارت بقل جوازها بالحمام السباحه و بقول ما أدري عنها
قمت الصبح و ما لقيتها و وراي طيارة
هاهاهاها
من أروع الأماكن إللي زرتها هالسنه كان شي إسمه
Laguna village
Pool and beach
شي خيال
القعدات والمكان كل لونه أبيض
أول ما تقعدون يحطون لكم فوط
ESCADA
ممنوع دخول الأطفال أقل من 15 سنه
بعد ما قعدنا بعيد عن اليهال طلبنا ماي
شنو يالينا؟؟؟
شكله يشوق صح؟؟؟
و طلبت
Fruit salad with white chocolate
What did I get???
Yes YES YES !
White chocolate
Inside it a fruit salad
Yammeeeeeeee
The End
:p
من يوم أنا صغيرة دايما تكون لي طقوس معينه أسويها عشان يومي يمشي حلو
بما إني بنت وحيدة بين شباب فماكنت أندمج وياهم ولعبهم
يوم دخلت الجامعه تغير الروتين و صارت القهوة الصباحيه جزء لا يتجزأ من يومي
لأني أسهر بالليل
أتعسر صج مو قشمرة إذا باليوم ما شربت علي الأقل ثنتين
مع القهوة لازم موسيقى هاديه أو هدوء صامت
ما أحب أهذر
ولا أشتغل
إلا لي خلصت منها
أول ما تزوجت أشوة زوجي نفس الشي زقارة و قهوة و محد يكلم الثاني
بالسفر نتجابل أكثر من الديرة
بحكم إختلاف مواعيد الدوام
ليش قاعدة ألبح الحين؟
لأن أول مرة أشرب قهوتي من طبيت بدون لبحه اليهال الله يحفظهم
بس مو الصبح الحين
الساعه 4 الفجر
لذيذه
تجنن
ويا الجو الحلو
مودي رومانسي
ولهت على إني أكون أنثى
أتكلم بلغه الحب
إحساس العاشقه
إحساسي بأني حرة
أملك الكون كله
شعور غريب ما ودي أطلع منه
بس دايما هالشعور ينكسر
بصرخه أولادي
يووومااااااااااااااااااااااااا
طقني !
ماكو بطاريه حق الآي-بود
إشتريلي
أبيييييي
ما إييلكم شعور إن الراحه ساعات بعدم الإستقرار...
أفكار عقيمه بداخلي
أقول دايما
ليش أنا ما أعيش بدون قيد
متى ما أحط راسي أنام
مثل أمس
تعبت الساعه 8
نمت لي العشر بالليل
قامت القيامه عندي بالبيت
لأنا كنا عازمين ناس الساعه 11 على العشا
عادي تو الناس
ماراح إتييلج النومه بالليل
شنو يعني؟
عنها ماياات
هاهاهاها
بطاليه ما وراي دوام ولا شي
ساعات أقول
ليش إنقيد نفسنا يأمور إعتادوا الناس يسونها
مو شرط إتيوزلي
أحب السهر
مو عشان تزوجت لازم أنام وياهم و أقوم وياهم
لي مع الليل صحبه
كتبت أجمل ما عندي في الليل
خططت لحياتي في الليل
بكيت لوحدي بالليل
شطانتي و لعبي كانت كلها بالليل
أنبت نفسي و أحاسبها بالليل
جاهدت لطموحي بالليل
مارست أمومتي والسهر عى أولادي بالليل
هو جزء من حياتي
لا يستطيع أي مخلوق أن يحرمني منه
فهو صديقي
وكاتم أسراري
و حبي
وعشقي
وجنوني
لن يفهم معنى بوستي إلا إللي يحب الليل
Must have this year for your tan hand ;)
عشان يدرون الأسبان إن عين الكويتيين حارة
إخترعوا لنا شي هالسنه
هاهاهاهاه
I am kidding mo 9ij :p
It comes with all colours
You have to get more than one colour
With your watch
For adult and kids as well
إللي عنده أحد يوصيه في ماربيا ترا المحل في بورت بانوس
Brando & Co
أمووووووووووووت علي أي شي أزرق
ما أقدر ما أقدر أقاوم
أمي داقعه علي تقوللي
رييييما في ناس شافوج ما إعرفوج من سوادج!
ريما: إييي يما إشرايج إنتي أنا كل يوم حمام سباحه
طحت مريضه 4 أيام و هم أتشمس بالبلكونه
هاهاهاها
أمي : بس بس إنخشي قبل لا إتيين مو إتيوللي جلحان ملحان؟؟؟
ريما: يما أنخش بالكويت مو هني و لج مني 15 يوم من الدوام لي البيت و إذا غابت الشمس أطلع
أمي: كيفج إنتي بس عيالج لا إتيبيلي إياهم جذي!
ريما: هاهاهاهاها الشكوة لله يا يمه عيالي وصلوا الرقم القياسي أمس
من 1 الظهر ليه 10 بالليل
هاهاهاهاهاها
للتوثيق
صورت إيدي
أبيكم إتقولون أيهي إيدي و أيهوا العامود الحديد مال البلكونه؟؟؟
دشينا جمعيه كبيرة من طقت كارفور
كل الأماكن زحمه و من بين الكاشيرات أشوف واحد تقريبا فاضي
طرت و رحتله
مع لويه اليهال و كل واحد تالني من صوب
و إلا الأخت تقولي أي نوع جيس تبين؟
بو 70 سينت
و إلا بو 15؟
هالجمعيه أذكر زين إن جياستها ببلاش؟؟؟
ليش اليوم بفلوس؟
عشان عطله؟
المهم قتلها عطينا بو 15
و بين هاللويه
قعدت أنا أتحلطم بالكويتي
علي الجمعيه
الحين هم دافعين و هم يبيونا نشتري لجياس؟؟؟
و إلا أسمعها تقول بالأسباني
بيرسوناز لوكو !
أنا سمعت هالكلمة و عينكم ما إتشوف إلا النور!!!
جان أستعيد أمجاد ماضي دروس الأسباني!
سينيورا!!!
yo no estoy loca!!
يعني أنا مو مينونه
usted loca!
إنتي المينونه
yo hablo español
أنا أتكلم أسباني!!!
أنا من قلت هالكلمتين
لقيتها إتأسفلي
و بعدين قلبت إنجليزي
قعدت أقول
ناديلي رئيسج
هذه معامله تعاملونا فيها؟؟
إختبصت و إعتفست علي
و قاموا عطونا لجياس كلهم ببلاش
من الوناسه جان أقوم ألتفت علي وراي و إلا زوجي
قتله شفت شلون فادني الأسباني
هاهاهاهاها
لجياس طلعوا ببلاش
;)
بقولكم سر محد يعرفه إلا إنتوا الحين
بالكلاس ما علموني لوكا!
كنت أموت علي أغنيه جينيفير لوبيز
Aint it funny
و إذا رحتوا علي أول بوستاتي بتلاقونا هناك
أول المقطع تقول
Estoy
Loca
يعني أنا مينونه فيك
من هني عرفت معنى الكلمه
هاهاهاهاها
المسكينه مالت الكاشير لو مستخدمة كلمه ثانيه جان عبالي مادحتنا
هاهاهاهاهاهاهاها
حظها أقشر
Loooooooooooooool
كنت بالقهوة و هذا كان المنظر إللي مجابلته ما قدرت ما أصوره
الموضوع الحين
الكويتين ربعنا ما إيوزون من طبعهم في فرض الراي على الغير
سمعوا هالقصه أقصد إقروا القصه
:p
إتفقنا من الكويت إن ماكو عزايم غدا كلش كلش عشا و الله يعافيكم متأخر
بال11 أو 12
و إللي ما يبي قهوة و حلو علي المغربيات بال9
رحنا عزيمه الحلو
و كالعادة كل واحد يقول وين راح ويا عياله و شنو شاف
طبعا الأغلبيه العظمي
ينعتون مطاعم و قهاوي
آمنا بالله و قعدت مستمعه
كل ما يسألونا رحتوا؟
الجواب
لأ
هالمطعم؟
لأ
هالقهوة؟
لأ
بإستغراب منهم عيل وين تروحون؟؟؟
ما إتروحين الأماكن إللي نقولكم عنها و إللي ناعتينها ناس؟
الجواب
لأ مع إبتسامه خفيفه
ها عيل وين؟؟؟
أستلم الإستجواب أنا
ريما: والله كل واحد بالحياة له طريقه معينه بالسفر
أنا يايه حق عيالي
الصبح يا بحر يا حمام سباحه 5 ساعات لما ينهد حيلهم
في كلوب صغير حق اليهال يسوون أشياء حلوة
بعد الحمام السباحه والبحر الغدا حق اليهال بالبيت
لأن عيالي إعوب ما ياكلون كل شي
لازم عيش و دقوس!
ياكلون و أنا وزوجي نروح نشرب قهوة وحلو بالست
سبع نمشي اليهال بدون خدم لييييييييه 11
يتعشون يا بيتزا يا جكن نجت يا سباجيتي
يرجهون ينامون
و تبدي رحله المساء والسهرة عندنا
نرجع بالثنتين
أبدل و أستلم القصه و أقرا
أو كمبيوتر ليه 4 الصبح
أحط راسي و أنام
و بس هذا يومي
وحدة من القاعدين:
واااي إغلقه ما تونسون
ريلها رد عليها:
هذا السفر مو إنتي من سوق ليه سوق ليه مطعم جني داش تجنيد مو ياي أرتاح
ريما:
إشلون يومكم؟
من 2 ليه 2 بالليل ماكو قعدة
ومرتي ما إتحب البحر ولا حمام السباحه تخاف تصير سوده
ريما:
ماكو قعدة بروحكم؟ ماكو سالفه ؟
الريل : لا والله أقولج تجنيد
يبيلي رحله بروحي بدون هاللويه
رحلة راحه و إستجمام
إللي بوصله الحين؟ صج والله ليش حرام الواحد يقعد يقرا بسترخاء؟
و إلا يقعد يتكلمله كلمتين بدون لويه الناس ، قعدات تحدد المستقبل ،ورانا عيال
يبون عنايه و تخطيط لراحتهم
مو لهطه لهطه
و خصوصا إللي قاعدة وياهم من عمر الدنيا هني و كل سنه هني
ليش الواحد يبهذل عمره علي أبو عطله؟
مو لازم أشوف كل شي
مو نهايه العالم
قاعدة أكتب البوست و عيالي في عيونهم الفرحه ليش نازله مجابلتهم بالحمام السباحه
هذي وناستي
و إللي دازتلي مسج من الكويت تقوللي بسج بوستات
أقولج
أنا مدمنه نت ما أقدر أعيش بدون بلوق و بوست الحين
هاهاهاهاهاهاها
تعايشوا مع الوضع
Miss you wayid entay we3yalich :p
ممكن سؤال؟
إللي يدش نت بالسفر فيها شي بعد؟
هاهاهاهاهاهاها
من أحلى الأشياء بالسفر و إللي أحب أسويه دايما القراءة
من سفرتي لمصر يبت جم قصه لكاتبي المفضل
باولو كويلو
آخر كتاباته
و هي أيضا ممنوعه
علي نهر بييدرا هناك
جلست فبكيت
القصة تروي معتقدات دينيه و قصه حب بين رجل دين و إمرأة
نبذه عن الرواية:
يسأنف باولو كويليو في روايته رحلته الخاصة لاستكشاف أعماق النفس البشرية،والغوص في تناقضات الكائن الذي يوضع دائما أمام الخيارات الشخصيه الحاسمه للاضطلاع بمصيره الفردي.
رحله استكشاف الذا بحثا عن حقائقها الدفينة،و عن إختبارات المشاعر تجعلنا علي الدوام عرضه لشقاقات الطمأنينة والقلق، السعادة والشقاء ، اليقين والحيرة.
كانت بيلار تظن أنها سعيد فقد حصنت نفسها حيال الحياة والأمل والحب. غير أن المصادفات شاءت أن تلتقي أحد أتراب طقولتها و إتضح لها أنه حبي بالقدرة علي الشفاء و علي مخاطبه النفوس.
و إذا إختارت بيلار أن تبقي بجواره لبعض الوقت، عاوتها كل الأسئله التي طالما حسبت أنها صارت طي النسيان. وعندما أسر إليها بحبه ، راحت تشكك بجدوي حياتها السابقه، حائرة في أمرها، فهل ترضخ لشغفه بها وتفتح له قلبها ، أم تواصل عيشها الخالي من أي رجاء؟ تختار بيلار أنت تكون دائما إلي جانبه، في بذله كل ما يملك وكل ما حبي به من قدرات لخدمة الرب. ولكن هل يعطي من نذر نفسه لحب الله أن يساكن قلبه حب إمرأه؟
في هذه الروايه،يحاول كويليو أن يطرح بعمق مسأله التعارض الظاهري بين الدروب المختلفه التي قد يسلكها الأفراد لكي تتم لهم مصائرهم، لأن رحله سعيهم علي الأرض لا تكون مجديه إذا كانت خاليه من الحب.
من أجمل ما قرأت عن تعريف الحب
الحب أشبه بمخدر.في البدايه ينتابك إحساس بالغبطه، بالاستسلام التام.وفي اليوم التالي تطلب المزيد. لم يصبح إدمانا بعد، لكنك إستحسنت إحساسك وتظن أنك قادر علي التحكم فيه، تفكر في الحبيب دقيقتين و تنساه لثلاث ساعات.
( ولكن شيئا فشيئا ، تألف هذا الشخص وتصبح متعلقا به تماما.
وإذا ذاك تفكر فيه ثلاث ساعات وتنساه دقيقتين.و إن لم يكن علي مقربه منك، ينتابك الإحساس نفسه الذي ينتاب المدمنين حين لا يتوفر لهم ما أدمنوه،ومثل المدمنين الذين يسرقون ويتذللون للحصول علي ما يحتاجون إليه، تجد نفسك مستعدا لأن تفعل أي شي من أجل الحب)
الحب دايما جديد. ولا فرق بين إذا أحببنا مرة واحدة أو أثنتين أو ثلاثا في حياتنا. فإننا دائما نجد أنفسنا أمام موقف مجهول، قد يفضي بنا إلى الجحيم أو إلى الفردوس، لكنه دائما يفضي بنا إلي مكان ما. يجب أن نتقبله لأنه هو الذي يغذي وجودنا. وإن تهربنا متنا جوعا، و أمام أعيننا ترفل الأغصان بثمار شجرة الحياة. لكننا لا نجرؤ على القطاف. يجب أن نسعى وراء الحب حيثما كان الحب، حتى لو كلفنا ذلك ساعات وأيام و أسابيع من الإحباط والحزن. لأنه، منذ اللحظه التي ننطلق فيها سعيا وراء الحب، ينطلق هو أيضا لملاقاتنا ويخلصنا.
