Sunday, September 03, 2006

comments!

أنا قايله ماني كاتبه بوستات
بس حصل تجريح لشخصي و أحب إنكم تشاركوني فيه


حتي الذكريات صارت خيانه


البوست هو

علي البال :



عبدالله الظفيريsaid...

اسف اخت ريما على الي راح اقوله يمكن يجرح بس انا بقول الحقيقه وياليت تقرينها اذا اعجبتج اعجبتج واذا لا كيفج... انتي على كلامج الحين متزوجه وعندج يهال ..يعني هالقصه مالها داعي تذكرينها لانها يسمونها خيانه للزوج من نوع ثاني انتي تذكرتي الحب ونسيتي انج متزوجه ويايبه يهال منه واهوا له حق عليج يعني شنو يكون موقفج لين اهو يشوف هالكلام شيكون شعوره.. اعيالج لين يكبرون ولا سمح الله شافوا هالموضوع انا ما اقولج الحب عيب بس لين تستقرين لازم تنسينه خلاص تسوين عليه دليت وفورمات فوقه لازم تحسين بشعور زوجج وعيالج.. واسف على هالكلام بس هذي الحقيقه واتمنى تتقبلينها بصدر رحب

12:10 AM



ماراح أعلق و أترك لكم الموضوع

لأني مشغوله هاليومين


30 comments:

Яeema said...

لما إتصادف هالموقف و إنت في سن أكبر من 21 يا أخي عبدالله راح تضحك و إتقول ألحين فهمت ريما شنو كانت إتحس

{ 13 } said...

ايه ايه صح كلامك ..(شريرة انا ) الحين لو ريلج كتب عن مغامراته ايش بتسوين فيه؟ لما تطلع قصص السمرا والشقراااويقولج ايام دراستي بامريكا كان عندي صداقات بريئة لووول..اظن انتي ولوير بتتلمون عليه مثل ريا وسكينه وكيتي تصير عبدالعال لووول..عاد الحين حري الظفيري وزيدي في السالفه ..لووولات....

Chai-7aleeb said...

ما فى أحلى من الصراحه بين الزوجين

أنا أقول

ريما ذكيه

وأكيد مشاركه زوجها بكل مغامراتها و أحاسيسها فى الماضى

قراءاتى لمواضيع ريما تثبت لى إنها زوجه مخلصه و صريحه مع زوجها بكل النواحى

و سلامتكم

cozy said...

LOLLLLLLLLLLLLLLLLLLLLLL GET real Reema !! it doesn't worth even to comment Are you really sad ! who cares what the guy think as long as your hubby knows you better than anyone here and i'm sure that you love him live your life the way you see it right and forget about him (the guy) .

albandry said...

wala ya a`7 3abdalla u shouldnt say such harsh words
`7eyana o `7aabeee6
elbent tesolif dara ma dar rayelha hatha shay raje3 laha mo sho`3lek o ga3a etekalem 3an ayam eljam3a ya3ny mo mitzawja
bas ham low shafetta belshare3 o salamt 3aleeh ma ashoof fi moshkella
elrak 3ala shes with who now
da
la te7tareen wala shay
hatha sha`7s jedeed 3alsa7a
and afterall a blog is to say whats inside u and u stay anonymous and we r not here to judje people we r here to enjoy life to have fun to run from something
so keep on blogging what u want reeema
and allah ey`7alelch raylich 3yalich tho`7er lich
o allah eysam7ek ya 3abdalla

SAJA.S said...

السلام عليكم
ريما بدام ريلج مثا ا تقولين يعرف كل شي عنج ويدري عن بلوقج وانتي شنو كاتبه
مالج شغل باحد .. اهم شي ريلج

q8y_saint said...

ماني مدافع عن ريما ولاني مهاجم الاخ عبد الله بس بكل بساااااطه شديده الموضوع عن ذكريات مضى عليها اكثر من عشر سنوااااات
يعني ماضي تليد و غابر بعد و اتحدى اي واحد منا ما كان عنده مثل هل ذكريات
انا عن موضوع الخيانه وما ادري شنووو
فهذي مشكلتنا في الكويت الي مايوالمنا على طول نقول عنه غلط الي مايمشي مع راينا غلط
الي يختلف معانا نقول عنه غلط
و مشكلتنا الثانيه في الكويت الكل عاد نفسه فاهم و و صي على الباجين

اخوي عبدالله بفتراض ان الي كاتبته ريما غلط انا ونت شعلينا و شنو دخلنا في الموضوع
ليش انحط انفسنا اوصياء على الاخرين ؟؟

tweety said...

لكل انسان الحق في الاحتفاظ بخصوصياته وذكرياته واسراره خاصة اذا لم يكن فيها ما يسيئ , مجرد تعبير عن مشاعر كانت تحملها في يوم من الايام مافيها شي يفشل او يحرج ثم ان من غير المنطقي ان يحاسبك شخص ما بغض النظر عن علاقته بك على ماضي سبق معرفته بك
يا أخ عبدالله الرجل والمرأة كلاهما يحمل في داخله مخزون عواطف وذكريات ومواقف وماضي ليش تعتقدون لازم المرة يكون عندها زرار تضغط عليها وتنسى كل شي في ماضيها حتى البريء منه وفي نفس الوقت نشجع الريال على زهوه وافتخاره في الحديث عن صولاته وجولاته السابقة البريء منها وغير البريء !! اهي كتبت في بلوق مو بجريدة او تلفزيون عشان تسيء حق ريلها , يعني لها مطلق الحرية في انها تعبر بالطريقة اللي تبيها بما انها ما لمحت لزوجها من قريب او بعيد , مو أحسن انها تكتب عن ذكرياتها بهالطريقة بدال لا تهذر فيها مع من هب ودب مثل مايسوون معظم الحريم !؟

freeq8 said...

يا جماعه هذا بلوغ يكتب فبه الأنسان ما شاء... وقد يكتب الحقيقه... وقد يكتب الخيال ...فالأسم مستعار والهويه غير معروفه...وهو مكان للتعبير عن النفس بس بصوره مهذبه-على الأقل بالنسبه لي وأعتقد لكثير من الكتاب أيضا -ومكان للأبداع بعيدا عن الأضواء وللتعليق بحريه ومن غير تكلف أو مداراه لأحد
والناس أراء وأهواء

Яeema said...

thanks for everyone

i am not sad at all , but i want to know that i am not wrong when i shar some innocent feeling with my respective friends around here



by the way

yes my husband use to know everything b4 we got marriade , and he read every single OLD and New poem of mine

my husband and I , use to be friends b4 getting marriade.

i know everything about him , and so is he :)


allah la ya7remny mennah ya raaaaab



princess
THANK YOU
memory of a song , coz it happend to be a gift :)

i didnt , it's just i remmber my old days and how sweet it was :)



kitty
THANK YOU
yallah ma 3aleeeeh , he is still young ;)
he didnt see this world and how it's working !



cafe namlet
THANK YOU


3afoor
THANK YOU
حبيبتي و صديقتي والله والله إنج فاهمتني
بعد عمري إنتي

mwaaaaaaaaaaaaaaaah to you :**




13
THANK YOU
hehehehehehehee
i know everything
we still remmber it and laugh



chai-7aleeb
THANK YOU
your absolotly right


cozy
THANK YOU

making a point view only
a7ib elthaaghaa6 eshway
heheheheh

do i look like i am sad?
ewwwwwwwo i am good at it !


albandary
THANK YOU

sheftay eshloon? :/


smile
THANK YOU
he do



q8y_saint
THANK YOU

madry gollah !




tweety :
THANK YOU

exactly !




freeq8
THANK YOU

eeee wallah your right ;)

Unknown said...

وسعي صدرك وكان ممكن تردين بكل هدوء بس الظاهر
ان عافور المدارس عفس البيت عندك فوق تحت
الله يعينك

The Simper said...

ممكن ناخذ نسخة من جينات تعاملج الراقي مع الناس وفكرج المستنير الراقي عشان نستنسخهم؟

انا ماطلبت وايد..بس عشان ماتقولين أبي كل الجينات.. بس شوية منهم

:)

barrak said...

رغم تحفظي على الاسلوب ولكنه كلام ووجهة نظر وهو بالنهاية تعليق
هناك مشكله لابد ان نضع لها هل
هي ان المدونه هي احساس اما ان تقبله وتحسه وإما ان ترفضه وللرفض صورا اظن اني قرأت ابشعها
اعتقد ان السيد من مؤسسين هيئة الامر بالمعروف والنهي عن المنكر

Яeema said...

عاجل
ماكو أهدى من البلوق
هاهاهاهاهاها

هذا هواش موثق و هذا إللي يعجبني فيه






the simper
الله أول مرة تكتب بالعربي

حياتي والله إنت ، مشكور وايد وايد

ما أنصحك كل الجينات
فيني عسارة و ما أنصحك فيها
هاهاهاهاها





barrak
المشكله إنهم يدرون إنها جرح و قذف
و هم يقولون هالحجي

المؤسسين ؟

والله جنك ما بشرتنا بخير يا براك
هاهاهاهاهاهاهاها




yoyo
إيييييه شفت إشكبر الحجوة!؛

قلها و مشي إسم الله عليه


لا إبشر بالخير بالياي
عندي دفتر مذكرات متروس أشعار و متروس ردود و قصص و ما أستحي إن أقول هذا و هذاك

لأن حزت ما إنقالت كنت حرة نفسي
و لا يمكن إنني أسوي ديليت لمشاعري

و هالدفتر عندي يم راسي
يعني أي وقت و أي حزة زوجي يقدر يفتحه و يشوفه

بس زوجي حده راقي ما يسويها
إمخليلي مساحتي ويا ذكرياتي
و محترم هالشي


بس مو كل زوج يقدر هالشي
و الناس مختلفه و يايه من بيئات مختلفه

3ateeja said...

ريما انا ما اشوف ان كلام الاخ عبدالله فيه اي تجريح شخصي لج ..
الاخ قال رايه وهو حر ..مثل ما حضرتج لج حرية قبوله او لأ
واشوفه ايضا طرحه بادب واحترام
كونه قال يعتبر خيانه اهوه فعلا صاج قد يعتبرها البعض خيانه..يعني وجهة نظره مقبوله اجتماعيا بغض النظر عن رايي الشخصي فيها
ريما يا وخيتي اذا كل كومنت من هالنوعيه بسوي فيه بوست ماني مخلصه والله..ومع احترامي لج هم ردج لما تقولين لما يصير عمرك فوق ال 21 كأن فيه تصغير لشأن الاخ عبدالله..وعمره العمر ما كان مقياس للنضج والعقل و الفهاميه
ارجو انج اتقبلين كلامي بصدر رحب :)

Unknown said...

السلام عليكم ,.

اختي ريما اشلونج ,. من زمان عنج وعن البلوق ,. ماشاء الله البلوق صاير وايد حلو , بالتوفيق انشا الله يارب,

بالنسبة للموضوع .,

ولحبيب قلبي واخوي وصديقي عبدالله الظفيري

شي أكيد ما يقصد اي تجريح لج او لشخصج الكريم .,

وكانت هذي وجهة نظره بالموضووع ومهما كانت وجهة النظر ,. ما توصل للشي هذا ,. وانشا الله بتوقف عند هذا الحد وبتظل القلوب صافية دايما ,.

الانتقادات والردود مهما كانت لازم نتقبلها بصدر رحب وما نزعل منها أبد


اختي ريما ,. لو كل نقد نتضايق منه ونحطه بشكل مووضوع علشان يعلقون فيه الزوار! يتصير كراهية بين الحبايب والصداقات الموجودة بالبلوقر .,

واحنا اكبر من هالشي أكيد ,.

فثقي تماما اخوي عبدالله ما يقصد اي تجريح لشخصج الكريم , ومثل ما قلتج المفروض تردين عليه بنفس الموضوع ومع الردود ,.الموجودة ., وما يصير يكون الرد كمووضوع مستقل بالبلوق ,.

الله يهنيج انشا الله مع زوجج ,. وما يغير عليكم الا بالاحسن يارب,

الاصابع مو سوى .,

لو بتكلم عن نفسي اكيد لو صار معاي هالموقف ما يرضيني مع الانسانة الي تكون زوجتي ,. حتى لو كنت فعلا متفاهم معاها وبشكل كبير وصريحة معاي ,. لكن يكون الشي بالقلب ما يطلع بشكل ذكريات
,,الغارية موجودة ., وأكيد بتحز بالقلب


عبدالله يقصد فيها الناحية هذي ما يقصد التجريح ,.

لو كان يقصد هالشي ما دش باسمه وكان يقدر يكتب التعليق باسم ثاني او اسم مستعار ,.

طولي بالج , ماكو اي غلط بالرد او الموضوع ,.

ولو كانت شرارة صغيرة بالمووضوع هذا
للأسف اشوف بعض ردود الاخوان الموجودة بالموضووع تسوي شرار اكبر ! ,. وما توصل انشا الله لأكثر من جذي,.


ما ابي أطول عليكم اكثر بالكلام

طولي بالج اختي ريما :)

وثقي تماما ان عبدالله راح يرد على الموضوع لو شافه ,.

اتمنالكم كل التوفيق انشا الله

ويبعد عنكم الزعل وضيقة الخلق ,.

****

Яeema said...

عتيجة
أولا الخلاف لا يفسد للود قضيه

أولا
) على الي راح اقوله يمكن يجرح بس انا بقول الحقيقه وياليت تقرينها اذا اعجبتج اعجبتج واذا لا كيفج.


----------------------------

يدري إن يجرح

ثانيا

الخيانه شي ثاني

و بعدين عتووج
الذكريات لما تطري عليج ما تقدرين إتسيطرين عليها

الخطأ إللي سويته إني أشركت أصدقائي بالبلوق هالذكري

يمكن إذا كتب الموضوع راح يطلع من بالي

العمر دليل نضج فكري و موازنة الأمور

بو 20
صدقيني و ثقي بكلامي غييييييير
عن بو 30

مشاعر ال20
غير مشاعر ال 30

آراء بو 20
غيييييييير عن آراء بو 30

إللي إنسويه بالـ 20
غييير عن إللي إنسويه بال 30

و إذا ما إتشوفين في كلام عبدالله أي تجريح
فهم هذا رايج و أحترمه

بس أنا أشوفه إن من غير الذوق و الأدب العام إنه يقوللي إتخونين فكريا


مو عن كل كومنت بسويه بوست
حبيت أبين إن يا جماعة بس ترا ملينا من هالكلام
لازم إنشهر عشان تسكتون؟

راح أكتب و ما راح أوقف عن الكتابه

البلوق تنفيس و تفريغ للهموم

و لا تزعلين مني ، بس أعتقد إن لي الحق للدفاع عن نفسي و أفكاري

Яeema said...

عادل القلاف

إنت سبب هالمشكله إللي عطيته الصورة عن خيانه الزوجات
هاهاهاهاهاهاهاه

أولا
شكرا علي المديح علي النيو لوووك
و الله يوفقك إنت بعد يا رب



ثانيا:
على الي راح اقوله يمكن يجرح بس انا بقول الحقيقه وياليت تقرينها اذا اعجبتج اعجبتج واذا لا كيفج.



يدري إن راح يجرحني هالكلام

و أعتقد وجهة نظره ، أهوا الوحيد إللي راح يفسر شاللي صار


الإنتقاد مقبول و الردود مقبوله
ولكن ،إن يتدخل في نيتي و يقول خيانه من نوع ثاني ، فهذا إللي ما أقبلها و لا راح أطوفها

رايه بالموضوع علي عيني و راسي
بس يقول إتخونين
لأ ترا قويه الكلمه



موضوع الحب والكراهيه أعتقد ما يدور بالبلوق ، لسبب إن إنت الشخص إللي جدامك مو مهم في حياتك ، فما تتأثر من كلمتين قالهم و راح حط راسه و نام



شي ثاني
ليييش الزوج لازم يعرف كل شي؟

في أشياء ما تنقاله حشيمة و إحتراما له

ووااايد أشياء الزوج يصد عنها عشان يحافظ علي وضعه

و كذلك نفس الشي بالنسبه حق الزوجه

مو لازم الواحد يصير كتاب مفتوح
و إلا إبنتعب بهالحياة

البلوغ متنفسي و ربعي لقراب إللي يعرفون عنه و تكون المواقف صايرة وياهم



المشاعر لما تطلع بتطلع رضيت و إلا ما رضيت ، أصلا مو بكيفك تقدر تحجبها

إطلعت و تذكرت الأيام الحلوة و إبتسمت و كتبت فيها بوست

تعتبر خيانه؟

لو مو كاتبه فيها بوست
إشبكون الوضع؟

الأخ عبدالله يطالبني بمسحا من مخي

-----
تنسينه خلاص تسوين عليه دليت وفورمات فوقه لازم تحسين بشعور زوجج وعيالج
-----

ماله علاقه هالشعورين ويا بعد
شمسح !؛
أنا ماني هارديسك
ديلييت و خلاص

إنسانه لي مشاعر و أحس

و أحمد ربي إنه عندي هالإحساس
و إلا جان ما عشنا


سبب إني سويته بوست
التعليق لقيته بالإيميل لأن الموضوع كان قديم و محد راح يقراه
و ما أحب أخلي شي بقلبي

و هذا بلوقي و كيفي أكتب ما أكتب
هاهاهاهاهاهاهاها
لا بس والله حبيت أبين نقطه أساسيه

الواحد ترا صج يتأثر

بس شسوي فيكم كويتيين إتموتون علي التجعم

Яeema said...

mulan
i am not sad :)

Dr. Saleh said...

لقد قرأت موضوع على البال في حينها ولم أعلق. ورجعت وقرأته مرة أخرى ولم أجد ما يرمي إليه الأخ الظفيري من خيانة وحب مضى. فهناك زميل دراسة وإعجاب وشابة تتعامل مع زملائها ببراءة وصراحة ووضوح وبثقة تامة محافظة على سمعتها و سمعة أهلها
والذى أعاد الذكريات هو الإستماع إلى الأغنية
and finaly
Don't worry be happy
واثق الخطوة يمشي ملكا

Яeema said...

dr.saleeh
كلماتك المتواضعة تشعرني بالفخر

أشكر مشاركتك و فهمك للموضوع كما رأيتها

Unknown said...

خيااااااااااانة ؟؟؟؟
ليش

انت على على الاقل بالجامعة وشئ برئ صار يمكن حتى حق امى (قوية )بس النقطة الحين اللى بدور وحدة يتزوجها خل يشوف وحدة على الاقل ما انباست وهذا مو على الكل بس وايد صاروا جذى

ريلج مو يدرى ؟؟؟؟ عن البلوق واللى تكتبين فيه
كيفهم عيل مشى سناسيينج :p

عبدالله الظفــيري said...

السلام عليكم ...
انا بكتب الرد على كلامج وتعليقات الناس ..
اختي عالم البلوغر يحتوي على الكثير من الموضوعات والاراء والتعليقات على هذي الموضوعات منها المفيد ومنها غير المفيد, ومجموعه كبيره من الفئات والاعمار والشخص الي يفتح بلوغ ويحط مواضيع ويفتح المجال للناس للتعليق منها التعليق الي يعجبه ومنها الي ما يعجبه , فاذا كل واحد عنده بلوغ يشوف تعليق مو عاجبه وسواه موضوع ما راح نخلص ...
ولازم يكون النقاش بنفس الموضوع مو تسوينه موضوع مستقل , وانتي لين حطيتيه موضوع مستقل لان الناس لين قرت تعليقي ما همهم وكان عادي بالنسبه لهم , بس من شافوج سويتيه موضوع خافوا على شعورج وقاموا علقوا عليه , والي قاعد يرفع بكلامج وقال انج على حق هذيل اسميهم بصامه "او قاعدين يطبلولج " والاختــلاف بالرأي لا يفسد بالود قضيه ...
انا صح قلت يمكن يجرحج كلامي لاني عرفت نوعيتج من خلال كتاباتج الي تقريبا مالها معنى ولا فايده مو نفس الناس الي يقولون انهم عرفوج من مواضيعج ,وانتي من النوعيه الي تنغث وتعصب لين تطرح موضوع وتشوف الناس كلها معجبين فيه ويجاملونها وتحييها وتلقى بس شخص معارض وكلامه غير وكلامه صح , وهذا دليل على ان العمر ليس حاجز بين الي يفهم والي ما يفهم والي يعرف يتكلم والي يعرف يحب ويكره ويعرف الناس ونوعياتهم , ومن اسلوبج وموضوعاتج وردج على التعليقات عرفت ان عمرج 30 سنه بس تفكيرج وعقلج عقل وحده عمرها 13 سنه , وهذا الي يختلف فيه البشر والناس العقل والفهم والمعرفه وانا اشكر اختي عتـــيجه على كلامها الي حسيت انها فهمت تعليقي وعرفته , واذا عن العمر نفس قولتج انا الحين اييبلج عشر اشخاص اعمارهم فووق الثلاثين من مستشفى الطب النفسي واقوولج هذيل افهم منج ومني , اختي العزيزه ريما ياليت قبل لا تكتبين موضوع او تعليق تثمنين كلامج وتعرفين انتي شنو قاعد تقولين , وياما ناس اعمارهم فوق الثلاثين بس موعايشين الحياة صح ولا فاهمينها نفسج , وصج انا عمري 20 وانتي 30 بس انا عايش الحياة وفاهمها " وانا بحياتي تعلمت اعامل الناس على قد عقولهم " ..
وصج انا جديد على البلوق نفس ما قالت اخت البندري وهذا موعيب اختي لان الحياة اهي الي علمتني على النت وعلى البلوغ مو البلوغ والنت علموني الحياة والدنيا , وتعليق على كلامج " انتوا تموتون بالي يجعمكم " اولا هذا دليل على ان عقلج مو ناضج ويدل على وحده موعايشه حياة الناس الفاهمه , على الاقل احترمي الناس الموجودين والي يعلقون , واتمنى من حبيبي عاادل الفنان يمسحها بوجهي واشكرله هالكلام الحلو الي افحمني...
وانا تعليقي موعلى الموضوع عامه ولا على الذكرى بالعكس انا معاج كل واحد عنده ذكرى حلوه ويرتاح لين يتذكرها ويستانس , بس انا تعليقي على كلامج لين تقولين "حسيت بعصره بقلبي ودمعه " هذا دليل على ان قلبج حن للشخص مو لايام الجامعه , ويمكن لوتشوفينه الحين تكلمينه وتقعدين معاه وعلى حجم عقلج يمكن تسوين معاه اشياء غلط , وفووق هذا تقولين " تحـــسفت " شنو معناة تحسفت ؟؟
تحسفتي على الدراسه , على الجامعه ؟؟
انا ادري تحسفتي على انج ماعطيتيه ويه ولا كلمتيه وخذيتي رقمه , هل معقوله وحده بهالعمر ومتزوجه وعندها عيال تتحسف على هالامور ؟؟
وانا اتحدااج واتحدى الناس الي قالوا احنا حسنينه انج متفاهمه مع زوجج , وانتي تقولين يدري عن كل شي بالبلوغ ...
صح يمكن يعرف عن البلوغ بس اتوقع مو هذا يمكن الثاني اي , وما اتوقع اي رجل من اي نوعيه من الرجال يشوف زوجته كاتبه هالكلام ولا بعد متحسفه ما يحس بغيره وغضب ونرفزه , الا يبي يعصرج نفس ما انعصر قلبج على الايام الخوالي ..
واخيرا اشكرج على هذا الموضوع الي افرحني ونفس ما يقولون اثلج صدري على شان انج اهتميتي بتعليقي ودشيتي بلوقي , وام جنطه طلعت نفسج وانا قلت راح اتعامل مع الناس على حسب عقليتهم ...
واحب اشكر حبيبي واخوي عااادل القلاف على كلامه الحلوو ..
واشكر اختي عتيجه على كلامها الي تحسس الواحد ان الدنيا ليما الحين بخير لان في ناس متفتحه وعنده عقل تفكر فيه ..
واختي ريما انا ماكتبت التعليق ورحت انام بس انا كنت متوقع هالشي مو غريب عليج وشــــــــــــكرا حق كل واحد قط كلمه علي لان كلامهم ضدي يثبت لي عقليت كل شخص ويثبتلي ان كلامي صح

Яeema said...

mishari
hehehehehehe
hehehehehehe
إنشاء الله

عبدالله الظفــيري said...

يا اخواان انا ابديت رايي بالي قالته بس اهي سوتها مشكله واني غلطان ...
بس حبيت اعرف ليش ماردت علي..ههههههه
وهذا شي راجع لها ولزوجها بس ابدااء الراي مو غلط ;)

Яeema said...

عبدالله الظفيري

أشكر مشاركتك أولا
ثانيا راح أناقش نقطة نقطة من إللي ذكرتهم - البلوغ و مواضيعه تتعلق بالمدون نفسه و أهوا الوحيد إللي يبي يحدد المواضيع المطروحه في المدونه

لو أبي معلومة إتفيدتي أنا شخصيا فراح أفتح كتاب و أقراه
أو أروح لعناوين متخصصه بالموضوع إللي أبي أستفيد منه
not to a blog

المدونه من وجهة نظري هي المرآه إللي تعكس توجهاتي و قراءاتي و ثقافتي
لأن إسمحلي إللي داخل المدونات أكيد لهم أغراض أخري غير الثقافه


التعليقات
ياتلي أردي من تعليقك و ماكتبت عنها بوست كامل لأن صج ملينا من القذف و التجريح و بدون سبب

البلوغ نفس الستلايت
عاجبك الموضوع علق
مو عاجبك غير البلوغ


تعليقك كان علي بوست قديم فماراح أحد يقراه و لهذا السبب خليته مستقل
أصلا أنا لقيته بالصدفه بالإيميل و تفاجأت منه



أغلب إللي علقوا ما يعرفوني شخصيا
و ردهم صدقني مو مجامله إللي يتعب عمرة و يقرا هالموضوع إللي علي قولتك مو مفيد و يرد عليه فصدقني عيل ما عرفت عالم البلوغ إشلون ماشي


كلام البصامة علي قولتك ،لا راح يزيدني و لا راح ينقصدي لأني أنا عارفة منو ريما بالضبط
و يحلوي بس إذا آراء بالبلوغ بتغير أسلوبي بيوم و ليله
كدينا خير عيل
:/


أنا واثقة تماما إنك ما إتعرفني و لو تعرفني عدل جان ما قلت هالكلام
أنجرح من أشخاص أعزهم و أغليهم
أما حضرتك فمجرد إسم عابر
لا معني له في حياتي



شكلي 13
يمكن صح في هالنقطة
لأني لو بتكلم بعقل ال30 أصلا ما المفروض أكون في هالمكان

و ترا بو 30 و إللي بيتكلم بعقل ال 30 بيصير دمه ثقيل
--------------------------------
اختي العزيزه ريما ياليت قبل لا تكتبين موضوع او تعليق تثمنين كلامج وتعرفين انتي شنو قاعد تقولين
---------------------------------

لو فعلا داريت شعوري بالأول جان داريت شعورك ، أنا ما تعديت عليك
و إنت أصلا ما ثمنت كلامك و إللي يقذف الناس فمعناها إنك مستعد للمواجهة


للشخص مو لايام الجامعه , ويمكن لوتشوفينه الحين تكلمينه وتقعدين معاه وعلى حجم عقلج يمكن تسوين معاه اشياء غلط , وفووق هذا تقولين " تحـــسفت " شنو معناة تحسفت ؟؟
تحسفتي على الدراسه , على الجامعه ؟؟
انا ادري تحسفتي على انج ماعطيتيه ويه ولا كلمتيه وخذيتي رقمه , هل معقوله وحده بهالعمر ومتزوجه وعندها عيال تتحسف على هالامور ؟؟


لو تدري إن هالجزء بهارات البوست إشتبي تقول؟
إحنا الحريم كل إنقول هالكلمة ووقت الصجيه العقل يطلع

و ثانيا
شايفني ما عندي رادع ديني عشان أسوي هالمنكر ترا هالكلمة له تفسير واحد و إهيا الزنا

لو بسوي جان سويت و أنا عمري 16

و بعدين إحنا مو حيوانات ما إنميز بين الصح و الغلط
و هالريال شفته و وايد أصادفه و أنزل عيني و أصد عنه

و صديت عنه يوم يييه يخلص أوراقه بالجامعة

ترا إحنا بنات ناس محترمين
و عندنا أخلاق و مثل و مبادئ
و إللي متعود على النظافه طول عمرة ما إيي الحين و يغلط
في هالسن


شفت تفكيرك بو 20 سنه إشلون خلاك إتغلط علي مرة ثانيه
تفكيرك غريزي 100 %؛
و هذا مو صحيح


و من قال إن النت يعلم
بقولك شغله
أنا أردي ناس بهالدنيا صادفتهم من النت ، تدري لييش
لأن ما عندهم حياة برة
و بالكويت للأسف أسوأ الناس و المتخلفة و إللي متروسه عقد متخفيه ورا هالشبكة

فلازم إشوي تنزل لمستوي عقولهم و إتناقشهم

أنا ما عندي إلا بلوق واحد
للعلم فقط
لأني واضحه و صريحة
و للعلم بعد
زوجي ما يدخل النت و البلوقات لأنه يحس إن عالم تافه و سخيف و الناس إللي فيه حدهم فاضين و ما عندهم شغل
و يذم الرياييل أكثر من الحريم
و يقول إللي عنده شي و يبي يقول شي مفيد عنده الجرايد
مو أغلب الناس إللي تدخل بنات و ناس فاضيه

و عمرة زوجي 32
و من زمان هذي نظرته من يوم عمرة 19 سنه ، لأن الريال من وجهة نظرة إنسان منتج و لازم يشتغل بدال ما يقعد يرد علي إللي يسوي و إللي ما يسوي


العقليات يا أخ عبدالله مختلفة بكل زمان و مكان ، و ما يصير ننقص حق أي أحد و هذا الشي يسمونه دبلوماسيه الحياه و هي تقبل الغير

إذا الله منعم عليك بالعقل فهذا يفيدك إنت بالدرجه الأولي مو إحنا

يمكن الواحد بو نص عقل يكون محبوب أكثر من بو عقل و قاعد يخبط بالكلام

بس إنت إقعد بينك و بين نفسك و فكر إشوي ، راح إتلاقي إن عالم البلوقات مو كتاب ولا أهوا جريدة أو موسوعه ثقافيه

هي الناس و المجتمع
التافه والعاقل
الشاعر و المجنون
المفيد و غير المفيد
أكاذيب و صدق

عالم يحمل من الغموض إللي ما تستطيع إنك إتسيطر عليه بأفكارك
فلك حل من الحليين

يا تتقبله كما هو
أو تتركه و تجد لك مكان يحاكي عقلك

لأننا للأسف
مملنا أصحاب العقول
و مملنا من المثل و المبادئ
و مملنا التصنع
و إرتداء الأقنعه

نريد التمرد بالفكر
تمرد الكلمه
نريد التمرد علي الخوف
التمرد علي الصح

أبي أعيش بنت ال13
إللي إب قلبها علي إلسانها
بس أبي أكون 21 عشان أدخل بالخطوط الحمرا
هاهاهاهاها

هذرت عليك
بس يالله ما محبه إلا من بعد عداوة
و هدي اللعب إشوي علي البلوقيرز
عشان إتصير محبوب
شكلك إن إللي معصب يو كتبت مو أنا
و بعدين الصح و الخطأ شي نسبي
و يختلف من شخص ليه شخص
و من بيئه ليه بيئه
و الكويت مو أسره واحدة

سلكنا و عاداتنا و تقاليدنا مختلفه
يعني مالك أمل ألبس جينز و أروح أتمشي بالجهرا!؛
عرفت شقصيده؟



أنا معصبه علي شي ثاني علي ليستات المدرسه إللي واصلتني
طالبين جنجفه و المدرسه مدرسه دينين
هاهاهاهاها

إييي شفت إشلون
ممنوع الإختلاط عندي
:p
أقول تمتع بال20
باجر تقول أيا ليت الشباب يعود يوما
بس والله لما إتصك ال30 قوللي هل بيصير تفكيرك أنضج من الحين؟
طبيعي إييه أنضج

cool it down you have a long way!
thanks for your time
;) <==( not real wink it's digital )

kuwaitia said...

ريما حبيبتى لا اتضايقين نفسج اكثر من الازم اول شي واهم شي انج واثقه من نفسج وريلج واثق منج .

ومع احترامى للاخ عبدالله انت صح لك حرية ابداء رايك بس مو اتهامك لها بالخيانه الزوجيه ابداء الراي شي والاتهام شي ثانى وبعدين الي حصل معاها شي قبل الزواج وين الخيانه قولي هاذا اذا كان الموضوع في خيانه

tweety said...

ريما بعد اذنج ممكن اشوي
للاخ عبدالله
لما انت تعلق على بلوق انا او اي احد ثاني مو بالضرورة يقراه
واذا قراه مو بالضرورة يعلق على كلامك ويناشبك اذا ما اعجبه لأننا باختصار مو اصحاب البلوق
بس لما صاحبة البلوق تاخذ راينا بتعليق اهي استنكرته أنا برد وبقول وجهة نظري فماني شايفة اي علاقة بالتطبيل , ترى احنا مانعرف ريما شخصيا ولا في بينا وبينها مصلحة ليش لازم انتحيلق لها يعني !!!!!!!!؟
يظهر انت بتوضح وجهة نظرك عميتها وقمت اتقط خيط وخيط , مشكلة اذا اعتقدت انك الصح وكل اللي حواليك غلط وانك بس اللي تفهم وغيرك ما يفهمون
ياخوي بغض النظر عن اللي وصل لك من بوست ريما واشلون فهمته ترى ما يحق لك تحكم على ناس ماتعرفهم وتقيمهم لأنك وخاصة بالنت ما اتعرف عنهم الا اللي انت تفهمه منهم وقد تكون المشكلة في فهمك وليست في الناس

عبدالله الظفــيري said...

انا اول شي اسف ان ردي متاخر وادري راح تقولين ليش رد على كلامي الحين بس حبيت اعلق بجم كلمه على كلامج وبس ...
اول شي كلامج الحين متناقض مع كلامج قبل لان قبل قلتي زوجي يدري عن كل شي والحين قلتي مايحب ولا يدش النت يعني مايدري هذا واحد....
وثانيا على فكرة زوجج على النت كلها غلط لان بهالوقت بعض الاشغال والتجاره كلها من النت والبيع والشرا يعني فيه منفعه للي يبي ينتفع منه ومفيه منفعه للي مايبي ينتفع منه وهذا حتى بحياتنا يعني النت نفس الحياة مو بكل شي ...

وانا اشكر اخواني وخواتي على التعليق على كلامي وهذا يزيدني ثقه بنفسي وبرايي , وانا استانس لين اشوف التعليقات علي , فيها الزين وفيها الشين فيها المفيد وفيها غير المفيد وانا اخذهم كلهم بصدر رحب , المفيد والي يمدح فيني شي زين احاول ازيد منه والي يقول ان فيني شي موزين احاول اني اطوره واعرف الناس شنو تكره فيني وشنو تحب وانا اشكرهم على هذا...

وحبيت اعرف شنو قصدج بالجهراا ؟؟؟؟

وشكرا اخت ريما

Sharbil said...

As human beings, we simply have the right to feel our own feelings.
we don't realy have to share every single thing with our wives or husbands.
sometimes we need physical and emotional privacy