Monday, September 25, 2006

no more breakfast


يا حلو رمضان يوم الجمعة

ليييييش؟ سمعوا هالقصة

أنا من النوع إللي أقدس النومة ، ولازم بالعطل أفخ أنام ليييييه الساعة وحدة الظهر.

أيام لعزوبية:

كنت أتفنن بالسهر ، أقرا و أشوف أفلام و أسنع كبتي ألف و 600 مرة

أحووووس بالدار و أرسم و ما يبقي خمجورة ما أطلعها و لا يبقي شريط ما أسويله ميكس .

كان الوالد الله يطول لنا بعمرة يتفنن إن يقعدنا الصبح عشان إنتريق ، بيض مع بصل و طماط، خبر إيراني مسمسم،جبن أبيض مخلوط بدقوس قراش، قيمر و عسل، لبنة و زيتون .

ليييش قاعدة أسرد لكم المنيو؟

لأن كل هذا ما يعادل نومة 4 ساعات زيادة بالفراش، وخصوصا بالشتا، يعني مو مالكم أمل أقوووم عشان آكل!!!!

لييييييييش ماكو شغل! و لييييش لازم أقوم الساعة 8 آكل و أرد أنام! إذا قمت طارت النومة.

و إستلموا تحلطم و بووووز من صباح الله خير و ساعات أواصل عشان ما أتعسر علي أبوي ، وما أقوله إني مواصلة ! عشان أفتك من الحنه علي الريوق.

تزوجت و قلت بفتك من ريوق الجمعة هذا إللي أحسة ماله موديل.

زوجي نفسي ما يتريق ، يفج ريجة بحليب و قهوة ، وتالي إذا ياااع كلا و إذا لأ خلاه ليييه الغدا .

بس من قرادت حظي يوم الجمعة يبي ريوق متأخر الساعة 10

لا حول ولا قوة إلا بالله ، وراي وراي ، وبما إني خبرة صرت بريوق يوم الجمعة فصارت عادة عندي إن أقوم آكل بيض وياهم ويا عيالي وزوجي.

أوميتا ما أكل ريوق الجمعة هذا؟

إذا ريلي من غير شر مسافر

ألللههههههههههههههههه ، وناااااااااااااااااااااااااااااااااسة !!!!

أقووووم بالوحدة علي راحتي !!!! أقولهم إيبولي قهوتي بالفراش !!!

جرايدي نظاف أوون لاين أقراهم ، يعنييييي عز عز عز و أوبهة !

فا برمضان لييييش أحب يوم الجمعة ؟؟؟؟؟؟

لأنه ماكووووووووووووو ريووووووووووووووووووووووووق

فراح أستمتع إني أنام و أقوم علي راحتي

من الحين متزهبتلة و ناوية نية الشر علييه

باعيييييض المخدة إنشاء الله

39 comments:

Hosno said...

هاهاها يعني رمضان ويمعه هذا قمه المطلوب :)
ذكرتيني بأبوي والله نفس السوالف مسويلنا جنه بالجيش بس انتو اعتقد ارحم لأن ابوي كان يي كل 20 ثانيه يقعدنا من النوم لما نقوم نتريق ومو بس الجمعه حتى الخميس ريوق معسكر
الله يذكره بالخير

love nature said...

loool ana 7imdila ma kan rioog bes kan ya7res 3ala il ghada lazim kilina mawjoodeen wila yet-thayag bes wala jad khoosh 6abi3 its nice to gather mu bes 3ashan akil il wa7d 6ool il isboo3 looya

Princess said...

واااااااي انتي نفسي . . انا وحده اكره شي اسمه ريوق او اني اقوم امبجر عشان اكل او اطلع . . و لا يوم الخميس رفيجاتي يقومون بال10 عشان تمشي و مادري شنو و لا مرة رحت معاهم من له خلق !! النوووووم و بسسسسسس .. الله يهنييييييييييج باحلى نومه و استمتعيييييييييييي

Nescafé said...
This comment has been removed by a blog administrator.
Nescafé said...

اهم شي الراحة ياريما والنوووومه السنعه .. حسيت بمعاناتج وحسيت شكثر انتي ناطره يوم اليمعه برمضان هيهيهي

بس تدرين والله حلوه اليمعه على الريوق او اي وجبه ثانيه، مع انج ماتشبعين نوم ويناشبونج بنومتج بس والله ياحلو يمعة الاهل على السفره ترى والله نعمة وصدقيني مايحس بهالنعمة الا فاقدها

mishari said...

انا سؤالى واحد
ليش الحريم فجأة صاروا خياس نووووم
؟
انا ملاحظ الحين الحريم كلهم ينامون مثلا الساعة 2 وتسحبها لى الساعة 1 الظهر ثانى يوم؟؟
الحريم ماكانوا جذى
موضوع بوست ينفع لدراسة الحالة :))

Fuzzy said...

ولين حطي تحذير " يجب قراءة البوست بعد الفطور " مو كافي دعايات الاكل بالتلفزيون لعبت فينا لعب هاهاها

النوم فضلوه على الاكل

انا لو يقعدوني الصبح اتخيل ودي ادفع عالدقيقة دينار بس انام هاهاها

انا الصوم بالنسبة لي سهل لاني ما أتريق والعادة أتغدي الساعة 3 او 4 بس المشكلة بالزقاير ... اول يوم عقب الفطور دوخة ولوعه والدنيا تدور عسى مو حامل بس !! كل هذا من الزقاير هاهاها

أحلى شي ريوق أول يوم العيد .. الواحد ياكل وللحين شاك انه رمضان خايفين ناكل يقولون لا ترا باجر العيد هاهاها صارت فينا مره من جم سنه

Kwaitiyya said...

النوم سلطان ! أنا وحده أقدس شي إسمه نوم ! أنطر نهايه الأسبوع بشوق ولهفه ما بعدها لهفه عشان انام وأعوض فزعة دوام الإسبوع كله وأسمتها ليه الوحده ! ياحلو الفراش!

أنا كارهه دوامي بسبة قعدة الصبح
ريما هالإسبوع شبعي نوم لاتقومين إلا وانتي شبعانه أو باقي على صلاة العصر جم دقيقه يعني حده حده لول ! الله يهنيج وتحلمين أحلام سعيده وحلوه

Яeema said...

hosno
hehehehehehehehe

أتوقع أبهاتنا كل ما يكبرون كل ما يقل النوم عندهم


ترا والله صج ليييش ما يكون غدا؟
ليييش طقوص الريوق هذي



love nature

i am with the gathering , but not in the early morning, specialy if you work or study all night when i was at my father house ,and i use to study all night , this is why in the morning i need to sleep to charge my self for the week >



princess

هاهاهاهاهاها
إييييه تخيلي أمي نوعها الساعة 9 ماخذه بنتي الفنار حق ديلوايوه عشان الكرواسووون

تقوللي إنتي ما منج رجا إتقومين حق ريوق

ودي أفهم ليييش الريوق ما يكون بدال الغدا
لييش لازم نتريق إمبجر عشان يمدي إنيووع لييه الغذا

كسروا الروتيييين!؛

ريوق و غدا الساعة 12
إشفيها يعني

Яeema said...

nescafe


أرد و أقول اليمعة أحبها و أموت عليها

خل أعطيج مثال
بالصيف مالج أمل أروح أتغدي عند أهلي

يبوووون
عشا و أنا حاضر
بس غذا و تركبين السيارة ما تقدرين تقعدين علي الكرسي من كثر ماهو يلسع

لا حبايبي


فأرد و أقولج
هم التوقيت زيييين




mishari
حريم أول ما كان عندها من يخدمها

عشان جذيه لازم تفزع من صباح الله خير إتسوي كل شي

و الريال ما كان يجييس شي بالبيت
و إلا كان مو موجود بالديرة


حريم هالوقت يالله الجنة
مدللين و ماخذينهم من بيت أهاليهم إدهم ناعمة ما يلمسون شي

هاهاهاهاهاها

مشاري
إحنا نكرف طول النهار
إندرس بعد الدوام و الريل نايم

و شغل البيت و الجمعية و أغراض البيت علي المرا

و الريال يا رايح الجم و إلا قهوة و إلا دوام و إلا دوانية

و طول الأسبوع نطريني علي العشا لما يسري من مشاويرة

ريايييل هالوقت تعالي جابليني و الضحكه شاقه الحلج

إنقوم من 6
إنام الساعة 1 و إلا 2
الفير


مستخسر علينا يوم بالأسبوع


نسيييت حريم أول ماكو دوام
بعد صلاة العشا نايمين

يعني ينامون أكثر منا

بس اللهم فرق التوقيت
تبي مرتك إتنام بالسبع و إتقوم 5 الفير عشان إتصير سنعة؟


جان إنت أول واحد إتحلطم
و خصوصا إن أكو رياييل يحبون السهر

Kuwaiti said...

هههه انت نفسي ريما تقدسين النومه
انا والله اذا نمت بالويك اند ما اقعد لو شنو لو يهدمون البيت نومتي حيييل ثقيله
بس اذا اشتهيت الريووق الله لا يوريج انا طبعا ما اعذب الناس معاي للأني انا بروحي اسوي ريوقي لأن ما احب احد يسويلي ريوقي
ذيج البيضه مع بصل وطماط ودقوس طماطه ومطبوخه بدهن عداني ريحته تفوح لين اخر البيت
وحليبه مع هيل
وطبعا الجبن ومشتقاته والبانكيك والسيرب واذا توفر قرص عقيلي يكون احسن واحسن علشان التقمس بالحليب واطالع التلفزيون
طبعا هذا الريوق ما اشتهيه الا في الشاليه وبعدها هوووب طبه باالبحر تنقع
انا مو قاعد اكتب هذا الا للأني بالدوام الحين وسعابيلي واصله لين اخر ههههههه

شوقتيني على النومه ياريما

Яeema said...

fuzzy
هلا والله بالطش والرش
إييييه والله أشتري أشتري


حامل!!؛؛
ههههههههههههههههههه
هههههههههههههههههههههههههه

إيييي صاج صاج

أشوف ريلي شصير فيييه لييه دخن أول زقارة

دايخ إسم الله عليييه


ريوق الفطر أخاف منه
أشرب بس لاتييييه

المعدة تخترع من إتشوووف خبز و زعتر

و الإييينو يشتغل

هاهاهاهاها





kuwaityaa

إذا الله كتب
قبل صلاة الفجر
بانادووول ناااايت
و بخلي الناني إتنام ويا ولدي الصغير

باخذ إجازة
والله فكرة

أشحن حق لسبوووع كلة

Яeema said...

kuwaiti

هاهاهاهاهاهاهاه
خنت حيييلي والله

و بكملك المنيو

و البيضة تكون يايبها من تحت الدياية

الله !؛

بس الله يهداك يبيلك ساعتين عشان تقدر إتطب بحر

و الرقيه الباردة يمك و الآيس بوكس ويا المشاريب الحلوة و مطارة البيمتو


واااااااااااااااااايييي
ودوني البحر!؛


شوقتك!؛
إنت لاحظ إن اليوم الأحد و أنطر يوم اليمعة نطرة
هاهاهاهاها

عبــدالله الظفــيري said...

بسم الله الرحمن الرحيم
توكلنا على الله..





















بعد الفطر الرد الحين انا صايم

عبــدالله الظفــيري said...

قلت ابي اقرا التعليقات كلها ما عجبني ولا قصور بالباجي الا تعليق مشاري ما اقولك الا جبتها عالجرح ...
طلعت ربع الي بقلبي يا مشاري, بس لو تلاحظ ريما ردت عليك اكثر ما اكتبت البوست , يعني الكيبورد الله يعينه راح وطي تكسر ...
عذرهم العيال ودراستهم والجمعيه والطبخ وغيره وغيره ...
الحين الوحده تطبخ من غير نفس وتشوفها طالعه من المطبخ نفسيتها بخشمها , تقول شامه فطيس , ليش يا بابا على شنو ؟؟؟
قلنا دوام وعيال وطبخ بس مو جذي ...
الصراحه ما اقدر اكمل الحين بعد الفطور موزين بعدين يصير فيني ضغط وسكر كله منج ريا

Яeema said...

عبدالله







اللهم إني صائمة
بتهاوش معاك بعد الفطور


عاجبك مشاري ها!؛

وااااااي يا فرحة العذال فييني

Charisma said...

ههههههههههه
خنت حيلى والله يا ريمه اى يناشبونه نشبه هالرياييل على النوم
اى نااام انت بعد !!
واذا شافج نايمه واهوه قاعد يحوووووووووس على راسج صك وفج بهالليتات كباته اتراقع بالدار الحمام وانت بكرامه يحلى لى صرتى نايمه لما يقعدج واى واى وااااااى

اما ريوق اليمعه موتينى ضحك
اى والله ماكو فكه

وانا نوعى اذا ريلى قام وقعد بالصاله وحسيت فيه ما كنت نايمه بعمق
يوترنى لازم اقوم :(
بلشه
ياحلو ارمضان بس ويا زين ايامه ولياليه

Charisma said...

اى ريمه سؤال:

ليش الرياييل بالويك اند ما ينامون؟؟؟

ليش الفزعه من فير الله ويبون ريوق ؟؟؟
مانى فاهمه

اضاهر امباراو وقل نومهم

هذى بوادر الشيخوخه قاعد اتبين

Charisma said...

امباراو = اكباراو

mishari said...

بل بل بل طلعتينى من هدومى علامج اهتديتى على جذى مرة وحدة من اليووووووع :)
شنو فطوركم اليوم ؟؟؟

FREEQ8 said...

أنا عكسك على طول أنا أموت على الريوق ... وهو الوجبه المفضله لدى ... والنوم عندي عفيسه كله ما نمت زين ... وأموت على السهر ... يعني للحين ما عدلت النوم وما أعتقد أني راح أعدله

Яeema said...

kitty

واااااااااااي إيييييييي

لا و الإبوة و تلعب اليهال ما يحلا إلا و إنتي نامية

مرة و أنا بالعطلة يقوللي

تريقت و تغديت و إنتي ما قمتي

الساعة توها وحدة

يعني إستحي و قومي

يوووم قمت جان ياخذ أغراضة و راح البحر


بقييييت أبجي

Яeema said...

mishari

شوربة و سلطة و توست و جبن قلاص


هذا فطوري

البيت الله يسلمك

تشريب
هريس
مجبوس
كبيب
مرقة مصقعة

شوربة
فيمتو
شربت بيذان
سنكويك


الحلو
زلابية
لقيمات
قطايف




أنا أشوف السفرة أشبع
والله الله ما آمر بجذي

100000000000000000000000000
كالوري!؛

ليييييييييييييييييش!!!؛
و يقولون لييش إنزيد برمضان

Cute-Q8i said...

الله يزرقنا اللي يسوي لنا ريوووق

lawyer said...

يا عوينتي علييييييييج يا رفيجتي
سكتي انا اقرا البوست و اتذكر اخر يمعه لج

الله يكون في عونج
ماني مضيقه خلقج بس احس اكيد بو العيال هم بيتسلط هاليمعه
و فجأه بدووووووون مقدمات راح يتذكر ان ماشاف عياله من زمااااان
و يكود عندهم كلهم بالفراش


صصصصصح النووووووووووووووم شي مقدس عندي

انا يوم اليمعه و الخميس اتريق الساعه 1 الظهر

و في امه خير احد يقعدني


قبل كنت اوصيهم و اقولهم
لو يدق بابا جابر يقول قعدوها قولو نايمه

الله يرحمه حبيبي بابا جابر
الحين ماعندي احد اقولهم لو يدق لا تقعدوني

المهم نرجع لموضوع الريووووووق


انا عن نفسي اعشق الريووووووق
بس بكيفي
و الوقت الي ابيييييه

و بصراحه الانسان لازم يعيش اجازته بالطريقه الي يرتاح لها

love nature said...

yeah i agree with u not early morning ..il nooma itseer a7la that time lool

Princess said...

اييي و الله . . حديييي حبيييتجج !! صج و الله ليش مو الريوق مع الغدا و خلاااص !! يعني هم عطله و هم ريوق ليشش يا ربي ليييششش !!

Яeema said...

freeq8

تدري ليييش؟
لأنك شيييبه
هاهاهاهاها


والله يا حياتي إحنا فئة الطبقة الكادحة
و طبقة إللي في أول السلم الزواجي مع اليهال نحتاج النوم أكثر من الأكل

نحن شعب ياكل ليعيش
ولا نعيش لناكل

ما إتشوفنه إسو الله علينا محافظين


الريوق يخلي شهيتك مفتوحة حق الغذا




cute-q8i
هذي ضريبة إللي بيدرس برة
هاهاهاهاهاها


الله يوفقك يا رب و ترجع لنا دكتور تجميل

ما نبي شي ثاني!؛

أنا بعد 7 سنين راح أبدي أتعامل وياك


future dr's

:p

Яeema said...

lawyer

كل ما أحن علييييج علي يوم الجمعة إتقولييلي
وااااي
إنتي فلم لا أنام


و قمت كل أرددها بيني و بين نفسي لييه صار هالموقف فيني

أقووول وييينج يا فطييييم

لا أنام
لا أنام


واااااي يا شييين العسارة لييه تعسرت

بس أحلا ريوق كان وياج
فووووووووووول و شغل عدل

بس كنتي قاعدة و ضبطناها

هاهاهاهاهاها
إنعووودها سحور إنشاء الله



love nature

مو أحلا !؛
إلا لذييييييييييذه

جني شاربة شوكولات شوووت من شوكولات بار





princess

حبتج العافية حبيبة قلبي


إييييه والله لييييييييش يعني؟
هاهاهاهاهاها

الله يعين الريايييل علينه
إلسسسسسسسسسسسان
أمهات عشاق النوم أكثر من ترسة البطن


بس والله صدقيني النوم ما يخليج تكبرييين
و سألت دكتوري

قتلة فيني فقر دم و كل أبي أنام
جان يقووول وييين الواحد يحصل راحة البال و ينام

إللي ما ينام معناتها إن عندة إهموم



فإلى راحة البال و النوم العميق

Яeema said...

kuwaiti !!!!

allaaaaaaaaaaaaaaaaaaaaaaaah

إذا تعدل الجو و نصبتوا الخيمة بروح أتريق عندكم

بس علي شرط!؛

ريوقي الساعة 3 الظهر

يا حلو لحليبة المهيله


شوقتنيييييييييييي!!!!؛

3afoor said...

اللي ما يقدس الريوق ما عنده سالفة..مع الاعتذار لريما..الله ياني ولهانة على الريووووووق..انا حرميني من الغدا عادي أو حتى العشا بس الريوق ما استغني عنه
بس صاجة القومة من النومة غصب تييب العسارة وين تشتهين تاكلين..تدرين ان المغاربة يتفطرون برمضان ريوق؟؟ تدرين مرة بغيت اقلدهم من كثر ماني ولهانة على الجاي حليب..استغفر الله ومع اني اموت على الريوق بس كانت فكرة الفطور فاااااشلة..ياتني لوعة جبد و عقبها ظليت شهور ما ايي صوب الحليب مووووولية

Яeema said...

3afoor
أنا أحب الريوق
بس ما أحب أقوم عشان آكل

و بدليل إني برمضان آخر أسبوعين أدورة لاتيه و سندويشات

لبنة و تقمس زعتر و جبن كرافت بو حديدة

أسمييه تنقنق


يا حلوج والله قاطة ما إتبينين
إشلون المدارس و التدريس وياج
هاهاهاهاهاه
أنا هالسنة إعتزلت الحياة الفنية و الإستقبالات

إلا إذا صادف ويييك إند أروح

The Simper said...

u know why is it called "FRIDAY?"

يعني يوم القلاااااي

:P

ya3ni 6ubaaaakh la7ig kom laa7ig kom.. even in english :P

well.. enjooy ur fridays in ramadan.. sleep as much as u can.. i am always with relaxation and what ever makes people relaxed :) what ever how ever :)

PearL said...

نوم العوافي

اعرف هالشعور

يا سلام

ماكو احلى من النوم للظهر
وتقعدين وتحسين نفسج حدج شبعانه

tweety said...

الله يعينج صراحة !!
أنا الله وكيلج هالريوق لو ما دوامي ويعطونا بريك الصبح والا جان ما تعرفت على هالوجبة
انا عندي الراحة والعطلة يعني نوم خاصة اني من ربع الليل وآخره خفافيش الظلام اللي يواصلون سهر لي الصبح

Яeema said...

the simper

حياتييييييييييييي
مشكووور مشكوووووووور

يا عل راحة البال دووووم في بالك


قوووول آمييييييييييين




pearl

والله صدقتي

يا زييينها و إنتي قايمة مو مخترعة علي صووت سشوار و إلا صراخ ياهل دااااش عليييج علي غفلة
هاهاهاهاها




tweety
join the club.

ما شفتيني يوم خذيت إجازة إشصارت بنومتي
أنا أربعا و خميس عافستها
هنوبة 26 يووووم!؛

إِرايج يعني؟

أمي إتسميني سوييير الليل

ShaRBiL said...

we all hate breakfast lol
spacially when they wake up us to eat!

نون النساء said...

لوووووول
ابوج صعب


ابوي من كثر ما عطانا محاظرات
عن السهر وفايدة الريوق
غسل ايده
والحين شال ايده موو ليه



وماكو احلى من ريوق
الأيس كريم

يم يم
ودي أشرح اشلون صاير
بس اخاف لا اضعف الحين
ههههههههههههههه

Яeema said...

sharbil !
الترويييأه حبيب ألبي

بلبنان أحلا ترويقة و ما بأوووم آكل


you always tell me that you dont very understand the words, but i guess it works fine now with you :)


long time no see on the bloger world!






نون النساء

لااااااااااااااا
بلييييييييييييييييز

ضرورييييييييييييي إتقوليييييين


ترا ريوووق اآيس كريم هذا سمعت إن كلوديا شيفر إتسويييه

لأنها إتموت علب الآيس كريم فللمحافظة علي الرشاقة قامت تاكلة ريوق



الحمد الله علي الصحة والعافية