Sunday, September 17, 2006

حبيت نفسي فيك


وتبدا غربتي ويا نفسي ، مع كل مشاغل الحياة ،زحام، وناس

أبقي وحيدة بداخلي

و أنتظر أمل إني أسعد نفسي وياك

سؤال دايما يدور بداخلي


شنو السعادة

من وين ألقي الفرح الحقيقي و أنا لاهيه أبرر لفلان و أسعد فلان و أواسي فلان؟

ألحق سراب ، الكمال في الحياة

أضحك ويا الناس و أنصح فلان و أسمع فلان

وفي النهايه أحس بغربه معاهم، غربه مشاعر و غربه إحساسك بداخلي

فراغ ما ينميلي إلا بهواك

أسمع صدي حبك

صوتك

همسك

الحقيقة غير

والخيال غير

وحيدة ويا الناس

كنت سر من الأسرار

كنت كل السعادة بدنيتي

بس للأسف دايما ما تكتمل فرحتي

رحلت

حبيت شي واحد فيك

مشاعري فيك

مشاعري فيك

مشاعري فيك

ما كنت السبب

كنت عذري لحبي

و جيت بطريقي

حبيتك

ورحلت

و بقي حبي لك

By Reema

45 comments:

Mamloo7a Q8ia said...

الله عليك يا ريماالله
كلامك فتح صفحة حياتي وذكرياتي وجروحي
كلامك عبر عن ما في داخلي من مشاعر واحاسيس كنت معطيتها اجازه
فعلا حياتنا للناس .. بس للاسف لا نعامل بالمثل ودائما هناك فراغ لا يمتلي الا بمشاعر صادقه من اشخاص يحبونك لنفسك

Fuzzy said...

والله الحب ما يوكل عيش ... انا صرت انسان اناني قمت احب نفسي وبس وحسيت بسعاده داخليه لاني لا قمت احاتي احد .. راحه وفكّه هاهاها

Mamloo7a Q8ia said...

والله يا فزي كلامك صحيح بس وين اللي يفدر
بوطبيع ما يغير طبعه
صار لي مده وانا احاول بس للاسف ماكو فايده

lawyer said...

اي والله يا ريما مو بيده الواحد


صاااااااجه

انت ما فيك شي ينحب
بس شسوي حبيت نفسي فيييييييييك
حبيت حبي لك
ما انطر منك رد
بسس انا في العطى مجبروو

Яeema said...

إهداء وائل جسار  
: بتقول أنساك

Яeema said...

mamloo7a q8ia

قصتج و قصت آلااااااااف


إذا حبوج بعدوا عنج

ماني فاهمة هالمعادلة الصعبة





fuzzy
ما أقدر أعيش بدون حب

الحب يوكل القلب والعقل

ما يوكل المعدة


مو من قلبك هالكلام







lawyer

حبيت مشاعري الصادقة
حبيت إهتمامي فيك كأنثي
حبيت دلعي


الله
والله العظيم محد يقدر هالشي بهالوقت

Charisma said...

ما ابى اخدش الكلام الى قلتيه ولا اجرحه
بحطه فى اجمل برواز واطالعه واستمتع فيه


احترم كل كلمه قلتيها وهذا مشاعر

بس فى كلام انا حاطته خلفيه فى جهازى


I love you

not for what u are !!

but for what i am

when i am with u .....

Яeema said...

kitty

exactly

ذكرياتي وياه
حبي معاه

القصه فيني مو فيه

Hosno said...

كلام معبر ومن الاعماق
الله يعينج على غربه المشاعر

The Simper said...

beeeeeeeeeh.. hal marra ur post wayid sa3ib ;)

i will save my comments to ur next posts :D maybe they are easier ;)

but i will join my vote to fuzzy.. me love me self :D then and only after that think of others ;)

EsTeKaNa said...

تبدأ غربتي ويا نفسي
.
.
أصعب أنواع الغربه
فلا وطن يحتضنها ولا شخص يشعر بها
قمة الصدق الاعتراف بافتقاد الهوى ذاته
بكل وأدق تفاصيله
بكل ذكرياته
والحنين لاحساس أكثر من الحنين لشخص
.
.
بالنهايه هو من جاء لطريقك،وهو من يرحل،ولا يبقى لك الاحنين لذكرى كتبتيها ولامست قلوبنا

قمة الرقه يا ريما
:)

the tooth.fairy said...

Awww, you are very romantic :*

يا بخته بو يوسف

Hehehe

رقيق هو احساسك
و جميلة هي مشاعرك


طلعتي كتلة من الاحساسيس والمشاعر

صح السانج ريما

:)

Anonymous said...

اعجبتني اغنية سمعتها حق شرين تقول فيها " من الغباء انك تعيش زي الملاك بين البشر" كلمات الاغنية ككل حلوة لانها ترى صج. 27 سنة دورت فيهم على الحب و اخيرا وصلت لقناعة ان الحب مو موجود هالايام و ان الشخص الوحيد الي يحبني بدون شروط ولا قيود هو ابوي و امي. تدرين متى صج حسيت بالحب, كنت مرة قاعدة ابجي و ياني ولدي عمرة سنتين وو لمني و قالي ماما لا تبكين. طول عمري احب الناس و ابديهم علي و اخدمهم بعيوني, بس كلام فزززززي صج, الحب ما يوكل عيش.و الناس كلمن يالله يا نفسي ف قلت خل اجرب, ارتحت من قلب. اخيرا التفت حق نفسي. مرات ارد نفس قبل لان بو طبيع مايوز من طبعة بس اتدارك الموقف و اقول الدنيا ما تسوى اتعب عمري. ووووووووييييييين الي ايحس وو ايقدر ؟؟؟ ناس تبي تحب و مو لاقية احد تحبة, و ناس تبي تنحب و مو لاقية احد ايحبها. life is funny !!!!!!!!!!!!!!!!!!!

Anonymous said...

اعجبتني اغنية سمعتها حق شرين تقول فيها " من الغباء انك تعيش زي الملاك بين البشر" كلمات الاغنية ككل حلوة لانها ترى صج. 27 سنة دورت فيهم على الحب و اخيرا وصلت لقناعة ان الحب مو موجود هالايام و ان الشخص الوحيد الي يحبني بدون شروط ولا قيود هو ابوي و امي. تدرين متى صج حسيت بالحب, كنت مرة قاعدة ابجي و ياني ولدي عمرة سنتين وو لمني و قالي ماما لا تبكين. طول عمري احب الناس و ابديهم علي و اخدمهم بعيوني, بس كلام فزززززي صج, الحب ما يوكل عيش.و الناس كلمن يالله يا نفسي ف قلت خل اجرب, ارتحت من قلب. اخيرا التفت حق نفسي. مرات ارد نفس قبل لان بو طبيع مايوز من طبعة بس اتدارك الموقف و اقول الدنيا ما تسوى اتعب عمري. ووووووووييييييين الي ايحس وو ايقدر ؟؟؟ ناس تبي تحب و مو لاقية احد تحبة, و ناس تبي تنحب و مو لاقية احد ايحبها. life is funny !!!!!!!!!!!!!!!!!!!

Diver said...

هذا انسان محظوظ لانج تحبينه

kila ma6goog said...

مشكلة اللي قلبه حي و يحب

kila ma6goog said...

مشكلة اللي قلبه حي و يحب

lawyer said...

دايفر

اشكرك فعلا يا بختي لانها تحبني
ههههههههههههه رازه عمري انا صح



مطقووووووووق

اي والله مشكله الضمير

Яeema said...

hosno

و يعين الجميع

إيييه والله من حشاشت يووووفي



the simper
it's not at all
i feel lonely that's it .

dont ask me why , i have everything
o ata7amad rabby

but it's my feeling i cant runaway from it .




estekana

رحل إشتاق لجراحه
يحقله طيبتي ما تحتمل

قليلة في وقتي الهموم
ما كنت أعاني أو ألوم

حياتي إنتي والله

كلامج قعدت أقراه وايد


الحنين لإحساس

إيييه والله

Яeema said...

butterfly

ما درى عني بو يوسف

لاهي بالشغل
الله يحفظه


محد مودرني إلا هالمشاعر

هاهاهاهاها

الله يثبتنه بعقلنا و يسيطر عدل علي الوضع




anonymouse

أعتقد إني وضحت إني أحب لنفسي

حب النفس شيء
وحب الأخرين شي آخر


حب الأم و الأبو غييييييييييير

و حب الحبيب شي ثاني

لأنج ما إتشوفين أنوثتج ويا أمج أو أبوج


ما إتشوفين أنوثتج ويا ولدج الله يحفظة

حضن الرجل شي ثاني

ما يعبيه أي حضن بالدنيا


and ya 7ad'ha funny !

Яeema said...

diver

محظوظ و إلا مقرود مو فارقة وياه

كافي أني كتبت شي حلو بسبته

at least i know that i still have feeling
hehehehehehhe



kila ma6goog

حده مشكله
يجلب القلب الله وكيلك

ههههههههه



lawyer
رزي و أنا أمج


يا حلوج بس لييه أقبلتي عليي بالدوام

أنسي همومي كلها

لوما إنتي جان أنا علووووم حالييي
هاهاهاهاها

FREEQ8 said...

يسلام عليك حلو وايد الكلام ...وصح لسانك

mishari said...

العشق بلوة من دخل فى وسط بحر وغيب الجاه
اختلفنا بالهوى انا وخلى
واختلاف الراى ياب الفشل
ما سمع شورى ومضمون عقلى
لا تخطبلى ولا اعتقل
خلوووووووه يولى والعرب كل رزق على مولاه :))

وايد حلو اللى كتبتيه بس طرت على بالى هالاغنية ما ادرى ليش:)

Om Ghayeb said...

REEEEEEEMAAAA.. KITTY... LAWYER..
Lazim lazim aGolekom Shay tharoory, ana wa7da ma sarly moda emtab3a elBlogs, khoborkum habeet feh ma3a habbat nabeeha 5 madre nabeha 3afsa:P elmohim, o madre shlon 6e7t 3ala Blogatkom, o allah wakeelkom tewalla3t eb sowalfekom o khaleet refejaty etewalla3on weyaaay!!!
gabel la awale3hom fekom, kena kelyom elSeb7 mn enDesh eldawam.. en6ela Online belMSN hathra .. No3na invite 4 of us o hathra o ta3leqat 3ala ely weyana beldawam, o neshteghel shwaya o enhather shwaya..
bs mn 6e7na fekom o e7naa la shegheeeeeel wala Salfa wala 7achwaa ela entaW!! o gaam etheeG khelgnaa etha dashena 3ala ur blogs o ma legena Post yedeed!!

halayam 6ay7enlaa negra ur old posts :S elshakwa lallaah... sar edmaaaaaan..

3ad al7een gelt mayseer ma awasel lekom MaSha3erna elJayaSha tejahkom!:P

ma a6welha 3alekom, honestly speeking, a7es eny a3arfkom mn zimaaaaaaaan.. madre lesh!! a7es swalefkom mo ghareba 3alay!! a7eskom ANA!!

Yemken akon a3arfkom.. yemken la'a.. bs ely bagola.. allah la Yafregkom .. o atmanna eny waSaltlekom walaw joz' Basee6 mn ely en7esa lekom :))


PS: tara kha6 elcomments WAYED eSgheer .. 7aram 3alekom e7na fe ray3an shababna nen3my wela enSub e7wela eb Sebatkom, ma yarthekom :X

Thanks alot Gals;*


Yourz.. Bent Omha

Charisma said...

om ghayeb:

7bayby wlaa ma etga9ron 3sa dom mstansen aw mwansenkm aw alah la y7remna mn hal ma7abaa anaa hathy s3adty lma a7es fe ma7abat el nas hatha akbar mksab aw 3saha dom ya rb..

anaa aw bl neyabaa 3an `7waty ely bsab3 nomaa Reema aw Lawyer agolkum mshkoreeeeeeen wayd wayd wayd aw `7jltona bkalamkum ely yshra7 el 9ader

aw plz plz la yetheq `7lgkum etha mako post yded hehehheh mshkela hal ketabaa fj`a eyeech el elham hehehhe aham shy anaa 3aysha el dor eny 9ert akteb loooooooooooooooool wlaa 3ndkm Lawyer aw Reemaa ohma el a9el aw anaa at3alm menhm :)

mshkoren aw we9al sh3orkum aw akthar :) aw lesh la mo b3eda enaa n3ref b3ath hehehhe eslobch mo `3reb 3alay ;)

aw mula7atht el `7a6 enshalaah enkabra :)

t9b7on 3la alf `7er

Яeema said...

freeq8


صح إبدنك
thank you sweety



mishari

آخر كلام إنت و أنا ما نتفق ، لا عيني تراك و لا إذني تسمعك
في أمان الله
روح الله معاك
حاولت أنا بكل هدوء أسمع كلامك للأخير
حاولت أضحي بكل شي

ما ودي يصير

إنت الذي أخترت الطريق وأشعلت في يوفي حريج


إتركني في حالي و إرحل علي خير


أنا بعد ما أدري ليش طريت هالأغنيه لما قريت إغنيتك مالت رويشد

;)

Яeema said...

om-ghayib
مع إحترامي للكل بس والله هالكلام فعلا

made my day !

أشوف الكلام الحلو بحقنا كلنا و إنا إقراب منكم و نسعدكم

ما إتصورييين إشكثر هالشي فعلا يحسسنا بفرح والله العظيم


أنا لساني إشطوله بس ما أدري شقولج أحرجتيني الصراحة

الله يقدرنا إنكون علي قد المسؤوليه و إنونسكم و نوسع إصدوركم


التيكس بالكومنت
ما نقدار إنجيييسه
لأنه تبع البلوقير


الحل هو:

bel title bar mal el expolorer-


view ==> text size ==> largest !


and you wont need to sqweeez your lovely youth eyes


لو سمحتوا ما نبي باجر إنقولون لنا تجاعيد حوالين عيونا و رقم 11

و إنوزع أبر بوتكس علي كل البنات إللي يقرون لنا

هاهاهاهاهاها

lawyer said...

وااااااااااااااااي ام غايب

شنو هذاااااااا ادمعت عيني صدقت عمري تراااااااا


حيااااااااااااتي انتو

سلام مربع لكم كلكم ربعي الي ما ارعفكم

اشكركم وايد وايد
كلامج يا ام غايب عجيب يبرد القلب

الله يوسع صدرج يا رب

مثل ما جبرتي خاطرنا في الحجوه الحلوه
ياختج تدرين احنا فقر فقر حجي حلووووووووو


يا معوده لا احبكم
هههههههههههههههههههههه


اقوووووول ام غايب تكفين سلمي رفيجاتج
وقوليلهم مبارك عليكم الشهر مقدما

وااااااااااااااي اشفيني قمت البح جني في سوق الحريم

Kwaitiyya said...

وأن أقرأ البوست وأقرا كلامكم سرحت وخذتني الذكريات وقمت ابجي وأفكر هل الحب الحقيقي موجود في هالزمن التعبان؟ الناس تغيرو ؟ أو العيشه والحياة بهالزمان خلت الناس بدون قلب؟ وإحنا شفينا ليش ليلحين ماتغيرنابالله! واااي يا قلبي

إحساس صعب ! الله العالم إني بغربه ولهفه حتى لو كان أمامي

صاج صحيح هو كلام فري كويت ولكن مثل ماقالوا بوطبيع مايوز عن طبعه

نعطي ونعطي ونعطي بس ماناخذ وماكو تقدير ،، الله كريم

Яeema said...

kuwaitiya

اليوم راح إييي و إنشاء الله نلقي الحب كلنا

إذا أصرينا علي إللي نحبه
يمكن لا عل و عسي يسمع


و إلا من يحصله حب و يقوله لأ

7osen said...

شعور وايد صعبه انك تكون مع الناس وتحس انك وحيد
الحب ايسبب قمه الساعده ويسبب قمه الحزن
الحب هو العله وهو الدواء
اللى يقدر يعيش بدون حب راح يكون مرتاح بس ماراح يكون سعيد
لأن السعاده الحقيقيه هي بين احضان الحب

soulvoice said...

احنا يالبنات مشكلتنا مشكله

عايشين عالمشاعر والاحاسيس ومتعطشين للعاطفة بشكل كبيررر حتى واحنا بحالة حب نبي عطاء اكثر من اللي جدامنا والاستمرارية بالعطاء وبنفس المستوىىىى طول العلاقه شي صعب جدا

وصحيح كلامج الانسان يحب لنفسه بالدرجة الاولى


الحب اعتبره حاجة ملحةةةةة وضرورة بحياة الانسان الطبيعييييي ومستحيل يغنيه عن هالاحساس اي شي بالدنيا

حلات الحب والله احلى شي بالكون بدونه حياتنا راحة بس راحة مملة

kuwaitia said...

كلام حقيقى وواقعى وانعيشه في حياتنا بس يعور القلب

Яeema said...

7osen

الحب سلاح ذو حدين

و الصبر ما لنا إلا الصبر

Яeema said...

solvoice

أحب أوصلج كلمة بحقك
بصراحة بلوقج حلو وايد وايد بس ما نقدر نكتب تعليق

أدري السبب من البيتا

و الله يهداكم بسرعة تبون أب-دييييت

ترا لعيله من الشيطان

هههههههه


-------------------------

الحب يختلف بين الجنسين

إحنا مشكلتنا مشكله وياه

إندور عليه إدوارة

و نمووووت علي عذابه و إنتلذذ فيه


و القط بيحب خناؤه


ما نسيناه روحو قولوله ترانا ما نسيناه
من عرفناه ما هفت عينا علي غيرة لا بالله

جان يب يعرف عن الشوق إللي فينا
يسأل عيونه إذا إلتفتت علينا

الغدير إللي بعيونه من زلاله ما روينا



جان يبيعرف ال

Яeema said...

kuwaitia

إنشاء الله ما يتعور قلبج من غالي

;)

عبــدالله الظفــيري said...

يالغاليه حرفي على بابك وقف.
هل تسمحي له وسط ريضانك يطوف

صباح الخير ريمووه صارلي ثلاث ايام مو شايف هذرتج عسا ماشر .. لا يكون طايحه مريضه بالفراش .. زيارة المريض واجب .. الله يشفيج وكل عام وانتي بالف خير وصيام مقبول وذنب مغفوور ;)

Nescafé said...

ياحلوج وياحلو بوستاتج واحاسيسج
صدقتي، صعب الاحساس بالوحده بالرغم من وجودج بين الناس

lawyer said...

عبدالله الظفيري

ادري بتقول ملقوفه
بس ما احب احد ينادي رفيجتي ريموووووه

اسمها مدلع نفسه

او اي شي ثاني

او يمكن اهي عندها عادي ينادونها ريمووه بس انا ما احب

Яeema said...

عبدالله الظفيري

ريموووووووووووووه!!!!!!!؛
هااااااااااااااااااااااااااااااااو

قالوووووولي والله قايل ريموووه بس ما صدقت!!؛
قلت لا لا عبدالله ما يطلع منه العيبة!؛



لا لا لا عبدالله ما يصير

ما إتفقنا الميانه إتطيييح


لو سمحت إسحبها

عشان ندعيلك بالخير

Яeema said...

NESCAFE

حياتي إنتي والله
إييييه والله الغربه غربة الروح

Яeema said...

LAWYER
ما أدري ليش كابس

بس لا إنتي أكثر وحدة تدرين إن مو عادي

حبيبتي بعد عمري مشكورة علي المؤازرة


والله قلتيلي ما هقيت

عيل مرة إشكبري و يقوللي ريمووووووووووه!!!؛

عبــدالله الظفــيري said...

الحمدلله والشكر يااارب ثبت عقوولنا هههههههههههههههههههههههههههه

مادري شقول .. ما اقول الا يعطيكم العافيه والله تعبتوا انفسكم

Яeema said...

عبيييييييد يوووووووووز عنا!؛

sOulvOice said...

اشدراني عن رووحي يكون بساير العصر




تسلمين شهادة اعتز فيها :)