Saturday, August 05, 2006

love


حبوبة و طيبة ودايما تستمتع بأبسط الأشياء بحياتها ، أسلوبها مميز بالحياة ، قوية و بنفس الوقت حنونة ،دايما إتسوي جو غير في أي مكان تزورة.

تزوجت بدون حب ، ماكان هذا إللي تبيه ، بس النصيب كان أقوي منها.

دارت لسنين و بحكم طبيعة شخصيتها الجذابة و بدون وعي منها صارت بالبيت مصدر سعادة إللي حواليها ، عدم وجودها بالبيت يسبب اللوم و مضايقتها بأنها مقصرة.

بنت إتحب الحرية و السعادة ، دخلت في سجن مهاترات الكلام ، نقد و توجيه .

طلعت من شخصيتها الأصلية ، ماصارت البنت الشقية بالبيت ، صارت الزوجة إللي عليها كل المسؤوليات و بنفس الوقت الشماعة إللي إتعلق عليها أخطاء البيت.

دخلت بحالة كآبة ، مو هذي حياتي إللي أبيها ، البيت ماقام يسببلي السعادة إللي أبيها

ماقدر أنحاش من هالموقف إللي إنحطيت فيه ، دلوعة؟ لأ أبدا ماني دلوعة و ماكو أصلا وقت للدلع في هالظروف و لما يكون الواحد في ضيقة و يحس إن أهوا المسؤول الأول و الأخير.

إبتسامتي ماراح إتروح ، راح أخلي البيت جنة ، احتاج الوقت ، أحتاج الأصدقاء عشان يخففون عني التوتر و أقدر أفكر ، أحتاج أفرغ إللي فيني عشان أقدر أسمع و أسمع .

قامت البنت إتفكر بطريقة غير ، عيارة علي حنانه و طيبة ، إستخدمت ذكاءها بدل فطرتها ،

إستخدمت مفاتيح كانت ما تفضل إنها تستخدمهم ، إستغلال أي موقف لصالحها ، الإهتمام المصطنع لتستغل الوقت بدت تبني السور طابوقة طابوقة ، ليما وصل مرحلة من المراحل إن يجرحها بالكلام بسرد حكايات حبه القديمة جدامها ، كانت تسمعله مثل الصديق إذا شكي و كان هدفة يثير غيرتها و لكن كانت أعقل من هالموقف ، إكبرت بعينه و قام ما يشوف إلا إهيا ، ما يبي يسمع إلا صوتها ، ما يبي يسافر إلا وياها ، إدخلت جوه و إخرجت عن شخصية الزوجة اللي إهتمامها الأول و الأخير لعيال و أمور البيت و هذا حسب توجيهات مجتمعها و إللي إكتشفت إنها تغيرت مع تغير الزمان .

إنقلب البيت فوق تحت ، تهدمت المعتقدات القديمة إن البيت يكون مرتب وايد و اليهال مضلومين فيه ، إقلبت المقاييس لتتناسب مع رغبتهم أثنيناتهم .

فوضي و لكن بحب في الوقت إللي يحتاج إن الواحد يطلق روحه

و فجئة مع لويتها بالبيت و كانت تلعب ويا ولدها و إلا إييد حنونه وراها تمسك بكتفا الأثنين و يلف جسمها عشان يبي يطالع عيونها

وقف بلحظة صمت عيونه كلها حب تحاكي عيونا بصمت و إختصر الحديث بكلمة

إتحبيني؟

مع إن لسانها إشطولة بس للأسف ما إقدرت تتكلم ، الدموع جاوبت عليه و لمته و كأنها سابحه دهر بالمحيط و بس توها من لحظات شافت اليال . شافت بهالكلمة الأمان ، شافت بهالكلمة العشق شافت بهالكلمة النجاح .

السر مو بالكلمة

السر بالمواقف إللي إتخلي هالكلمة حقيقة أكثر من خيال نسمع فيه

29 comments:

Fuzzy said...

صحيح الحياة الزوجية مواقف وتجارب وعشرة تولد مشاعر ايجابية وحب او تولد مشاعر سلبية وكره وفراق... قصة جميلة لا تبتعد عن واقع الكثير من النساء وزواجهم التقليدي الكويتي

Mohammad Al-Yousifi said...

باختصار رائعة

و الله يديم هالنشاط

بوست يديد كل يوم

Unknown said...

لو كل شخص عامل الثانى كعشيق والا عشيقة كان صار للحياة طعم

Яeema said...

fuzzy:
يبيلها قرار قوي من الطرفين

قرار بالصمود و التغيير

Яeema said...

kitty :
قصة هالبنت حقيقية و إللي عجبني فيها إصرارها بالنجاج

الله يتمم عليهم يا رب

شخصيتين متناقضتين موجودة فيها
قوية و حنونة بنفس الوقت

Яeema said...

kila ma6goog:
شكرا
سبب النشاط
إن إجازتي بدت و بنات أفكاري ما يطلعون إلا تالي الليل
يخافون من صيحة اليهال الله لا يحرمني منهم

البلوق يبيله راحة بال
الله يعطينا راحة البال علي طول

Яeema said...

mishari:
كلمة لو ما تنفع صدقني
الإنسان إذا بغا شي يعرف إشلون يطلعه
حتي الحب يبيله إصرار
حتي النجاح يبيله إصرار

صبر و صبر و صبر

بالنهاية طعمه بيكون غير

إنت ما تبي حب بلا طعمي علي قولة إخوانا اللبنانيين

Яeema said...

من عذابي قلت لعيونك هلا
ياهلا بك يا عذابي يا هلا
ما يكفّي لوعتي بك من غلاك
رحت تبعد عن عيوني يا غلا
تحسب إني ساليٍ مثلك وأنا
في هواك الله حسيبك مبتلي
ما يسليني مكان ولا زمان
لا ولا غيرك حبيبٍ لا ولا
قلبي اللي ما يطيع لمن بغاه
من نظر عينك تعهّد بالولا
صار لك بالقلب مرباع ومصيف
يوم غيرك عن مرابيعه جلا
فيه لك مقيال عن حر الزمان
و الدفا عن برد شمله بالخلا

Яeema said...

nadia anza7a:
إنتوا إشفيكم علي هالدموع
إنتي و كيتي

لييش الرياييل ما إدمعت عيونها؟

تستاهل الدعوة
اللهم آميييييييين

cozy said...

As i always say It's not about words Its about what you do i'm had enough i love you baby, a7ebek,you are the one and only elakh !..love is what you do not what you say ...

Chai-7aleeb said...

WOW.......


شهالقصه العجيبه


أووووف الله يلعن الحب

PearL said...

بجيتيني

:((((

وناااااسة

ابييييييي

Witty said...

مادري شقول لج والله بس حسيت قلبي رقع لما قريت كلمة تحبيني وبغيت أبجي معاها يا قلبي :(

بس أحسنت الكتابة :) وأنا أعرف من هالبنات وايد والله، بس صديقيني .. لو رياييلهم يسئلونهم هالسؤال والا يقولون لهم هالكلمة ، جان وايد أمور تعدلت .. بس إيه ياوخيتج .. تعبٌ كلها الحياة
(اشفيها؟)

Keep up the good work :)

لمياء الحالمة said...

عزيزتي ريما

أعتذر منك لسوء الفهم من قبلي, وإن أحببت فبإمكانكِ قراءة ردي بمدونتي

أسفة مرة أخرى

Яeema said...

cozy:
in deed yes !

chai-7aleeb :
الله خليتج تكتب بالعربي!

أشونها إعجبتك

بس ليييش الله يلعنا!؛
ترا الحياة بدون حب ما تسوا و لا لها أي طعم

Яeema said...

pearl:

حبيبتي والله لا تبجين
هذي القصة إتصير كل يوم

الشاطر من يقراها ليه النهاية

النهاية دايما إحنا إللي ننهيها


miss shuwiakh:
9adgeeny akoo , bas el 9abeer nabeeh min el 9oobeen
man and woman
love wont come with a press of a bottom ;)

Яeema said...

princess :
come sta lei !

lei hanno ragione

Яeema said...

arwa:
حياتي إنتي شكرا

witty:
your very welcomed here!

لاحظي أهوا ما قالها إلا يوم حس فيها

و ما قالها أحبج

الكلمة بدون إحساس مالها تأثير
لو بيقولها من اليوم ليييه باجر

أحبج و ماكو شي

Caz said...

Very nice story :)

Яeema said...

mash`hoor:
قصة قصة
الله يخليهم حق بعض

لمياء الحالمة:
أثبتي من إعتذارج طيب أصلج و معدنج

حياة الله بمدونتي بظروف أحسن إنشاء الله

عزيزة و غالية

Яeema said...

G.Q.™:
your comment is an ahonour to me :)

نون النساء said...

انا مؤمنة ان الحب لازم يسبقه التفاهم
والود والرضا والقناعه بين
الطرفين علشان يكونون في قمة السعادة



لكن حب من غير اللي ذكرتهم بيكون حالهم مثل حال الوردة شكلها حلو لكن طعمها مر


:P


البوست وايد حلو

:"")

tweety said...

ريماااااااااااا بذبحج
بوست عن الحب لا وبين الزوجين بعد !؟
يعني نطلعها منها احنا ؟؟؟
كتبي عن الكره بين العزابية
لووووووووول

LonDonY said...

هذا البوست ولا بلاش
هذا البوست اللي يغسل الجبدددد
هذا البوست اللي يعدل من مفاهيمنا

والله يكبرووون في عيونااا
لي قالوا الكلمة الطيبة اتكسر الصخر
ما اجذبوا
كسـّرت قلب ريلها ودشته غصبن عليه
بارادتها وصبرها والريل ممنون لها
عسى الله يعطي كل زوجة هالمواصفات ويصلح حال كل زوج وزوجة
قولوا آمين
وعسى ابداعات ما توقف يا ريما

the tooth.fairy said...

*Sighhhhhh*


Reema. 3awwarti galbi. Shala3teeh mn mokana jad. Wayed atkhayyal enna hal scenario momken eyseerli youm mn il ayyam..

Abda3tai eb tajseed il mawqef.. أقرب مايكون إلى الحقيقة
هذا إن لم يكن حقيقة بالأصل.

شكرا مرة ثانية
:)

Яeema said...

صراحة عمري ما حسيت بالسعادة إلا يوم شفت تعليقاتكم

مشكورين و صراحة حلو التفاعل بالموضوع

نون النساء:
الحب مرحلة أخيرة
للأسف دايما الواحد يبدي فيها
فتشوفين النهاية سريعة جداّ

الحب له معاني ثانية
داخله و محد يعرفها إلا لما يكتشفها بنفسه


tweety:
looooooooooooooooooool
يعلج العافية مندمجة ويا إللي يبجون و متفاعلين و إيا الفلم و إنت قاصة نذكرة بالغلط و قاعدة تذحكين

لعزوبية إنكتب عنها وايد و ووايد
روايات وحكايات
بس المشكلة بإللي تدبس الحين بالزواج
و صدقيني في ناس مالهم خلق يصبرون
إييي مالهم خلق

تزوجنا و هذا نصيبنا
ما يغيرونه أو يعدلونه
ما أقصدر يغيرون الريال
لأ
يغيرون طريقة العيشة
طريقة التفاهم
تنازلات

هل هالشي ينطبق علي وايد أحبه عزابي

هههههههههههههه
مالج أمل إشلي بالطلايب

فا ما تركب إتراضين الحبيب
لأن ماكو شي يدفعج
عشان إتضحين
بسبيل شنو؟
حب
حب وحدة ثانية و تزوجها
الزوج و ما تضمنينه هنوبة حبيب

ناطرتج تكتبين عن العزابية و بزورج
عشان أرجع إللي مضي
ههههههههههههه

Яeema said...

londony:
واااااااااي من صجي إستحيت
ما أعرف أرد عالمواقف
قاعدة أرد عليك و الضحكو من إهنيييه لييه إهنييييي

لا خلا ولا عدم يا رب
والله كتبته من حر مافيني من هالأشياء إللي تسمعها ، بنات ناس و زينيين

بس ما يعرفون يعاملون الريال للأسف
ما أقولك أنا خبرة
بس الحياة علمتني و واجبي إن الناس إتعرف إن المفاهيم تغيرت

أول الريل يبي زوجته جنها أمه
الحين
الريال يبي زوجته صديقته و حبيبته

و قيسها علي وايد أمور

still smiling :)

Яeema said...

butterfly

الموقف حقيقي 100% ؛
إنوصف لي و كان مدخل لكتابة القصة

ولاحظي ضل يقولها
إتحبيني

ما قال أحبج
في غرور إشوي
إشلون حبها
إشلون غيرت فيه شي
إشلون خلته يحبها

Яeema said...

princess:
sono molto farà la sua destra

bas i dont know wayid
ya3ny la etgharzeen bel 7achy
looooooool

i know you love italian lang, gelt bat7arash feech eshway