Wednesday, August 16, 2006

old days

الواحد لما ياخذ إجازة لازم يسافر؟ لأ طبعا لأن أصلا أكو شي إسمه تعب سفر و لازم ورا السفرة يبيلك إجازة.

المهم ماخذه إجازة و المفروض أخلي اليهال عند يدتهم في لبنان و آخذ جولة بالكروز من لبنان لمدة 10 أيام .

مع الأحداث الخطط تغيرت و بما إن صيف فصعب إنلاقي حجز ، فتأجلت السفرة ليه شهر سبتمبر حلو؟

الحين أنا ماخذه 26 يوم ! شخلصهم و مالكم أمل أكنسل لأن حدي مالي خلق بالصيف أقوم الساعة 6 الصبح !

فعفست نهاري ليل و ليلي نهار ، المشكلة الحين بس أنا إللي مستانسه من عفست النومة

الليل الله يحفظ الكل بعد الساعة 12 الكل نايم ، فيبدي نشاطي

بلوقرز – أفلام – مجلات أجنبية عن المودة و مست هاف أهم شي – برامج يدية بالنت أشيل و أحط و لويه و عفسه عندي بالجهاز .

أقوم الساعة 1:30 كل يوم برنامج الصباح و القهوة و أرد علي الكومنتات إللي معلقين من دواماتهم.

ويا الغدا أنا ريوقي طايح جني ما أدري ، ف-تلاقون لويوه ( جمع وجه ) مصفوقة ، لييش إشفيها هاذي إتريق هالحزة؟

المهم بعد الريوق ، القهوة التركيه و مجابل الريل إشويه لييما يطلع من البيت .

الساعة 5 العصر البرنامج الرياضي ، مو عشان إني أحب الرياضة! لأ عشان ما أنام الظهر هالحزة هاهاهاهاها.

لا أكل سنع و دمي نزل و ضعفت و ويهي إنصفق من السهر بس متعة هاهاهاها

بعد الرياضة أشرب ريد بوول بارد و سييييدة علي الشور ، طبعا قمت أسبح مرتين و ثلاث مرات من الفضاوة هاهاهاها

الساعة 7 إذا عندي مشوار أسوييه و أرجع البيت بالتسع ويا الزحمة

و إذا مطعم أرجع بال10:30

و هالبرنامج أسويه مرة بالأسبوع و عادي عادي 4 أيام ما أطلع من بيتي و ماكو مشاكل حدي !

المشكلة أنا عاجبني البرنامج

إللي حوالي من ريلي و خالتي و أمي و أبوي نغزات

بسج نوم ، بس طلعي ، إختلطي بالناس ، إشفييج ما إتروح ويانا عزايم الأهل و ليييش إشفييج زعلانه ، إشفييج أحد إمكدرج و معتكفة بالبيت ، لييش هالعفسة مريضة؟ تشتكين من شي؟

طبعا أنا كل إنشاء الله و ما يصير خاطركم إلا طيب

و شسوي؟ جهازي ميييس يووووووووووووووو – miss u

أطلع و أتسحب لما ما يكون أحد بالبيت

أطلع بسيارة صديقتي

أقول رايحة الطبيب و أنا رايحة واسابي

أسووق سيارتي لييه طربان أشتريلي سي دي و عصير و أرجع البيت لا من شاف و لا من درا

طبعا الإنسان الوحيد إللي يدري بتحركاتي هو زوجي و حبيبي و صديقي

و طلبت منه طلب ، ممكن أعيش حق نفسي 3 أسابيع؟ ممكن ماكو لأ ، ممكن أطلع أودي اللاب توب حق كافيه و جنه ما عندي نت بالبيت أبي أحس إني مسويه شي غير ، ممكن أودي كتاب و أقعد أقرا بمكتبه عامة؟

طبعا بما إن ريلي مشغول علي طول فما يمانع و يقول إنتي كبرتي ألحين و مو أنا إللي بقولج شتسوين

واااااااااااااااااااي جان أخمطة و أحبه ! مشكوووووووووووووووور حياتيييييييييييييييييييييي

إييييييييييه أبي أستانس ويا نفسي أبي أونسها بهالإجازة أبي شي غير ، أبي الحياة بالكويت جنها برة

أبي إللي أطلع حزة الغدا ما يقولولي وقت غدا! أبي أنام الظهر الساعة 7

أبي آكل باسكن روبنز الساعة 3 الفير

أبي أتغدي سندويشه مو عيوش و مجابيس و مرق حار و قبوط !

أبي أشرب قهوة الساعة 12 بالليل !

مو قاعدة أضر أحد

إعيالي الله يحفظهم يطلعون و مستانسين ويا أهلي و يحبونهم و ميتين عليهم و بالبيت أنا موجودة ألعب وياهم و أعافرهم

إكتشفت إن مو لازم الواحد يطلع عشان يستانس معني أحب الطلعة بس خل يدلق سهيل

هاهاهاهااها

أروح الصالون أسوي شعري و أرجع مستانسة حق بيتي معني يوم و ترك أسوييه هاهاهاها

أحب أقعد بالبيت بعز تألقي و شكلي بيبي ، أحط الليب غلوووس و إكحيله علي قولة أمي لازم حق الريل ، مادري لييش معني إكتشفت إن الريال ما يحب الميك أب كلش

هذرت صح؟

أخليكم ألحين

كان هالكلام يقرقع بقلبي ودي أقوله

ما فقدتوا لما كنا إنام بالصالة أيام العطلة؟

ما فقدتوا لما إنتحدي بعض منو يقاوم النومة و يلحق علي الشمس لما تطلع؟

ما فقدوا لما إنحووس بالمطابخ تالي الليل إنسويلنا لقمة ؟

واااي يا حلو ذييك ليام لما نندعس في فرشنا و ما إنخلي أهالينا يطيحون علينا سهرانين لييه ويه الفير

مرة أنا وعيال خالتي نازلين إنتريق الساعة 7 و إلا أبوهم جكنا ، جان يقول عفية قاعدين إمبجر !

طبعا ولا واحد فينا ياتلة الجرأه و قال مواصلين!

و قعدنا ليييين ما نام الظهر و بحر الصبح لأن كنا بالشاليه و بعدها حسافه إختربت الخطة

يوم زفافك

وائل جسار



32 comments:

Diver said...

enjoy it while u can
انا ودي اسوي مثلج خاصة ان المعازيب الي اهم ام محمد و محمد مسافرين بس الدوام ذابحني
يلا ان شاء الله كله مستانسه الله يخليلج ابو لعيال و لعيال و اهل و فرحانين دوم
اللهم امين

lulu said...

واااااى ريما ذكرتنى با يام قبل صج وناسه انعفس المطبخ ونطلع لوووول
اهم شئ تستانسين وتغيرين جو الله يخلى ريلج وعيالج ويحفظهم يارب

S. said...

أنا ليحين جذيه ولا أظن إني باتغير

الناس تشوف الرزانة والهدوء وتقول هذا الزين، وتنسى إن المزمن منه إييب الكــــــــــآبــــــــة

تشعــــــيــــــن طاقة لا إله إلا الله، ربي يونسك بالعـــافـــــيــــة

LonDonY said...
This comment has been removed by a blog administrator.
LonDonY said...

ما علييييييج
قممممة الفنننن اللي انتي فيه
وحلو انوخر عن نمط حياتنا التقليدي .. لي متى يعني الواحد يعيش في انضباطيه ؟؟ الفوضى واللامبالاة لها طعم .. بين وقت ووقت
بس خوووفج اتصيرين قدوة حق اليهال :///
باجر من اتقولون لهم شي
قالوا: كا امي لووووول
هذا بس عيبهااااا
وعووووووافي

Charisma said...

هههههههه يا ربى ماكو فايده فيج هههههههه الله يحفظج من كل شر وتدرين ليش انا اقولج هالكلام :*

المهم تدرين انا نفسج طبعا لما اخذ اجازه واقعد بالكويت نفس السيستم تقريبا سهر ليل ونوم النهار بس اكو شى ميييته اسوى محد معطينى ويه فيه وعيزت فى ريلى مو معطينى ويه !! والصراحه ما تيينى اليراعه اسويه مع صديقاتى لان نظره المجتمع حق البنت الى اتهايل الليل والفير رايحه فيها

انا الى ابيه انى اشوف شروق الشمس وانا افتر بالسياره وبعدين اروح اتريق وارجع احط راسى وانام؟؟ يا جماعه صعب الى طلبته ؟؟؟ من يحققلى هالامنيه
ريمه ابيى اشوف الشروق ريمه ابى بسيارتج وابى السى دى المكس مال اليسا الى اموت عليه ابى نفس المود الى كنه فيه انا وانتى ذاك اليوم ههههههههههههه ابيه يصير لين الشروق ممكن ؟؟؟؟؟ ههههههههههههههههههههههههههههههههههههههههههههههههههههههه

سالفة قلب said...

رجعيتيني ايام اول ايام الينون
مرة ابوي وامي كانوا مسافرين مدة اسبوع وعطوا اخوي الكبير مصروف البيت
اهم سافروا من اهني واحنا نادينا عيال خالتي سهر بالليل لي الصبح بعدين نلعب رياضة بالساحه جدام بيتنا ليش مادري؟؟ وعقب نروح نتريق بره المهم ان المصروف طار كله في يومين والسبة البلعه اللي ماتوقف مابقى احد ماغدينا وعشينا بره حتى عيال الجيران
صج انزفينا بس كان حد الوناسة

LonDonY said...

kitty

لا بالعكسسسس
قمة المزاج
انتي قولي له انجربها مرة وتالي احكم
اول شي سلمج الله اتطـقون بطلين عصير من شارع المطاعم.. تالي اتروحون تمشي عالواجهة على اريووولكم اتشـّـمون هالهوا الحلووو.. ومن اتعيزووون، اتطقووون سيارتكم واتمشووووون عالبحررر لين اتصير 6الفيررر.. وتالي عاد
.
.
.
.
.
تختمووونها بريووووق فندق ساس
واتردون البيت على ال 8
تغيييرررر ولامنه

the tooth.fairy said...

حدّي حدّي ولهت على روتين اللخبطة هذا

و هذا واحد من الأشياء اللي يخليني أحمد ربي إني أدرس برّا

محد يعاييج على نومة الظهر الساعة 7
ولا على التخمخم من أكل المطبخ و الساندويتشز الساعة 3 الفير

:P

ولا كلش كلش اذا مالي خلق اطلع اييبلي
DVDs
أزهب شي حلو و الكفر (كمبل) والجو حد البرد و مندمجة بالفلم و الجاي الحلييب بيييدي مع الباوند كيك مادري السارالي باااااااااردة

واااي ريييييما هيجتي المواجع برجع هناك
;/

عزيز نفس said...

خوش حجي .. وعساج دوم مستانسه .. والله آنا هم حاولت أكسر روتين الكويت ، قلت باخذ عيالي أتمشى وآنا لابس بنطلون طلعت جني واحد اسمه "حنفي" وما مهنة هالناس إلا الخز والحاش ، ما ادري شفينا نستعسر "خلقة" بالكويت بس بره نستانس ونصير بشير ، ما ادري شنو اللي بالهوا اللي يخلي الكويتي دايم مستعسر وايتحلطم على طول ، مع ان احنا
عايشين بخير ونعمة ، يا حلو البساطة يا جماعة ، ليش بس الاغراب يستمتعون بالكويت ، بعد هم انتو يا الحريم تأذون بطقوسكم ، لما نسافر بره شحالتكم ، والطلعة سهلة ، هني لازم تاخذ موعد مع زوجتك قبل الطلعة ، وكل مكان له طقوس .. اخ جان زين نصير طبيعيين في ديرتنا . على العموم ، ماني من ربع البلوقات بس كلامج يا بنت الناس أثار الشجون وكنت مار فريجكم بالصدفة قلت أترك أثر ..تحياتي للزوج والاسرة الكريمة
عزيز نفس

Charisma said...

londony:

والله عيزت عيزت وانا احجى واقول بس شنسوى الله كريم يقولى شوفيه بالشاليه وانا مليت من الشاليه ابى اشوف الغروب وانا بالسياره على البحر بعد مو اى مكان ،، بس خلاص انا الحين مودى حول على ريمه ههههههه جان انتنكر بلبس رياييل ونطلع هههههههههه

عاد البرنامج الى قلته عجييب بس ما اعتقد فينه شده مشى هههههههههه بنكون مواصلين حدنه دايخين وريوق ساس اخبره وايد حلو

love nature said...

reema chinich titkalimain 3anny ...i am doing the same thing and am very hard time to get back to the nomal routine ....i hope u enjoy ur holiday !!

Princess said...

ana agooool ENJOOOOOOOOOOOOOOOOOY .. il taghyeeeer Shy Zaain w mo Zain il ROTEEEN yeseer MALAAL .. SO try kil ili tbeena w istamte3aaaaaaaaaaaaaaaay w allah yekhaleeelich Rayliiiich inshallah

tweety said...

ليش يا ريما تعورين قلبي وتذكريني بغلطتي الشنيعة يوم كنسلت الاجازة
وقعدت الحين باقي لي يومين وأين من الضغط
مابي أسافر بس أبي أخمد على كيفي
وأفتك من مجابل ويه مديروو
والشغل اللي ما يخلص
:(
أنا إذا فكرت اتزوج بشرط على اللي بياخذني أني ما أشتغل واتستت واقعد في البيت شارية راحتي

حرام عليج !!!!!!!!!!! اشهالاغنية !؟
أشوى أني ما أحب

nice said...

الله يهنيج بإجازتج بالكويت او برا الكويت
حريتيني وانا بالدوام شقى وتعب :)

Alfajer alba3eeed said...

كووووووووووول

عيبتني حياتج .. حلو لما الواحد يحس بالاستقلال لووول

الله يهنيج ويسعدج

Fuzzy said...

جربي تروحين الشويخ الصناعية الساعة 2 الفجر ريحة دهن البريكات ترد الروح :)

The Simper said...

أنا اجازة اسبوع.. وماخذ راحتي و طلعة هني و هناك و قازرة

عيشي حياتج وهاااااااااااف فن

:)

Chai-7aleeb said...

والله لك وحشه

3ateeja said...

والله يا ريما انا مثلج بأجازه بس عندي دوام العصر ..دوام شبه جبري بس احبه واموت عليه ..لأني اذا قعد بدون شغل اموت
والله ذاك اليوم قلت حق اخيتي من نبيل هالسالفه جان ناخذ الدوشق ونحطه بالقاع واتلحف انطالع تلفزيون ...
اما من ناحية الكافيهات والنت
ترى النت بالكافيه يونس ..تغيير جو البيت ,,تشوفين بشر ناس
والروح تبي الارواح ..حتى لو ما تقعدين وياهم بس ما تنسين انج انسانه حولج بشر
بس الموقف الصعب اذا قريتي بوست يظحك بالكافيه ما تدرين تبطينها ظحك ولا تقمتينها ...
ولا شتسوين بالظبط ..حده وهقه ..اما من ناحية اجازه لنفسج ..فتقدرين تسوين هالشي ايام الدوامات لكن سبحان الله رب ضارة نافعه لأنج تعودتي عالسفر فتعتقدين ان ماكو شي بالديره ممكن يونسج ..
ان الله لا يغير ما في قوم حتى يغيروا ما في انفسهم
اللي اعرفه من حضرتج ومن بوستاتج ان عيالج الله يحفظهم دايم مع اهلج -خالتج وامج- فالوضع ما راح يتغير معاج وايد ايام الدوامات ..تقدرين تروحين الكافيه وتمارسين الرياضه وكل شي ..عدل :)

Яeema said...

أحب أعتذر علي التأخير ، السبب ترا كل من لوير لأنها إرجعت بالسلامة فبدينا رحلة الأكشن و إعادة أمجاده و الخروج من النت إشوي


diver


لا إتقلد هاهاهاهاها
الدوام أمره سهل ، مرضية





lulu

المطبخ و الزفة إللي إتييلنا تالي من لهنود لما يعلمون أمي
هاهاهاهاهاها
ربي يخليج مشكورة


s.

أنا مكتشفه هالشي من زمان أشوه
و صج أتعب علي إعادة أمجاد الماضي


الله يخليك و حلو ذكر ربك علي لسانك

Яeema said...

londony :
لا لا إتحاتي أقول حق اليهال إنني نايمة
هاهاهاهاها

قتلت هالسر بس زوجي يدري عنه

يعافيك حياتي



kitty :
ردج سمعتيه بالتليفون و ما يصلح ينكتب

إنشاء الله إنشاء الله
راح نتعب علي الموضوع بس لازم إتزهبين الجوازات وياج - إتسوينها بالكويت عادي بايتين بالنظارة
هاهاهاهاهاهاها


سالفة قلب:
يا حلو ذيك الأيام

مو بس أهالينا يقولون أيام أول
ها- كا - حتي إحنا
هاهاهاهاهاها

Яeema said...

butterfly:
عرفتي الواحد ليش يحب يكون برة؟

خل يعرفون العالم إن روتين الكويت متعب

محد عايش لنفسه





عزيز نفس:
ما ننلام !؛
جان لبست أدنات الدون و إلا ماخذ راحتك بهالترينق سوووت قالوا عنك هيليقي

ما خبرنا برة يكشخون حق المطاعم الفاست فوود و الله صج محرومين من البساطة


إحنا الحريم من إللي نسمعة و هم وضعك بالبلد يختلف

و البنات طايحيلة خز فيك و في مرتك يقارنون
عرفت ليش بعض الحريم لازم يكشخون؟

Яeema said...

love nature:
hehehehehehehehe
it's my daily problem ! specially after getting married , i still have to break it and like sit with my pejama all day !

i do this if he traveled .





princess :
7ayateeeeeeeeeeee entay wallaaaaaaaaaaaaaaaaaaaaaaaa

specially after this age ! i cant accept alot of changing with my way !

i told them directly
take it or leave me :p

Яeema said...

tweety:
أنا سويتها و قعدت 4 سنين يصرفون علي ، يا حلو هالأيام والله
و شكلي بعيد أمجادها مرة ثانية

ماكو أحلا من متعة العيش
بالكويت الواحد الصراحة يشتغل عشان إلتزاماته المالية

إلا اللهم المهن الحرفية و الإنسانية
الدكتور و المهندس و المحامي هذيلة غير

أما تخصصي تمويل
الديرة مو عارفة وين بتروح ، أنا إللي بوصل يعني

خرابيط الفرص للرجل أكثر

إنتي ممنوع توصلين إلا بلبحة
و أنا كلش ما ألبح
هاهاهاهاهاها

لغنية هابه فيها الله وكيلج






nice:
مو قصدي أحرك والله
هاهاهاها

رياييل تحملوا

Яeema said...

alfajer alba3eeed:
هذي شبه إستقلاله لتجديد النشاط

يقولون النوم و الماي من أسرار الجمال


فمطبقه هالمقوله




fuzzy:
أولا الحمد الله علي السلامة و تو ما نورت الكويت و إنشاء الله إستانست بالسفرة؟


أٌقوووووووووووووووووووول
أحب ريحة زفره البحر
هاهاهاهاهاهاها

يالله زهب عدة لغواصة

Яeema said...

the simper :
YOU TOO !
let me be updated with the latest local places pleas





chai-7aleeb:
حياتي والله ، إنشاء الله أمرك
بس والله معفوسه خرايط راسي

Яeema said...

3attooooooooj !
ما عليج من الناس و الله إبتتعبين

أصلا الضحك يعادي و إذا ضحكتي راح يضحكون إللي يمج


ساعات لما تكون ويانا وحدة تستحي أقولها

إللي بفهمه إللي يمنا لا إنعرفهم و لا يدرون إنتي من بنته
إذا ياتلج الضحكة ليييش تقمتينها !؛



عتوووج متعتي باليل أنا
و بعدين بيني و بينج بالكويت تأنيب الضمير يشتغل إشوي

و علي أبو إنج قاعدة فلازم المسؤوليات ما تنفصل عنج

عرفتي لييش أول أحلا
علشان ما همنا إلا الوناسة

بس ألحين ما تقدرين
الوناسة إتييبينها غصب

و قتلج الرك كل عالحريم


قاعدة أرد عليكم هالحزة أمي إمقعدتني الساعة 8 الصبح يالله زهبي اليهال بنروح الشاليه

إنزين مو جنه أمس داقه عليي و قتلج إنشاء الله و كلشي جاهز

أنا نايمة بالخمس و قعدت 8
لأن أدري ماراح إتخليني أنام إلا لما يروحون وياها و إلا بتكسر تليفون البيت
هاهاهاهاهاهاها

خل يروحون بالسلامة أنا أكمل نومتي و العصر أمرهووم

بخلي جهازي صامت و بشلع فيشة التليفون
هاهاهاهاهاها

نون النساء said...

الإجازة يعني

نووووووووووووم
انا والنوم شي مو طبيعي
وأربعه كيلو زيادة معروف مكانهم

عااااااااادي جدا انام يوم ونص
انا م اليمعه الفير واقعد ثاني يوم بالليل أدور غدا لوووووووووول
وأطيحله عيش ومرق على طووول




وبعد الإجااازة

العذاب علشان أشيل الوزن اللي زاد عندي
ههههههههههه

kila ma6goog said...

بوست عجيب كالعادة

قلتي فيه وايد أشياء عجيبة بس اللي لفت نظري أكثر شي قصة ان الواحد ما لازم يطلع من البيت أو يسافر عشان يستانس

أوافق هالمقولة ألف بالمئة

أنا شخصيا احب قعدة البيت و ما أمل لو أقعد شهر بالبيت عادي عندي

أذكر اني بعد ما مليت من القزز و الطلعة و الهياته قررت أتزوج, و تزوجت وحدة بعمر الطلعة و القزز و الهياته فصار عندي تضارب مصالح

أنا طاخ و مالي خلق الزحمة و الطلعة و اهي تبجي تقولي ودي بس مرة وحدة اقعد بواتر ليمون مارينا

عموما تصير باحسن العايلات

yoyo said...

7loo alta'3eer o kasr alrooteen
wish u happy holiday

:)

wahooooo said...

ya 7aggyah 3endich yoomeen egaza salaf? aredhom lich el seena elyayah.