Monday, August 07, 2006

world of the blogger

بدخل إدعوم بالسالفة ، ليش سبحان الله أكو بلوقات دمها خفيف و صج توسع الصدر من تقرا المواضيع، و أكو بلوقات إتييب القامت من ثقالة دو أم إللي كاتبها ، إتحس ودك تكسر الكمبيوتر، ما أعتقد البلوق يعكس بالضبط صاحب المدونة ، بس تدرون ويا الإجازة و الفضاوة هالأيام و الله يستر من هالشعور لا يقلب عايدي و تحلالي القعدة ويا آخر العنقود و أتقاعد إمبجر .

شطيت عن الموضوع من أييب طاري ولدي لصغير الله يحفظة. عندى أثنين غيرة بس كيفكم قولوا إللي إتقولونه محد يشبهني من حركات و ويه إلا أهوا و لسانا إشطولة و يهذر نفسي ههههههههه .

باك

الواحد لازم يتعب إشو علي مدونته و يختار المواضيع بسلاسة ، طبيعة عمل المدونات أنها مذكرات و كتابات يومية و طبعا إحنا ما نقدر نكتب يوميا ، بس عالأقل نتعب شوي و نحط نفسنا مكان إللي يقرا.إذا يات الفكرة إكتبها بالوورد و إحفظها و تالي البوست و خل ياخذ حقة الموضوع بالتعليقات، مشاغل الحياة إتخلينا ننسي البعض من زيارته و التعليق عندة.

بتكلم عن نفسي :

أحب المدونات إللي خير الكلام ما قل و دل و هذا عشان يمدينا إنزور الباجي، زائد إن المواضيع لم تطرح من قبل .

أحب إن يكون الخط مريح حق العين و ساعات ما أكمل قراية بسبة الأرضية السودة .

أحب الأرضيات الفاتحة عشان ما إتعور عيوني و أنا قاعدة أقرا

أحب الصور و إللي تحيي المكان من تدخله جنك داخل لوبي فندق

أحب أقرا الموضيع المتعلقة بالشخص نفسه، آراءه و يوميات و مواقف صارت علشان أتعلم منها

أحب القصص القصيرة

أحب مواضيع الشعر و إللي تحتوي علي قصة وياها

أحب الموضوع يكون محدد ، عشان الأفكار ما تشط

أرجو أن تتقبلون وجهة نظري

ودي تشاركون صديقتي و توأم عقلي كيتي موضوعها و تجربتها دخول هالعالم

33 comments:

مـحـمـد مـفـيـد said...

بوست جميل وفضفضه رائعه واسلوب حلوجدا

mishari said...

تبين الصج
اخف بوست شفته بحياتى
بلا ونيله
:)
صج مكانهم خالى

kila ma6goog said...

احلى بلوج شفته بالصدفة واحد اسمه كله .... كله ..... كله مطقوق او شي جذي

لوول

صراحة كل بلوج له نكهته الخاصة و ماشاءالله البلوجات الكويتية معظمها دمها خفيف

tweety said...

وأحب الورد جوري
;p
في بلوجات فيها شي مفيد وفي بلوجات تضحك وفي بلوجات على قولتج غثيثة وفي بلوجات سياسية وفي بلاوي بعيد عنج
بس اللي مو موجود نوعين : بلوجات رعب
وبلوجات تبجي
أنا بحكم اهتماماتي في الافلام الهندية ممكن أتعهد بالنوع الثاني وأخليها لكم نواح ليل ونهار وعوار قلب
اما النوع الثاني فممكن ينفذونه بعض البلوقرية المتخصصين في علم الاجرام من الجنس الخشن
:p

Mash'hoor said...

nice blog and keep up in steady step

mash'hoor is a reader for your blog


مشــــهور

Fuzzy said...

اقروا هالدعاء كل ليلة قبل لا تنامون : اعوذ بالله من ثقل الدم والمصاخه - ثلاث مرات.

انا اخالفج الراي اعتقد ان الدنيا فيها اللي يضحك وفيها اللي يبجي وفي ناس سعيده وفي ناس عندها هموم وكل من ينفس عن اللي بعقله وخاطره بالبلوق الخاص فيه .. وفي ناس تكتب معلومات تقنية وفي ناس تكتب اشعار تحتاج مختار الصحاح لفهم مفرداتها .. وكل بلوق له محبينه ومريدينه .. في ناس تشجع التخصص ، بمعني ان يكون بلوق متخصص بالاخبار السياسه أو الاقتصادية وبلوق متخصص بالنكت والروايات الظريفه .. عموما .. يا ليت نشجع ونضحك مع اللي دمهم خفيف ... ونسواي ونخفف عن اللي يعانون .. وشكرا :)

Charisma said...

ريمه يا بعد قلبى انتى بقولج شى ترى خف الطينه والروح الخفيفه عل قلب نعمه من رب العالمين مو الكل يتمتع فيها ،، وعليه شذنبها القثيثه ترى المسكينه ما ودها اتلاقينها من داخل ودها تستخف دمها بس ما تقدر
هههههههه لا حول ولا قوه الا بالله ترى ما اطنز من صجى بس ريمه شهالسالفه هههههههههههههههه شيسوون يعنى ههههههههههههههههههههههه
واى فجأه هسترت تذكرت وحده قثيثه بس والله محد فاهمها الا انا ومحسستها انها خفيفه طينه :))))))))

وولدج هذا انا اموت عليه هههه صج صج انتى روحج فيه نفسج هههههههه يختى اسم الله عليه

عن المدونات والله انا صايره مياله للضحك وتوسعه الصدر بسنه جد وسياسه وحب وغرام ملينه وماكو كثرى يكتب فى الغرام والرومانسيه انا لاعت جبدى والله الى موسع صدورنه ومبرد جبودنا واحييه جاااى حلييييييييييييب
لك منى تحيه على هالبلوق الى من ادشه لين تطلع منه وانت تضحك ومستانس

ريمه ترى شهادتى فيج مجروحه ما اقدر امدحج هههههههه

layal said...

اتصدقين يا ريمه ساعات اكتب مواضيع واقول لروحي
انا ليش اعور قلب الاوادم واشنو ذنبهم يسمعون هل اشيه اللي تقث
اهو في النهايه جزء من مذكره شخصيه
يعني خذ وخل
وسامحين علي القصور

Яeema said...

ماشاء الله تبارك الرحمن
ردود مختلفة و الله يعيني علي توصيل فكرتي

محمد مفيد
أشكر لك زيارتك الأولي
و كلماتك الحلوة

mishari

لأ أبي ولد عمه

والله أنا بعد أموت عليهم
بس ترا فيه بلوغر واعد مر عليه إسمه

chai-7aleeb

مواضيع مادري منين إييبهم
هاهاهاهاها
من قلت إسمه ضحكت

kila ma6goog
أهم شي الثقة
يا حلوها إتسرسح عالقلب

بلوقج أدخل بروحي و أطلع وياي أمن دولة لاحقيني ليه بيتنا


tweety

إتصدقييييين عدل
تخصصي بالتخرع
أي واحد يدخل عندج يروح البوفهاق منه
البوفهاق = hekups
لا الرياييل خليهم حق السياسة

الشي الوحيد إللي يفهمون فيه

سوووري ما أقصد أطب
بس كل واحد و إختصاصة لبلوقي

mash`hoor
thanks alot sweety , i hop i will not disappoint you in any post i do :)


fuzzy
غير الدعاء و إلا ترا بغير رايي فيييك

هاهاهاهاهاهاها

صح فيها و هم ما يمنع إن فيها ثقال دم

واقع والله العظيم
حتي النكت إللي يحطونها ثقيلة طينه و مو قاعدة أبري نفسي يمكن أنا عند وايد ناس ثقيلة طينه و هذا شي طبيعي

عشان جذيه ما أحب أحد يقوللي علقي عند فلان
لو بعلق راح أعلق

و ساعات نفس الشخص مرة خف طينة و مرة علقم

عفوا
إنت خلك بالسياحة صراحة أكثر واحد تفهم فيها

مو مجاملة ترا
بين بوست و بوست قل وحدة عالماشي

صراحة الكويتيين ما يعرفون يسافرون
كل ما تسأل أحد قالك مطاعم و سوق

مشاركو ويتي وياك أثرت بلوقك و هذا عين الصواب


kitty

إنتوا بس لا تعطون ويه و الله الشخص بيحس و راح يتحسن
ماكو أحد ثقيل طينة بنظري
عشان جذيه أقول الإختيار مهم

شهادتج فيني بالصج مجروحة بس إهني لازم إتكونين صريحة وياي و بدون مجاملات

حلو الموضوع علقي
مو حلو لا إتعلقين

و عشان جذيه ربطت الموضوع بموضوعج و الله ما نبي مجاملات

layal
كل له عشاقة صدقيني

بس ساعات إستخفاف بعقول الناس أهوا إللي ما أحبه

خلييت و الله خلييت
بس يتشرهوون لييش ما إتزورينا

بوست ما أفهم فيه إشلون بعلق

ما من قصور حبيبتي
عزيزة و غالية

NaDiA AnZa7a said...

انا استغرب اتحبين بلوقي مع اني ثقيلة طين فيه ..عكس حقيقتي.. واصرارج علي كل يوم اني ارد اكتب مرة ثانية
ودي بس انتي عارفة السبب وانتي ادرى الناس...وحسبي الله على من كان السبب
المهم انا في بلوقات كلش ماحبها ولا حتى احب اشوووووف بروفايلها احس ماكو ذوق كلش.. وفي بلوقات اتابعها وانطر مواضيعها على احر من الجمر
جذي المحبة من الله

عى فكرة الستايل اليديد عجيب عليج ماشي مع ويهج
:)))))))))
في بلوق من كثر ما مواضيعه طويلة ومافيها ابداع ما اقراه خير شر وينرفزني الصورة اللي حاطة اهو بلوق حجية سوري سامحيني بس كلش ماحب اشوف صوة العلم اللي يحوس يدوخني

NaDiA AnZa7a said...

اي صج وصورة الخيل اللي حاطها مشاري باطة مرارتي وماحس فيها روووح
اخخ لو بيدي بس اغيرها

mishari said...

nadia anz7a:شوفى كل واحد يحط الصورة اللى يحبها :)
او يميل لها وانا صورة هالخيل حاولت اغيرها بس ما قدرت لانها تعبرت عن شخصيتى :P
وعنااااااد الحين زيادة مانى مغيرها :P
انا ايونى بالمسايس مو بالقوة ;)

NaDiA AnZa7a said...

بسم الله انت من وين طالع توني امعلقة مسرع ما رديت علي
!!!!!!!!!
بعدين حط خيل من قالك لاتحط بس فيه اصور وايداحلى من هذي اللي لي شفتها حاشاتني اغلقة واكتئاب
وعاند مني ليما باجر ماراح يأثر علي اعنادك .. بس اهي مسألة ذوق واحس هالصورة مافيها ذوق جني بشارع الهرم

هههههه

Nescafé said...

والله صاجه يا ريما باللي قلتيه..

ومشالله كل مره اكتشف عشر تعش بلوق
ان شالله دوم في تزايد ..

وانا اشترك معاج باغلب النقاط اللي تحبينها بالبلوقز..

والله يخلي لج عيالج ويحفظهم ان شالله

على فكرة يمكن انا ماارد على مواضيعج.. بس انا متابعه بشكل مستمر :)

Яeema said...

nadia anza7a
إنتي لو الله يفكج من الإيميلات إللي إتحطينهن بالبلوق جان بلوقج بيصير أحلا بلوق


موضوعج إللي عن سيارتج إللي سحبها الونش من أروع المواضيع إللي قريتها

و قتلج علي طاري الكومنتس
حطيلها رقابة
و إللي يعجبج نشريه و إللي ما يعجبج
ديليييييييييييييييت


والله ولهت علي نجرتكم عندي

mishari
أنا عطيتك إقتراح بتغيير الصورة

نادية أثبتت هالشي

و إللي يحر مشاري إنها مو واضحة
إللي إنت حاطها

إنت كيفك يعني


nescafe
الللللللللللللللللله
ريحت القهوة أشمها من البوست

أموووووت علي النسكافيه و نزلوا نسكافيه إسبريسوو

عجييييييييييب

نرجع لموضوعنه سوووري

هاهاهاهاهاهاها

مو علي من سطر بلوق
علي من جابله و كتب فيه شي ينقرا
إحترام عقلية القاري مهمة حتي بالنكته و القصة

مشكور علي الدعوة الحلوة
و ثانيا مشكور و يشرفني قرائتك حتي إذا ما علقت

أدري إن ساعات يطوف الموضوع بس يعجبك و تقراه و تستفيد و هذا أهم شي

3ateeja said...

يا هلا ريما ..
كلامج جيد وظيفي على هذا الأيكون..يجهل البعض ان الأيكون هو رمز الانسان الصوري ودلالته البصريه ...يعني من اشوف حصان اسود الباك قراوند ازرق اعرف على طول انه مشاري ...ولحصان ايضا رمز لعدة امور ...
بلوق ارتاح فيه نفسيا ..بلوق كظماوي وكويتيه :)

cozy said...

I agree with you it doesn'treflict the person ..wejhat nathar ,to me i hate "el she3er+el sho3ara'a " a7es enhom nas fathya o esefoon 7achee hehhe...

Яeema said...

3ateeja
شكرا علي الزيارة فقدناج
علي الرمز إحنا قاعدين إنطفر مشاري
لا أكثر ولا أقل

و أصلا الموضوع ما إنطرح للمناقشة

بالنهاية إللي يهمنا الكلام إللي ينقال
عشان ما إتروح نكهة البلوق

أنا مدونتج المفضلين تكون لما تتكلمين عن الوالد و تتحلطمين
أحس إنها مدونة فيها حياة
طبعا هذا يبين ليش إن كل بوست في أجزاء ما أتابعه أو أعلق

بالتالي ما يمنع إن لج قرائج و ربعج

هذه طريقي بالقراة
لا أكثر ولا أقل

Яeema said...

cozy
hahahahahahaha

ok dear , i cant add anything to your words , your point view and i respect it
next time if i write something i wont say it's me , i dont want you to hate me
lol

Mini Я. said...

sara7a ma kent adri 3an il-blogs ela menech intay..thanks for teaching me ya a7la blog ;)

oo shay thany..khalaiteeni qasben 3alay agra 3arabi oo ham thanks to you ya a7la blog ;)

keep up the good work reema oo allah yekhali lech e3yalech inshallah :)

(booseehum lee!) :P

eSGHaNooNa said...

ana ma3aach ..el blog 7elow enna ykoon 3n ara'a el shakhs nafsa ..

oo elsara7a fee mwathee3 wayed elwa7ed wedda yakteb 3nha ..

ana tawa my blog new ..o enshalah raa7 anawe3 feeh ..7ayaakom allah ;)

eSGHaNooNa said...

ana ma3aach ..el blog 7elow enna ykoon 3n ara'a el shakhs nafsa ..

oo elsara7a fee mwathee3 wayed elwa7ed wedda yakteb 3nha ..

ana tawa my blog new ..o enshalah raa7 anawe3 feeh ..7ayaakom allah ;)

eSGHaNooNa said...

ana ma3aach ..el blog 7elow enna ykoon 3n ara'a el shakhs nafsa ..

oo elsara7a fee mwathee3 wayed elwa7ed wedda yakteb 3nha ..

ana tawa my blog new ..o enshalah raa7 anawe3 feeh ..7ayaakom allah ;)

Яeema said...

mini-r
ga3id ettaghazal bel blog wella feeny?

etha feeny as a blogger accepted
etha for my blog tarra aghaaar

lol

good to know that you love this world

Chai-7aleeb said...

REEMA AND KITTY



الله يخليكم لى ولا يحرمنى منكم

Warda said...

a7la blog marait 3alaih ihwa blog wa7id isma "CHAI-7ALEEB" ...Its one of the best ....very funny and he makes u smile while reading :) il 9ara7a his blog ma3a i7terami le jameee3 il bloggers imkhafef 3alay 7ar oo dheegat khilg il 9ayfiya :)

CHAI-7ALEEB keep up the good work :) and THANK YOU for making us all smile :)you're the best :)

3afoor said...

ya 7asrat galbi 3ad tawwich zaffatni 3ala ilpost illi iyeeb ilghligah ..wa3ad wa3ad no more theegat khilg ;)
sara7a sij sij your post is one of few posts that i have to visit daily

Яeema said...

chai-7aleeb
ولا تحرمنا مو مواضيعك الحلوة
;)

Яeema said...

warda:

i am supporting you with every word

Яeema said...

3afoor:
والله العظيم ما قلت شي
بس قدمت خدماتي بالتبني
هاهاهاهاهاهاها
كتبي إللي تبين
عزيزة وغالية يا عافور

أُكتب بالرصاص said...

ملاحظات جيدة
مفيدة لكل بلوجراوي وبلوجاراوييية
صعبة قوي الكلمة دي

هأحاول اطبق معظمها
واطنش المعظم الاكبر
:)

بجد حلوة

آحسـآس طفلـه said...

مآشآء الله عليك جدبلوق تبعك رووعه
تووني مبتدئه بالبلووق وحايسه الدنيا :$
اوونه بتعلم منك كيييف
صدق يوسع الصدر
من افضل لافضل ان شاء الله عيني ،،

: )

beensoft.com said...

السلام على الجميع **********************
الكل تعبان بالدنيا والكل يدور على المتعة والمتعة هى الكمبيوتر واجمل ما في الكمبيوتر النت والبلوجات والمواقع الممتعةوالوولبيبرات الرائعة منها الطبيعة الجميلة والسيارات والازهار والمدن والانميشن والماتورات والبنات ياسيدى البنات وجمالهم ارجو ان تمتعوا ناظركم بهن سيكسى وولبيبر هنا www.beensoft.com