Sunday, August 20, 2006

innocent friends




صايرة موده بالكويت ما كنا ننظر لها بهذيك الأهمية

سوء النيه بكل شي و من الطرفين، من عمر الدنيا كان لها أصدقاء من كل مكان بنات و شباب ، مو بالمدارس أقصد عيال عمنا و عيال خالاتنا و ربعهم بالشاليهات و ربع عمامي لصغار و كانوا يخافون علينا و إذا بقينا شي بس إنقول يا فلان ، و يوم كنت أدخل مدارس صيفيه بره الكويت و كنا عادي إنتعامل مع الوضع و أصدقاء من جميع الجنسيات و ماكو سوء النية .

دخلت الجامعه و أنا عادي ماكو مشاكل ، هذا يبي شي يطلبة و هذي تبي شيء أعطيها إياه

إشوي شوي قاموا البنات ينغزون ، إنتي ما بوقا أحد ما إتعرفينا و يكلمج؟

قتلهم شفتوه كلمني بالموبايل؟

شفتوه كلمني بالمطعم برة؟

إحنا بالحرم الجامعي و الريال ما قال شي و قاعد يكلمني جدام الكل و علي الملأ و بسكم هالأفكار السيئه إللي في بالكم و البنت إهيا إللي تفرض إحترامها .

و علي فكرة لو شفنا بعضنا برة أثنينا إنصد عن بعض هاهاهاهاهاها

تخرجت و إشتغلت

أبوي : ديري بالج ترا كل الرياييل ما يبون إلا شئ واحد من البنت ( و طبعا عارفين شنو الشي ماله داعي أوضح )

أنا ما يازلي الحجي لأن 4 سنين بالجامعة إللي يبي شي يعرف وين يروح و حق أي بنت

5 شهور و تزوجت

ريلي : ديري بالج ألحين إنتي مو شايله بس إسمج ، إنتي شايلة إسمي الكلمة عليج محسوبه

الحين الكلام سمعته من ناس قراب لي و يخافون علي مع إن عقلي يوزن بلد و أعرف شنو إللي قاعد يصير

دخلت مسنجر طبعا أصدقائي جدا محترمين و حدهم مسنجر

إنزين الحين لييييش ماكو صداقة بريئه؟

ممكن أنقل لكم مقاله ؟

لماذا لا يفهموننا؟ لماذا يسيئون الظن بنا؟ إنها علاقة بريئة، بل هي صداقة بريئة فلم يخافون علينا منها..؟!

تساؤلات كثيراً ما ترددت من الفتيات.. بعضهن واجه أهله بها، وبعضهن سأل عنها أصدقاءه، وبعضهن ظل السؤال حبيس أذهانهن فقط يتناقلنه بينهن..

الصداقة البريئة هي مسمى عصري حديث لكلمة "الاختلاط" يقولون أنها مجرد صداقة ليست حب ولا غرام فهي صداقة بريئة بين الفتى والفتاة لا بين فتى وفتى وفتاة وفتاة، فإن كان يسمون كذلك فلابد من أن نبدأ بتعريف الصداقة أولا، وماذا تعني؟

فالصداقة: علاقة خاصة بين شخصين جمع بينهما التعارف والتقارب والتآلف من خلال مواقف الحياة المختلفة. والصداقة تقوم على الصدق في المعاملة وفي كل مظاهر الحياة فإن الصداقة ليست متهمة حتى نبرئها. أما إذا نشأ بين فتى وفتاة ذلك الميل الطبيعي الذي يحدث عند التعارف بينهما من أول لقاء ومن أول نظرة.

من منكم يؤمن بالصداقة البريئة بين الشاب والفتاة.

هل تعتبر صداقات النت المحصورة بالنت صداقات بريئة؟

هل المفروض إنكون صريحين ويا صداقات صار لها سنين بالنت؟ ( عتيجة تذكرتج )


35 comments:

lawyer said...

اكيييييييييييد في صداقات بريئئئئه
و الي يقول غير هالشي
اهو الي نيته مو زييييييييينه

و اهوووووو العيب فيييييه

مو في الصداقات

the tooth.fairy said...

واااي جنّج تقرين أفكاري ، كنت بطرح موضوع مشابه للموضوع هذا البوست الياي

آنا شخصيا ضد سوء النية و أتفق مع لوير إن اللي يقول هالشي اهوا اللي العيب فيه

لأن مرات الصداقات بين الجنسين ممكن أن تكون مبنية على الاحترام المتبادل ولا شيء غير ذلك

لأن المرة اهيا اللي تضع الحد الفاصل والخطوط الحمراء، و اهيا الشخص الوحيد اللي يشيل هالخطوط والحدود بنفسها مثل ما حطتهم

بس وايد في بنات عيارة اتسوي روحها ما تدري

bottom line: I respect mutual-(guy/girl - girl/guy) relationships and Im not against them

Caz said...

ذكرتيني في سالفه صارت مره بيني و بين ربعي عن مسميات الصداقه ..انا شخصيا اعتقد اكو وايد ناس عندهم كذا تسميه للصداقه ...يعني مثلا الاصدقاء الي يتعرف عليهم في الدوام يسميهم "ربع الدوام" ..اصدقاء المدرسه "ربع المدرسه" ...اصدقاء النادي "ربع النادي" ...كلمة ربع ماتيي بروحها الحين لازم يكون وراها تعريف اي نوع من الربع ...حتى في الديوانيه اكو جم واحد تعرفنا عليهم من النت نسميهم "ربع النت" بس طبعا ما نقول جدامهم جذي بس لو ننسئل بره هذا اللي نقوله مادري ليش ..

بس عموما صداقة البنت بالشاب هذي لها الف نظره مختلفه في مجتمعنا و مستحيل بيي يوم كل المجتمع بيرفض او يقبل هذا الشي لاننا مجتمع مسلم والمفروض انه محافض ...و في الاخير احنا ايضا في مجتمع فيه حريه والناس مالها شغل بحد ...الكل يسوي الي يبيه دام انه واثق من اعماله ...وهذي الحريه.

3ateeja said...

دام تذكرتيني ..عيل احتمال كبير انج تكونين متنبأه بجوابي :)

الصداقه بلكويت بين الريال والمره لها عدة مسميات ..
زميلي بالدوام
موظف عندي
زميلي بالكليه
زميلي بالقائمه
معرفه
صديق العايله
مدير الاداره الثانيه
مشرفنا
مشرفتنا
رئيس لجنه عندنا
ونجهل سؤال ..شمعنى اهوه..شمعنى اهيه؟؟؟
خدوم ...طيب ...يحب يخدم...اشوفه يخدم الناس كلها ..و و و و و و
ونحاول كثر ما نقدر ان نبتعد عن كلمة صديق ...مع العلم ان اهوه بالذات ..صديق ..وليس بالضروري يكون من الدرجه الأولى لكنه صديق

صداقه النت حالها حال اي صداقه ...شمعنى اهوه؟؟؟
شمعنى هالانسان من بد الناس كلها
لأن صديق ..والصداقه سواء بين جنسين مختلفين او متشابهين قد تكون بريئه او غير بريئه ..شلون؟؟
اثنينه صاروا ربع علشان يشيلون المدير لفلاني <<< هل هذي صداقه بريئه ..مع العلم انها من نفس الجنس وخارج اطار النت ..
ج1:
يوجد صداقه بريئه ...بين الجنسين كما يوجد صداقه غير بريئه بين الجنس الواحد سواء بالنت او غير النت
ج2:
وقد تكون صداقه محصوره بالنت بين الجنسين غير بريئه ..وقد تكون صداقه امتدت لخارج النت بريئه ..
ج3:
على حسب شخصيتي وشخصية اللي جدامي ..يعني المده الزمنيه ماهي شرط :)

Diver said...

الصراحة ريما تحطين مواضيع التعليق عليها يبيلة مقالة
على العموم انا اعتقد ان الحدود تحطها البنت بالعلاقة فاذا بغتها بريئة اجبر الطرف الاخر على برائتها و اذا بغتها غير جذي صار الي تبيه
المشكلة ان الخير يخص و الشر يعم و انتو شايفين الي يصير بالنت و على البال توك
الله يستر علينا و عليكم و على امة محمد

Anonymous said...

There's only one friendship that I see as more valuable than anything...and you already know about it. :)



ahdee lech hal e'3neeya: Kon 9adeeqi

ehda'a 7agech oo 7ag lawyer oo shesemha hatheech ely malha 7es kelesh?! :P hehe kidding...salmay 3alaiha ;)

Яeema said...

lawyer :
أتفق وياج



butterfly

والله أٌقولج شي إن لي صداقات سنين مالج أمل إتهدينها بسبب تخلف مجتمع

and i am with you , i dont look at them as something bad , the bad always in the mantality of a woman not the man :p



G.Q

المسميات أتفق وياك و هذولا ربع مو أصدقاء ، فراح إنخلي الموضوع علي كتر


الصديق ما تختارة ، الصديق ينفرض عليك و حلو علي قلبك

فالصدفة البحته و إشلون إلتقيتوا هذا موضوع آخر

أنا عندي الصديق مثل الحبيب
ما تدري وين راح تلقاه
ولا شنو أصله و فصله
و لا و لا و لا


و إن بالكويت الناس مالها شغل بالناس
ف

الله يسمع منك
هاهاهاهاهاها

أًلا الناس تسليتها الناس

Яeema said...

3ateeja
عتوووج تذكرتج لما قلتي مواجيب و عزا و هل يصير إنوجب ربعنا إللي بالنت؟

و المسميات أتفق وياج ، بس إذا إخرجت عن هالمسمي؟

و صار و أو صارت صديقة

بس صج وايد نتساءل ليييش هذا ؟
و إشمعنا أنا بالذات؟

مع إن يكون عارف كل شي عنج و هم ما يبي منج شي


صج شي غريب

diver
شسوي إنت كل تتحلطم علي و علي مواضيعي مع إن حطيت إختصار
إنت عن نفسك
مع و إلا ضد
إذا شفت 2 قاعدين يسولفون شنو نظرتك لهم

Яeema said...

mini-r
my friend! be proude to say that i am one of your friend !

allah yekhaleek 7aggy o mashkooooooor wayid wayid , ta7amalt 7annety !

like i dont know for how manny years!

1998? or even b4 !


thank you for el ehdaaa2
and her name is ( nadia anza7a )


mulan
i will tell you why your mom said that , male friends dont fo problems and they love you and care about you and they dont listen to outside talks!
simply coz they dont get mix with girls .

girls always talking and talking and you get closer and closer they later
she it out

most my closes friend on the net , coz still i cant see them out side , coz i am married .
i guess net is OK specially with out daily roten life , you dont have the time to do all this

Яeema said...

زلفاوي

حاي الله أهل الزلفي

" precious human relationships anyone would be lucky to have. "

i am lucky :)

i love these words you just said .

we hop it will never turn , or they will going to lose the innocent friend .

thank you for the visit ;)

Diver said...

انا ما اتحلطم على مواضيعج انا ما اقدر اصلا
بس يمكن محتر لانج ما تمرن علي
بالنسبة للموضوع كلامج كلة صح انا اتذكر ان احنا شباب و بنات كلا و يا بعض سواء في النادي و ال الجامعة و لا لما نطوع
اما اذا شفت اثنين يتكلمون ما بيني و بين الله ما اظلمهم و لا احكم عليهم

Яeema said...

diver :
ليييييييييييش لييييييييييش

هاهاهاهاها
أنا أمر عندك بس يصادف كل ما أمر ألقي موضوع سياسي

أنا ما أعلق علي هالمواضيع و لا أحبها و لها ناسها

أحب الموضوع الخفيف اللطيف إللي يبرد علينا هالصيف الحار

و قتلكم من زمان المدونات ما إنجامل فيها
الموضوع إللي إنحبه بنعلق فيه
و إلا ما إنحبه بنخليه و بندور غيرة


هالأيام النت زفت
أقصر سيرفر دي - أس - ال
مال كواليتي نت


شكلي بشتري كروت أبرك

و ترا إذا كتبت بالسياسة هم ماني معلقه
هاهاهاهاهاها
أنا ما أجامل بالنت

Anonymous said...

allah yekhaleech lee oo 7ag raylech, e3yalech oo ahalech inshallah :)

ee 1998 wela shay chithe..hehe sneen ha?

i know her name..bas chithe age6 na'3za chithe kobri :P

salmay 3alaiha waJed waJed!

another song for you to listen to: Stand By Me (Ben E. King)

;)

The Simper said...

I agree with many commentators on your post.. FRIENDSHIP is defined in a good way.. and i don't think it has a NEGATIVE connotation to it. the problem lies in with those people who start by using friendship to get what they want!

sometimes people can know the objectives and goals of others, and some other times 'unfortunately' they don't, and they fall for them.

this is life.. it is never fair for all.

one thing comes to mind when talking about "friendship", how do u define it? what does it mean? what do u do to your FRIENDS? how far do you go with talking to them and communicating with them and helping them out and going out with them?

the answers to those questions would probably be different for same-gender friends or opposite gender.

and of course, different people have different answers :)

but i like hearing how people think/talk about it :)

Mohammad Al-Yousifi said...

في صداقات بريئة و هذا شي عادي

في زمالات و صداقات بين الجنسين

بس تبين الصج؟ الصداقة بين الجنسين حالة ممتعة جدا و مفيدة جدا للطرفين , مشكلتها الوحيدة انها قابلة لكسر حدود الصداقة و الانتقال الى حالة العلاقة العاطفية أو الجنسية بسهولة تحت ظروف معينة

هذه مشكلتها الوحيدة و اهي اللي تخوف الناس على بناتها و تخلي والدك و زوجك يحذرونك من هالانواع من الصداقات و نفس الشي انا مسويه مع زوجتي و انشاءالله بنتي

Chai-7aleeb said...

خلاصة الموضوع

كله يرجع على التربيه بالبيت

تربينا لما الحين على الإختلاط و الحمدلله بناتنا و شبابنا كلهم مع بعض

أخاف تقولين إننى من كوكب آخر،لكن هذا الصج عندنا

الحجيه said...

السلام عليكم جميعا

الصداقة كلمه عظيمه بمعانيها ولكن السؤال من هو الصديق في اعتقادي الصديق الحقيقي هو الوحيد إلي ما يجاملني ويكون لي مثل المرآة ينتقدني وينصحني ويوجهني والعكس صحيح القصد أن نتقبل نصح بعضنا أو انتقاد واقبل توجيه ؛ أذا لم يكون الصديق صادق في تعامله معاك وفيا فليس بصديق

قد يمر عليك في حياتك أشخاص وايد لهم بصمات
في حياتك و قد أثروا فيها ... لكن لعد فترة من
بعدهم عنك تنساهم ...

صديقي .. إن طال غيابي سأل عني و إن فقدني
بحث عني يذكرني و إن كنت بعيدا عنه يؤلمه ما يؤلمني ..........يحاول ان يخفف على بكل ما يستطيع .
يقف مع الحق لو ضدي و لا يقف معي ضد الحق ..
صديق صدوق صادق منصف .. و إن لم تكن صداقة
مبنية على أساس فلا مفر إن انتهت بعد فترة
أو حتى عند أول زلة ..
الصداقة تحدد بحسب الأشخاص ونياتهم ولهذا السبب لازم يكون الواحد منا حريص جدا جداً باختيار الأصدقاء ؛ اعتقد الصراحة فقط لا قرب
إنسان لي يكون أريح للنفس لأني لا اعرف نواياه البشر والزمن علمنا الحرص

في حكمه حلوه : سئل حكيم : ما الحكمة ؟ فقال : أن تميز بين الذي تعرفه والذي تجهله


الصاحب للصاحب كالرقعة للثوب ، إن لم تكن مِثْلَهُ
شَانَتْهُ

قل لي من تعاشر أقل لك من أنت
( سرفانتس )

Unknown said...

لو خليت خربت
واعتقد ان علاقات العمل كونها اطول مدة وفيها عشرة اكثر من البيت احيانا هي من اكثر العلاقات الصحية بين الرجل والمراة في الكويت

bo9ali7 said...

أؤمن انه قد يوجد بين الرجل والمرأة علاقة صافية او شريفة ان صح التعبير..ولكن لااسميها صداقة..

mishal said...

والله من سنة جد جدي وانا اسمع ((طالعت لي -تبيني-تموت علي-البنات يلحقوني)) وهم بعد البنات بالمثل


نجاوب على الأسئله===========
من منكم يؤمن بالصداقة البريئة بين الشاب والفتاة
أنا لا ؤمن بمثل هذه الصداقات قد تكون هناك علاقات مع موظفات او زميلات دراسه او زميلات عمل ولكن الحديث لايخرج عن نطاق التحيه والعمل أما عن الصداقات فمثل مايقولون اولها دلع واخرها ولع
:)
هل تعتبر صداقات النت المحصورة بالنت صداقات بريئة؟
والله اللي شفته وسمعته من الشباب تكفيني لأقول لا:ليست بريئه
لكن مثل علاقاتنا في المدونات انا اشوفها علاقات بريئه انا جذي نظرتي

هل المفروض إنكون صريحين ويا صداقات صار لها سنين بالنت؟
الله امر بالستر ومن فضح امر ستره له الله كانت محسوبه عليه
-------
:)

ريما انتي ناقصج مطبعه
مشاءالله نغيب يومين عن النت نرجع ونلقى مدونتج مليانه مواضيع جديده

حتى ان اصحاب الردود الاولى يكتبون كلمتين بس عشان مسمى اول صاحب رد على الموضوع
حتى مره شفت الكومنت صفر كتبت كومنت بسرعه وضغطت على نشر لقيت 3 اسبوقوني (يافرحة ماتمت)ـ
:(

نون النساء said...

اي اكو صداقات بريئة بالنت
ليش لأ
بس من خلال تجربتي ترا اهيه قليلة جدا
ومو كل شخص ممكن يكون صديق
ونقدر نعتبره جذي

بس هالنوع من الصداقات قابل انه يتحول الى علاقة عاطفيه
اذا مو من الطرفين من قبل طرف واحد
لووووووووول
بتصير الحاله كسيفه بعدين


.
.

ولا مو محصورة بالنت ممكن اتكون موجودة
بالحياة العاديه
حتى داخل محيط الأسرة الواحده
انا ممكن اكون صديقة
حق ولد عم ابوي اللي بمثل عمري
شنو يمنع
عاادي


لكن مسمياتها تختلف على حسب الشخص
زميل
جار
علاقة شغل
جماعتنا
يعني جذي

SAJA.S said...

ياني اكره سوء النيه
عاااد تدرين حاشتني سالفة سوء النيه خال اقولج
اول ما اشتغلت .. اشتغلت مع ريلي في نفس المكان .. فكان مرات يمر على مكتبي نقعد في مكتبي نسولف او اروح مكتبه
مرات ننزل الكافيتيا انتريق مع بعض
ومره من المرات في بنت غبيه روجت شائعه قايله وااااي اتعرفون هالبنيه الفلانيه

ما يكفيها تواعده في الدوام بعد بره الدوام في المسافط
غبيييييه ....

بما انني لدي صداقات انا وزوجي من الجنسين وانا وزوجي مشتركين في نادي يضم الشباب والبنات .... وساعات الشباب يدقون على تلفوني الخاص فتعالي سمعي التعليقات السخيفه
بس انا اشعلي منهم اهما اللي راح ياخذون الاثم مو انا



فيا نااااس وخروا عن سوء الظن

Яeema said...

mini-r :
شغل إنجليزي ترا ما أفجج الكلام

هاهاهاهاهاها

مشكور وايد

kitty
معاج

إييييه والله الحبيب ما يدوم و الصديق أهوا إللي يدون
يدوم

Яeema said...

the simper

the problem lies in with those people who start by using friendship to get what they want!


AGREE!



kila ma6goog
صح وياك إنها تتطور و هنيه المشكلة

Anonymous said...

باخذ العزيزة جدا لوير كمثال للمؤمنين بالعلاقة بين الجنسين:

قصص فيها كلمات مثل قو** ومصطلحات هتلية ومغازلجيه

دينه وتدعو لله بالحكمة والموعظة الحسنة وخلت رفيجتها تصلي وهي تكلمنا عن فهيد مادري حميد حبيب القلب الى يغط بمسيد الصقر

اعلنت عن احتياجاتها الجنسية وانا اقول اعنبو دارج خيلي! رجاجيل مايقولون الكلمة هذه بالعلن
وكل هذا من باب التمدن والحضاره والتطور مالت عليها من حضاره
لولااقول مالت عليكم انتم الى موفاهمين شي وماخذيتو منها الا قشورها

ريما انت حالة غريبة
لكن ماتستاهل احترامي
الى مايحشم نفسه محدن يحشمه

Яeema said...

chai-7aleeb
لا والله ما أستغرب لأني تربيت في نفس البيئة
عشان جذيه أعرف أفرق عدل بين الشغلات

بس الناس مو كلها مثلك
عشان يشوفونها إنها جريمة و إشلون يصير جذيه





love nature

a9abi3 eeedich mo soowa
bas la yafrethon rayhoom 3alena w ye7assesona enna shay WOW to have it !

Яeema said...

pazzi

it is , it's really IS

specially when he help you with something , gitls cant do it for each others .

الحجية
أقولج سر بيني و بينج

أول مرة أقرا تعليقج 5 مرات من حلاته

وايد وايد وايد عجبني

مشكورة ما أقدر أضيف عليه

Яeema said...

عاجل

علاقات العمل مافيها أسرار
أتكلم عن الصديق إللي يسمع و ينصحج و يقول هذا كيت و هذا كيت

و أنا ما أحب تكون لي صداقات رجال بالدوام ، و خلينا بعاد أبرك
هذي زماله إيييه بس مو صداقة



bo9ali7
أحتاج شرح بسيط لمفهومك إذا سمحتلي في هالطلب

Яeema said...

mishal

أول شي أحترم رايك جدا و يمكن إنت مو من النوع إللي مر بهالنوعية من الصداقات


سر إني أكتب بوست كل يومين

أنا بإجازة و يايه المدارس و راح يمكن ما أقدر أكتب

فقاعدة أتمتع بالمواضيع إللي أحس إن مجرد قراءتها تفيد إشويه و مو شرط إتعلق عليها و أقصد إللي طافك

راح أسوي إقتراح تبون بوست كل جم يوم؟



ضحكتني علي الثلاثة
إذا حطيت بوست يديد أكتب حق ربعي بالمسنجر إني نزلت بوست يديد فيروحون يقرونة و يعلقون عشان جذيه إتشوفة إن معلقين عليه

أنا مشكلتي مالي وقت بس بقولك بوستي الثاني الساعة بعد الساعة 12 الفجر

لحق يا ما إتلحق

نون النساء

هههههههههههه
إيييي صاجة مريت فيها و أنا صغيرة

إتصدقين وايد أنا صديقة عمي و عندي بيني و بينه أسرار ما أدري إشلون كنت أقولها حقة هاهاهاه

بيني و بينه 7 سنين


smile
والله صج ما أدري أمتا يبطلون يحكمون عالناس من المظهر

و يعني إللي بيسوي شي بسويه جدام الناس

ما أدري أغبية و إلا يستعبطون

lawyer said...

الرجوله انك تختفي و ما تعلن عن هويتك و تكتب بغموض و محد يعرف منو انت صح؟؟

هذي الرجوله؟؟
اذا هذي الرجوله فانا اجزم بأننا ارجل منك


ثاني شي
اذا لوير و ريما وايد شالعين قلبك
و حارينك
فليش مضيع وقتك و تقرا لهم؟؟

انت صرت مثل الدين الي يجابل قناه ميلودي و كل شوي يدق على القناه ليش عارضين هالاغنيه

يا اخي محد طاقك على ايدك

وايد هامتك لوير و ماخذه من وقتك
اذا انا عن نفسي
اكتب الموضوع و انساه من باجر

و انت خنت حيلي
ما عندك سالفه الا متابع و دارس التناقض و الشخصيات!!

لااااااااا الصيف عامل عمايله فيك

وايد ضايق صدرك
مو منك بس درجه الحراره برا 55
ما تنلام

و بعدين اذا انت اصلا شخص مجهول
انت نفسك ما احترمت ذاتك و عرفتنا في عمرك
انت اصلا مسخت هويه عمرك
و انخشيت مثل النعام

يااااااااي الحين تتكلم عن الاحترام
من طلب منك الاحترام


انا يا اخوي عادتا اذا جاني كلام من شخص جاهل
اسفهه
لكن هالمرا برد عليك
و تالي اسفهك
مثل ما سفهت ناس قللوا من نفسهم
فخلوا الناس تقلل من قدرهم

Яeema said...

anonymouse

أول شي أنا بحشمك لأنت ضيفي

و أنا وايد أحترم إللي يزوروني و يقرون بدون أقنعة


و ما أٌقصدك إنت


ثانيا

أحب أوضح شي
مو عاجبك أحد غمض إعيونك
هاهاهاهاهاها

أو إفتحلك بلوق ترا ببلاش
و إكتب فيه إللي تبي و جان ما إتعرف تفتحلك واحد أنا أفتحرك 10 بعد

و إكتب فيه إللي تبي
بس ماراح نقرا لأن صج صج ما عندنا وقت لعقليتك

إمتعب نفسك و إمجابل حرمتين
ما عندك شي أحسن إتسويه في حياتك؟

و ترا تعليقك زادنا ما نقصنا كلش

و مرة ثانية عندك عداءات لأشخاصنا يا أخي طرشلي إيميييل

إشذنب الناس إتشوف كلامك إللي يضحك

هاهاهاهاهاها
ترا هالمرة رديت عليك
مرة ثانيه بحطك بالزبالة
و ما تستاهل أقولك و إنت بكرامة
لأن صراحة إللي يغلط عالناس فيتحمل إللي بيله و معناتها ما عندك كرامة بالمرة

Anonymous said...

anonymous...ana agool lage6 wayhek ya 7elo...

lawyer: 3ALA RAAAASIIIII INTAY! :D

reema: yaaaaY! magdar magdar! a true feminine & "classy" reply ;)

Dr. Saleh said...

الصداقة شئ كبير بالنسبة لي ولا يمكن أن أطلق هالشئ إلا على أشخاص قليلون
أما بالنسبة للصداقة بين الجنسين فهناك زمالة ومعرفة ومودة في نطاق الدراسة والعمل وحياتنا الإجتماعية وأنا على يقين إنه في حال تواجدك مع زوجك وفي حالة إتصال زميل لك في العمل وبخصوص العمل وعند سؤال زوجك من هذا، فسوف يكون جوابك زميلي في العمل وليس صديقي لأن الفرق شاسع بين الإثنين، وهذا الأمر ينطبق على الرجل
كذلك
وهنا يجب أن نفرق بين الصداقة والزمالة، وهذا لا يعني إنه لا توجد محبة ومودة وإحترام وتقدير في حالة الزمالة بين الجنسين

tweety said...

ويييييييييييييييي
انا يايه مبجر وايد
:p
أنا مع الصداقة بين الجنسين وهم كنت بكتب عن نفس الموضوع
في علاقات أكبر من الزمالة وأقل من الحب وفيها إحترام متبادل ولا يوجد بها مايسيء أصلا من واجبات الصداقة احترام خصوصية الصديق والحرص على سعادته وعدم الاساءة اليه
وأنا عندي الالتقاء بالاماكن العامة أفضل من التخشش بعيد عن عيون الناس لأن كل شىء مكشوف ولا يوجد ما يخاف أن يعرف الناس عنه
والاختلاط بين الرجل والمرأة ليس خطأ بل مطلوب لأن المجتمع لا يجوز فصل أطرافه ولابد أن يعرف كلا الجنسين أسس التعامل بينهما وحدودهما
المشكلة ليست بالاختلاط او الصداقة او الالتقاء بالاماكن العامة
المشكلة في ما يدور في هذة اللقاءات وكيفية التعامل واسلوب النقاش

Anonymous said...

لوير ماما انت فيج عقد العنوسة
وريما عقد الحقران الزوجي
امراض نفسية ماتطلع الا بالنت