Sunday, August 13, 2006

comments!


شكلي بهد المواضيع الثقيلة و بجابل أصحاب العقول الصغيرة من لبلوغيرز

لاحظت الناس في تزايد علي التعليقات و كل واحد داش و بيدة عصا بيصلح تعليقات الناس ، ترا يا جماعة والله عيب إللي قاعد يصير و كبروا عقولكم إشوي ، البلوغ شي غير عن المدينه الفاضلة إللي إنتوا عايشين فيها و البلوغيرز فيهم من الزييين و الملتزم لييه الصايع الشيطان بس ونيس هههههه ، و إحنا إهني نحترم جميع الآراء بدون إسلوب القذف و الشتم المباشر.

والله صج كويتيين ماكو فايده كل ما إدخلوا مكان خربوه

إتلاقيهم هادين البوست و موضوعه و مجابلين التعليقات والمسكين صاحب المدونه قاعد يفاكك

يعطيك العافية أخوي هاهاهاهاهاها

إذا الكلمة إتقرقع بقلبهم ترا هذي فرصه حلوة لتهذيب النفس ، لأن التعليق جدام العالم ما يعكس إلا صاحب التعليق و ما يسوي عليه لو كان إللي متحرش فيه لسانه طويل و يهزأه جدام الكل ، يعني ما وصل وجهة نظره و تمصخر بنفس الوقت .

هل وده يثبت للبلوغيرز إن أهوا الصح و إحنا الغلط؟

ترا ما همنا لا إنت و لا وجهة نظرك ، بالنسبة لنا النك نكرة و طالمنا إن تطاول علي أشخاص ففقد إحترامه بعد

إشباقيلة بعد؟

رسالة حبيت أوصلها للكل صغير و كبير ، ركزوا علي الموضوع الأصلي و هدوا العالم خلونا إنشوف الوجه الخفي من الناس بدون أقنعة.

هي المتعة إنك إتشوف ناس غير ، و ترا الكل يدري شنو الصح و الغلط ، مو ناطرين تعليق من نكرة عشان يصلحون حالهم ، ماخافوا من الله و لا إستحوا من المجتمع ، راح ينصلحون من تعليق واحد ما يعرفونه و يناجر و هم ما إحترم الناس و جرحهم!

سؤال طرا علي بالي

ودكم التعليقات تكون المدينة الفاضلة و شريف أو شريفة روما و إلا أشياء غريبة و تنبهرون و إتقولوون ( بس بينكم و بين نفسكم ) واااااااااااااااااااااي أكو ناس صج جذييه بالكويت؟؟؟

20 comments:

the tooth.fairy said...

يا سلام

يعني آنا أفتتح الكومنتس هالمرة؟

اوكي، لاحظت بالفعل وايد ناس يتطاولون على بعض بالتعليقات لا وينقدون على بعض

الحين سؤالي. مو البلوغ وجدت للتعبير عن الرأي وما في نفس الشخص للتنفيه أو للتخلص من عبأ بقلبه لأنه لم يستطيع أن يقول لأحد؟

آنا أتوقع اللي يكتب شغلة ممكن تبين انها غلط لشخص يمكن اللي عايش في محيط ثاني ما يشوفها غلط

ويا ملق المواضيع اذا بتكون كلها مثالية وتحاكي المثالية

اشلون بنتعلم من أخطاء وخبرات غيرنا عيل؟ حتى السنن النبوية والأحاديث (القصد هنا ليس المقارنة) ولكن حتى هالمراجع تحمل تجارب و أخطاء بشر نتعلم منها

شغلة ثانية، هذي تعتبر مساحة حرة للتعبير، يعني الواحد يكتب رايه و بس، لا يلجأ لمحاولة التجريح أو التسفيه أو حتى تغيير وجهة نظر أحد

لأن بالنهاية اللي يبي يقتنع راح يقنع روحه بروحه

بس على قولتج "صج كويتيين"ـ

يا حب بعض الناس حق المداحر

اووووف بس وايد هذرت
شكرا رييما

Chai-7aleeb said...

أظن هذا البوست سبته إفرازات نفسيه من اللى صار أمس بالبلوغ مالتى

لووووووووول


لكن,يظل معاج حق و الحمدلله الأخوان مؤسسين و أصحاب شركة (بلوغر) عطونا الإمكانيه إنه نضغط على زر (الزباله) و نشطب اللى ما نبيه


وفعلاً،هالناس مالهم مكان إلا الزباله

حشاك و حشا القراء و السامعين

bo9ali7 said...

والله انج صاجة
ببساطة .. اللي عنده فكرة مغايرة او غير اعتيادية او مخالفة لقوانين الطبيعة خل يكتبها في مدونته
اشوة ان البلوغز اببلاش

mishal said...

يمكن بعض المدونيين الجدد تختلط معاهم الامور
فيعتقد ان البلوق هو شبيه للمنتديات

صحيح ان فيه ناس تكتب اشياء تخوّف وتطالب بأشياء غريبه لكن الرد المفروض يكون لصاحب المدونه مو للمعلقين

Unknown said...

خوش موضوع
علشان جذى انا كنت اقولج من زمان يمكن نختلف بالافكار لكن هالشى ما يفسد للود قضية المواضيع كفكر لازم نحترمها ولو تطلين عندى تلقين قربت تصير بسبة تعليق على تعليق
والله يستر :)

Anonymous said...

9a7 elsanech ya reema :)

wela asab3ech??

ana khala9...barash7ech ra'eesat jomhoreeyat il-blogat..shrayech? ;)

Mommy S said...

sajja wallah.....mako faida kuwaiteyeen me 3endena ella el nejra o kel wa7ed 3ad roo7a ma3soom min el kh6a'a ;)

العين الساهرة said...

كلامج صحيح

والبلوقز فيها الجد وفيها الكوميدى مثل زميلنا جاي حليب وكل واحد يعلق في المدونه اللى تعجبة مالا داعى التجريح والغلط يشوفله مدونه ثانية يعلق فيها

Anonymous said...

هاهاهاهاهاهاهاي..انا من مصلحين الكون
كل فرد تراوده نفسه على السخافة والمعصية وقلة الادب لكن السنعين يستحون من نفسهم قبل غيرهم.
SO
حتى وهم يكتبون بالبلوغ ومحد عارفهم يمسكون عمرهم ويحشمون نفسهم قبل لايحشمون اسمائهم وعيالهم وازواجهم وابائهم.

The Simper said...

can i comment on the comments above? ;)

Mohammad Al-Yousifi said...

ما احب ارد على التعليقات

الرد على الموضوع الاصلي الا اذا كان الموضوع الاصلي هو نقاش مفتوح

Anonymous said...

ريما وين راحت لوير؟

بلغيها سلامنا وقوليلها مشتاقينلها إحنا القراء الصامتين

الحجيه said...

السلام عليكم جميعا

يالريم البلوج مثل مصغر للعالم إلي نعيش فيه يجمع
كل شكل ونوع من البشر وكل واحد يمثل البيئة ألي
عايش فيها صالحه أو فاسده ؛ المفروض الواحد فينا يتوقع الغير متوقع حتى لا ينزعج ويتضايق من إلي ينكتب من البعض ؛ في بيت شعر وأيد حلو
للشافعي
يخاطبني السفيه بكل قبح،،، فاكره أن أكون له مجيبا وقوله ,,,,,,,,,,, يزيد سفاهة فأزيد حلما ،،،،، كعود زاده الإحراق طيبا


وقوله ,,,,, لمن نعطي رأينا

ولا تعطين الرأي من لا يريده ... فلا أنت محمود ولا الرأي نافعه
وسلامتكم

3ateeja said...

البلوغيرز فيهم من الزييين و الملتزم لييه الصايع الشيطان بس ونيس هههههه <<<< انا هنيه ظحكت مادري ليش هههههههه
ريما ..ترى بوستج هذا يعطيهم اهميه..:)
ودامهم مو مهمين ما يستاهلون بوست يهني بتعدلين اطباعهم الحين ولا بتسوين لهم اعادة تربيه
يقولج المثل يا وخيتي
انفخ يا شريم ...ما من برطم
فهميني شلون لشريم ينفخ يحط عووود يعني ؟؟

SAJA.S said...

كلاج صح الصح .. يعني عيب اللي قاعد يسوننه بعض الناس لا واللي يبط الجبد انه ماكو اسلوب
مشكوره

Diver said...

ريما
انا ياطويلة العمر اكتب الموضوع و احاول اني اقرا التعليقات و قليل جدا اعلق على تعليق مكتوب على الموضوع
يعني اكتب الي ابيه و اخلي القرعة ترعا
اتهاوشون يتطاققون كيفهم
انا الي بجبدي طلعته و بس
من الناحية الثانية التعليقات في المدونات تكون محترمة لاني لازم احترم الناس عشان يخترموني

Treat people the way u want to be treated
و السلام

نون النساء said...

عدل عدل

lawyer said...

ريماااااااااااا

في كلمه عراقيه

تنقال في هذا المقام

طرقااااااااااااااعه عليهم

ماعليج من الي عقوولهم صغيره

يا شيييييييييخه

اسفهيهم
اتريكم عنك

Яeema said...

butterfly
in my blog dreams come true!
hahahahaha

chai-7aleeb
مو إنت بوستاتك تفضح
قاعد إتبين الوجه الآخر من الكويت
و إبتلشت فينا
بس والله أثبت أصلك و كل أقول حق كيتي
والله هالجاي حليب ريال بكل معني الكلمة
مشكور وايد وايد

bo9ali7
بالضبط
أهم شي ببلاش و مناشبينا

mishal
لا والله بس في ناس طبعها إتحب إتداحر


kitty
بسميييج حمالة الأسية وياي
إنتي مو بس كومنت
إنتي يداحرونج بموضوعج

هاهاهاهاه

mishari
مو بس بلوقك الكل قاعد يصير وياه
الموضوع بدا من شاي حليب
كييتي
كلا مطقوق

ياخذون الموضوع بصفة شخصية

إنت أسميهم طاقتهم البوهة
إللي قاعدة أتكلم عنهم هواش بالأسم

فلان فيييك
فلان عييب
فلان ما يجوز


mini-r
صح إبدنك حبيبي

تعال مو جننه الماك صار في عربي
إطبعلي إشوية عربي لو سمحت


shaikhoona

o yareet 3ala sanaa3 o addab!
3ala gellat addab walla


el3in alsahera
إبتلشنا فيهم والله


anonymouse
من ضحكتك إلا أول شي حسيت إنك تتطنز

SO
yalla we all hehehehehehehe

إللي بحشم خل يحشم و إللي مو حاشم هم كيفة مدام هالشي يونسه
أنا شاكو فيه

خل كل واحد يعابل بنفسه أول


nadia anza7a
لا تنسين إن هالأشكال إحرمتنا منج
و هذا إللي حارني أكثر
والله إني فقدت بلوقج

the simper
comment but with out hurting the feeling or to aprove that you point it the right one !

;)

i am with the adding to subject comments , but not the hurting one

kila ma6goog
إنت تعليقاتك خل الكلام ما قل و دل

و إلا
ممتاز

:p

anonymouse- 2
she is here now :)
elsalaam wo9al

الحجية
أول مرة أستانس وايد من كلماتج لأن فيها بصمتج و فكرج
مو نسخ و لصق

أشكر كلماتج الطيبة

3ateeja
أنا كل إنسا عندي له أهمية و إلا ما كتبت عن الناس إللي تجرح بالكومنتات

بس ساعات الواحد ما يحس بعمرة و عبالة الشخص إللي جدامة مستظرف دمه

أصلا لو أنا مو إبإجازة و الجو حلو جان يمكن أسكر بلوغي
بس نحتاج إنعيد الميزان

إننجل وايد
مثل ما قالو الأخوان
يفتحله بلوغ و يهذر علي كيفة بالمثل و الأخلاقيات

و بنييي إنناجرة
هاهاهاهاهاه

smile
مو عيب و بس بس خارج نطاق الأدب العام
تجريح

العفو حبيبتي


diver
المشكله إنهم يعيلون عليك عرفت؟
إنت ماشي و مالك شغل إب أي شي و إلا جااك بووم
فلااااااااانا !؛
ترا الحجي عيييب هاا!!؛
بسم الله الرحمن الرحيم
هاهاهاها

نون النساء
عدل لو مو عدل؟
لأ لأ لأ
مو عدل

هذا مسلسل منو يغني هالأغنية؟


lawyer!
بعد قلبي والله فقدناج

true

The Simper said...

alah ehadaach..

shayfatna namshi o hurt others?